Tuesday, November 03, 2009

تحملوني ...شويه

فضفضه خاصه جدا جدا فيني
هالأيام أنا مستعسره ومتضايقه
أمر بتجربه هي الأولي فى حياتي كنت أحسبها
سهله وهينه ولكن الحين أعترف إنها أصعب
تجربه تمر علي هي لو تخصني بروحي أتحملها
واصبر بس أنا بالوسط وعلى أن أختاروأقرر
وبعدين ..... كل من يقول رأيه فيهم
هم ما يحسون بالضغوط النفسيه اللى علي
بعضهم يقول إني مقصره
والبعض يقول إني متكاسله
والبعض يقول إني متشدده وايد
والبعض يقول هونيها وهى تهون
شلون تهوووووون..؟؟؟
وأنا ضعيفه وخايفه وضايعه بينهم كلهم
لأن قراري راح يبني حياة ثانيه
محد فيهم يبي يتحمل المسؤليه

ويبوني بوجه المدفع و يبون كل شيئ جاهز
ماعليهم الإ يقولون رأيهم وجان زين اسلم من رايهم

محد حاسسسسس فينى .......وبمعاناتي
وإذا لم يتفقواااا ....علي أن أبدا من جديد
وهذا هو أول خطوه فى الطريق وجدامي
خطوات إخرى كثيره ....الله كريم
من صجي خايفه ومسسستعسسره
واللى متعبني أكثر واكثر إني

لازم أراضي الجميع,, , وانا من يراضيني ؟؟؟
حسبالهم إلى الحين إني بطله وقويه

و أنا لا بطله و لا قويه
وفيني ششششششره كبر الدنيا
مالي الإ رب العالمين أشكي له هو أدرى بعباده
فاللهم يسر ولا تعسر وهون ما كان صعب
ودبرني على حسن الإخيتار و القرار
وبرد قلبي بما فيه خير وصلاح لنا جميعا
وخفف عني حدة تشرهي وإستعساري
اللــــــــــــــــــهم امــــــــــــــــــــــــــــين
فما عندي غيركم سمعوني وتحملوني

وسلااااامتكم

81 comments:

Mok said...

afaaaaa salamat

alfaisalm said...

الله يشرح صدرج ويدلج درب الصلاح . قولي امين

Nokhetha said...

الله يسهل امورج دنيا وآخره ..

واذا كان زواج .. صلي صلاة الاستخارة ان كان خير راح يتم ان شاء الله وان كان شره إن شاء الله يبتعد عنج .

enter-q8 said...

يا هم يا كبير
لي رب اكبـــــــر
يارب وسعها على اخيتي و فرج عنها
ما بايدنا شي غير الدعاء و الله الكريم اهو المستجاب

Anonymous said...

الله يشرح صدرج

قلبي معاج

متأكده ان وحده مثلج بعقلج وايمانج وطيبتج الله بيوفقها للأصلح والأفضل

انا متأكده

ثقتي فيج كبيره

t.q8 said...

الله يسر امرج
استخيري وسوي الي تقدرين عليه
وعلى قولة وحده من رفيجاتي
اختبار دنيا مو اخره

الزين said...

افا يا بنت الشامية

حنا نعين ونعاون

وبالشوفه

انتي بس تدللي

ولا اشوفج بهالحالة يالشيخ

تعالي خل المج

:**

Danderma said...

نصيحة يا عزيزتي... سوي الشيء اللي يرضي الله أولا و يرضيك و يريحك انت ثانيا... ترا لي حزت حزايزها مالك إلا نفسك... و ما عليك يريح غيرك و لا لأ

الله يوفقك إنشاء الله

SHOOSH said...

ما ضاقت إلا فرجت

:)

إدحكي بأه

alala said...

اسم عليج الرحمن الرحيم

ولربى نازلةٍ يضيق لها الفتى=ذرعاً وعند الله منها المخرج
ضاقت فلما استحكمت حلقاتها=فرجت وكنت أظنها لاتفرج

توكلي على الرحمن و صلي استخارة و ان شاء الله ربي يفرج همج

الله يعينج و يكتب لج اللي فيه الخير و الصالح ... اللهم آميـــن

ARTFUL said...

عسى الله يشرح صدرج وييسر امر ويسهل عليج ويبارك لج ويسعدج ويكتب لج الخير بكل خطوه تخطينها

كثري من ذكر الله

:)

esTeKaNa said...

