Tuesday, August 05, 2008

أغنيه قديمه ...بس عنصريه





خلونا نشارك بوفضاله فى اختياره
البيضه.....او السمره
والا سعيده....مسكينه ليش ما لها سهم...؟؟؟؟؟
الظاهر بوفضاااااااله عنصري من القاع

ومووووووو عااااااااادل بحكمه

**********
هات يا قلبي عليهم عاد هات
يوم شفت السمر جئني مجبلات
كاملات الزين هن سيد البنات
أرياقهم ياقلبي سكر مع نبات
ماخذين الحق بشهود وثبات


لو تشوف البيض بالحنه تدوس
فوق جبد أهل الهوى تمشى تدوس
بس نظرة وزاهيات باللبوس
بالمراقد جنهم طين الصراة


أقسمت بالله تورخت باليمين
لأزيدن السمره على البيضه إسهمين
لأتدين ياحمد وإنت الضمين
عاملت بالدين كل الكائنات
يا عديم الراي ياللى لي تلوم
السمر إركن على قلبي سهوم
جم راعى مال خلوه معدوم
قيس قبلي ضيع فروض الصلاة

جائتنى البيضه وقالت ياحسين
ليش زوت السمر وإحنا غايبين
نادهم للحكم وإحنا حاضرين
وحكم بعدلك وخلى ما فات فات


جن كل البيض والسمر إحضرن
واهنيا حسين جدامه سطرن
جني بجنات وأغصان إثمرن
طال عمرك واحلو مقابل البنات

إبتدن البيض ثم صارت تقول
يا أمير حسين إسمع ما أقول
وحكم بإنصاف لاتصير مهبول
خل حكمك بالعدل واحكم ثبات
ما تقول بنا وإحنا مسفرين
والسفر أحسن من الظلمه يقين
لى ن نظرة البيض تلقالك جبين
وخدود تاضي كشموس الطالعات
السمر ياحسين و شتلقى بهم
لاجمال ولا كمال ولا فهم
أشهد إن البيض أحسن منهم
البيض كالأمهار وإن جئن مجبلات


قالت السمره علامج تغلطين
إحنا فتات المسك وإحنا المؤنسين
أرياحنا العنبر و مسك وياسمين
احنا اهل القعدات واحنا الغويات
والإ العذارى البيض من بد الملا
مالغات ما بهن نتفة حلا
جم واحد يا حسين بالسمر إبتلي
من نصانا ما يمل من المبات
ضحكت البيضه وقالت ذا تمام
ما نصاكم واحد الإ وما ينام
وشيجابل يا مسلم يا سلام
السمر للبيض صاروا خادمات

شفت أنا المجلس علينا يبى يطول
قلت يا غزلان سمعوا ما أقول
كلكن حسنات وكلن له قبول
كلكن بالزين كاملات
فض مجلسنا وينا نبي نقوم
يوم أخذنا والإ اللى جتنا تزوم
وصرخت ياحسين إقعد لا تقوم
ليش تنسى السود وهن الغاويات
قلت بسم الله وشذا اللى دهم
حتى سعيده جايه تبغى سهم
إطردوها يا عساها للوهم
كل برطم منها عشر ايدنات

http://www.3adany.com/new-s/download.php?action=lsn&id=3500

60 comments:

kuwaitawy said...

والله اغنية جمييييله بصراحه



اهيا قديمه

لكن كلماتها رووووعه بصراحه


ونعم الاختيار

تشكراتي

Seattle dude said...

lol....

elly ma e6ool el 3inab..........




:P

الزين said...

هههههههههه

تصدقين بنت الشامية

ضعت

الحين منو الأحلى السمرة لو البيضا

صباحج سكر يا سكرة الشامية كلها

:*

nanonano said...

أنا سمره
و أحب السمار

فاعتقد أن بوفضاله كان يمدحنا

بنت الشاميه أشكرج على أختيارج...خوش تغيير حق المزاج

MO3ATH said...

لوووول

يعني الحين من نخطب ؟ :)

سعبده وينها :p

يعطيج العافيه

كسرتي المود

rwatan said...

:)

نونو الصغيره said...

