Tuesday, July 20, 2010

الله يستر من احصائية 2010 من السبب واين الخلل..؟؟

المستشار المرشد مُحذِّراً: مجتمعنا يتدهور
68% زيادة الجريمة في الكويت
اشارت الاحصائية السنوية الخاصة بالقضايا المنظورة

أمام المحاكم الكويتية بجميع درجاتها
الى ارتفاع ملحوظ فى زيادة عدد الجرائم بالكويت
اذ ارتفع عدد الجرائم بشكل كبير وبنسبة %68 عن
العام السابق
وبلغ عدد القضايا الواردة إلى المحاكم عام 2008
بلغ 100 ألف و370 قضيه
بينما ارتفع العدد في عام 2009 فى آخر احصائية سنوية
إلى 168 ألفا و312 قضية
فالله يستر من احصائية 2010
ويعينااااا على اللى ياينااااااا
أنا إلى الحين منصدمه من قضية الزوج والزوجه
اللى اقتلوا فلبينيتهم واللى سوووه فيهاااا
إحنا بالكويت. والا بأي ديره ...؟؟؟؟؟
الله يرحم ايام زمااااان...... أيام الإمن والأمان

انا جدا حزينه على حالنا واحوالنااااااااااا
ما تستاهل منا الكويت كل اللى قاعدين يخربون فيهاااا
حراااام عليهم ..... والله العظيم حرام عليهم
وسلااااااااامتكم

14 comments:

قلب طفله said...

صباح الخيرات و المسرات :)
شخبارج اخيتي ان شاء الله بخير

~~~~~~~~~~~~~
كل اللي قاعد يصير بسبب ان الكويت صايره لاقط لكل ساقط من كل ديره تلقين مجرمين ، حراميه ، شواذ ، جواسيس بالذمه مو اختلاط هذول و تداخلهم بالمجتمع شيسوي غير الجرايم و الخراب ما اقول الا ربي يحفظ الكويت و اهلها و يهدي الجميع

aL-NooR . said...

صج صج الله يستر
الكويت مادري شبتصير
بتلم الاولى و التالي
بس الله يحفظها ..
و يكافينا شر الفتن


صبحج الله بالنوير
ولهانين

*****************

الزين said...

اول شي الإحصائية ناقصه
تصنيف مرتكبين الجرايم من اي جنسية
راح تلاقين معظمهم من الوافدين

الشغلة الثانية الجرايم المرتكبه من قبل الكويتين لها تصنيف اخر
ولا احد يزعل مني
شوفي المناطق اللي يسكنونها

من قبل قلتها
وبرد اقولها
هالمناطق يبي لها دراسه لظروفها الإجتماعية وطبيعة حياة ساكنينها عشان تعرفين اسباب ارتفاع معدل الجريمه عندهم

ثالث شي والأهم
مافي خوف من القانون
لأن العقوبات مو رادعة كفاية
وقانونا فيه ثغرات ممكن يتلاعبون فيها
غير شغل الواسطه وحب الخشوم
والفساد اللي بالداخلية
يعني هذاك اليوم لفت نظري ان ضابط بالداخلية مشغل اسيويات بشقة دعارة عزج الله

حاميها حراميها
!!

ولو بنقعد تنتكلم بهالموضوع ما نخلص

صباحج خير وسعد يارب
:*

حسافتج يا كويت said...

اكثروا اللفو يا بنت الشاميه اكثروا

Girls and Kuwait City said...

هللووو بنت الشاميه
شي يعور القلب ... ما اظن هذول كويتيين لان عمره ما كان عندنا هالسوالف .. الله يستر علينا

le Koweit said...

الله يستر على البلد منهم.....

Maram said...

الله يستر و يحفظ الكويت

بنت الشاميه said...

قلب طفله :

حمدالله على السلامه
من طول الغيبه جاب الغنايم
اهلا وسهلا ....صج فرحت فيج وبطلتج علينااااا
والله يالغاليه
نسبه غير قليله من هالجرائم
من كويتين وكويتيات
لو تشوفين القضايا الماليه وخيانة الامانه تطقين على رلسج
الله يحفظ الكويت ويحميها منكل شر
منورتنااااا

بنت الشاميه said...

aL-NooR :

ادري اني مقصره ارجو المعذره
انا ولهانه غليك اكثر

ايي والله الله يكافينا
شر كل هالفتن وهالجرائم
ويبعد اذاهم عنها

تصبحين على خير يلغاليه

بنت الشاميه said...

الزين :

كلامج صحيح وتحليلج سليم
نسبة الوافدين اكبر
بس بعد نسبة الكويتين
مو قليله على عددنا السكاني

وبعد هناك الجرائم الماليه
من سرقات واختلاسات وخيانة امانه
ونصب واحتيال
و....و....و

فمع انتشار الصحوة الدينيه بين الناس
زادت بنفس الوقت لانحرافات
الخلقيه والماليه
وكثر الفساد وارتفع معدل
الجرائم الاخلاقيه
من دعاره الى مخدرات الى سلب ونهب
صرنا قريقعاااان
اللهم ياكافي
الله الحافظ
تصبحين على خير واحلام باسبوع جديد
سعيييييده
((:

بنت الشاميه said...

حسافتج يا كويت :

صح زااادوا
وبعد احنا زادت انحرافاتنا
وتعيمينا عن الحق واعتبرنه شطاره
البلى منا وفينا

بنت الشاميه said...

Girls and Kuwait City :

الاحصائيه تقول ان فيهم كويتين وكويتيات

الشر موجود بين اناس مثل الخير
ماله جنسيه ولا نوع
الله يحفظنا ويحفظ عيالنا من كل هالفتن

بنت الشاميه said...

le Koweit :

اللهم امين

بنت الشاميه said...

maram

اللهم امين
ويبعد عنها كل المجرمين يارب
الله الحافظ