حبيبة قلبي يا شيخة الشامية كلها
.
.
.
إي يحسبونج قوية
عاقل
رزين
قادره دايما على اتخاذ القرار الصحيح
وما يدرون ويتناسون انك بشر
في لحظات تتمنين لو تبجين ،يلمونج وتقولين انج فعليا مو عارفه شتسوين
.
.
.
تدرين منو تراضين؟
راضي رب العالمين وادعي يرزقج الرضا
ادعي اللهم اكتب لي الخير اينما كان ثم ارضني به
!!
اهم من تحقق الامور اللي نحلم فيها
هو تقبلنا للواقع ورضانا فيه
الرضا بحد ذاته سعاده
.
.
صديقة روحي:
ضعي كل معطياتك امام عينك وعلقي قلبج برب السما واختاري

سكري اذنج عن كل كلمه ،الناس بتقول كلمه كلمتين وبالنهاية انتي اللي بتعيشين

لا تهونين ولا تكبرين شي
غمضي عينج وخلي قلبج يعبر عن احساسه حزين ولا سعيد


اسئل الله العظيم رب العرش الكريم ان يشرح قلبك وروحك ويسعدك ويكتب لك الخير اينما كان ويرضيك به

lawyer said...

بنت الشاميه

لا تخافين هونيها و اتهون
انتي بس فكراي جم وحده من الي حوالينج اتخذوا مثل هذي القرارات

و اشلون الدنيا ماشيه على اتخاذ مثل هالقرارات

وبعدين كلماي نفسج و قوليلها

انا صج متردده و انا صج ادور على الافضل لاني استحقه بس مو معناته اني ما اقدر لا انا بنت الشاميه اقدر و اقدر

والله يفتحها عليج ان شاء الله
دايما ادعاي ربج باسمه الفتاااااح ان الله يفتح عليج دنيا و اخره

وراح يفتحها علييييج و عليهم
و على عيالهم و يريحكم انشاء الله بكل القرارات و الامووووووووور


و اذا تبييييييييين اي شي اقدر اساعدج فيه
انتي تعرفييييييييييييييني و راح ابرد قلبج :**

Yara said...

relaaaax
وعيشي اللحظة

والزين يفرض نفسه،، يعني القرار راح يتسهل عليج لما تهدين بالج

عثماني said...

مساج الله بالخير اخيتي بنت الشامية

نصيحة اخوج عثماني .. و اتمنى ان تلقى طريجها لقناعاتج

حبي الناس و حاولي ترضينهم .. ولكن

ضروري تحبين نفسج قبل لا تحبين اللي حولج

مو مهم ترضينهم اذا ما رضيتي نفسج

لانج اذا ما عطيتي نفسج حقها .. ما راح تقدرين تعطين غيرج

Anonymous said...

إرضاء الجميع مهمة مستحيلة! إنتظري الى ان يصفا ذهنك و من بعدها ابدئي في التفكير حيث ان اتخاذ قرارات تحت ضغوط أو خلال فترة عدم اتزان عاطفي ينتج عنه قرارات خاطئة غالبا. تذكري دائما بأنك لن تكوني مخطئة في أي قرار تتخذيه يتوافق مع ما سمليه عليك ضميرك. دعواتي لك

mob said...

ياعونت الله
انا قررت ان اصمت بعد بوست الصمت
لكن مادام انك نخيتينا الكل بالشوفه
هقوتي اللي حايشك عين محبه ومصليه على النبي لانك فضفضتي لان العين سباقه وتصيب حتى الضنى واعلمي ليس هناك قوي حتى المغرورين والجبابره تسحلهم زوجاتهم
اقرأي سورة المعارج وارقي نفسك بنفسك
واعلمي ان الشمال دائما يرسله رب العزه لازاحت الغيوم
واعلمي ان ما اصابك ماكان له ان يخطأك
وما اخطاك ما كان له ان يصيبك
اهدئي وريحي بالك وما نحن الا مسيرين
واحذري ان تحملي نفسك الخطأ
والحمد لك من الله على كل حال
ياعونت الله

ZooZ "3grbgr" said...

الله ييسر أموركم

ويهدي بالج يالغالية

ويهديج لما فيه خيركم

آمين رب العالمين

ReLaaaX said...

نتحملج وايد بعد مانتحملج شويه جم بنت الشامية عندنا ؟ إنتي وبنات عمي ;p



أول شي طولي بالج .. وسمي بالرحمن وتعوذي من ابليس





ثاني شي .. مااعجبتني جملة لازم أراضي الكل !؟


من قالج لازم تراضين الكل؟ .. لازم تراضين نفسج .. وتسوين اللي يعجبج واللي يزعل منتي مجبورة تراضينه ! بما إن اللي تسوينه صح ومقتنعه فيه !


