Thursday, November 05, 2009

ما يصير الخداي....نعمه ؟؟؟؟؟؟؟؟؟

كان هناك فيلسوف وجاهل قررا أن يقوما
رحلة للغابه وبعد ما وصلا إلى بقعه جميله
أعدا خيمتهما وتناولا العشاء وتسامرا
ثم ذهبا لخيمتهما للنوم
وبعد منتصف الليل أيقظ الجاهل صديقه الفيلسوف
وقال له: انظر إلى الأعلى وقل لى ماذا ترى ؟
فقال الفيلسوف: أرى ملايين النجوم
فسأله: وماذا تكتشف من هذا ؟
ففكر الفيلسوف قليلا وقال لو قلنا فلكيا
فيدل على وجود مئات وملايين الكواكب والمجرات
أما بالنسبه للوقت
فتقريبا الساعه الأن قبل الثالثه صباحا
وبالنسبه للجو
فأظن أن الجو سيكون صحوا وجميلا غدآ
ثم أخيرآ فإن الله سبحانه وتعالى يرينا قدرته
وكم نحن ضعفاء وتافهين بالنسبه لهذا الكون
ولكن قل لى أنت: على ماذا يدلك هذا المنظر...؟
فتردد الجاهل بالإجابه وولكنه قال بكل بساطه
إنى أحمد الله على نعمة الجهل عندي
لإنني أرى الأشياء على حقيقتها مو مثلك
وما أراه الأن ومتأكد منه أكثر منك
أنهم بااااااقواخيمتنا...خل التفلسف لك
والأن فقط حمدت ربي على نعمة الخداي
تصدقون
توصلت إلى نتيجه
إن بهالزمن ما كو أحسن من الخداي
ومحد مستانس وقلبه أبيض أكثر منهم
لإنهم يشوفون الحقيقه واضحه بدون رتوشات
الله يهنيهم ويعطيهم ربي على نيتهم

ذبحناااااا التفكير وخصوصا التفكير العميق
حتى خنقناااااااااااا خنق
فقصر بأعمارنا وأصبنا بالأمراض والكأبه
يالله العافيه و الستر
نكشششششه
حجزتوا حق العيد...؟؟؟؟؟؟
والا مثلنا ...طريج بر
نظرا لظروف صفقة زين الإقتصاديه
وسلاااامتكم

26 comments:

star said...

مسااااء النور والبنور على الحلوين

شان الزمن و لا البشر طبعهم شان ولا النوايا الصافية ضيعتنا

اي والله الخداي نعمة مع انها تحرررررر كصفة في الي حواليج أو فيج في بعض الاحيان ودج ما تصرين مخدية ولازم الوحده يحي قلبها لأنه الناس صارو يخرعون ;(


بس والله يا حلو البساطه والوضوح في كل شي بسنا من تعقيدالتفكير والمسائل ما يابو لنا غير الازعاج واللوية على غير سنع



زين تسوون بفكرة سفر البر ما شاء الله تبارك الرحمن الجو يهبل ولا صرتي انتي رفيجة الدرب زين على زين

الله يحفظكم في حلكم وترحالكم

هاااابي ويك اند

:)))

فيلسوف said...

الله يعيني عيل

:P

ساعات الامور تكون ابسط مما نراها فيه


(( اللهم ارنا الحق حقاً وارزقنا اتباعه وارنا الباطل باطلاً وارزقنا اجتنابه ))

يشرفنا ردك للزياره

عاجـل said...

سمعت والعهدة على الراوي

ان الباذنجان يساعد كثيرا على الغباء

كثري منه

مَـــــعْــــمَــــعَـــــه said...

وكل مخدي بالديره يوصل والناس كلها تعرفه

may said...

مو الخداي نعمة كثر ما هو التغافل..

أو التغابي ..

وهذا يذكرني بمقولة

( التغابي فن لا يتقنه إلا الأذكياء )

دمت بود

:)

reemas said...

هذي معروفه من زماااااان
شللي يابلنا الضغط و السكر و الاحباط غير التفكير
خصوصا في هالزمن صارالعقل نقمه اكثر منه نعمه للاسف

لازم نوقف تفكير بين فتره و فتره
عشان نرتاح و ناخذ فترة نقاهه

ولا راح نتعب واايد

lilly said...

اي والله شلي ذبحنا و شيبنا غير التفكير

ومعروفه بعض الأحيان الخداي و الغباء يكون ذكاء

عين الصقر said...

في رأيي أن أحدهما عنده بعد نظر والثاني عنده قصر نظر ، وكلاهما له مقامه الظرفي والزماني.
وأنا مع معظم المعلقين بضرورة تحرير العقل من هم التفكير في كل الأوقات ، وعليكم أعزائي بسماع الموسيقى ورياضة المشي ومشاهدة الرسوم المتحركة للتقليل من الهموم

بشاير said...

سؤال بسيط
هل الخداي فطري نولد به
او
مكتسب..؟؟؟؟

وما هي موقومات الخداي الرسمي..؟؟؟؟

جد من امس وانا اتفكر
ما قدرت ان اصل الى اجابه شافيه
دودهثيني بالاجازه
(:

lawyer said...

واااااااااااي بنت الشاميه

انتي اكيد شابكه ويانا على الخط امس !!


