Thursday, February 11, 2010

نصيحه منى ....ثبتوا اغراضكم قبل ما تجذبوووون

الزوج: حبيبة قلبي أنا رايح رحلة لمدة أسبوع
مع مدراء كبار في الشركة
بنروح نصيد سمك وأنتي عارفه هذي فرصه
لي إني أحسن من علاقتي مع المدراء
ولو سمحتي جهزي لى جنطه ملابسي
ولاتنسين البجامه الزرقا الجديدة اللي اشتريتها
ياااا حبيبتى علشان اتذكرج كلما لبستها
و جهزي لي جنطة الحداق لو سمحتى
لأننا بنروح بعد الدوام على طول الحداق
وراح آخذها معاي من الصبح
******
بعد أسبوع رجع الزوج مرهق وتعبان
فسألته زوجته كيف كان الصيد وياكم
رد عليها الزوج بسرعه : الله ياحنا صدنا صيد
صدنا كل انواع السمك مابقى شيئ ما صدناه
حتى الزوري ماخليناه....الله ياهو صيد
بس والله تعبت واااايد
بس حبيبتي والله اني زعلان منك
ليش نسيتي تحطين البجامه الزرقا في الجنطه
الزوجة وبكل برود وذكااااااء
أنت لو فاتح جنطة الحداق جان لقيت
البجامه فوق العده والخيوط على طوووو
ل
&&&&&
تهقون شنو كان مصير هالزوج الصيااااااد
الجذااااااب.....يروح النار !!!!! والا
بعد.....كيدنا عظيم ..؟؟؟؟؟؟؟؟
وسلااااااامتكم

HAVE A NICE WEE END
كشخه بالانجلييييزي

29 comments:

عامر said...

أرى كيدكن عظيم و لذيذ
و لا يستغني عنه معشر الذكور

panadool said...

هذى شغلات قديمة

الحين جهاز nivegatoor
يتبع الموبايل وين مايروح وعن طريق النت

هذى صج وهقه

:(

الزين said...

هههههههههههههههههه

حلللللوة

عجبتني

ذكية اسم الله عليها


same 2 u ya galby

:**

Anonymous said...

ثلاث ارباع رياييل الكويت يخربطون وانتوا نايميين بالعسل خنت حيلي (:

Anonymous said...

امممم

مصيره رجم حتى الموت

بعدّة الصيد
:)






والنار رواااسي

بلاكيدهن


القصااااااااااااااااااااااااااااااااص ياجماعه القصاااااااص





(تحسين وحده شريّه )

وترى ولهت عليج

حبي:*

Anonymous said...

حسبي الله عليكم حريم شتبون الوحده منكم عندها شغالتين وثلاث وسياره جديده كل سنه وتاخذون كل اللي عندنا من فلوس واشكالكم تخرع من كثر الالوان اللي تحطونا جنكم مهرجااات وعساه ما نطلع لنا يومين نشم بس هواااااء يمكن تركزون علينا googli erth الله يقطعكم

Bor8y said...

ههههههههههههههههههههههه

والله صج لعبتها صح

زين سوت فيه

يعطيج العافيه

Anonymous said...

يا دافع البلا
هذه والله البلشه

Common_Sense said...

للأسف الزوج غبي

اللي ما يعرف يجذب لا يجذب :)

t.q8 said...

يستاهل محد قاله
يتذاكه علينا

بنت الشاميه said...

عامر :


حتى نون النسوه ما يستغنين عنكم
انتو الخير والبركه
بس لازم من المداااااحر
تحياتي

بنت الشاميه said...

panadool :

يااااااالله نقدر عليكم
بس هم بسهوله تلقووون له انتو مخرج
كل شيئ عندكم له حل
ما ينفع فيكم الا

GPS TRACKING DEVICE


هههههههههههههه

تحياتي

بنت الشاميه said...

الزين :


هلا بالغاليه

تلقينه لاعب بحسبتها لعب
بس المغروده شطالع بايدها
هذى افه والعياذ بالله

الله يتممها بعقلهاااا

:*

بنت الشاميه said...

Anonymous :

اشدعوه ....عادهم..؟؟؟
انت منهم...؟؟؟؟



تفائلوا بالخير .... تجدوه

بنت الشاميه said...

سلة ميوّه :

اي والله القصاص ...القصاص


والله بردتي جبدي فيه
هالنوعيه تستاهل هالعقاااب

لا انت شريه ولا شيئ الا حقااانيه والله

تحياتي والله انا اكثر
:**

بنت الشاميه said...

Anonymous 2 :

الظاهر انك عدو المراة



الله يسامحك

بنت الشاميه said...

