Saturday, November 07, 2009

شيكي ...ضاع... من دوره

شيكي ضاع مِن دوّره
شيكي صرفته بميتين موقع علَيّه حوتين
شيكي صورته بآنه .. شاهِد علَيّ مُلاّنا

*****
هل هذا الشيك يحقق التنميه للكويت..؟؟؟؟
هل بضرب أحد أعمدة مؤسساتنا الماليه
وإفشاء اأسرار عملائها يخدم التنميه..؟؟؟؟؟
ألم تكن هناك طريقة أفضل لحل
هذه الخصومه الشخصيه......بينهم ...؟؟؟؟؟

حتى لو كانت نية النائب فيصل المسلم صادقه
وهو نائب .... ..و مشرع .... ومسؤول
إذا بنحسبها بالأرباح والخسائر للكويت
فكم ....نسبة أرباح الكويت...؟؟؟
وكم ....نسبة خسائر الكويت...؟؟؟؟؟

هل هذا يخدم الكويت وتنميتهاااا....؟؟؟
أتقوا الله فينا وفى الكويت
ما هكذا ....تورد إبل التنميه..... يا فيصل
حتى لو كنت صادق النيه
@@@@@@@@@@
نكششششه
هقوتي عند الله
دافنين "عزيزو مكحل" بقاعة عبد الله السالم

من قبل مااااااينبني المجلس
جنهم جنهم من البارحه قاعدين يزهبون
ملال الحلول والعشرج
بقوه ....وخشاشي
بس هالمره جنها جنها جربه موووو مله
ترااااا ...... أنا مااا علي
وسلااااامتكم

35 comments:

Mohammad Al-Yousifi said...

ضربة قاضية لبنك برقان

و النظام البنكي بشكل عام

شهالمسخرة !

enter-q8 said...

منو اللي اصدر الشيك
و قال قبل ما صرفت واللحين صرفت

http://www.youtube.com/watch?v=d8WROerCt-o

منو اللي قاعد يضرب البلد و تنميتها بصرفه شيكات منو اللي قاعد يضرب البلد بمصاريف بملايين

منو و منو
ارجوا ان لا ننجذب الى الفروع و ننسى الاصل

عالطاري النظام المصرفي
قصدك اللي البنك المركزي ما يطالعه و لا يراقبه وما راقبه الا بعد ضجة القروض و شفنا المخالفات على البنوك بالهبل

الشق عود يالغالية
و الدوا طعمه مر و لكنه دوا

جبريت said...

بل هو ضربه قاضيه لقوى الفساد وتوزيع الثروات قبل ان تنتهي

mtfa2el said...

نوابنا يتعاملون بعقلية يهال المتوسط

اطلعلي عقب الهدة و رد على أسئلتي خلال 24 ساعة و إلا

و يقولون شلون الديرة طابعة

Anonymous said...

واذا تراجع فيصل المسلم

يابنت الشاميه باجر الاحد

ولم يسستخدم ويفعل اداته الدستوريه

بالاستجواب لرئيسس الحكومه ؟؟

هل يكوون صادق النيه
؟؟؟؟؟؟؟؟؟؟؟

فمالله

Frankom said...

أنا اتوقع ان تصدر البنوك الاخرى تعماما للموظفين بضرورة الالتزام بالنظام المصرفي كتذكير لهم

وفعلا كما اشار مطقوق ضربة موجعة لبنك برقان

ودم الموظفين الثلاثة برقية فيصل المسلم


في ألية ثانية كان يقدر يستخدمها المسلم

والاعلام كله صب في مصلحة ناصر المحمد

Frankom said...

تعميم

أهل شرق said...

الديج ماضاع يابنت الخاله

لكن احنا الي مسوين روحنا عميان

Snow White said...

بنت الشامية حساباتنا مكشوفة بكل البنوك ليش نقص على روحنا بس اللي صار لبنك برقان درس للبنوك الأخرى

أما موضوع الشيكات ليش المسلم كان ساكت طول هالمده والحين طلع الشيك في هذا الوقت بالذات !! وهل يحق لموظف البنك أو أي شخص تسريب معلومات والتطفل ونشرها دون وجه حق؟! نحن لا نعلم لصالح من هذا الشيك ولا يوجد لدينا أي اثبات وكل اللي نسمعه ناس مع وناس ضد وكل واحد يزيد من عنده بهارات ويكثر الشطه لما انقلب الموضوع عايدي على صاحبه!!

Danderma said...

أحلا ما في الموضوع انها رجعت على المسلم رادي و طلع اللي سواه جريمة بيقاضونه!!!
لوووول

و مثل ما قال رسولنا الكريم صلى الله عليه و سلم"من حسن إسلام المرأ تركه ما لا يعنيه"

فريج سعود said...

هذا الشيك وامثاله يضربون النظام السياسي للبلد بكبره

والناس فازعة حق النظام المصرفي

اما النظام السياسي فماله مدافع

khaled said...

كتابة شيكات من قبل رئيس الوزراء للنواب ... هو اللي فيه ضرب لكل شيء .. تدمير كامل لكل الانظمة في البلد مو بس النظام المصرفي

بذمتكم ياناس .. فيه رئيس وزراء في العالم .. يكتب شيكات لنواب البرلمان اللي مهمتهم مراقبة أعمال حكومته ؟؟

من سمعت الخبر و أنا ودي اشق هدومي من القهر !!!!!!!


و مو باط جبدي الا اللي يرقعون .. شقال .. قال .... ابوصباح يحب فعل الخير ههههههههه صج شر البلية ما
يضحك

daggero said...

