Sunday, July 18, 2010

اشوووه أنه مو محامي الفريج... .... الكويتي

أول شيئ أتمنى من كل قلبي
أن يكون الإعلان مفبرك وغير صحيح موووليه

********
مهنة المحاماه مهنه شريفه وخصوصا من يعمل
فيها بما يرضى الله ويقف مع الحق ضد الباطل
ومع المظلوم ضد الظالم
وينصفه ويأخذ له حقه ... ويرد له اعتباره
و يحقق العداله بين الناس ويأكد سياده القانون بينا
فهي مهنة علمية فكرية مهمتها التعاون

مع القضاء على تحقيق العدالة والدفاع
عن حقوق الموكلين وفق أحكام هذا القانون
*&&&&*
ولكن هناك بالفعل فئه قليله لا تمارس المهنه بشرف
مثل "المحامي الفهلوي" اللي رسخ فى أذهانا
صورة المحامي الغشاش الفاسد اللى ما يخاف الله
مثل اللى نشوفه بالأفلام والمسلسلات العربية والأجنبيه

اللي يقدر يقلب الحق إلى باطل والباطل إلي حق
و يكسب قضية موكلة بجميع الطرق الملتوية والقذره
بالخداع والمناورة والغش والتزوير والكذب والتدليس
ويخلصه من التهمة المنسوبة إليه

مثل ما يخرج الشعرة من العجين ويلبسها غيره
بعيداً عن كل الإعتبارات الأخلاقية والإنسانيه والدينيه

وأهم شيئ .... يخووون دينه و شرف مهنته
مثل صاحب هالاعلاااااااان
جنه يقول ما عليك إنت الإ
تسوي جريمتك ..... وتعااااااااااال لنا
عندناااا برائتك ..... ولا تخاف من أحد
حيرووووح من ربنااااااا فين....؟؟؟؟؟؟

*******
فهل عندنا مثل هالمحامي ...؟؟؟؟؟
والإ الطريج إنفتح ووووو بنصير مثلهم..؟؟؟؟
الفاسد فيهم بيتفوق على الصالح منهم...؟؟؟؟؟
ملاحظه هااااامه
أتكلم فقط عن المحامي الفاسد اللى يخون شرف مهنته
ويدوس علي ضميره ونفسه وقيمه و ومبادئه
الله يبعدهم عنا ويبعد شرهم ... و الله الحااااافظ

وسلاااااااااااااااامتكم

21 comments:

Fahad Al Askr said...

مكتب دولي للاستشارات القانونية وحاط إعلان على خرجة بالطوفة

الإعلان يبين مستوى صاحبه

أتوقع عندنا محامين أكثر من جذي

أعرف محامي كان موكله ينطره بقاعة المحكمة .. المحامي ما حضر الجلسة لأنه قاعد يطالع درب الزلق بالتلفزيون وماقدم مذكرته للقاضي .. المتهم أخذ إعدام

ومحامي ثاني نصب على ملاك شركة يمثلها وحولها باسمه بموجب توكيل التمثيل القانوني

محامين خريجين مصر والأردن .. شنو تتوقعين المستوى المهني والأخلاقي

Girls and Kuwait City said...

بنت الشاميه
مساءج ورد
ابشرج عندنا للاسف :(

le Koweit said...

لاسف في من هالنوعية
واعتقد واتمنى انهم قلة
والاغلبية من محامينا شرفاء نزيهين
يخافون الله قبل القانون

الجودي said...

يا حليلة المحامي يكيكي بتاع كله بلا تخصص بلا عوار قلب



بس ترى المحامي مهنته جذي البحث عن الثغرات و اتوقع هذا الجزء الممتع في عمله لما يحل قضيه باستخدام ثغرات القانون

مساء الورد

كمبيوترجي said...

أحسن شي يا بنت الشامية نقول و نردد

حسبنا الله و نعم الوكيل في كل محامي لا يخشى الله أو يهاب عقابه حين يظلم البشر

اللهم خذ بكل محامي ظالم فقط
أخذاً عزيزاً مقتدر

والله شي يقهر

ما ازيد شي عن كلامي هذا
و كان الله في عون من يتم الابتلاء عليهم

تحياتي
كمبيوترجي

ARTFUL said...

عندنا وعندهم خير

ميمة السبيت said...

** يبا اشفيكم ناس تبي تاكل

Sen said...

الله فوووقهم
وكفا بالله حسيبا رقيبا

الله يهدييهم والله
أنا أعرف محامي يساعد وحده من قرايبه عشان تبوق فلوس من طليقها ابو عيالها بشهادات الزور
تخيلي برمضان والعشر الأواخر رايحين يشهدون زور !!!
ولمن اهل الولد كلموا إن عيب عليك مخلي الحريم يسوون هالشي فقال احنا هذا اكل عيشنا ولا شلون نكسب !!!