Q8-HANDICAP :


كله حسبالهم ان المراة غبيه

بس معووووزهم

انتصرت عليه
ههههههه

بنت الشاميه said...

Anonymous 3 :

ليش بلشه...؟؟؟؟؟

امشى عدل .... يحتار عدوك فيك

بنت الشاميه said...

Common_Sense :

الغباء نعمه من الكريم ليكشف جذبه

يستاهل

بنت الشاميه said...

t.q8 :

هو حيروح من ربنااا فين ..؟؟؟

Sami said...

رفيجه يايب عدة حداق زايده ... الريال استخدمها ...شفيكم شكاكين جذي :)

بنت الشاميه said...

Sami :


الله ياااااااحبكم
للدفاع عن سواايه ربعكم

بسررعه لقيت له العذر


اخ منكم اخ منكم

سلاااااام

Unknown said...

الى كل امراه انانيه وعندها حب تملك الرجل



وأخير العلم يؤيد الدين



أظهرت دراسة علمية جديدة قام بها كل من فراين البرغ وبراون سميث أن طبيعة تكوين الرجل تختلف عن المرأة فالرجل بطبعه يملّ من العلاقة الزوجية بعد فترة ويصيب العلاقة نوع من الفتور ولكن اذا ارتبط الرجل بإمرأة أخرى فإنه يشتاق الى زوجته الأولى ويعود النشاط الى العلاقة بينهما ،بينما المرأة بطبيعتها تكتفي برجل واحد وقد شبّه العالمان هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول ، وقد أظهرت الدراسة على أكثر من سبعمائة حالة أن الرجل المتزوج من أكثر من امرأة واحدة تكون علاقتة الزوجية بزوجته الأولى أكثر نشاطا من الرجل المتزوج بإمرأة واحدة فقط وأفاد العالمان بأن زواج الرجل بإمرأة ثانية يعود بالنفع على زوجته الأولى

بنت الشاميه
على طريقتكم ترا هذا منقول
مو كششتيل قايله
هههههههه
وانت طبعا ما عليك

بنت الشاميه said...

kaashteeel :

طبعا يت على هواكم

بس ما سأل هاللى سووا هالدراسه
عن المراة اللى اخذ ريلها الثانيه
هل هى بنفس درجه اشتياقه له
اذا رجع لها.....وشنو موقفهاااا منه
اقرب مالهااااا تمسكه الباب
نون النسوه هالايام مو مثل نون النسوه بالسابق
حطواااااا بالكم ..... عدل
كله بس تستانسون من الدراسه اللى تسانع لكم....وهالمقروده اللى قاعدهاااا مالها رب
وهالنفع ما نبيه الله يعافيكم
اقدر اكمل بكلام وااايد
بس حيائي يمنعنى ان اكمل
واكتفى بهالقدر...!!!!ء
بسكم عنصريه
المجتمع ...نصه رجال والنص الثاني نسااااااااااااااااااء
وما راح اتوقف بالبحث
عن كيد الرجاااااال
وهم انا ماااا علي
اما انت عليك ونص
هههههههههههههه

Anonymous said...

يا دافع البلا
هذه والله البلشه
هذا تعليقي الاول على سبيل الدعابه ولكن لا جيتي للصحيح اللي يخون مرته ماهو رجال وخيانه الرجال = خيانه المراه لزوجها
واذا الرجال يبي يصون بيته مايخون
ومثل ماقال المثل الخيل من خيالها والمره من رجالها

بنت الشاميه said...

Anonymous :

العياذ بالله من كلمة الخيانه
تراها كلمة كبيره وذات معاني موجعه لكلااااا الطرفين

الله ياكافيناااا شرها
وصج
يادافع البلا
شكرا للتوضيح

الوتيــــــــــن said...

ههههههههههه

ذكرتيني بسالفة الصبي اللي يدرس بره وساكنه معاه زميلته وامه زارته

خوش كيد والله .. بس ودي أعرف .. ليش الريايل بدمهم الخيانه وبسرعه يلتفتون للمغريات؟ ماكو حب أقوى من المغريات؟ نادر !!!

صباحج جاي امسكر :*

بنت الشاميه said...

الوتيــــــــــن :

مساء الربيع والجو العليل

اذا تبين الصج اذا خليت خربت

اكو الكثير من الرجال المخلصين الاوفياء
اللى يحافظون على حبهم رغم كثير من المغرياااات
فهم نعم الرجال

ولكن البعض ذو الفوس الضعيفه والتى جبلت على الخيانه ينجرون وراء المغريات او حتى بدونها
للخياااانه ....لان الخيانه تسري فى دمائهم ......هذا وباء والعياذ بالله

اسعدني مرورك الكريم
:*

Anonymous said...

لووووووول!!!

أصلية!!!!!