تعتبر الكويت الأولى على مستوى الخليجوالسادسة على مستوى الشرق الأوسط
من حيث انتشار عادة التدخين بين
الفتيات الصغيرات فى سن 13-15 المدخنات
14.3%فقد بلغت النسبه
اما نسبة الذكور فقد بلغت النسبه %28.6
لنفس الفئه العمريه .13-15
أي أن الكويت الأولى خليجيا من حيث انتشار
وباء التبغ بين هذه الفئة العمريه
إنتهى الخبر
صعقت ... وخفت .... لما قريت الخبر
اللى أعرفه الأولاد هم اللى يحاولون التدخين فى
هذا السن ليثبتوا لقرنائهم إنهم كبروا ونضجوا
صاروا ريايل لإن هذا هو
اللى أعرفه الأولاد هم اللى يحاولون التدخين فى
هذا السن ليثبتوا لقرنائهم إنهم كبروا ونضجوا
صاروا ريايل لإن هذا هو
مفهومه الرجوله عندهم
اما الحين بناتنا الصغيرات...لا هذى كارثه
لايمكن ان نغفل عنها ونسوي روحنا ما نشوفهااااا
هالإحصائيه خطيره فقد دقت جرس الإنذار
الدوله المتحضره تحارب التدخين
وتضيق الخناق على المدخنين
واحنا ينتشر بين بناتنا الصغيرات
ماهو سبب تدخين الفتيات الصغيرات..؟؟؟
هل هو سبب نفسي.؟؟؟؟
هل هو التقليد الاعمى...؟؟؟؟؟
اما الحين بناتنا الصغيرات...لا هذى كارثه
لايمكن ان نغفل عنها ونسوي روحنا ما نشوفهااااا
هالإحصائيه خطيره فقد دقت جرس الإنذار
الدوله المتحضره تحارب التدخين
وتضيق الخناق على المدخنين
واحنا ينتشر بين بناتنا الصغيرات
ماهو سبب تدخين الفتيات الصغيرات..؟؟؟
هل هو سبب نفسي.؟؟؟؟
هل هو التقليد الاعمى...؟؟؟؟؟
عدم وجود الرقابه عليهن...؟؟؟؟
أم أسباب أخرى ....؟؟؟
خلونا نناقش الموضوع بكل صراحه وشفافيه
أم أسباب أخرى ....؟؟؟
خلونا نناقش الموضوع بكل صراحه وشفافيه
لعل وعسى نطلع بنتيجة ما نحمي بها بناتنا
لاحول ولا قوة الا بالله
اللهم سترك وعافيتك
وسلاااااامتكم
اللهم سترك وعافيتك
وسلاااااامتكم
59 comments:
أنا سألت مرة وحدة كويتية مُدخنه
قالتلي : دلــــع وصار ولــــع
طبعا هذا بعد بسبب قصور بالرقاية
ماعليج منهم .. لا تصدقين اللي تقول سبب نفسي
التدخين سواء الرجل أو المرأة
مـــــــــــــــــــلاقه
ربيتهم قاصرة .. وما يعرفون مصلحتهم
ولا يحطون النفسية شماعة يعلقون عليها أسباب تدخينهم وخمالهم بصحتهم
اخيتي
تذكرين بوستي
سلوكيات دخيلة ... 1
http://shakhabee6-hammah.blogspot.com/2009/01/1.html
الله يستر علينا
تحياتي لج
والى الشامية
والكويت عموما
!!!!!