لازم يتقبلونج ويتقبلون فكرتج .. سواء وافقتهم والا عارضتهم


وانتي لج كلمتج ولج قدرج .. مو معقوله بتمشين وتراضينهم !؟



وإذا الشي محتاره فيه استخيري .. فيه افضل من مشاورة رب العباد ؟

بعد الاستخاره سوي اللي ترتاحين له لأن هذا اللي ربي مختاره لج


وربج ييسر لج وييسر حق اعييلج وعايلتكم وبيتكم ويرانكم ;p



هونيها يابنت الشامية واهي تهون


وصدقيني ماكو الا العافيه


وتذكري فلعلك باخع نفسك على آثرهم إن لم يؤمنوا بهذا الحديث أسفا !


يعني لا تتحسفين سواء رضو والا مارضو .. ولا ترهقين نفسج انهم يرضون !

Anonymous said...

What you realy need is a big warm HUG !!!!!!!!

: )

Anonymous said...

الله يريح القلوب و يفرج الهموم
عليكي اختي الكريمة بصلاة الاستخارة ثم الاستخارة ثم الاستخارة, مافي احسن من اختيار الرب سواء كان الشي اللي تبينه او عكسه لكن رب العالمين رح ينزل عليك رضا و سكون و قبول و بيكون هو الاصلح و لاخير بغض النظر عن النتائج و صدقيني هذه مجربة اكثري من قول حسبي الله لا اله الا هو عليه توكلت و هو رب العرش العظيم و ذكر اسم الله الوكيل و كذلك اعلمي اختي الكريمة بان الله لم يعسر و يمنع الا لياتي بالفرج و اليسر بعدها صدقيني الفرج و النصر قريب جدا

Nikon 8 said...

في أحوال كهذه ما لنا غير أمهاتنا وآباءنا نلجأ أليهم
فما نمر به مروا به قبلنا وقرروا
بكل توكل على الله بعد ما سووا اللي عليهم والي الله سائله عنهم
ما لج إلا حضنهم
الله يكون بعونج

star said...

يا بعد قلبي

هونيها وتهون أن شاء الله كل مشكله و لها حل بأذن واحد أحد

طولي بالج و صبري و أحتسبي الأجر من الله وقولي فوضت أموري لك يا ربي

وإذا أحساسي صح أنتي في مسأله تخص ناس ثانيين معاج والي تقولينه بيمشي اذا ماني غلطانه

وهذا شي مو شين أبد

بالعكس ما لجألوج الا واهمها دارين انج قدها وقدود ورايج الاقرب للصواب أن شاء الله استعيني بالدعاء و الاستخارة و استشارة الوالدين و الأخوات يعني أقرب المقربين

وطمنينا وترا أحنا معاج وما راح ننساج بالدعاء

وأن شاء الله تبشرينا قريب بالاخبار الزينة يا أم الزين والطيب

اجار الدين كشمش said...

شششنو مخطوووبه على كبر ؟
خايفه على فلوسسكم ؟
قولي له يحط المليون بحسابج
ههههههههههههههههههههه

ولا حوليه على لوير هههه

تاخذ منه باليوررو
وتقوله والله بكمل تعليمي انطرني
................
ترا لويروونه
ما تدروي ان بدلتي من محامييد نيو كالكششن
والكبوس تاله من اموو الاصفهاني راعي

السجاد !!!!1

........................

وسسعي بالج وماكوا الا الخير واوصييج الصبر الصبر هو مفتاح الصدوووور
ما تسستاهلين

فمالله

lawyer said...

اجااااااااااار الدين


بعد قلبي بنت الشاميه كشششختك قالت وارث من يده في ميزووري
بس طلعت حدك المحاميد

يبيييييييين يبييييين اصلااااااااااا




اييييييييي والله ختحووله لي على طول الاله عندي تحسب يورووووووووو

وراي التاكس مادفعتهم لي الحين و البلديه
و الماااااااي شي شي مصاريف








بنت الشاميه
كااااااااااااااااااك
كاااااااااااااااااااااااااااااااك

تكفين اقراي تعليق اجار
يقوولج الصبر الصبر مفتاح الصدوووووووووووووور
!!!!

يعني الفررررررررررررررج


يااااااااااااااريت الفودكا الي عنده عندي

قلللللللللللبه باااااااااااااارد

الاوركيده said...

الله يفرج همج يارب

والضحكة والفرح ماتفارق ويهيج

حلي اتكالج على الله ودرسي الموضوع من كل النواحي وبعدين اخذي القرار
وانشاء الله خير

:)

Anonymous said...

رحلة حماة في البحث عن عروسة للجعدة

اشرايج في لوير ؟

الله يعينج يا وخيتي

Fahad Al Askr said...

