Wednesday, July 22, 2009

ولا زال الخلاف قائم ...حتى الان

موضوعي اليوم الكثير راح يخالفوني الرأي
دائما أكون فى نقاش مع عيالي عن نوعيه الأفلام
اللى يتابعونها بالسينما أو فى البيت
أحب الأفلام اللى تخاطب عقلي وفكري وتحترمه
وأكره كل فليم يسخر مني ومن عقلي
ودائما أقول حدث العاقل بما يعقل
كلنا نحب توظيف الخيال لإنه هو الإبداع
بس لا يجنحووووون ويشطحووون فيه وايد
بعد ما أصروا علي إن أشوف
HARRY POTTER -6
TRANSFORMERS -2
كل اعتراضاتهم علي
1- إني ما قريت القصه
2- لم اتابع الأفلام السابقه
3- لاني أحب الأفلام اللى توظف الخيال
4- إنى من أنصار الأفلام الكلاسيكيه
5- لأني أحب أفلام الإثاره والتجديد والتغير
وكان ردي عليهم
1- الفليم الجيد ما يحتاج إن تقرا قصته قبل
2- وهالأفلام مافيها قصه أصلا
3- و الأكيد إني من أنصار الأفلام الكلاسيكيه
أحب الأفلام الواقعيه القابله للتصديق
4- أحب أعيش بالفليم حتي بعد الإنتهاء منه
بس للإنصاف

الفليمين فيهم جوانب كثيره ممتازه فقد كان التصوير
والموسيقى والإخراج والتمثيل اكثر من رائع
و اللى أكثر ماعجبنى الحوار كان راقى
وتقريبا خالي من الألفاظ الخارجه وماكو مناظر
تخدش الحياء ولا قتل وذبح ولادم ولامناظر مخيفه
و أشكال غريبه قبيحه مرعيه
أما التقنيات الحديثه فشيئ عجيب يبهر الأبصار
الجانب السيئ وخصوصا "هاري بوتر
فإنه يرسخ مفهوم جدا خطير بان السحر الابيض
أفضل بكثير من السحرالأسود القاتل المميت
وكأنهم يتكلمون عن الخير والشر والحب والكراهيه
و المناظر كلها سوده قاتمه مظلمه تقمت القلب
والإهم..... إن الفليم للأطفال سن 12 سنه
والجمهور ....كله من البالغين...؟؟؟؟؟؟

مااااا ادري شصاير بالدنيااااااا..؟؟؟؟
و بعد ما يخلص الفليم ومن تطلع من باب
السينما تنسي الفليم بكبره
لإنه فليم باهت ماصخ ماله طعم ولا لون
وهذا عاد ماااا يمشى عندي الفليم اللى ما أعيش
فيه وأتذكره وأتحلى على الأبطال و نتناقش
بالقصه وبالحوار والاحداث اللى دارت فيه
والإ ما أعتبره أصلا فليم
أعترف أني من أنصار السينما الكلاسيكيه السنعه
فلا أنا إقتنعت بكلام عيالى
ولاهم إقتنعوا بكلامي
ولازال الخلاف قااااااائم حتى الأن
وسلاااااامتكم

24 comments:

Icarus said...

بالنسبة لي أنا من المتعصبين لهاري بوتر

:)

لكن في النهاية الناس أذواق

جربي تقرين القصة يمكن تعجبج أكثر من الفلم؟

Nikon 8 said...

تصدقين لحد الحين في خيالي أفلام الأبيض والأسود
شادية الله يذكرها بالخير وهي تفتر بالتليفون على كبر الشقة والواير وراها إشطوله
وسامية جمال وهي ترقص تحت سلم الفيلا العجيب
لحد الحين ودي أقلدهم مع إنا ما عندنا مثل سلمهم ولا وايرهم
بس صج يشوقون ويرسخون في بالنا
وعلى كثر ما يعيدونهم أقول الله
:))

Anonymous said...

أخيتي

الله يعينج على مراهقين هاليومين

أفلامهم غريبة عجيبة

ما تسوى نكلة

انصحج تشوفين فيلم وايد عجبني

اسمه

Mystic revier

star said...

أولا..

الله يحفظهم ويصلحهم ويدوم برهم و حبهم

ثانيا...

هذا جيل هاري بوتر رضينا ولا لأ وترا أحب قصة كفاح مؤلفة هاري بوتر و شلون طلعت بالقصه

ثالثا...

لولا تعدد الأذواق لبارت السلع .. باجر تختلف اذواقهم و تنصقل أشوه أنها يت على هاري بوتر مو أفلام مخيفه مقززة تقسي وتموت القلب

رابعا..

احسن خيار الكلاسيك ما تبطل موضته

تحياتي لك و لابنائك

daggero said...

بنت الشامية

شنو الفلم اللى للحين تحبينه؟؟ ولمازا

بالنسبة لى أبى فوق الشجرة

لأن الفليم فيه معانى عميقة

نادية لطفى كانت تشتغل رقاصة فيه

ههههههههههههههههههههههههه

أتيت متاخرة said...