أمر غريب ومستهجن بشدة
حمانا الله وحمى فتياتنا وأبنائنا من هذا الوباء
نوع من الحرية الشخصية
الي كفلها الدستور بتاع الكويت
ومن منطلق المواطنه لازم نحترم حرية الافراد
سواء حبيناها ولا كرهناها
الدور الجاي على الخمور ونسبه الكويتيات الي يشربون الخمور
بس هم محد له شغل
دامنه للإستعمال الشخصي فقط وفي مكان خاص
شوفي سلمج الله
الرقابة الرقابة الرقابة
مو معقولة بنت تدخل البيت مايشمونها اهلها او ولد يشمونة اهلة
ولأن التدخين إدمان فأكيد بحاول التدخين داخل البيت
وإذا بهذي ما اكتشفوها فإسمحيلي
الخمال من الأهل
ويالله سترك
a3teqed el faragh el faragh oo noo3 el 7ayat el routine el 3elaqat bain el ahal oo el banat , el mojtama3 nafsa kelhom yel3boon door ra'esii eb hal moshkilla
الله يكون بعون الاهل
انا ولدي عمره ١٦ و بدا يدخن
مع اني مجابله و انصحه لكن اتبع ربعه
بالنسبة للموضوع اللي طرحتيه
موضوع يطول شرحه و ذو شجون
المهم اللي ابي اقوله ان حاليا الممنوع اصبح مرغوب و بشده عند المراهقين
لان الممنوع اصبح متاح و امام اعينهم و لايمكن تقولين لهم شوفوا هذا ممنوع
و لا تقربون منه
والتدخين مجرد واجهة لسلوكيات اكثر انحرافا
فيه تحديات كثيره الان و الاهل اصبحوا غير مؤهلين انهم يتعاملون مع كل الاغراءات الموجوده
لازم يكون فيه ناس متخصصه تساعد بعد
وشكرا
السؤال الأهم
شلون الواحد يدخن بالأساس؟ مو سالفة كبير و صغير بنت او ولد
شطو تحط هالخياس بحلجك و صدرك؟
أعتقد ايحبون يثبتون لنفسهم انهم يقدرون ايسون شي حتى لو ممنوع من قبل الأهل والمجتمع والحمدلله انه الإنفتاح مو زايد بالكويت جان صار الأجيد للأغلبيه بحكم انهم يبون ايحسون
(احنا كبرنا ونقدر انسوي اللي نبي انسويه)
ودي اعلق بس فاقد الشي لا يعطيه
لانه ماكو شي ما جربو
ما بقى الا هالزقاير
فقالو يالله شوارنا
استهتار :)
صبحج الله بالخير بنت الشاميه
شوفاي حبي تنتشر عاده تجربه التدخين بالنسبه للشباب مابين 7-10
و البنات بالفئه الي ذكرتيها
لكن هذي الاحصائيه ما تبين نسبه المدخنات لأ
تبين نسبه من جربت التدخين
يعني 14 مو مدخنات لألأ بنات جربو الزقاره ..انا هذا الي عرفته بالنسبه للاستبيان والاحصاء الي تم
الله يحفظ عيالنا
اصدمج اذا قلت لج ان البنات المدخنات في الكويت بدأو التدخين بسبب الاهل
من قال ماكو رقابه لألأ
بس الاهل من اهما يهال يتحلون على البنات و يحطون بحلجهم زقاره على ضحك...
ولا تنسين هناك فئه كبيره من الكويتين عاده التدخين بالنسبه للمرأ÷ شي عادي
و بعد الشيشه و قبل كان القدو
فاللاسف من الاسره مو من شي ثاني
مممممم كويتيات يدخنون ؟؟ مااعتقد في وايد .. بس هم اذا في وايد اعتقد الرقابه
وبالنسبة للشباب كيفهم :p
-----
ديللي ومليي
اشدعوة ربيته ناقصه ؟!؟!؟؟!؟!؟!؟
ترى زقاير مو حشيش
وبعدين النفسية مو شماعه :p
السبب هو خلها عطها حريتها لاتعقد البنت
ياخي شفيك البنت توها صغيره عمرها 17 خلها تستانس بشبابها
ياخي شفيك حنا ببلد ديمقراطي يكفل الحريه خل البنت تاخذ رحتها
يبا ابي اروح السوق تبين السوق انا سايق عندج يالله ذلفي ويا السايق
ماما بروح السوق انا مشغوله بروح لرفيجتي
البنت تفكر تفكر تفكر تفكر
لين طاحت لها على بويه الله يلعنها وطبعا البويه ماتقصر اكيد راح تعلمها كيف تتوضئ
وكيف تصلي
وتحفظها الاربعين نوويه
ياسلام
وانت طالع
انا سمعت
بالظاهرة
بس النسبة 14% تخرع ترى
يعني بالخش و الدس ؟
و الكويت الاولى !!! الله يستر
احنا بكل شى
تحتل المراكز الاولى
***************
الحب و ما يسوي ;D
لا إهمال ولا شي ,, اخذولكم فرة على البلوقات و شوفوا الحب شمسوي بالفتيات ,, زين ما يشربون بعد ;Pp
مادري ليش عندكم تدخين البنات منكر وتدخين الشباب عادي
كله غلط بغلط.. مضر بالصحة.. ريحتهم خايسة.. اسنانهم صفرا.. منظرهم بايخ وحسبالهم كول... وألعن شي مذلتهم وحنّتهم لما تخلص سجايرهم وماكو باكيت قريب
ولا أحد يقول لي اسباب نفسية... كلها مصاخة وتقليد
أبوي الله يرحمه قالها مرة وحدة ولا احتاج يعيدها علينا.. سووا اللي تبون بس علشاني لا تدخنون، وطعناه بدون مشاكل والحمدالله ولا أحد في بيتنا يدخن
وايد منتشرة هالظاهرة الغير صحية
وهذا يرجع لأسباب وايد قد تكون مؤسسات التربية احدها
أكرها وما أحب ريحتها خايسه وتلوع الجبد وتخنقني
الشخص الوحيد اللي كان يدخن في البيت الوالد بس الحمدلله بطلها بس بعد شنو! بعد ما صار فيه جلطه واضطر يسوي قسطره في القلب وقطعها مره وحده الله يتمم عليه
التدخين هو نوع من الإدمان!! لكن أضرارها كثيره والأسوء منها الشيشه سواء على القلب والرئة والعين ويسبب سرطان ويخلي ريحة الواحد اعطبه..يعني ما تسوى عليك تدمر صحتك وصحة اللي حواليك
والله شي يخرع
بس الاحصائية أكيده
واهي على الكويتيين والا على البشر اللي عايشين بالكويت؟؟
لان في جنسيات ما عندها مشكلة بالتدخين؟!؟!
بوست حضاري خالص
الرفاااااااااااااااه
و الصديقااااااات
الدلع ....التشبه بالحياة الغربيه ..بيوت كويتيه لاتكلم ابنائها باللغه العربيه وهي سسعيده باللغه الانجليزيه
النت النت النت مفتوووح لكل عمر في الاسره الكويتيه وكل الاباء يعلمون ان الابناء من رابعه ابتدائي الي رابعه جامعه ان ...ابنائهم لايعملون سسيرج علمي للمعرفه والثقافه
في غرفهم ..بل استخدام ششخصي وبعضه خاص جدا جدا
والابوين سسعيدين ويتفاخرون بذلك
!!!1
والسيجاره احدى توابع الحريه والاهمال والدلال ..وهي الاخف من اشياء كثيره في عالم النت
كافي فقط سسسرية الايميل بالنسبة
لبنت 13 وال16
والام دورها اكبر من الاب اللاهي بعمله !!!1
هل تسستطيع الام ان تاخذ الباسورد من ابنائها تحت ال18 عام
؟
يمكن السسيجاره اخف الاضراررررر
وهذي ضريبة الرفاه ويمه ترا اليوم بطلع اتعشا مع صديقاتي
والام ولااااا حجوه !!!1 بس تبحلق بعيونهها
ياريت نعرف احصائية اعمار ال18 الي 21
اعتقد انها كاااارثه
فمالله
لا حول ولاقوة الا بالله
انا لله وانا اليه راجعون
mo khooosh khabar :(
التدخين مو اثبات رجوله ولا قوه ولا استهتار ولا دلع.. الزقاره مزاج
متى تفهمون هالنقطه؟ (:
DiLLi O MiLLi :
المظهر الحضاري الحين للى ما يدخن
الحمدلله شكلهم بالمطارات وهم بالغرف الضيقه اللى يدخنون فيهاااا
جنهم باقفاص....وهم يدخنون
انا سالت وحده ليش تدخنين
تدرين شردت علي
تقول محد لخني طراق ومحد وراني العين الحمره
جان ما صار هذا حالي
والله حاله الاهل شصارواا....مباحث
هذا الرفاه وما يسوي
الله يهدى الجميع
ويحمي عيالنا من هالافه
دروازة :
بس شنو الحل..؟؟؟؟
نستخدم لغة الحوار وياهم
والا لغة التهديد و العقاب
هذا بلاء من رب العالمين
إيلاف :
اللهم امين
moodart.net :
احنا لو الله يفكنا من هالكلام الكبير
جان احنا بخير
الظاهر انك ما قريت اصلا البوست
هذول بحكم القانون قصر ناقصين الاهليه
وبالشرع وبالدين الاب مسؤل عنهم مسؤليه كامله عنهن
هذول اهدهم على كيفهم واقول هذى هى الحريه....لا بالله ماااا نبيها اذا بتدمر عيالنا
وان شاء الله ايي الدور بعد على الخمور و الحسشيش و المخدرات
اللهم ابعد عنا هذا الوباء
حسافتج يا كويت :
الله يسلمك ويخليك
بس لو اكو خوف وهيبه من الاب والام
جان ما وصلنا الى هالمواصيل
والطامه الكبرى عاد اذا الام تدخن مو بس الابو
يالله العافيه
Anonymous :
كلامك كله صحيح....والاهم الرفاهظ نا
والحياة الماديه المريحه
هى من الاسباب
الله يحفظنا ويحفظ عيالنا
reemas :
كلامك ما عليه زود
تدري اللى صدمني ...شلون بنت بهالسن
يطرا بس على بالها ان تدخن
هذى هى المشكله عندي
وهذى اللى مو راضيه تدش مخي
ما ادري انا من المدرسه القديمه
تربينا على قيم ومفاهيم مختلفه عن هالجيل...اللى مايصدق وما يتبع الا ربعه...وهم دائما الصح
شابت روسنا من تربيتهم
كل شيئ صعب بهذا الزمن
الله يعينا ويوسع صدورنا عليهم
ويحفظهم
ma6goog :
طبعا اقصر طريق للموت
كل ما زاد العلم والمعرفه بمضار التدخين
زاد عدد المدخنين والمدخنات
اللهم ياكافي
Ļa ƒéммé :
حنا كبرنا ونقدر انسوي اللي نبي انسويه)
يعنى الكبر بس بالممنوع والمميت
ليش مو بالشئ المرغوب والمفيد
لاحول ولا قوة الا بالله
BeeDoO :
التدخين مميت وخطر الرجاء التوقف عنه
*Being One :
