Friday, July 24, 2009

شطحاااات اجازة صيف

قط خطر على بالكم أن تسافرون الى القطب الشمالي
أو غابات الأمزون أو مجاهل أفريقيا
أكيد محد راح هنااااااك
أصلا ما سمعت احد راح هناك
أنا طبعا ما أحاول أصلا أن أفكر فيهم
مو أزوروهم.....!!!!!!ء
ليش.... ما أدري ليش...؟؟؟
يمكن لأن ما عندي روح المغامره
أو يمكن الخوف من المجهول
أو لأسباب ثانيه ما أقدر أقولها أو أعترف فيها
شوفوا بزوغ الفجر فى القطب الشمالي
المنظر روعه... وغيروا فكرتكم
جنه يستاهل السفر و العنوه
بس أنا ما راح أروح هنااااااك وانتو كيفكم
وأنااااا مااااا علي
وسلامتكم
شرااااااايكم ....احجز لكم
(((((:
وسلااااااااااااااامتكم

32 comments:

كويــتي لايــعه كبــده said...

لي صار فيه "فور سيزنس" بغابات الأمزون أو مجاهل أفريقيا يمكن ربعنا يروحون

والصور هذه لـ"أضواء الشمال" او الأورورا وتنشاف من جرينلاند وشمال كندا وشمال سكوتلاندا

انتي شوفيهم بالصج وبعدين تعرفين مدى جمالهم الحقيقي سبحان الله

Don Juan said...

انا كنت و ما زلت مفكر اني أروح السافاري بكينيا ,, شنو الألمان الي يهدون هالخضار و هالطبيعة و هالبراد و يروحون هناك يجابلون شوية أسود و فيلة أحسن مني !

Mamloo7a Q8ia said...

خوش شطحات
والله شوقني المنظر
وعازمتج نروح مع بعض والا فلا
اشرااااايج؟؟؟؟

Jako said...

بنت خالتي راحت ألاسكا الصور مو صج شي خيالي

إن الله عطاني عمر بروح ان شالله

عنيف said...

لا انا من الناس رحت رحلة قنص في بوركينا فاسو مع الشباب ربعي رحنا بسياره لي جده ومن جده بالعباره الى السودان ومن السودان برحلة قنص خفيفه الى بوركينا فاسو بمعقل مجاهل افريقيا

اما القطب الشمالي حجزي لي بس على حسابج انا راضي اخاف اروح ما استانس بالديره واقول لو اني قاط الفلوس على تايلند احلا

Anonymous said...

من احلامي اروح هالاماكن

وبروح ان شاء الله

قاعده اخطط من الحين

عشان اكون مستعده لما تييني الفرصه

وبدز لك الصور ((:

Dark angel said...

wow

looks like fairy tale !

i wanna go there one day

عاجــل said...

اكيد منتي رايحة هناك

قاعدة ياالله من فضلك في رام الله

يطبخون لك بالمكلوبة على الغدا والمناكيش بالريوق

وحولك كل الجماعة
فلانة حملت وفلانة ولدت

اقول ردي احسن لك

reemas said...

والله مكان جميل و لازم ازوره يوم اذا الله احيانا

ReLaaaX said...

ماتدرين باجر يحطون عروض ومايلحقون السفريات :)


حلوه الصور بس آنا مااحب السفر بسرعه امل جان اسبوع ونرد عااادي :)

بنت الشامية said...

كويــتي لايــعه كبــده :

حتى لو يحطون لهم فور سيزين...ماهم
رايحين العمر مو بعزقه
جنوب افريقيا ويالله ....هالمره غابات ومجاهل...لا يحوشك

وهالجمال اشوفه بالصور كافى علي
ما تدري اني خواااااافه
(:

بنت الشامية said...

Don Juan :

اكيد هم احسن منا
انت تدري شم تطعيم لازم تاخذه قبل ما تروح هناك...والملاريا اللى تتمشى هناك....لا تنسااااها
نظره سوداويه عندي

بنت الشامية said...