مافى مجال للمناقشه

السمر ثم السمر ثم السمر

هم احلى الجميع

والله يخليج يابنت الشاميه


اتفقي معاى بالراي



علشان
ما تعقدين بنات الكويت

Enter-Q8 said...

هههههههههه
العنصرية منتشره هالايام

mowa6en said...

ويسألون عن المزاج ؟؟
وايد عجبتني الاشعار

Anonymous said...

صاروا ثلاث سمر وبيض وسود والحين محد مو حلو بس انت عارفة روحك ومايقة علينا

Anonymous said...

شوفي البياض حلو ..بس ما فيه فتنة و جاذبية السمار. خاصة اذا ياج على برونزي



Broke

نونو الصغيره said...

يابنت الشاميه

لو اعرف اقصد

جان قصدت معلقه طويله

عن حلاة السمر

يا زينها اذا قبلت السمره

وهذاك الشعر الكشه

اسفه كيرلى مو كشه

وهذاك الكوع الاجلح

وعاد الركب عليج وصفها

وعاد اذا تدهنت صارت تلق من الدهن



هذى صبغه تريد مارك للكويتيات

ولا يشوفون نفسهم البيض على السمر


الله لا يبليج وتيج جنه مسحوته سمره

الكل بيشمت فيج!!!!!!1

ههههها

عثماني said...

اخيتي بنت الشامية

يا زين هالاغنية .. اتذكرني بابتسامة ابوي الله يرحمة مع ربعة وهم يسمعونها قبل

جزاج الله كل خير

esTeKaNa said...

واي تخيلت سعيده يايه تدبج
ركضه ركضه
حالي حال هالبني
ابي سهم
اي من حقها
ماحد احسن من احد ليش ما عطوه سعيده سهم
hehehehehehhe
:))
عجيبه الاغنيه والكلمات
يسلم لي الذوق والمزاج يا انتي يا ام المزاج العجيب
:*

Fahad Al Askr said...

شدعوة ماكو صورة حق وحدة سمرة إلا المتينة، شنو هالتعصب

اجار الدين كشمش said...

هلا هلا هلا
هلا بسو سو
هلا
بالطش والرش
هلا ب هل الشفايق
نفخ الحي اللاتيني
وسانتغ ميشيل
كله
انا حااااضر
يبا
اشعليج من بوفضال هالجفيف
مالحق على نفخ الشفايف

انها صرخة التجميل الباريسي
اااامري بس ...البيض برص والسمر تان
وثنتينهم مافيهم وفا !!!1

انتي الوفا كله
فمالله

lawyer said...

انزين انا جلحه وين ارووووووح

ماني بيضه وو في امااااكن سوووووووده
مثل الركبه و الكيعاااااان


ممممممممممممممم


مدري احنا شنو

هههههههههههههههههههههههههههههههه

`~MnO YeNSa! ~` said...

zooooqa
اتينن
الاغنية

توديني
عـــــــــــــالم ثاني
ما
عشته
بس
عجيـــــــــب
مريح
ودي اعيش ايامهم
البساطة


بس صج صج صج
zooqa
الاغنية
جو
ثاني

q8y_saint said...

الله يخس ابليسج يابنت الاشميه و الله اني من زمان مو كاتب ولا معلق بس صج ذكرتيني بماضي جميل

Anonymous said...

lawyer

عندي لج معرس أشقر عيونه زرق

بس ............... من البدون

واسمه وائل

ينفع ؟

سدرة العشـــاق said...

إبتدن البيض ثم صارت تقول
يا أمير حسين إسمع ما أقول
وحكم بإنصاف لاتصير مهبول
خل حكمك بالعدل واحكم ثبات
ما تقول بنا وإحنا مسفرين
والسفر أحسن من الظلمه يقين
لى ن نظرة البيض تلقالك جبين
وخدود تاضي كشموس الطالعات
السمر ياحسين و شتلقى بهم
لاجمال ولا كمال ولا فهم
أشهد إن البيض أحسن منهم
البيض كالأمهار وإن جئن مجبلات


صح إلسانه

:P

بنت الشامية said...

kuwaitawy :

هذى الاغانى الصجيه ....مو اغانى الحين
الله يكون بعونا
العفو

بنت الشامية said...