وايا على افلام الأسود والابيض
هاذي كانت غير
بصراحة آنه مو من متابعين لا التلفزيون
ولا الافلام لا بالسينما ولا غيرها

من صرت امرأة ثلاثينية >>>> قولوا ما شاء الله أحس اهتماماتي تغيرت
اتجهت اكثر لهواياتي واقتصرت على القراءة
اللهم الا اذا يوم من سنة
تابعت برنامج كامل او مسلسل
هاذي اعتبرها معجزة

Mohammad Al-Yousifi said...

هاري بوتر مادري عنه خير شر

بس ترانسفورمر دشيت و طلعت بعد نص ساعة

الفلم و لا ببيزة

بس البطلة حلوة

أهل شرق said...

بنت الخاله

مافي احلى من افلام محمود ياسين

!!! القديمه
-----------------------------

بو عبدالملك said...

انا ابي اطرح عليج اقتراح يعجبج ولا لا شي راجع لج

يعني الحين انتي ليش تروحين سينما وتقطين3ونص على فيلم مدته ساعتين
اقتراحي :لو انج تروحين تشترين الفيلم بدينار وتشترين لج وجبه بدينارين من ماكدونالدز يبقى نص تتبرعين فيه لاخوانج بفلسطين لانهم محتاجين الفلس
ماذا نستفيد من الاقتراح
1 نضرب او نقلل من الاقتصاد الامريكي اليهودي لان شريط بو دينار اكيد نسخ يعني اسقطتي سعر الاصلي
2 دعمتي اخوانج بفلسطين
3 اكلتي وترستي بطنج وعليج بالعافيه
4 تكسبين اجر عند ربج
ملاحظه ركزي على 2 وعلى 3 وعلى 4
وتاملي فيهم



وطبعا انصدمتي من الاقتراح ومن عقليتي
بس فكري مثل عقليتي

كويــتي لايــعه كبــده said...

شايف ترانسفورمرز لحد الان مرتين
علشان الكمارو
http://images.drive.com.au/drive_images/Editorial/2009/02/13/01ChicagoCamaroBumblebee_m_m.jpg

بس لا تعلمين أحد

وهم يذكرني بطفولتي
يوم كنت العب بمجسمات ترانسفورمرز الاصليين بالثمانينات

Icarus said...

بو عبدالملك يبي يضرب الاقتصاد الامريكي والحبيب يقول روحي ماكدونلدز
!!!

بنت الشاميه said...

Jako :

ولازال الخلاف قائم

لوووول

بنت الشاميه said...

Nikon 8 :

من يقدر ينساهم اصلا
تذكرين
فليم بين الاطلال...وصراع بالوادي
اهلام راسخه وعلامه ممميزه فى عالم السينما العربيه
تتذكرين السله اللى يحطون فيها التلفون وتتمشى فيها البطله
هذيك السنه الكل اشترى مثلها من مصر
هههههههههههه

بنت الشاميه said...

دروازة :

اصلا من يبدي الفليم وانا اتحلطم
بس اسكت بالاخير علشان ما يقومون عني
لوووول
ان شاء الله اشوفه

بنت الشاميه said...

star :

الاختلافي معاهم ....ان هناك فرق كبير بين الروايه والفليم ...اكيد الروايه هى الاحسن والاقوي تاثير....لانه الكلمات اثرها اقوى من التمثيل

بس كلهم متفقين علي....وانا بروحي
وابوهم محايد ملتزم جانب الصمت
ههههه
مشكوره على هالدعاء اللى يرد الروح
والله يحفظج ويخليج لاهلج

بنت الشاميه said...

star :

الاختلافي معاهم ....ان هناك فرق كبير بين الروايه والفليم ...اكيد الروايه هى الاحسن والاقوي تاثير....لانه الكلمات اثرها اقوى من التمثيل

بس كلهم متفقين علي....وانا بروحي
وابوهم محايد ملتزم جانب الصمت
ههههه
مشكوره على هالدعاء اللى يرد الروح
والله يحفظج ويخليج لاهلج

بنت الشاميه said...

daggero :

افلام وايد

gone with wind

sound of music

ام الافلام العربيه
الاطلال
صراع بالوادي
وكل افلام شاديه

ا

بنت الشاميه said...

أتيت متاخرة :

والله ابرك لج
انا مثلج مو من متابعين السينما
بس ساعات انحط بمواقف
وخصوصا بالاجازات
فلازم اتابعها
انا من متابعين محطة العربيه فقط

بنت الشاميه said...

أتيت متاخرة :

والله ابرك لج
انا مثلج مو من متابعين السينما
بس ساعات انحط بمواقف
وخصوصا بالاجازات
فلازم اتابعها
انا من متابعين محطة العربيه فقط

بنت الشاميه said...

ma6goog :

والله زين سويت
انا الى الحين اقولهم ردوا لي فلوس تذكرتي
لووووول

بنت الشاميه said...

أهل شرق :

افلام كمال الشناوي اجمل

(:

بنت الشاميه said...

ابو عبدالملك :

بفكر..... بس الاكيد مو مثل تفكيرك

بنت الشاميه said...

كويــتي لايــعه كبــده :

وهم انا بقول لك سر
انا كنت رافضتهم من كانوا مجسمات يلعبون فيهم
احسهم ما فيهم حياة مثل الالعاب الثانيه
لوووول

بنت الشاميه said...

Jako :

احترام الراي الاخر المخالف واجب

وشيئ حضاري...لازم ما نتخلى عنه