لحظة لحظة

البنك الوطنى صار له مده وهو ينشر صور شيكات فى الجرايد

أول شيك وأكبر شيك وما أدرى شنو شيك ويهدى الشيكات حق الورثة مثل الوزيرة السابقة نورية

ما فى أحد تكلم لامحامى ولاقانونى
هل لأن الشيكات كانت بالروبية ؟؟؟
بس هم كانت الروبية عملتنا الوطنية

lawyer said...

الغريب انها تنتهك حرمه بلد بالفضيحه علنا جذي

هذا الشي يحز بالخاطر

Anonymous said...

اختي صارت الغايه تبرر الوسيله للاسف

يعني ممكن مكتب محامي خصمي يسرب لي اوراق تساعدني اكسب القضيه دام ان مقتنعه ان الحق معاي

وممكن طبيبي يسرب وضعي الصحي وامراضي الخاصه لان احد له مصلحه

وممكن الطبيب النفسي يسرب اسراري ومشاكلي وخصوصياتي لان خصمي له مصلحه

وممكن وزاره الداخليه تسرب صور ضحايا الاغتصاب لمصلحه خاصه ومحد له حق يعترض

وممكن شركات الاتصالات تسرب مكالماتنا الخاصه لمصلحه خصومنا

والغايه تبرر الوسيله

SHOOSH said...

و ضاع الشيك من دوره

:)

تعال ياراعي الجربه صب لنا said...

الكويتين هالمره هم اللي يبوووووووووووون

الجربه

خوفا من ماء المجلسس الملوث

بالقبليه والطائفيه والحزبيه

على الاقل جربتنا مايها منا وفيناااااااا

Unknown said...

الشيك سبب كافي للاستقالة يا سمو الرئيس

اما الاخوه المدافعين من النواب وبعض الكتاب لا تلفون وتدورون اشلون طلع الشيك ومنو اللي سرب الشيك راح يجي اليوم اللي نعرف فيه كم شيك صرف لكم

بنت الشاميه said...

ma6goog :

ان شاء الله انها مو قاضيه
هي ضربه قويه
بس بترده اقوي من قبل
بعدها يستصح النظام البنكي كله

بنت الشاميه said...

Enter-Q8 :

شوف والله انا متحفظه واااايد عليه
بس علشانك لانه عندي عليه مقاضيب مالها اول ....مالها تالي


اذا بتنفكر وايد
من الاصل
الدجاجه ..او البيضه..؟؟؟
مارح نتقدم
الكويت محتاجه نفضه قويه
للحكومه وللمجلس ... محتاجين تنميه
مو مهاترات على الفاضي
لا هو بيتسفيد منها
ولا رئيس الحكومه
اكو قضايا اهم اهم من هالشيكات
والحكومه والشيوخ ما راح يتوقفون
عن العطايا والشرهات

والشعب الكويتي الوحيد هو الخاسر الاكبر

بنت الشاميه said...

جبريت :

نتمني انها تكون ضربه قاضيه
للفساد كله
ولكن

ما هكذا تورد ابل التنميه

بنت الشاميه said...

mtfa2el :

والله وانت صاج
هذا اللى طبع الديره

بنت الشاميه said...

Anonymous 1:

ما علينا الا ننطر ونشوف
شبيسوي.... بس حجي
والا
قول و فعل

بنت الشاميه said...

Frankom :

ما يحتاج لان
كل موظف بعرف هذا
والاصل الامانه فى العمل فى كل مجال

وانت صاج ذنبهم برقبته
يتحمل كل ذنبهم

بنت الشاميه said...

أهل شرق :

خلف الله عليهم
هو بس ديج واحد....... ديااااجه وايد
ضاعت من قبل

بنت الشاميه said...

Snow White :

لا زالت بنوكنا تحافظ على اسرار عملاءها
وسرية حسباتهم
هذى اخطاء فرديه....يتحمل الموظف المخطئ نتائجها
ديرتنا دايما تضيع فيها الحقيقه
لان كل من يفتي من صوب
وحرب الاشاعات ...والمسجات
والحين المدونات

والكل ضايع
وان شاء الله نلقى ديجنا

ما اقول الا الله يحفظ الكويت

بنت الشاميه said...

Danderma :

كان من لممكن ان يقدم الشيك الى النيابه العامه بكل سريه
الى ان يثبت التهمه

ولكنه
اراد المتاجره السياسيه
على المصلحه العامه
فيتحمل النتائج

بنت الشاميه said...

فريج سعود :

استقرار النظام المصرفي والاقتصاي
باي دوله,,,يعني
استقرارها السياسي والا جتماعي

كلهم بسلسله وحده ما نقدر نفصصهم

بنت الشاميه said...

khaled :

الردي من اللى قبض

هونها وهي تهون
اعتبرها من الشرهات
اللى يوزعونها شيوخنا

بنت الشاميه said...

daggero

تهقى الاعضاء اللى قبضوا
لحقوا على الروبيه

يالله مع السلامه لا تخليني اخوره

بنت الشاميه said...

lawyer :

هم هامهم البلد....!!!!!ز

بنت الشاميه said...

Anonymous 2:

اتمنى ان لا نحبط
والكويتين ان شاء الله فيهم الخير
والغايه تبرر الوسيله بالحق فقط

بنت الشاميه said...

SHOOSH:

المخلصين ان شاء الله يلقونه

بنت الشاميه said...

تعال ياراعي الجربه صب لنا :

تراه ياي بالطريج لا تستعجل على رزقك
زهب برجتكم
عسى عاد عندكم برجه بحوشكم...؟؟؟؟

واذا ما عندكم
يوصولنه لكم ببطول
والتعبئه علي

بنت الشاميه said...

الطائر الحر :

احنا نبي العنب
مو قتل الناطور