في مكالمه تلفونيه لمده 3 ساعاااااااااااااات بس قاعد انتكلم عن موضوووووووع ان يابخت الناااااااس الخداااااااي


و الاغبيه واييييييييد مرتاحين


وبعد في ناس مرتاحين اكثر اهم الاغبياء

هذووووووولا اكثر من الخداي مرتاحين وناااااااااااسه


مايفسرون الامور و لا يحللونها


عندي رفييييييييييييجه
ريلها يخونها و 24 ساعه مسافر عنها
وما يصرف عليها و ملوع جبدي انا مو اهي


اتصدقييييييييييين انهاااااااا خداي لدرجه انها ما تسأل ليش 24 ساعه مسافر
او ما يطلعها او ما يقعد وياها
او ليش ما ينام وياها و يدقرهاا


اهي ماتشتكي و سعيده

وانا بمووووووووووووووووت من خدايها

انزين انا شكووووووووو!! مدري بس

احتر عليها واهي ما شاء الله ربي يتمم عليها خداي و بروووووووووود




و غير الف قصه و قصه


ناس مرتاحييييييييين



ترا الخداي نعمه

وايد نعمه في هالزمن

انج مرتاحه
لاتفكرين و لا تحترين و لا تدريييييييييين اصلا..



ابي اتخدااااا شوي عشان اموووري بالحياه تمشي و اطوووووف اطووووووف
عشان بس ما اعور قلب عمري...






على طاري السفر
احتمال عمااااااان ان شاء الله
اووووو ميونخ

DiLLi O MiLLi said...

هههههههه
علي طاري الخداى
ذكرتيني بسالفة قايلها لي عمي الله يرحمه عن الخداى
يقول : في واحد ماشي بالسوق مشرع أيده الثنتين ويقول للناس : وخروا عن قياس الباب
لوووووول
الأخ ماخذ قياس باب بيتهم
وكان قياسه من طرف أصابيع أيده اليمين ليه طرف أصابيع أيده اليسار
بحيث تكون الأيديين مرفوعين على الأجناب
ورايح الأخ يمشي بالسوق وهو رافع أيده الثنتين
لوووول
بعد نزلهم ومن توصل للنجار أرفعهم وقول هذا قياس الباب
:)




تدرين أنا ساعات أسوي روحي مخديه ،،، هروب من الواقع

:)

استذئبوا قبل أن تأكلكم الذئاب said...

رائع

Khalid said...

hmm,,, not all the time ! thnx :)

بنت الشاميه said...

star :

مساء الورد

هالايام الخداي صابر اصلي
جان زين نتعلمه
شيبت روسنا من كثرة التفكير
فخل نعلمه بسرعه...لانه مفيد للصحه
هههههه

يالله عزمي ويانا خل نسافر طريج بر
السفر بالسياره متعه وونااااسه
وكل شيئ على كيفج
الدعوه مفتوحه لا تترددين...حياج الله

بنت الشاميه said...

فيلسوف :

حط بالك ترا التفكير الوااايد
متعب للانسان
فى كثير من الاحيان

والخداي احسن واسهل
لووول
انت شرفتني بالزياره
وان شاء الله امرك بالقريب
تحياتي

بنت الشاميه said...

عاجل :

لو الباذجان يسونه عصير جان سويته

تراه احسن من اللبن .... لبن...لبن
حط بالك ترا اللبن يسوي عسر عضم وتلبك معوي حاد
امتنع عنه احسن ,,,,واريح,,,,, لك
((:

بنت الشاميه said...

مَـــــعْــــمَــــعَـــــه :

هههههه
ما عندي تعليق

بنت الشاميه said...

مـي :

شكرا على تعليقج
بس الخداي طبيعي بالفطره احسن
من التغابي المصطنع
تحسينهم دمهم ثقيييييل
حياج الله

بنت الشاميه said...

reemas :

اي والله لازم نوقف تفكير من وقت الى اخر
ونتعلم الخداي الرسمي
هههه
تروالى مو سهل الواحد يصير مخدي
بس مع التعلم والتدريب يمكن يمكن نجيده
يالله العافيه

بنت الشاميه said...

lilly :

من اليوم وطالع لازم نصير مخديين
يمكن نستريح ونستانس
حالنا حال الدول الثانيه
شايلن الهم كلناااا
تراني من الحين انا مخديه
((:

بنت الشاميه said...

عين الصقر :

اي والله مشكور على هالنصائح المفيده
الخداي والموسيقي....اللى بيحرمها علينا هايف بالمدارس
ورياضة المشي...كلها تساعد على اراحة العقل من عمله الدائم
التفكير...التفكير
مع حملة الخداي الرسميه
(:

بنت الشاميه said...

بشاير :

جنه والله ان الخداي فطري مو مكتسب
بس احنا بنخليه غصب مكتسب
لانه لازم نتعلمه ونتقنه علشان نستريح
وانا اسفهى اني نقصت عليج اجازتج
(:
بداية اسبوع سعيده

بنت الشاميه said...

lawyer :

شوفي انا بفتح مدرسه
كيف تتعلم الخداي
ونبي مدرسات خبره .... والله يخليج رشحي لى صديقتج نعينها اول مدرسه
وتعطينا احنا دورات تدريبيه قبل ما نفتح المدرسه
ههههههههههههههههه

الله يهنيها...يابختها مستانسه ومرتاحه
شنافعنا الفهم والتفكير
والله هى احسن منا
والله الخداي نعمه

بنت الشاميه said...

DiLLi O MiLLi :

هههههههههه
نزين ما عيز طول الطريج
وما تيبست ايده
وما فطن بالعالم اللى حواليه
ربي يعطي وياخد...الله يهنيهم
الخداي نعمه هالايام
هذا ياكد ان الخداي فطري ينولد الانسان فيه
بس جنه سهل نتعلمه ونتقنه
على الاقل نقدر نواصل الحياة
تحياتي

بنت الشاميه said...

استذئبوا قبل أن تأكلكم الذئاب :

شكرا

بنت الشاميه said...

Khalid :

المهم انه موجد
ونطلعه متي ما نبي
هههههه