باللي تامرين عليه رقبتي سدادة

بس سلف ما عندي

تعرفيني عدل شاللي أقدر أساعد فيه حاضر

وإذا السالفة فيها زواج ولا عليج أمر اللي ما تيوز لكم على الإيميل فورورد

أجار وفطيم دايرينه فودكا وأنا آخر من يعلم، لوير من تخنزرت وهي متغيرة علي، هذا وفيها انفلونزا الخنازير ماقت لو بيصير فيها إيدز شبتسوي فينا


أجار باجيه ولا يبات

Anonymous said...

اللهم لا سهل الا ما جعلته سهلا وانت تجعل الحزن ان شئت سهلا

..........

ضاقت فلما استحكمت حلقاتها .... فرجت وكنت أظنها لاتفرج

salayoubi said...

الله يسهل أمورج يا رب و ينور دربج و بصيرتج و يفتحها بويهج يا رب

حسافتج يا كويت said...

أشتدي يا أزمة تنفرجي



وإنما أشكي بثي وحزني إلى الله








بالنسبة لمن يرضيج فصدقيني أكبر رضا لج عندما تذهب الأزمة

lawyer said...

ترا انا من صجي قمت احاتيج

ويبت الابتوب يم امي و قريبت لها البوست

قلت لها شنو تفهمين منه ؟؟

اشفيهاااااا بنت الشاميه






والله ترا نوعي ما احاتي احد في البلووووقز و لا نوعي حنونه او احاتي ولا يهمني احد
بسسسسسسسسسسسسس قمت احاتيج

طمنيناااااااا

DiLLi O MiLLi said...

أسم عليج
ماكو ألا العافية

يمكن قرار صعب وأول مرة تنحطين بهالموقف
واللي يشملهم هالقرار ناس قريبين من قلبج وتحبينهم
وخايفة أن هالقرار ما يكون صائب

ما أعتقد أنج مقصرة ،، أو متكاسلة ،، أو متشددة لأ
أنا أعتقد أنج متخوفة من هالقرار

أنا ماعندي أدنى شك بأن قرارج راح يكون القرار الصحيح
وأي قرار يخص ناس قريبين منا لااابد وأن نمر بمرحلة المعاناة قبل لا نتخذه
وما حطوج بوجه المدفع ألا لثقتهم بحكمتج وعقلج الراجح
:)


أي أنتي بطلة وقوية ،،، بس أنا معاج لما الموضوع يخص ناس عزيزين على قلوبنا
هني
القلب يضعف والتفكير يشوّش ونحسب ألف حساب قبل ما نتخذ هالقرار
:)

أدري قرار صعب ،، بس أول خليه يرضيج وعقب شوفي راي الجميع
لا تتسرعين ،، علي هونج ،، حاولي أتحاشين الضغوط
ومخمخي قرارج عدل ،، وأستخيري ربج
وعقب ،، طلعيلهم بكل ثقة ،، وقوليلهم قرارج
:)


وأنا كلي ثقة أنة راح يكون القرار الصائب
والله يكتب اللي فية الخير والصالح
أنشاء الله



وأحنا موجودين وبالخدمة
نعين ونعاون
ولا نشوفج متكدرة يا الغالية


:)

مَـــــعْــــمَــــعَـــــه said...

اكيد بنسمعج ونتحملج بس الهون ابرك ما يكون وعند الله السعه

الله يسر امورج ويرزقج على قد نيتج ويفتحها عليج

ويبيلج تغيير جو وكسرة روتين وبوست ثاني تقولين كل اللي خاطرج فيه وترتاحين من الهم اللي على قلبج

daggero said...

بنت الشامية

صورة البوست معبرة جدا

الطفل الصغير اللى فى داخلنا كلنا

تذكرى أن كل شى يبدأ صغير ويكبر الا الهم والصابونة

يبدأون كبار وبعدين يصغرون

aL-NooR . said...

بيعينا بالسوق
يا بنت بالشامية
آمري و تدللي
فيه شي احنا نقدر نسويه ؟
الله يشرح صدرج
:*

Anonymous said...

معروض عليج وزارة التربية بدلا عن موضي؟

بنت الشاميه said...

Mok :

الله يسلمك من كل شر
كاشخ علينا هالايام بالانجليزي
(:

بنت الشاميه said...

alfaisalm :

اللهم امين
وما كو احسن من ههالدعاء
شكرا كيرا

بنت الشاميه said...

Nokhetha :

شكرا كثيرا
لو الامور لي ما كنت احاتي
ولكن قلب الام .... يحاتي كل شيئ

ما اطلب من رب العالمين
الا يسهل ما كان صعب
اللهم امين

بنت الشاميه said...

