Wednesday, February 10, 2010

حتى ..... قف بالطواف .... حراااام

قف بالطواف
قف بالطواف ترى الغزال المحرما
حج الحجيج وعاد يقصد زمزمــــا
بدراً إذا كشفت اللثام رأيتـــــــــــه
أيها القمر المنير وأعظمـــــــــــا
عند الطواف رأيتها متلثمــــــــــا
للركن والحجر المعظم يلثمــــــــا
سئلتها بالله العظيم لتــــــــــخبري
ما الاسم قالت من سلالت أدمــــــــا
الاسم سلمى والمنازل مكـــــــــــــه
والبيت مابين الحجول وغيلمـــــــا
قلت اوعديني موعداً أحضى بــــــه
وأقضى به ماقد قضاه المحرمــــــــا
فتبسمة خجلاً وقالت يا فـــــــــــــــتى
أفسدت حجك يامحل المحرمـــــــــــا
فتحرك الركن اليماني خشيتـــــــــــاً
وبكى الحطيم وجاوبته زمزمــــــــا
&&&&
هذه القصيده من الشعر الجاهلي
و من روائع الشعر العربي الغزلي الفصيح
لشاعر الحب والغزل إمرؤ القيس
ورأي أخر
يقول إنها لعمر بن أبي ربيعه
وكنا بالسابق نسمعها وأشرطتها نجدها بكل مكان
يقال إن هناك من طالب بمنعها وتم له ذلك
فهل نعتبر هذا المنع ضمن التدخل بحرية الرأي
مع إن طوال هذيك الأزمنه والشعر الغزلي
فاضح في صراحته و منتشر
وكان يدرس بالثانويات والجامعات
ولم يمنع صوت قف بالطواف
الإ منذ سنوات قليله...؟؟؟؟؟؟
بحجة كلماته المحرمه مع إنه من الشعر الجاهلي
وكان الحج فى ذلك الوقت موجود
أي قبل ظهور الإسلام وبكامل شعائره
فهل بهذا المنع للصوت التراثي يندثرويختفي
؟؟؟؟؟
أكيد لا .....وخصوصا بالسمرات أو عند
دارسي التراث الموسيقى بالمعاهد الموسيقيه
الآ نحتاج إلى مشروع يحافظ على أصالة
تراثنا الموسيقي والغنائي وتوثيقه وتسجيله
من عبث البعض...؟؟؟؟؟؟
الآ يحتاج العناية به وإعطاءه حقه من الرعاية
بل ونعتبره واجب وطني...؟؟؟؟؟؟
عقليه جديده...ما عندي ووووصف لها
هقوتي .....الفضائيات ما يدرون بالمنع
لو يدرون جااان ليل نهار
صوت مطربنا الكبير عبدالله الفضاله ..يلعلع
لو بس عناااد للمانعين
على فكره جم واحد يدري إن هالصوت ممنوع ؟
وسلااااامتكم

24 comments:

Kurinkato said...

http://vb.khamoosh.com

اخت بنت الشامية
شباب هالموقع مو مقصرين

كل اللي يطري على بالج ان شاء الله تلقينه موجود

اكو ناس تبي تحافظ على التراث و ناس تبي تمحيه

يعطيج العافية :)

Danderma said...

يحليلها سلمى من قبل الإسلام متلثمة و عندها حياء...! بالأحرى منقبة بعد!

إشفيها الإغنية أنا ماني فاهمة؟ على انه واحد يغازل بالحج؟

ماهو جماعة الخير مسوين الحج و العمرة موقع لإستقبال طلبات الزواج... من شافوا ريال بالحرم جلبوا فيه تعال تزوج... و إذا عندك مرأة يالله مرأة و أختها....