أثاري مع كل القضايا يسوي هالشي

حسافتج يا كويت said...

انا محامي مع وقف التنفيذ

مع الاسف في وايد محامين بالكويت همهم الفلوس وبس


نحن على الطريق يا عزيزتي ويتشوفين العن


عندي إقتراح واخاف اقولة لا يقولون عنصري

لكن بقوله إهني في مدونتج وابتلشي انتي عاد


الكلية الوحيدة اللي المفروض مو اي احد يدشها هي كلية الحقوق

لا زم اللي يدشها يكون معروف منو اهو ومنو اصله وشنهي تربية اهلة

لان العرج دساس والله

ومع هذا هم ما تسلمين يزرقلج مني ماك جم واحد ازقمبي منهم


لهذا السبب آثرت ان اقتل حلم الطفولة واشتغل في مهنة بعيده عن دراستي

وحسافتج يا دراستي والسنين اللي كليت فيها تبن

الوتيــــــــــن said...

انزين سؤال .. مالقا ورقة أكبر؟ حاشر الحجي حشر بالورقة

"لاتبوق لاتخاف" ...فعلا كانت عندنا فكرة ( المحامي حرامي) ... ايام اول سيزن لمسلسل " low & order" .. والأفلام المصرية

فعلا هالمهنة تبين صاحب الضمير الحي من الميت .. الله يطهر ديرتنا من الفئة الثانية


انتي شلونج يا بنت الشامية؟ لج وحشة

بنت الشاميه said...

Fahad Al Askr :

شوف الطوفه اللى معلق عليها الاعلان
شوف اجلحتهاااا.... طابق احمر
يفشل اهو واعلانه الفاسد
بوعسكر صج سوالفك غير
والا المسكين اخذ اعدام
شر البلية ما يضحك
والله اعرف جم محامي من خريجي مصر
كلهم امانه وشرف

كله يعتمد بالاول والاخر
على المحامي نفسه
والله الهادي

بنت الشاميه said...

Girls and Kuwait City :

هلا بالشيخه
اتمنى ان يكون عددهم اقل من اصابع اليد

تمسين على خير

بنت الشاميه said...

le Koweit :

وانا مثلك اتمنى انهم قليلووون
والخير وكل الخير بالباجيين منهم

بنت الشاميه said...

الجودي :

ايي والله هذا محامي بتاع كله
واللى ضحكني فيه
تحصيل الديون المعدومه وملاحقت صاحبها اينما كاااان...لووووووول

يايب اليهده فى كل القضايا
الله يسامحه ويهديه

بنت الشاميه said...

كمبيوترجي :

اللهم امين
صج مالنا الا الدعاء
وان يصبر ونصر كل مبتلي منهم
لا حول ولا قوة الا بالله


شكرا لك

بنت الشاميه said...

ARTFUL :

بس ان شاءالله الخير بالاغلبيه

بنت الشاميه said...

ميمة السبيت :

حتى بالحرام
ما يدرون انه زقوم ببطونهم
لاحول ولا قوة الا بالله

بنت الشاميه said...

Sen :

كل مهنه متى ما انعدم فيها الضمير
صاحبها ولا يخاف من عقاب الاخره
ولا رادع ولا دين يمنعه
فان صاحبها يسيئ استخدام مهنته
وينحرف عن مسارهاااا والعياذ بالله
اللهم ياكافي جنهم بيعيشون مخلدين
لا حول ولاقوة الا بالله

بنت الشاميه said...

حسافتج يا كويت :

الله يكافينا شرهم وشر انحرافاتهم
والله المستعان فيهم وعليهم

واللى يسلمك تراني مو ناااقصه
بسوي روحي ما قريت شيئ
ولا شفت شيئ بعد
ما تدري فينى اني جبااانه وخوافه
وكله امشي تحت الساس
بس يا اخوي عمر الدراسه العلم ما يضيع ينفع ما يضر
مساءك مثل السعمران والبرحي
مع اللبن البارد
لوووول
((:

بنت الشاميه said...

الوتيــــــــــن :

لان كل ما اكبرت الورقه بيزيد الحشي فيهااااا بيقعد يكتب
كل الجرائم اللي بالعالم
اهو هامه احد
والا وين نقابة المحامين عنه عميان ما يشوفون هالاعلان

والله انا اللى ولهانه عليج
منورتنااااااا

أندلسي said...

عمادوه شيطلع عنده