Enter-Q8 :

ماااا تقصر ياخوي
احس دعائك لى من كل قلبك
مشكوووور وما تقصر
شرحت صدري بهالدعاء
الله لايحرمني منكم

بنت الشاميه said...

Anonymous 1 :

ما تقصرين يالغاليه بكل هالثقة فيني
بس نظل احنا بشر نصيب ونخطئ
و نضعف... وتتعب القلوب
والضنى غاااالي
واخاف اتخذ القرار الخاطئ اظل اتندم عليه طول عمري
يالله حسن التدبير
والتوفيق عند رب العالمين
والله كريم

بنت الشاميه said...

t.q8 :

اللهم امين

انا مجتهده بالحل
بس هم لو يعينوني شويه
ويسهلون لى الامور
جان ما وصلت الى هذه الحاله
بس الله كريم
واللى الله كاتبه بنشوفه
الخيره فيما يختاره رب العالمين
مشكوووره

بنت الشاميه said...

الزين :

اااااخ يالزين ياحلوج وياحلو كلامج
ادري والله فيكم كلكم
قول وفعل
وماااا تقصرون
يكفى كل هذى التعليقات
وتعاطفكم وياي
كلها ردت روحي وهديت واااايد
احسن من اول
بصد عنهم جم يوم
وبنرد الكره مرة اخري
لعل وعسى ان يفهمون زعلى عليهم
انه تشره مو غضب عليهم
والله كريم يا زينة البنات

بنت الشاميه said...

Danderma :

انا جزء بسيط من المشكله
ممكن ان اتنازل وأمشى الامور
بس هم اللى مو مساعديني ان نوصل الى حل
وهم جزء من نفسي وروحي

واكيد ما يتبارك الشي
الا برضى رب العالمين
يالله العافيه
شكرا لك

بنت الشاميه said...

SHOOSH :

اللهم امين
وعلشانج نضحك شويه

مشكوره

بنت الشاميه said...

alala :

مشكور يالشيخه
الله لايحرمني من دعواتكم اللى ترد الروح
وكل شيئ يهون مع الوقت
و كل شيئ باوله صعب
والله كريم

بنت الشاميه said...

ARTFUL :

اللهم امين

ياااا حلو هالدعاء
ومشكور على التذكره
الا بذكر الله تطمئن القلوب

مشكور ياخوي العزيز

Anonymous said...

أختي الكريمة

لا تحملين نفسج فوق طاقتج

حتى لو الموضوع كان جايد

ترى لو تاخذين كل واحدي فينا وتحطينه في محلج... ما راح يكون أفضل حال منج ولا أراح يسوي شي أحسن من اللي بتسوينه.. كل اللي راح نسويه انا نجتهد بالقرار .. والتوفيق من الله

اختي الكريمة

الله سبحانه يقول في سورة البقرة

بسم الله الرحمن الرحيم

لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ (286)


صدق الله العظيم

فلا تحملين نفسج أكثر من طاقتج

ارضاء الناس غاية لا تدرك

اهم شي ارضي ربج وضميرج... وسوي اللي مؤمنه ان هو الحق... حتى لو كان على حساب نفسج أو أقرب الناس

لأن زعل الناس ممكن ياخذ مدة ويرضون .... بس زعلج على نفسج لأنج ظلمتي أحد ما راح يزول من داخلج أبد


بعدين

كل ضيج ما وراه الا الفرج

بسم الله الرحمن الرحيم

أَلَمْ نَشْرَحْ لَكَ صَدْرَكَ (1)

وَوَضَعْنَا عَنْكَ وِزْرَكَ (2)

الَّذِي أَنْقَضَ ظَهْرَكَ (3)

وَرَفَعْنَا لَكَ ذِكْرَكَ (4)

فَإِنَّ مَعَ الْعُسْرِ يُسْرًا (5)

إِنَّ مَعَ الْعُسْرِ يُسْرًا (6)

فَإِذَا فَرَغْتَ فَانْصَبْ (7)

وَإِلَىٰ رَبِّكَ فَارْغَبْ (8)


صدق الله العظيم

شفتي يا اختي

ان مع العسر يسرا

مع ... مو بعد.... مع العسر

يعني الفرج دائما قريب

بس هذا طبع البشر

دائما يشوفون المشكلة اللي هم فيها

هي نهاية العالم

بينما الفرج اللي من بعدها قريب وقريب جدا


الله يهون عليج ما كان جايد

ويعينج على ما انتي فيه

وتوكلي على الله في كل أمر تعزمين عليه

والله الموفق

بنت الشاميه said...

esTeKaNa :