لو محصله قرصه على فخذها تنهن قلبها جان ما فكرت بالتدخين من اصل
lawyer :
اللى تجرب مره بتجرب مره ثانيه
بس اصلا شهاليراعه اللى فيها
شلون تفكر انها تجرب التدخين
وهى توها نتفه....ا1ا كبرت شبتسوي
والاهل اللى يتحلون عليها وهي تحط السيجاره بحلجها
اعتقد هذول من النوادر....ويتحملون اللى يصير فى بنتهم
اللهم ياكافي الى وين بنوصل
ما تحملنا الاولاد هالمره البنات
هذا بلاء من رب العالمين
--------
الجعده تراه يسلم عليج
ويقول تراه على الوعد
بس انت اللى تدفعين
صاير وايد مادي من راح هالغبره امريكا
هههههههههههههههههههههههههههه
Eng_Q8 :
ليش الشباب كيفهم ؟؟؟؟؟
التدخين مضر وقاتل للبنت وللولد
ليش التفرقه
اللى ما ارضاه على البنت ما ارضاه على الولد...كلهم فلذات اكبادنا
التربية والرقابة الاسرية سبب اساسي
ابو عبدالملك :
مع الاسف هذا الوضع موجود...مخج يقدر ينفيه...ورائي الشخصي تتحمل الام الجانب الاكبر ...لانها الاقرب للعيال من الاب...وعليها ان تصادق بناتها وتتقرب منهم....يالله تقدر تحافظ عليهم وتحميهم بالوقت المناسب....والله الحافظ
aL-NooR :
النسبه صج تخرع...ودائما احنا بالصداره
):
Don Ju :
كل هذا من الحب....ياحسرتنا
والشباب شخبار الحب معاهم..؟؟؟
الرقابه مطلوبه من العائله على عيالهم
Zaydoun :
التدخين مضر ومميت للكل
المنكر انهن قاصرات...اذا بهذا العمر وتدخن....وهذى اول خطوه.... تجر ورائها خطوااااات كثيره وخطيره
الله يحفظهم منها
بس تظل البنت ...بنت...وبتصير ام المستقبل....وبتصير قدوه لعائلتها الصغيره..وصلا التدخين كريه على المراة
المهم التدخين وباء ما يضر الا صاحبه
أتيت متاخرة :
اذا النسبه صحيحه فالله يستر
وصحيح المؤسسات التربويه يجب ان يكون لها دور اساسي لحل هذه الكارثه
Snow White :
الشيشه ....بلوه ثانيه
عاد هذى مضارها اكثر بكثير من السيجاره...الى جانب ريحتها الخايسه اللى تصبغ بالملابس والشعر والفم
الله يكافينا شرهم
ARTFUL :
اعتقد انها على الكويتين فقط
شفت شلون النسبه تخرع
اجار الدين كشمش :
وااااي اجار عورت قلبى
يااااحسرتنا شنسوي..؟؟؟
شهالحاله...صوره سوداويه
قمت اخور الحجي
بروحى منصدمه ومخترعه...والحين انت سودتهااااا
مع السلامه اجار
مع السلامه
Du3aijiah :
اي والله لاحول ولا قوة الا بالله
الله يعينا
يعقووبوو :
محد مودرنا الا هالكلمه...مزاج
مزاج ان تقتل نفسك بهذا السم...؟؟؟
متى تفهم انت هالنقطه
أهل شرق :
صح كلامك...بس لا تنسى الربع والاصدقاء تاثيرهم قوي
طول عمر امي الله يحفظها تردد علينا هالمثل...السمجه الخايسه تخيس كل السمج
والله الحافظ
مضر على المرأه اكثر من ماهو مضر على الرجل
وبعدين لا تنسين اني ادخن ... الا اقولج يعني :p
Eng_Q8 :
التدخين مضر ومميت
الرجاء الامتناع عنه فورا
وبالصحه ما كو امراه ورجل الضرر واحد...حتى بالاثر الاجتماعي والاقتصادي كلهم واحد
ابحثي عن الاسرة اولا في كل مشكلة وسلوك للأبناء
وفي سبب ثاني
الكبــــت
..كل ممنوع مرغوب
والمجتمع عندنا كله يقمت البنات
عشان جذي تشوفين هالاشكال الغريبة وين ما تروحين من المحسوبات على الانسان الانثى
ما احب التدخين
يسبب مشاكل حق البشرة والاسنان والجمال والشباب والصحة
hi i have blog and i dont know how to upload video on it can u help me?