Mamloo7a Q8ia :

شوفى القطب الشمالي ...يمكن يمكن يمكن اروح....بس غيره لا و بالثلث
لووووول
ترا ما ينشد فينى الظهر

بنت الشامية said...

Jako :

الاسكا امرها سهل
كل شيئ بالشمال سهل...وممكن
ورحله سعيده لك من الحين
بس لاتنسى نبي نشوف الصور

بنت الشامية said...

عنيف :

القنص رحله رجاليه خالص خالص
اشوه ما لنا مكان فيهااااا

الحين القطب الشمالى الى تايلاند
ماكو وجه مقارنه.....!!!!!ء
خليك على الشمال احسن لك

بنت الشامية said...

Anonymous :

والله انج بطله احسن مني
يالله من الحين تروحين وتردين لنا بالسلامه
بس الصور لا تنسينهاااااوعسنا من الحيين

بنت الشامية said...

Dark angel :

عليك بالعافيه
وخلنا نشوف الصور

بنت الشامية said...

عاجــل :

حسبالك بس هذا حجيناااا...؟؟؟؟

لايبه تراهم تغيروا وتبدلوا من صاروا تحت الاحتلال...صاروا ناس ثانيه خبرك فيهم عتيج ا
الحين انت تبي تروح القطب
الشمالي والا مجاهل افريقيا..؟؟؟
ترا الحجز علي.....والا رام الله احسن لك
فكر ورد علي

بنت الشامية said...

reemas :

ان شاء الله تروح هناك

وتتسهل الامور ويعطيك ربي طولة العمر

بنت الشامية said...

ReLaaaX :


ماكو شيئ مستحيل بهالوقت

بس السفر متعه... ولكسر روتين الحياة

mantovani said...

مساء الخير

هذا المنظر ممكن تلاقينه
خلف خياط حواء الشامية قطعه 8


تحياتي

مانتوفاني

ARTFUL said...

جمييل جدا


شتقصدين بمجاهل افريقيا؟!؟!

تقصدين غابات السافانا

والحياة البرية الطبيعية

وقبائل الماساي؟

اذا تقصدين هالسوالف فاعرف ناس راحوا هناك

:)

حسافتج يا كويت said...

انا عزمت مرةاروح جرين لاند وتالي صارت حالة وفاة

وعقب عزمت و اللي بروح معاة توفى أحد من اهلة


ألحين أنا حاجز حق ألاسكا إن الله أحيانا عقب عيد الاضحى

بنت الشامية said...

mantovani :

هذى المناظر خاصه لاهالي ملكة الشاميه
بس...لاتعلمهم عنها...بروح الشاميه مو ناقصه زحمه....لوووول

سلااااااام

بنت الشامية said...

ARTFUL :

هذول ما يروحون الا كل شيئ مرتب لهم

ما يمشى هلشغل عندي
يروحون مثل الاوروبين كل على شيئ على ظهورهم....مو يروحون منقولين
((((:

بنت الشامية said...

حسافتج يا كويت :

ان شاء الله الله يسهل كل امورك
ولا يلدك شيئ باذن الله
عاد ابي تذكار لى مخصوص من هناك
بطريق صغير...لووول

Um il sa3af wil leef said...

خوش لقطات .. بس هناك شنو نأكل ؟

بنت الشامية said...

Um il sa3af wil leef :

بعد ما يبيله...نتريق ونتغدى ونتعشى

سسسسسسسمج....سسسسسسمج....ما نرد من هناك الا و الذكاء يخر منا خر
لووووووول

حسافتج يا كويت said...

بطريق!!!!!


جان يموت باليرموك قبل لا اوصل الشامية من الحر والخيسة

طبيبك said...

صور غير حقيقية البركة في الفوتوشوب
http://www.tabeebek.com/2009/07/blog-post_26.html

بنت الشامية said...

حسافتج يا كويت :

من الحين اختلفنا وهذا انت ما رحت
ماااا علي منك ابي بطريق صغير
الايس بوكس ما يقول شيئ
لوووووول

بنت الشامية said...

طبيبك :

اروح القطب الشمالي واشوف وبعدين اقول لك
صحيحه والا ..لا

(: