Wednesday, January 26, 2011

ضيقة ...... ولا ضيقة الصدر

اليوم من الصبح فيني ضيقة صدر وحزن يملأ صدري 
ما الذي إنتابني لما أنا حزينة..؟؟ لما هذا الأحساس..؟؟
أخبار محزنه كئيبه إنهالت علي من كل صوب
يقولون ضيقة القبر ..ولا .. ضيقة الصدر
لا حول ولا قوة الا بالله
خبر مرض  قريب عزيز علي
حادثه لصديقه مقربه .. الله عداها الشر بإعجوبه
صداع متواصل فيني من ثلاثه ايام  مو راضي يخف
فراق أحباب طال غيابهم
موضوع  مهم  كنت انتظره واليوم فشل 
فشل ذريع وانتهي بدون رجعه
وفــــــــــوق هــــــــذا  كـــــــــــله
أخبار لبنان زادت الهم همين الله يعينهم على ما بلاهم
كل شيئ  يهون الإ إغتصاب حرية شعب  
وأخيرا  أخبار المحروووسه اللى قضت
علي البقيه الباقيه  اللى فيني
******
فتعلمت ازيف ضحكتي والقلوب أسرار
على أني بخير بعين من يجهل أحزانـــي
******
فاللهم رحمتك أرجو فلا تكلني إلى نفسي طرفة
عينٍ وأصلح لي شأني كله لا إِله إِلا أنت
*****
الله لا تطـــــــــولــــــــــها  مـــــــــن شـــــــــــده  
وأرجـــــو فرجـــــــك القـــــــريب  يا كـــــــريم
وســــــــــلااااامتكم

28 comments:

قطرة وفا said...

الله يريحج و يفتح لج باب من حيث متحتسبين

و ان شاء الله تفرحين فرحة تعوضج عن كل هالضيقة

قولي يااا رب :)

وحيد في المنزل said...

فعلا هالايام الاخبار تضيق الخلق
مهما تفادينا سماعها
الاحداث تفرض نفسها علينا من كل صوب
سواء محليه او دوليه
الله يستر
و الله يبعد عنا و عنج ضيقة الخلق
و ويفقج يا رب

تقبلي مروري اختي

Amwaj said...

الله يكتبلج ويكتبلي الفرج والسعادة

حتى آنا اليوم كان وايد تعيس بالنسبة لي
صارتلي مواقف بجتني :(

الزين said...

ما تشوفين شر يالغاليه

وتركي عنج الضيجه
ما عاش التعب ولا عاشت الضيجه يا قلبي
بسطي الأمور
مو بيدنا نحل كل شي

ومثل ما يقولون ما ضاجت الا اتسعت
وعلى سالفة راسج
بليز
بليز
بليز

روحي الطبيب
لا تهملين صحتج

حبيبة قلبي والغلا كله
:**

الليوان said...

سلامتج من الضيقة...
كثري من الاستغفار بكل الاوقات

وادعيلي...

وصفه من طبيب القلوب
رب الارباب ومالك الملك

وانتي ماتقدرين تسنعين العالم
الله يرزقج السكينه ويبعد عنا وعنج ضيقة الصدر اللهم آآآمين

star said...

اللهم فارج الهم وكاشف الغم يفرج عنك

اي والله اخبار لبنان ما تسر إلا تحر

ميمة السبيت said...

** ماتشوفين شر يالغالية و عسى يفرج همج و هم المسلمين يا رب

حسـّون الملعـون said...

