Sunday, November 01, 2009

مؤذنات.....فى مساجد البحرين

فوجئ الشارع البحريني أمس
بأن المواطنات البحرينيات
سلوى....ومريم ....وفوزيه

أصبحن يعملن في وظيفة «مؤذن» بعد أن
كشفت وزارة العدل والشؤون الإسلامية، في وثائق
رسميه أن هناك 3 مؤذنات يعملن في مسجدين
مختلفين فى البحرين وهو ما تسبب في تهديد
نائب في البرلمان باستجواب وزير العدل
بعد أن أعتبر أن عمل المرأة كمؤذن
بدعة لم يتجرأ عليها احد من المسلمين
فكيف تسمح بها الوزارة العدل في البحرين
منقول من الجرايد البحرينيه
******
******
شرايكم بالخبر...؟؟؟؟؟
بس رجاءا بدون فتاوى مو متأكدين منها
بالنسبة لى ما عندي تعليق
الظاهر بنافسكم فى كل شيئ محنا مخلين لكم شيئ
وسلاااااامتكم
وزارة العدل الاسلاميه البحرينيه تنفي
تعين مؤذنات بحرينيات
وقالت ان اللغط سببه قراءه مغلوطه لقوائم
العاملين التى تتضمن اسماء المؤذنيين
وموظفي المساجد

56 comments:

star said...

@@

اذا الخبر صحيح

قلعته خل يستجوبنه

شنو تصير سلوى و مريم و فوزية مؤذن ؟؟

معناته درسو شريعة يعني ليش ما تصير ابلة دين ولا داعية ؟؟

استغفر الله

star said...

ويي نسيت أسلم

^_^

مساء الخيييير

شلونج وشخبارج مع الجو الحلو

:)

Anonymous said...

يمكن صوتهم خشن :)

صوت الكويت said...

قاعد أحاول أتخيل حليمه بولند إتأذن

قوييييه

ابو عبدالملك said...

الشيخ فهيد الهيلم عضو الحركه السلفيه سال ببرنامج على قناة العداله سؤال الا وهو
هل تؤيد اسامه بن لان؟؟
فرد الشيخ فهيد الهيلم:انا ااايد اسامه بن لادن لانه انسان يريد تطبيق الشريعه الاسلاميه ولكن انا لااتفق معاه بالوسيله


وانا اقول انا اايد اسامه بن لادن حتى بالوسيله لان حاكم وصلة فيه الجراه ان يخلي امراه تصبح مؤذنة مسجد هذا لايستحق ان يكون حارس على كلب اجلكم الله
لعل يسال السائل
ليس الحاكم الذي نزل القرار ؟؟
الحاكم حاكم دوله الا يعلم عن دولته ماذا يحصل بها

انا اقول كما قال الشاعر:
نريد اسامه بن لادن وليس سواه يرضينا


المراه لاتجوز ان تكون امام للنساء فكيف تكون مؤذن للرجال!!

اتمنى عرض الرد

Anonymous said...

مؤيد وبقوة

لا يوجد ما يمنع

Enter-Q8 said...

ردي هو باجابة السؤال اللي ساطرحه
هل صلاة المراه بالمسجد فرض

Danderma said...

يحليلهم و الله أهل البحرين انا يضحكوني عليهم سوالف غريبة و كله شغلهم براءة و طيبة!

من الناحية الإنسانية كأنسان له قابلية للكلام ما أشوف يفرق بين مرأة و رجال

لكن من الناحية الشرعية أنا اللي أعرفه انه صوت المرأة عورة لكن شنو بالظبط المقصود بصوت المرأة؟ هل صوتها و هي تتكلم عادي و لا صوتها و هي تتدلع و تنوتو و تتميوت؟ خاصة انه ما شفنا ليلحين احد من الملتحين او الدينين مثلا قال ما نبي نسمع المرأة تتكلم خير شر؟ مو؟

فمادري

لكن عرفا و إجتماعيا ما عمرنا سمعنا مؤذن مرأة! و مو كل مهنة ممكن تؤنث أو تذكر من باب المساواة!

و شلون على صلاة الفجر؟ هل كل يوم تقوم تروح المسجد من الفجر تصلي؟ شلون على رمضان؟

خالد said...

و بعدين يعني. شفيها؟

ما راح يكون صوتهم اردا من صوت مؤذن مسجدنا المزعج

نور الليل said...

هذا تشجيع للرجال علشان يأتون الصلاة قبل الأذان

لزوم الأجر

ههههههههههههههههه

7aitho Inna!! said...

okay fee wayed ashya2 engalat mo 9a7ee7a ma3a e7teramee lekel elli 3ale8aw bs meno gal el mar2a la to2em el nesa2!! o thanyan 9oot el mar2ah mo 3awrah mafee na9 lafee el 8or2an wala el 2a7adeeth yathbet hal shay hathee ma8oolah men 3adat el 3arab ama bel nesbah lel post ma3endi ta3lee8!