Seattle dude :

العنب .....عاد البياض والا السمار
يقول عنه حامض
لووووول

بنت الشامية said...

الزين :

انت شفتى ضحكت سعيده.....انا معاها
هى الاحلى ....ههههههههه

بنت الشامية said...

nanonano :

بوفضاله قايل من اول انه بيزيد السمر سهمين

شعليكم مشاخيلكم من اول
لووووول

بنت الشامية said...

MO3ATH :

اخطب اللى تعجبك.....وترا سعيده سبعه ما سكتت عن نصيبها من الجمال....صج ست جدعه

بنت الشامية said...

rwatan :

ادرى انك مع البيض....!!!!!ء

ولد الديرة said...

طالما كانت

أ
ن
ث
ى

فهي جميلة

بنت الشامية said...

نونو الصغيره :

ههههههههههههه جنج مسويه مظاهره
تدعمين فيها السمر.....بس لاتخافين
انا معاج بس ولا يتعقدون بنات الكويت
وبعدين دهنكم شنهو....؟؟؟؟

عسى مو فازلين تريد مارك....النيفيا احسن للكوع والركب....ودهن الحل للكسشه...اقصد الكيرلى....لووووووووول

نكشه.........الحين الكل يقدر يصير ابيض
بس بالتبيض الكيميائى و بعدها ينخشون عن الشمس...وما تلوح على جلدهم.....بس البيض....يقدرون يصيرون سمر وبسهوله وطبيعى .....هههههههههه

بنت الشامية said...

Enter-Q8 :

هو عنصري بس مو بالسياسه

lawyer said...

اناااااااااااا
انااااااااااا
الصووووووووووره الاخيره الثااااااااالثه

حدهااااااااااا انا
تشششششششششششششششبهني حدهاااااااااااا


وش ذي الططططططططططططططخمه

بنت الشامية said...

mowa6en :

مشكور وحياك الله

بنت الشامية said...

Anonymous

هههههه
وانت صاجه محد بهذا الزمان ما يقدر يصير حلو

بنت الشامية said...

Anonymous :

Broke

وايد متحمس للسمر على البيض
هههههههه
الكل حلو هالايام

بنت الشامية said...

عثماني :

هذا تراث .....يجب المحافظه عليه
حياك الله

بنت الشامية said...

esTeKaNa :

الله يهداه بوفضالة عصبى وحار .... زف سعيده وقعدها...بس والله انها بطلة ما سكتت عن نفسها وقالت كلمتها...وما همها الزف.....هههههههه
انت المشكوره يالغاليه

بنت الشامية said...

Fahad Al Askr :

والله انها احلاهم ......شوف بس ضحكتها اصلا انا هالممثلة اموت عليها....كلها طيبه وخفة دم

بنت الشامية said...

اجار الدين كشمش :

يا بخت سعيده فيك....كا يالها نصيب
مع ان بوفضالة زفها وصقرها
بس صج ما عنده سالفه ليش ما انصفها هالفقيره.....!!!!!!ء
لووووووووول

بنت الشامية said...

lawyer :

والله عاد اللون الاجلح ما اعرفه...؟

وهقتينى .......بو فضاله ما غنى عليه

مشكله ...بس ان شاء الله القى لج حل

بالقريب العاجل ....لوووول

بنت الشامية said...

`~MnO YeNSa! ~` :

والله الغنيه عيشتنا جو ثانى تتخيلين الناس بسيطين وطيبين وما فى قلوبهم اي هم
شفتى هذا التراث الاصيل
مشكورة

بنت الشامية said...

q8y_saint :

الله انت لاحق على بو فضاله ...؟؟؟؟؟
لووووول

بنت الشامية said...

Anonymous :

ليش البدون مو اوادم....؟؟؟؟

مو اخوانا من ابونا ادم وامنا حواء
ووصانا رسولنا الكريم بان
نختار من صلح دينه وخلقه..مو اصله

بنت الشامية said...

سدرة العشـــاق :

ما اقدر ازيد شيئ
صج........ صح لسانه
هههههههههههههههههههههههه

بنت الشامية said...

ولد الديرة :

شكرا

بنت الشامية said...

lawyer :

تصدقين عاد ...هذى اختيار الجعده
طلع مفتح بالغاز وانا احسبه ما يعرف بهالسوالف.........خلف الله علي
لووووووول

AseeL said...

تغزلوا بالبيضة والسمرة

والحنطية... مالها نصيب؟

Q8i Blogger said...

يعجبني ذوقه الصراحه

بيضه وسوده !!! .. ماله داعي كلش

احسن شي الوسط

THE BOSS said...

أتوقع لو بو فضاله ملحق على هل يومين جان م غنى هل الاغنيه لانه صراحه الواحد صار ما يعرف السمرا من الحمرا من البيضا صارت كلها تزوير في اشكال وأجسام خوش تهمه جديده
عموما يعطيج العافيه
وعطني ولعه

Snow White said...

أنا لاني بيضه ولاني سمره

برونز وشقرا لول :)

أحب أسمع أغاني عبدالله الفضالة الله يرحمه تذكرني بالماضي الجميل والناس شلون كانوا عايشين على نياتهم وعلى قلب واحد مع أن ما عشت هالزمن بس أسمع من أهلي وأقول جانزين كنت عايشه هالوقت

كويــتي لايــعه كبــده said...

ظلمتي السمر باللي بالصورة
:)

اما الاخيره... مو ذاك الزود
:(

(اشكره واحد يخاف من مرته!)
:)
ء

بنت الشامية said...

AseeL :

فى هذاك الزمان ا كان اكو الا البيضه والسمره وسعيده

وانت كيفكم....لوووول

بنت الشامية said...

Q8i Blogger :

تهقين.......بس هو مشاخي للسمره

علشان جذي سعيده احتجت

بنت الشامية said...

THE BOSS :

يعنى تبي ترد الى ذلك الزمن وتعيش فيه
كل شيئ فى ذيج الايام صادق وغير مزور

على العموم خوش صور عندك...يعطيك العافيه

بنت الشامية said...

Snow White :

عاشوا بناتنا البرونز والشقر...لووول

تحسين جلوسه مع الحريم طبيعي وبدون
تكلف والحديث يونس ويرد الروح لا فيه غم ولا هم.....ربى عطاهم على نياتهم
هذا الثراث الاصيل مو اغانى هالايام ماتعرفين اولها من اخرها
ما لنا الا بوفضاله وربعه

بنت الشامية said...

كويــتي لايــعه كبــده :

اللى يخاف يقول سعيده احلى وحده
ههههههههه
شفت الثالثه شكثر جيكره هذى برازيليه مو خليجيه

THE BOSS said...

بنت الشاميه عفستي مخي خليتيني أفكر أي صور أي بطيخ و بعدين تذكرت اتصدقين ناسيها صارلها سنتين تقريبا واليوم رحت شفتها وضحكت الله يالغبار اللي طلع عموما كتبت فيها كلمتين
بس صراحه مشكوره يا الشطورة علشان ذكرتيني بل تجربه
وعطني ولعه

بنت الشامية said...

THE BOSS :

الحمد الله انى ذكرتك بمدونتك

بس الله يخليك بدون ولعه
لوووول

Anonymous said...

هناك بعض الأخطاء في الأبيات المكتوبة ومنها

جني وليس جنني
طين الصراة وليس السرات وهو طين ريحته خايسة ويستخدم عند أهل النوق
كل برطم منها بعشر إيدنات وليس وزنات
لا أنسى بأن أذكر بأن شاعر هذه الأبيات هو المرحوم حسين بورقبة


البرزنجي

بنت الشامية said...

Anonymous :

شكرا لك تصحيح الاخطاء
بس انا لقيتها مكتوبه جذى
وصرت اقارنها باللى اسمعه
وانا كنت افتكر انها كلمات بن لعبون
ولكنك صححت معلوماتي
فلك جزيل الشكر

خالد said...

بعد قلبي يا السمر .. السمر يا ناس فيهم كل الجمال