البلاء لما يصيب الإنسان فهذا يكون كنوع من التحذير أو التنبيه له علشان يفكر بأمور كثيرة يمكن تكون غايبة عنه بالاحوال العادية, أو بالأصح يكون هو متعمد لا إراديا إنه ما يفكر فيها كل ما جت على باله, تقريبا مثل اللي عنده مشكلة ويتفادى إنه يدور لها على حلول وينطر إنها تنحل من تلقاء نفسها, أو كلش كلش يحاول إنه يشغل نفسه بأمور ثانية ويتناسى المشكلة اللي هو يعاني منها

يعني البلاء هو نعمه من عند رب العالمين, مو نقمه ولا حظ سيء



بالنسبة للجزء الخاص بلبنان أو مصر, فباعتقادي إنج كاتبته يا إما كزيادة أسطر بالبوست (وهو الإعتقاد الأنسب), أو كنوع من الهروب اللي ذكرته بالباراغراف السابق


طبعا زر الديليت موجود إن أحسستي بان مداخلتي ورأيي مو بالفورمة

:)

شكرا

Fouad said...

سلامات
ما تشوفين شر
والله يهدي بالك و يصلح حالك و يغمر قلبك بالسعادة

DiLLi O MiLLi said...

.


أسم الله عليج من الضيقه يا حبيبتي
وسعي صدرك ،،، وأنشاءالله ماااكو ألا العافية
غيمة وربي سبحانة يزيحها عنج
وكلنا بالهوا سوا

أنا ولدي ووحيدي سافر يدرس في لندن من أسبوعين
ضايق خلقي أني ماراح أشوفه كل يوم
لكن أقول طالما الأحباب بخير حتى لو طال غيابهم ، نحمد ربنا ونشكرة

أما عن الأوضاع السياسية
فأحنا من مقثه ليه مقثه
فرحنا للشعب التونسي
وضاقت خلوقنا لأوضاع لبنان ومصر
قدر ومكتوب ،، وراح أيي الفرج عن قريب
أنشاء الله

هذي هي الدنيا
قل لن يصيبنا ألا ما كتبة الله لنا
واللهم لا أعتراض


لا إله إلا الله العظيم الحليم، لا إله إلا الله رب العرش العظيم، لا إله إلا الله رب السموات ورب العرش الكريم

اللهم رحمتك أرجو فلا تكلني إلى نفسي طرفة عين ِوأصلح لي شأني كله لا إله إلا أنت

لا إله إلا أنت سبحانك إني كنت من الظالمين
الله ربي لا أشرك به شيئاً




سمي بالرحمان
والله كريم
وماكووو ألا العافيـــــــــــــــة

:)


.

تفاصــيل said...

ختي المقوله اللي اورديتها غلط وضيقه الصدر ساعه يوم لها وقت وتخلص م ضيقه القبر الله يجيرن منها فهي الى ابد الابدين ....

الله يبعد عنج وعنا وعن كل مسلم ضيقه
الصدر ويكفينا شر ضيقه القبر ,,, اختي اكثري نت الاستغفار فهو السبيل لدفع الهم بإذن الله

Anonymous said...

ضريبة الألف دينار !!!

: )

زخ ـة .. مـًُـطر .. said...

الله يبعد عنج وعن الجميع الضيقه

ولكن هذي حاله الانسان مالنا قدره حتى على مشاعرنا

العوض باليايات ان شاء الله

دُمتِ كما تحبين

بنت الشاميه said...

قطرة وفا :
اللهم امين
مشكوره يالغاليه
الوحده لابد ان تحوشها ضيقه
المحظوظه اللى تلقى ناس طيبن يسمعونها ويطيبون خاطرها مثلج وشرياج
لا خلا ولا عدم

بنت الشاميه said...

وحيد في المنزل :

بعد احداث مصر نسيت عمري
وانشغلت اكثر واكثر بمصر ام الدنيا
مشششكور واايد
ان شاء الله انها شده وتزول
والواحد لما يشوف هموم غيره تهون همومه
مانبي الا الامان فى اوطانا
حياك الله
تحياتي

بنت الشاميه said...

Amwaj :

ان شاء الله يكتب لج بكل ايامج السعاده والهناء يا رب ... امين
ساعات تنحشر النفس وتضيق
ولكن ما ضاقت الا افرجت
باذن الله
مشكوره يالشيخه

بنت الشاميه said...

الزين :

زيون تهقين تتبسط الامور ..؟؟؟؟؟

بس الوحده منا تحتاج الى الصبر و وقت
وبعدها تهدا وترتاح كل شيئ يبله وقت
يالله العافيه
علشانج رحت الطبيب
اشوه طلع كله رقبتي
الحين راسي وايد احسن كله
الحمدلله

مشكوووره يالغاليه
لا خلا ولا عدم

بنت الشاميه said...

الليوان :

الحين الحمدلله وايد احسن
من عرف ربه هانت مصيبته ونعم بالله
مشكوره على الكلام الجميل
والتذكره الاجمل

لا خلا و لا عدم

بنت الشاميه said...

star :

اللهم امين ...مشكوره وما قصرتي
والله لبنان نسينها مع احداث مصر
ام الدنيا...الله يحفظ مصر من كل الفتن
لانها صمام الامان لنا كلنا
وما ضاقت الا فرجت
تحياتي الحاره

بنت الشاميه said...

ميمة السبيت :

الشر ما ايج يار ب
مشكوووره
ما نبي الا الامان فى اوطانا
يالله العافيه
حيج الله

بنت الشاميه said...

حسـّون الملعـون

وعن أبي هريرة عن النبي صلى الله عليه وسلم قال (ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه)
ونعم بالله واحمد لله

مو انا اللى اسوي دليت لاي تعليق لانني أُمن بحريه الراي والراي الاخر
ما دام التعليق لا يخرج عن الادب العام
لا تخاف ما راح امسحه

الحين انت هاد كل هالاحداث وشاغل نفسك ببوستي زايده سطر او حاذفه سطر
متعب نفسك حتى داخل فى نيتي ...وايد متعب نفسك الظاهر انك متفرغ لمدونتى عدل

احسن الظن بأخيك المسلم

بنت الشاميه said...

Fouad :

جزاك الله الف خير
مشكور على هالدعاء الجميل
شرح صدري
لا خلا و لا عدم
حياك الله

بنت الشاميه said...

DiLLi O MiLLi :

وسعت صدري وااايد
بشوفت تعليقج
هلا بالعزيزه الغاليه
ان شاء الله إنها غيمه وانزاحت
الانسان ضعيف
تجرفه الاحزان والالم
الحمدلله على كل حال والايمان نعمة للمؤمن

دوللي ياج الدور..احنا السابقون يا بعد عمري ادري انه جاااايد عليج
ان شاء الله يوفقه
ويرد سالم سالم غانم
يا رب

لا خلا ولا عدم حياج الله يالشيخه

kaashteeel said...

تبين الصج كل شئ

له فكاك من ضيقة الصدر

الا الحبيب الليمن صد يا كره

والجيب الليمن فضى

والعافيه الليمنها غادرت
وسلامتك وتعيشين

كششتيل

بنت الشاميه said...

تفاصــيل :

مقوله قديمه تتوارثها الاجيال
تمثل حالة ضيق الصدر اللى ساعات الواحد ما يقدر يتحمله ويمرض منه وساعات تقضي عليه
الله يجيرنا كلنا من ضيقة الصدر
واسفه انها ازعجتج وايد من غير قصد
والحمدلله على كل حال

حياج الله اختي العزيزه

بنت الشاميه said...

Anonymous 1

يعني شنو ..؟؟؟؟؟؟؟

بنت الشاميه said...

زخ ـة .. مـًُـطر :

اجمل شيئ زخات المطر ...واليوم جو بديع يشرح الصدر الضايج
الضيق دائما يحتاج للصبر و وقت
ويعدها تعدي الهموم
وان شاء الله كل شيئ فيه خيره

جميل مرورج
شكرا

بنت الشاميه said...

kaashteeel :
الله يسلمك من كل شر
ما خليت شيئ. شبقى.؟؟؟
الواحد بعد كل هذا لازم ينتحر
لووووووول

هموم وايده ما لها فكاك
جان زين هذول اجود الهموم
الهموم بهالوقت الوانها مختلفه
واشكالها متغيره
ما اقول الا يالله البات و الصبر
و سعة الصدر والعافيه

الله الحافظ