ااااه يا احلى استكانه
لو الموضع يخصني
جان ما تعبت كل هالتعب
انا انسانه قنوعه جدا
و يرضينى و لو القليل
ولكن هالعيال شيرضيهم
الحياة ما خذتهم ويبون كل شيئ على كيفهم
وهذا ما يصير
الحياة تنازلات واخذ وعطى
وهم يتشددون بشروطهم
وانا اضيع.....ويمر الوقت علي وعليهم
الحين انا مصره ان تنتهي المشكله
ونضع كلنا الحل لها
ما يصير كله انا بالوسط بينهم
واداري هذا واراضي الثاني
.........
فصااااااار الانفجار
وانتوا ما قصرتوا تحملتنوني ووسعتوا صدوركم لي وسمعتوني وتعاطفتوا وياي
ودعيتوا لى من كل قلبكم
شلووون ما احبكم
الله لا يحرمني منكم يالغاليه
والله يعين عباده

كلمة صديقة روحي
وصلت الى اقصى القلب
مشكوووره يالحبيبه

بنت الشاميه said...

lawyer :

انت منو ملج
تبردين اقصى القلب
شوفى بدزهم لج وعينيهم على كيف كيفج
خل يعرفون ان الله حق
ههههه
انا ضعيفه امامهم.... قلب الام
اشد وارخي بس كله على حساب صحتي
ابى سعاتهم وراحتهم
وبظل بحور طويل الى ان نصل الى حل
يرضى الجميع
والله كريم

جنه اكو ممنوعات قامت تدور بمدونتي من واري...انت واجار وبو عسكر
ترا هالايام مشددين الرقابه على المدونات...لا تودروني ثلاتكم
ترا ان صار لى شيئ و بجيت محد يقدر يسكتني
اطلع الاولي والتالي
((:
مشكوووره يالغاليه

بنت الشاميه said...

Yara :

انا والله حاطه اعصابي بفريزر
واحاول ان ارجح لغة العقل على القلب
بس هم اللى مو قادرين يفهموني
ولازال الحوار مستمر بينا
و الله كريم

بنت الشاميه said...

عثماني :

هلا باخوي العزيز

مشكور على هالنصيحه الغاليه
بس هذول جزء من روحي ونفسي
ما اقدر افصلهم عني
فلازم كلنا نكون راضين ومقتنعين
ونشد ونرخي
والله كريم
الى ان نصل الى حل مشترك يرضينى ويرضيهم
يالله العافيه

بنت الشاميه said...

Anonymous 2 :

اكيد ارضاء الجميع بنفس الرجه شيئ مستحيل
بس احاول ان اجد حلول توافقيه مع الجميع..ليوصل القارب الى بر الامان
لان الحل للجميع
وانا بعد فضفضتي هذى انا جدا مرتاحه
ومع الوقت اقدر ان اكمل
والله كريم
شكرا على هالنصائح المفيده

بنت الشاميه said...

mob :

اي والله ياعونت الله
اااااه من غثا وهم العيال
كل واحد حاط طابوقه تحت راسه
وعلينا ان نصبر و نفجج ونوسع صدورنا
ونتحمل الى ان نصل وياهم الى بر الامان
صغار نصاليهم وكبار نداريهم
وانا اللى ضايعه بينهم
ما بي الا سعة الصدر وقوة التحمل
والاجر من رب العالمين
ومشكور على هالنخوه وما قصرت
وبوست الصمت بمسسحه
اذا بيخليك تصمت ولا تعلق
لا تحرمنا من تعليقاتك المميزة وفكرك المستنير دائما
حياك الله

بنت الشاميه said...

ZooZ "3grbgr :

اللهم امين
والله يهدي الجميع للخير والصالح
مشكوره يالحبيبه ما قصرتي
بردتي قلبي

كويــتي لايــعه كبــده said...

"نتحملك"
بكل سرور وعلينا المنة

كوني على علم أن رب العالمين ما يحمل عبادة "الصالحين" أكثر من ما يمكنهم تحمله

ومهما كانت المشكلة فبالصورة الأشمل فهي أقل شأن من صحة الأهل عسى الله يحفظهم والستر عليكم جميعا إن شاء الله

الطراقات جزء من الحياة وإختباراتها يا أختي

الله يكون في عونك
فلا غيره ينفع

ما تستاهلين الا الخير ان شاء الله

بنت الشاميه said...