DiLLi O MiLLi said...

أشوة ،، عيل صوت المرأة موو عورة


:)

اجار الدين كشمش said...

المؤذن عادة هو اللي يقَوم الصلاة لان المكرفون قرب المنبر للصلاة وهو يحل مكان الامام اذا غاب او تاخر في الامامه اليوميه ؟

ما هو وضع هذي المؤذنه ؟ بعد الاذان ؟

هل تذهب الي حجره بروحه ؟
هل هناك غيرها يقوم الصلاة؟

الصلوات الخمس اليوميه ..في المساجد كلها رجال ...على الاقل بالخليج
ما هو وضع المؤذنه بين هالرجال بروحه ...؟ ..يعني ما تستاحش ؟
يعني الموضوع ...حتى من ناحيه اجتماعيه عاديه غير لطيفه
اشدعوه يعني ...ما لقوا البحرين توظيف الشابات الا المساجد

يعني من الممكن ان تكون مديره او ادريه بالمساجد الكبيره كا مسجد احمد الفاتح بالمنامه

لكن مؤذنه !!!!1

اعتقد هالوظيفه راح تفشل من النساء انفسهن

فمالله

مَـــــعْــــمَــــعَـــــه said...

الاذان يا اختي تتبعه اقامه ويمكن امامه الصلاه مع انه مو شرط ان المقيم يصبح امام بس لنفترض ان المرأة اقامة الصلاة هل راح تصلي مع الرجال بعد الاقامه هل راح تكون معاهم بنفس الصف

بس اعتقد ان الاذان بالتلفزيون او بالرادو ... يبيله نسمعه

خااالف تعرف said...

بغض النظر عن الجانب الشرعي الذي ذكره من سبقني وانا اؤيده

ولكن تساؤل ما المغزى من ذلك

هل تشيحط
لتسجل -مملكة البحرين- دولة مناهضة للتمييز


فكره ساذجه جدا
..برأيي

حسافتج يا كويت said...

لعبوا بالدين


وبعدين من المتعارف عليه إن الإمام إذا ما حضر يإم المؤذن بدالة!!

شلون باللة؟؟


وبعدين صج خداي


شلون بالله بداوم 3 اسابيع بالشهر؟؟؟

Anonymous said...

بفهم، اللي مو معترضين الا على امامة المرأة للصلاة، خل تئم. شفيها؟

daggero said...

فنتك بحرينى يديد

الجماعة من قامو يحطون حلوى شويطر داخل الدرابيل على أنه تطوير وامور المملكة مو مترقعة

الظاهر الموءذنة نأذن ولي بينو الرجاجيل تقب

لوووووول

نون النساء said...

البحرين فيها العجب

يات على المؤذنة في المسجد




بس صراحه ضحكت والله
لقيتها ممسك اتطنز فيه على بعض ناس
هههههههههههههههههههههههههه


هالمرة صج بقزرها عليهم

:P~

t.q8 said...

صراح الموضوع يضحك
صج ولا نكته
مابقا مكان حنا يالحريم
مادخلنا كشتنا فبه

t.q8 said...

شكل المدونه الحين عجيب
انا مثلج مافيني صبر
ودي الشتاء يجي بسرعه

راعي تنكر said...

احلى والله
بدال الصراخ اللي نسمعه من البنغال

lawyer said...

يه يه يه بنت الشاميه


شغل عدل

اوتم لووك بعد
خوووووووش شي

بلشششش السيزون اليديد





اما عن البحرين

فشنو الهدف من المؤذاااات !!

ماني عارفه
مو لي هالدرجه عاااااد



القضيه مو قضيه افتاااء

بس عقب و منطق







لاحظاتي بستوووووق الاجااااااار حاط صووووووره

واحد متكي على الطووفه و سيجااااار

و اقعععععععد

مدري من حقه كاششششششخ

صاره عشر سنين مجابله اجار ووزااار

الحين كشخ بالبدله !

lawyer said...

*
صارله عشر سنين مجابلنه

بنت الشامية said...

star :



هلا بالشيخه انت شلونج.. فاقدتج

هذا من وزارة العدل والشؤون الإسلامية، وفي وثائق رسميه

والخبر صحيح....بس عاد اذنون والا ما اذنوا
ما عندي علم
ههههههه

بنت الشامية said...

Anonymous 1:

اكيد لا

بنت الشامية said...

صوت الكويت :

مالها امل

هههههههه

بنت الشامية said...