AseeL :
لانظلم كله الاسره...ساعات يكونون مظلمين جدا...سووا كل اللى يقدرون عليه..... ولكن
التاثير الخارجي يكون ساعات اقوي
ما نقول الا يالله الهادي
اما مضار التدخين على الفم والبشره
فهى لاتعد ولا تحصى
الله يحفظنا ويحفظ كل عيالنا يارب
منوره
(:
وطني :
متاسفه انا ميح بهاشياء
لو بس سائلنى قبله بيوم
جان قدرت ارد عليك
فريقى التقني امس سافروا...وهم اللى يسون لى كل شيئ
اسفه ما اقدر افيدك
np thank u
wala moshkela kebeera ya bent elshameya, ma et9adgeen cham mara bent kobrey aw a98ar meney tes2aley tabey zegayer.. ana ada5en o wala lo yered feney elzeman ma ada5en bas 7abait etatd5een o 3asaney atrekha,, 3al 3omoom men na7yat elshabab eltad5een shay 6abe3ey elnaas etegabela fa mako shay yeredek wenta e9gayer, wel tad5een belkuwait 5o9oo9an shay 6abe3eey nader ma telgain shabab ma yeda5noon wala yeshayshoon.. amma elbanaat ma3teged enha solokeyaat da5eela,, lel2asaf el3etb kela 3ala elta3leem. elta3leem mo kotob o derasa lazem yansheroon elwa3y eb hal majaal.. o ba3dain el3etb 3ala ba3'6 el2ahal lazem yekalmoon e3yalhom eb hal maw'6oo3 o tarahom yekalmoon elshabab bas elbanaat be3tegadhom mosta7eel eda5en.. ohwa 3ada say2a eb'3a'6 elna'6ar 3an eljens laken e7na ka mojtama3 entagabal tad5een elshaabab o la7ad yanker gela galeela matgabal.. laken elbanaat tabeen el9ejj shay yedeed.. wala mat9adgeen el 9adma eley yatley lama sheft banaat a3arehom yeda5noon o enkoon 9are7een sem3at el bent etrou7 ma3a elzegayer.. amma etha kanat foug el 18 o 3a8la fa kaifha laken '6aroreey '6arorey ewa3oon elshabab, l2ana bas etha towala3tay 9ejj etewale3aan allah yab3ed sha3bna 3an elzegayer l2ana 9ejj ma waraha ela elsheega.. o latwa5theena 3al em3arab
احصائية خطيرة وموضوع مهم ومشكلة واقعه ومشاهده
شنو الحل ؟؟؟ اذا عرفنا شنو السبب عرفنا شنو الحل ....شنو مصادر التاثير على الأخلاق والسلوك ....هنيه مربط الفرس
ويا خوفي بعد جم سنه نشوف احصائيات اكثر تنوعاً واكبر اعدادا الله يستر
شكرا على الاحصائيه
شكرا على الموضوع
وعسى ربي يوفقج لكل خير
Anonymous 2:
I agree with you that awareness on these matters are the first steps on preventing it. We have so many issues in which we need to educate our youth in, however they are neglected. Good luck with you trying to quit smoking!
محمد :
مشكور وما قصرت
عندي قناعه ان الهادي رب العالمين
مهما حاولوا الاهل والاصدقاء
ماكو حافظ ولا هادي الا رب العالمين
الله يحفظ كل عيالنا وعيال المسلمين
يارب
Post a Comment