ReLaaaX :

ما اجمل كلماتج كلها تبرد القلب
هم جزء من روحي ونفسى ما اقدر افصلهم عني
ورضاهم يهمني لانه اللبنه الاولي اللى تبني لغة الحوار بينا
الى ان نصل بر الامان
الضنى غالي...وهم يستاهلون
لانهم نعمة الابناء
بس الدنيا ماخذتهم ويبون كل شيئ
وهذا اللى ما يصير
هذى نقطة خلافى معاهم
بس بالحب والموده اللى بينا ان شاء الله ينحل كل شيئ ويرضى الجميع
والله كريم
بس الله لايحرمني من دعائكم لى ولعيالي
مشكووووره يالغاليه

بنت الشاميه said...

Anonymous 3:

شكرا ومااااااا قصرتي

بنت الشاميه said...

Anonymous 4 :

ونعمه بالله
ما لنا الا الله سبحانه وتعالي هو العالم بعباده....مالنا من ملجأ غيره
هو ملاذنا الاول والاخير
فاللهم يسر ولا تعسر
وهدي النفوس
يارب
مشكوره على هذا الكلام المطمئن اللى يبرد الروح...لا خلا ولا عدم

بنت الشاميه said...

Nikon :

اكو احن من حضن الام والاب الله لايحرمنا منهم ومن حبهم وحنانهم
هم تاج راسنا بهالدنيا
مشكوره يالشيخه وحياج الله

بنت الشاميه said...

star :

احساسج صحيح
هم عيالي وهمهم بهالدنيا
و هذا شيئ مكتوب على الجبين لازم نشوفه
المشكله مو مقنعين بوجه نظري
وبنفس الوقت يبون رايي
شلون يعني...شسوي فيهم..؟؟؟
بس انا الام والاكبر فلازم اصبر واحتويهم
واطوعهم ..وهذا كله يبله صبر وسعة صدر
والله كريم
شغلتكم بمشاكلى الخاصه
بس صج كنتوا عون لى الله لايحرمني منكم
مشكووووره يالشيخه

بنت الشاميه said...

اجار الدين كشمش :

جان زين مخطوبه على كبر
هههههه
الله يقطع ابليسج لا تسحبنى وتخليني اخوره بالحجي
وانا سااامته نفسي الحين
خل الخرابيط عنك
جان زين السالفه سالفة فلوس
هذا اخر همي
اشوه فطيييييييييم ردت عليك
انت وياها تنيازون
وبوعسكر دخل بالخط وياكم

بس الله يخليكم خلوا ممنوعاتكم بعيده عن مدونتي لو سمحت
(:
الحين المفتاح وينه..؟؟؟؟؟؟

بنت الشاميه said...

lawyer :

انت دوري وياه المفتاح
وقوللي بعدين وينه ومن عنده
(:

بنت الشاميه said...

دمعة المقهور :

ان شاء الله خير
والخير فيما يختاره رب العالمين ويدبرنا عليه...كل اتكالى على رب العالمين



انت شخبارج ...متى الولاده
طمنينا عليج
الله يهون عليج يارب
تيحاتي

بنت الشاميه said...

Anonymous 5:

الف نعم فيها ...زينة البنات
كافى قلبها الابيض
المنه علي اللى ياخذها

بنت الشاميه said...

Fahad Al Askr :

شدعوه يا حافظ ما كو سلف
احين انت اديب المدونات وعندك كتاب
وهم مااااا تسلف...؟؟؟؟؟
الله كريم
ادري والله فيك انت قدها وقدود
بس حريمتك ماكو فرورد
ك اللى بينا بناخذه
ههههه
والله يخلك اخذ ربعك وروحوا بعيد
من هني مااااا فينى شدتكم

((((:

بنت الشاميه said...

Anonymous 6:

اللهم امين
هذا الدعاء اللى محتاجته صج
شكرا

بنت الشاميه said...

salayoubi :

اللهم امين
مشكوره اختي العزيزه
الله لايحرمني من دعائكم

بنت الشاميه said...

حسافتج يا كويت :

ما كو احسن من الشكوى لله رب العباد
هو ادري فينا وفى ضعفنا

الله يهون ماكان عسر
ويوفقنا الى احسن الحلول
والله كريم

بنت الشاميه said...

DiLLi O MiLLi :

مشكوره يالحبيبه
والله اخجلتوني بردودكم اللى تبرد اقصى ما فى القلب
وعززتوا ثقتي بنفسي مره اخري
كنت اسبح بين الامواج وماني قادره احط ريولى على القاع
بس كلامكم وثقتكم فيني ...ردت
الروح فيني
الحين اقدر ان ارد افكر مره ثانيه بكل هدوء وتركيز
وبدون انفعال او شعور بالاحباط
والله يقدرني ان اصل الى الحل اللى يرضيني ويرضيهم
هذه هى الحياة اخذ وعطا
بس تبي اللى يفهمها ويصبر عليها
والله كريم
انت من الا شخاص اللى لهم مكانه خاصه جدا عندي
الله لا يحرمني منكم ومن دعائكم ووقفتكم معاي...صج انكم نعمه من الكريم
فله الحمد والشكر
وياالله العافيه

بنت الشاميه said...