ابو عبدالملك :

رياك وانت حر فيه
وانا اخالفك مخالفة تامه
اعتبر بن لادن مجرم العصر
قتل الاف المسلمين الابرياء
واباح دمائهم
وخالف عموم جمهور العلماء
بالعالم الاسلامي
وبدا يفتي لنفسه ولم يستمع لاحد
الله يفكنا من شره

بنت الشامية said...

Anonymous 2 :

احترم رايك
مع اني اخالفك فيه

ReLaaaX said...

شر البلية مايضحك

مادري من صجهم ! مادري يستهبلون ؟

لاني مفتيه ولا شيخه .. بس مصر اللي مانسبعد عنهم شي ماسووها !؟



اوكي لو سلمنا إن المره ممكن تأذن بغض النظر عن الحكم الشرعي


1
عفواً يعني بس فيه وقت ماراح تقدر تصلي فيه ( أسبوع أو أكثر )

السؤال : هل تدخل المسيد والا ماتدخل ؟ .. ويصير تأذن يعني وتطلع ؟ وتنطر وقت الاقامة وتقيم وتطلع ؟





2
معروف ترتيب الصفوف الرياييل قبل تالي الصبيان الصغار عشان يتعلمون ويتعودون على الصلاة وعقبها الحريم

السؤال اللي يطرح نفسه : بعد الأذان ترجع للصف الأخير ؟ وإلا توقف مع الرياييل ؟





3
إذا الاعتكاف اللي اهوا اعتكاف يصير المره تعتكف في بيتها وتاخذ أجر اللي بالمسيد .. والصلاة نفس الشي !

السؤال : قياس عليهم أذان المره ببيتها أفضل ;p

والا شرايج ؟

بنت الشامية said...

Enter-Q8 :

وهل الأذان فرض...؟؟؟؟؟

بنت الشامية said...

Danderma :

من الناحيه الشرعيه
ماعندي رد لاني غير متخصصه

اما اجتماعيا اقدر ارد
جنها قويه وايد
و مخالفه للاعراف
بس اكيد وزارة العدل البحرينيه عندها اسبابها و التفسير الوافي....لانهاخطوه جريئه جدا
الكره بملعبهم
وانا مااا علي

بنت الشامية said...

خالد:
الكل يشتكي من اصوات المؤذنيين

اشتكواااااا ليش ساكتين
وزارة الاوقاف عندها فلوس
تغطي عين الشمس
بس
الحين بيخافون بعد اللى سوته البحرين
(:

بنت الشامية said...

نور الليل :

ماراح يلحقون يشوفونها
هههههه

بنت الشامية said...

DiLLi O MiLLi :

الجواب عند وزارة العدل البحرينيه

مو تلشووووني انا مااا علي

منورتنا

بنت الشامية said...

اجار الدين كشمش :

لا تبلشني ما اعرف ارد عليك
(:
اعتقد وزارة العدل البحرينيه تعرف كل هالامور...وما يغيب عنها
بس يمكن لهم رؤيا مختلفه
واكيد ما وافقوا عليه الا بعد دراسات ومراجعات مع علمائهم الى ان توصلوا الى ان سمحوا لهن بالاذان
يعنى مو خبط .... لزق
والعلم عند الله
عاد يمشي هالقرار والا لا
بنعرف مع الايام

خارج التعليق
طل على تعليق لوير تراها تسلم عليك
وتبارك لك باصوره
ههههههه

بنت الشامية said...

مَـــــعْــــمَــــعَـــــه :

خلونا ننطر ونشوف شبيصير
بمساجد البحرين لا تستعجلون
انا نقلت الخبر فقط

بنت الشامية said...

خااالف تعرف :

صح كلامك عدل
شنو الهدف من هذا...؟؟؟

اكيد عندهم اسبابه
ومع الايام بنعرف كلنا

بنت الشامية said...

حسافتج يا كويت :

هذا القرار من قبلوزارة العدل الاسلاميه البحرينيه
مو من وزارة الاشغال او الزراعه

فما اعتقد انهم لعبوا بالدين لهم رايهم بالموضوع ...بس الى الحين ما قالوا وجهة نظرهم
ننطر ونشوف
وبعدين مو شرط ثلاث اسابيع او اربع
اكو حريم قاطعهم الراي
ياحبكم على الفضايح
(:

بنت الشامية said...

Anonymous 3 :

لا تعليق

بنت الشامية said...

daggero :

وعلي عليهم
احنا مبدعين اكثر منهم
انت شفت شسووابالرهش
حطوه بالتمر
وسوووه ايس كريم
بذمتك الرهش ينحط بالتمر..؟؟؟؟

عسى ما نسوي بعد مثلهم وتعين الاوقاف
مؤذنااااات
لا تغط علينا

بنت الشامية said...

نون النساء :

حرام عليج...ما يستاهلون اهل البحرين...والله هم أطيب ناس
قلوبهم بيضه ...خلف الله علينا
ههههههه

بنت الشامية said...

t.q8 :

ما دام روسنا تش الهوا بنتقلقص بكل مكان ..... هههههههه
مشكوره يالغاليه بعيونج حبيبتي
الله يقرب الشتا متنا من الحر
ياحلو الشتا ...والبرد
حياج الله

بنت الشامية said...

راعي تنكر:

والله ما يندرى

بنت الشامية said...

lawyer :

هلا بالشيخه
شلونج اليوم ..؟؟؟؟
شرايج بالخريف ..ان شاء الله ما بقى..على الشتا شيئ
ملييييييت من الحر

انت محاميه وتقدرين تفيدينا بهالخبر
يجوز والا ما يجوز اذانهم...؟؟؟؟
ومنكم نستفيد


الله يقطع ابليسسسسسسسسسج
غشيت من الصحك ..انا شايفه الصوره بس خاااامره ... اخاف اعلق
ما فيني شده عليه السا طويل واستحي ارد عليه ...انت تقدرين ليه
ههههههههههههههههههههههههههههه

مو ذابحني الا القبعه.....عجبه
ولااااااا البنطلون رابطه بحبل يالله صك علي خصره....ما ادري مثمنيين لهم مزرعه فى

TEXSAS

وهذول هدوم يده...؟؟؟؟

غشششششششيت من الضحك
ما تيووووووزين
ياحلو خفة الدم

بنت الشامية said...

7aitho Inna!! :

حتى انا ما عندي تعليق

ابو عبدالملك said...

بنت الشاميه
الموضوع مو اسامه بن لادن
بس بما انج اسئتي الى بن لادن
بس بوضح لج شغله
الا وهي
ابيج تدخلين على قوقل وكتبي (شركة بلاك ووتر )وراح تعرفين منو يقتل المسلمين
وراح تتاكدين ان علمائج دايخين بعض المرات

DiLLi O MiLLi said...

لوووول
بنت الشامية
:)

هذا نفي وزارة العدل والشئون الأسلامية لموضوع المؤذنات
طلعوا يعملن كمنظفات في المرافق الخدمية التابعة لأقسام النساء بالمساجد
مووو مؤذنات لوووول
:)
بس عيلة واحد من نوابهم السلف
الظاهر يبي الأشاره عشان يتهاوش مثل الربع اللي عندنا
اللي ما نسمع ألاااا صراخهم ،،، ولااا شفناااا شي أنجزوه لهالديرة الفقيرة



http://www.hadath.net/ArticleDetail.aspx?id=6320

بنت الشامية said...

ReLaaaX :

كلامج كله صحيح
لايجوز شرعا
ولا يجوز اجتماعيا

اليوم نفت وارة العدل البحرينيه هذا الخبر
وتقول صار لبس فى قراءة جداول المؤذنيين
لانه كانت اسماء المؤذنيين والموظفين معا بنفس القائمه
وهذه النسوه موظفات فى ادراة المساجد وليس مؤذنات


الظاهر توهقوا وتراجعت الوزاره
هههه

بنت الشامية said...

DiLLi O MiLLi :

هههههههههههههه

يمكن توهقت الوزارة ..ماهقت كل الدنيا بتشيش عليها
فنفت الخبر
اصلا من امس الجدول منشوره بكل مكان وحددوا اسماء مساجدهم

بس ما علي هذه خطوه جيده
توهقوا وتراجعوا
والله اعلم
يا شماتت ابله ظاظا في
(((((:

MILAN said...

أخاف قصدهم كيفيه التلذذ بالصلاة

و الله أعلم

Enter-Q8 said...

بنت الشامية يوزي عن سوالفك
انا ادري انك عارفه سؤالي
و اجابته
صج حواء
بس اقول شكو اسامه عبدالملك
عفوا بن لادن بالموضوع

بنت الشامية said...

MILAN :

نفت وزارة العدل الخبر

بنت الشامية said...

Enter-Q8 :

وحده بوحده

اذا قلنا الصج صرناااا حواء

(((:

اما عن اسامه فلازال البعض مؤمن به
وايعتبرونه مخلص البشريه
يظل رايهم وهم احرار به

انت اللى يوز....... عن سوالفك
تحياتي

capputtino said...

انا اقول
بدعواااااا

شسالفه ماكو شغل؟؟
المعروف ان صوت المرأة عوره
والحين يأذنون بالمسجد بأعلى حسهم

ما اقول إلا دعواااا

بنت الشامية said...

capputtino :

مساكن

مو كل مجتهد له نصيب