و توه وحدة انعرفها انباقت بالحرم

و إذا على الركن اليماني تزلزل... فالتعبير مجرد كناية بعدين هالشيء انكتب قبل الإسلام ! يعني لو مو قاعدين يقولون منعوه كان مادرينا أصلا

دعوا الخلق للخالق و اللي يعافيكم و رحمونا! كل شيء ممنوع ممنوع... نعيش بصومعة لين متى؟ عندنا خوخ نبي نشغلها و نفكر! أفففف

و لحظة الحين المتدين أشعنده يسمع أغاني؟ مو الأغاني حرام؟

الوتيــــــــــن said...

من رايي انها جميلة

ومن رايي أيظاً إنه هالشعر جاهلي ومعروفه اشعار امرؤ القيس غزلية حسية .. بس الموحلو بالموضوع إنه ألف هالأبيات في حدود البيت الحرام .. يعني باعتقادي لمن احد يتغزل ببرج ايفل فاللي يقرا من يزور برج ايفل راح يتذكر الشعر ..بمعنى اللي يسمع الاغنية وبعدين يعايش المكان راح يتذكر ها

وهالمكان له حرمته .. مايصير نتكلم عن الغزل عند الكعبة وبألفاظ الأخ امرؤ القيس ..

ماكل مايقال يؤلف

برايي أنا مع المنع لان فيه عبارات إيحائية صريحه ما تنجمع مع ذكر الحجر والكعبه *_*

صباحج ورد

الوتيــــــــــن said...

عفوا توني اقرا باجي التعليقات

قصدت : انها لو حفظت بالكتب كان افضل .. يقراها المثقف .. والأغاني يسمعها كل من هب ودب حتى السفيه .. فاراح تتوارد على الألسنه

على فكرة انا من محبي اشعار امرؤ وعنتره من ايام الجامعة

Enter-Q8 said...

توني ادري منك انه ممنوع

مع اني ارددها اربعه و عشرين ساعة

بس طبعا سمرات

ARTFUL said...

انا مستغرب الاذاعه ما يحطون بعض الاغاني والسبه ان القصايد فيها كلام ما يعجبهم
!!!!

نفس أتت هند!!!

قرمت said...

تبين الصج يا بنت الشامية توني أدري أنها ممنوعة، كنت أسمع هالأغنية حق المطرف بعد.

بس هم في ملاحظة ثانية، إن مناهج اللغة العربية لدينا في الكويت ضعيفة جدا، أتذكر أيام الدراسة أن منهجنا إلي درسناه في قديم الزمان في المرحلة الثانوية يدرس للمرحلة الخامس ابتدائي في الآزهر ، شفتي الفرق؟

وطبعا لا تنسين تحركات هايف و جماعته في تعديل المناهج الدراسية بما يتوائم مع " ثوابتهم و عاداتهم و تقاليدهم

Anonymous said...

مساء الخير يا بنت الشامية حبيت القصيدةمرة بل و اعجبت بها, سمعتها مرة و لكن حقا نحن محرومين من معرفة و دراسة تراثنا العظيم, طبعا عندنا اسهل شيء عندهم هو التحريم و لكن انا لا ارى السبب من وراء هذا المنع خاصة انه هذه القصيدة كانت في الجاهلية, اي قبل ظهور الاسلام, فما المانع حقا ! هذا النوع من الغزل العفيف مفقود في هذه الايام, فنحن بحاجة لقراءةالادب العربي لنرقى بفكرنا و نفتخر بتراثنا و ثقافتنا .... الله يكون بالعون

اجار الدين كشمش said...

الللله على الزمن الجميييل

اول مره ادري ان الشعر يعود الي فطاااحله الشعراء العرب

وانا علابابي حق عزوز البصري
اللي يسمونه الحين المعتوووق

لكن احسن من غناها ابوفضاله بلحن التراث !! ومن المجدديين المرحوم طلال مداح

فمالله

بو ذياب said...

ممنوعه !!! ماظن وصلت فيهم ان يمنعون هالاغاني بعد
على العموم النت مو مخلي شي اللي يمنعونه بالمحلات نحصلة بالنت ..
وتسلمين على الاغنية وتره من المطرف احلى :)

بنت الشامية said...

Kurinkato
مشكوره وماقصرتي على الويب سايت

مجهودات الشباب مميزه بهذا الموقع
صج انه خوووووش موقع

احنا نبى نسمعها بالاذاعه والتلفزيون الرسمي.... بديرتناااا
ونعيد ايام زمااان فيها
جياج الله

بنت الشامية said...

Danderma :

من اول وهم يتلثموووون....هذى حياة الصحراء

وتم منعهاااا لكلماتها الخارجه

والله اعلم
وهم يريدون تقويم الناس
طلبا للاجر
لان كلمتهم هى العليا...وهى المسموعه
وربعناااا بعد.... سمعا وطاعه
واحنا اللى ندفع الثمن دائماااا
الله كريم

بنت الشامية said...

الوتيــــــــــن :

بس هالصوت كان يغني من زماااان
ومو شيئ جديد
يعنى شمعنى منعوه الحين
يعنى اللى قبلناااا ما كانوا يفهمون بالدين....ولا متعمقين فيه
هم اللى يفهمون الدين
ومتفقهين فيه


بس ما اقول الا صرنااااااا
حارة كل من ايده إله

مسائج ورد وياسمين

بنت الشامية said...

ARTFUL :

اتت هند

مااالك امل تسمعهاااا مرة وحده

خليك بقف بالطواااف

لوووول

بنت الشامية said...

Enter-Q8 :

واحنااا وين نسمعهاااا ما نبي اشرطه
؟؟؟؟؟؟؟
خو سمراااات ...ماكو
لازم نستجوب وزير الاعلام
ههههههه

أهل شرق said...

اشوه ان الشريط موجود عندي

ومازلت أتمتع بسماعه

نمووول said...

يعني الي يسمعها يجلد ولا يرجم ؟

بنت الشامية said...

قرمت :

حياك الله معنا بعالم التدوين
ومبروك عليك المدونه الجديده
يعطيك خيرهااااا
ويكافيك شرهاااا

الاصل بهذه الصوت لعبدالله فضاله
والباجي كلهم رددوها بعده

اما المناهج اللغه العربيه بمدارسناااا
الله يعلم بحالها...ولا جيل مع حمد قلم
او انا اكل وانا اشرب
اعدموااا اللغه العربيه
واللى تشوفه الحين هو نتاج هذه اللغه
ومع المدارس الخاصه....انتهت اللغه العربيه.....لاحول ولا قوة الا بالله
للحديث عن اللغه العربيه وطرق تدريسها حديث طويل.... وله شجووون
الله يحفظناااا
حياك الله

بنت الشامية said...

Anonymous :

مساء الورد والياسمين
هم بس حرمونا من تراثناااا
هم احرمونا ...حتى من التفكير
وابداء الراي....والراي المخالف لهم
مايبون الا السمع والطاعه
وغير ذلك ....انت خارج عن المله

الله يرحمنا برحمته

بنت الشامية said...

اجار الدين كشمش :


اشوه الحمدلله اني اظفت لك معلومه جديده
لووووول

طبعا عبدالله الفضاله وطلال المداح
مطربين كباااار بعالم الغناء و الطرب

شخبار السوق عندك
؟؟؟؟؟؟؟

بنت الشامية said...

بو ذياب :

هذا اللى صاير ما باليد حيله
المطرف زين
بس عبد الله الفضاله هو الاصل

شكرا لك

بنت الشامية said...

أهل شرق :


يابختك
صك عليه...لوووول

بنت الشامية said...

نمووول :

خوش سؤال
بس ما عندي الجواب

Anonymous said...

اهي يت على هالصوت بس؟
نص الاصوات الي بهالصفحة ممنوعة بسبب أنها خمرية أو لأسباب دينية مثل صوت دنت الساعة وانشق القمر

http://zeryab.com/A/Abdullatif_Al_Kuwaiti_Aswat.htm