مَـــــعْــــمَــــعَـــــه :

اصلا انا مستحيه منكم
صح فرجتوا همي وسهلتوا علي اموري الخاصه...خلتوني اعيد التفكير مره اخري بنفسيه مختلفه
والله كريم
مشكور ياخوي

بنت الشاميه said...

daggero :

الصابونه
هههههه
كسرت مودي وخليتني اضحك
هههههه
كل تعليقاتك عير خفيفه وحلوه
الله لا يحرمني منكم
مشكور

بنت الشاميه said...

aL-NooR :

افا انا ما ابيع حبيبات قلبي
الله يخليهم لى
مشكووووره يكفى هالتعليق
الله يونسج بالعافيه

بنت الشاميه said...

Anonymous 7 :

لا والله كافى وزارة التربيه
اللى عندي بالبيت
لله الحمد والشكر

بنت الشاميه said...

دروازة :

المشكله فى الاختيار السوي

واختلاف وحهات النظر فيه
كل من يشوفه من زاويته الخاصه
وعللى انا اجمع كل هذه الزوايا
فى حل واحد.....واسيه وانا سعيده بثقتهم فيني....بس تعبت
لازم استريح واهدي
وارجع من جديد
والله سبحانه ما ينسى عبيده
اتكالى كله عليه سبحانه

مشكور على هالتعليق الراقي
الجميل
الهادي
المتزن
الله لا يحرمني منكم ولا من رجاحه عقولكم
صج انكم اخوان اعتمد عليهم وقت الشده
لا خلا و لا عدم
والله يوفقنا كلنا لما فيه الخير والصالح

بنت الشاميه said...

كويــتي لايــعه كبــده :

صج انكم اخوان قول وفعل
الله لا يحرمني منكم

وكل شيئ له حل اكيد
بس بالصبر والحلم عليهم
ينحل ويهون
بس الانسان ضعيف ومستعجل
وكله يبى الراحه......والله المعين
على كل شيئ

ردودكم وتعليقاتكم
ردت الروح فيني
مشكور
ولا خلا ولا عدم
صج انكم عزوه

فيلسوف said...

الله يشرح لك صدرك وييسر لك امرك

ويرزقك السكينه والاطمئنان

بنت الشاميه said...

فيلسوف :

اللهم امين

مشكور وما قصرت
لا خلا ولا عدم

حياك الله

Anonymous said...

بسم الله الرحمن الرحيم والصلاة والسلام علي المبعوث رحمة للعالمين يا بنت الشامية قرأت موضوعك الاسبوع الماضي واستشعرت فيكي لي أي مدي انت انسانة حسية شفافة وراقية وأحببت ان اعطيكي رأيي من خلال تجربتي في الحياة القرارت المصيرية وخاصة في أمور الزواج للأبناء جدا صعبة ولكن دائما اتذكر قول الحبيب المحبوب الذي بذكره تنفرج الهموم قال ليس للمتحبين إلا الزواج لذلك لماذا نحرم نحن ابنائنا من شعور الفرح بدوننا والله العظيم كم من اب وام ندموا عندما تزوج ابنائهم بدون حضور ابائهم معهم وبعد اول مولود رجعت العلاقة وكأن لم يكن شيء سبحان الله لماذا نتشدد ونحن في عصر تقاربت فيه العقول والقلوب لماذا لانتوجهه توجه خالص متخلصين فيه من حظ النفس لله تعالي وهو حتما ولابد سيختار لك وللأشخاص المرتبطين معك بقرار يريح جميع الأطراف ماخاب من إستخار ولاندم من إستشار والله من وراء القصد وارجوا منك الدعاء اختك ام الهواشم

بنت الشاميه said...

Anonymous 8:

انا شاكره لج حسن ظنج ورايج
الجميل فيني

تمعنت وايد فى تعليقج..ووجدت فه كثير من الحكمه والتعقل...وحسن الراي السديد
واحنا ما وصلنا الى هذه الدرجه من لخلاف
بس مختلفين على الشروط و درجة تقاربها
معانا...ومحاولة توقيف وجهات النظر
والله المستعان
والله يوفق الجميع لما فيه الخير والصالح
ومرة اخري انا شاكره لج جدا
مداخلتج القيمه واللى اثرت الحوار والنقاش بالموضوع
حياج الله يا اختي ام الهواشم