Wednesday, June 24, 2009

على بساط الريح


اعتقد انكم محتاجين تغير جو بعد مغثة اليوم
والاكثر من موقف العم احمد السعدون
جان زين افهم موقفه...؟؟؟؟؟؟
هذول كلهم بيدفعون الوزير فاتورة الفرعيات
انت ليش ويااااهم...؟؟؟؟؟؟
**************************
مااااا علينا الحين منهم
هذى قريه بهولندا ما فيها شوارع كلها
جداول وترع مفتوحه على بعض
الناس كلهااااا عايشه ومرتاحه
وعارفه اللى لها واللى عليها
بسناااااااا غثااااااااااا
بسنااااا سياسه....خل نستانس مثلهم
كل العالم مستانسه وما يدرون وين الله حاطهم
الا احناااا مكتوب .....علينا الشقاااااا بهالسياسه
خل نعيش مثلهم جود يتعدل حالنا ومحتالنااااا
وسلااااااااااامتكم

42 comments:

فريج سعود said...

موقفه الصح والحق

اعرف الحق تعرف اهله

مو العكس

Anonymous said...

You may only live like them if you deal with politics, as they have.

They've paid their contributions to get freedom and equality, we haven't .. yet.

Cool pics though.

Anonymous said...

تهقين لو ندزهم هالقريه بهالصيفيه يتعدلون

مَـــــعْــــمَــــعَـــــه said...

والله الراحه تنشرا بفلوس

ذبحنا الغبار

الزين said...

تهقين لو ديرتنا جذيه

الناس بيصير عندهم وقت حق المغثه


وعلية علينا

مير ان من الغبار الكل يبي يتهاوش مع الكل

وصيحتنا مستجله



:)


والترقيعه مالت البوست اللي فات ما تمشي علي

:@

اعترفي

!!

ARTFUL said...

لا يا بنت الشامية

الامر فيه تنفع وبوق وتبينه يسكت

لو اللي قدم الاستجواب هايف اللي ما اواطنه

بس قاعد يتكلم بالحق ويدافع عن الكويت

أصف معاه

هالقرية اهي المشروع الياي صارلي جم شهر ادرسها واشوف وين موقعها وشلون اوصلها واحجز لها وهالسوالف

:)

هذا اسمها

giethoorn

nanonano said...

أنا بس قطيني بهالمكان

و بس ما أبي شي

Anonymous said...

بنت الشاميه تدافع عن الوزير لانه ولد الشاميه

أنا كويتي said...

يا سلااااام
ودوني هناك

raed said...

مثل ماقالوا الشباب
القضية مو أشخاص

المهم.. شنو اسم القريه؟؟
مكان يفتح النفس

حسافتج يا كويت said...

وناسة

لا سيايير ولا مواتر بذيج الحجاية

أهل شرق said...

العم احمد السعدون عارف السالفة وخباياها ...

وفي مداخلاته ركز على المال العام المسروق بالصفقة المشبوهه واعتقد كان واضح وصريح والوزير راكبه الغلط من راسه لي اطراف اصابعه ..

والتاريخ يشهد للعم احمد السعدون

Anonymous said...

وناسة ... بس اتوقع الحركة بهالقرية كلش مو عملية

BeeDoO said...

لو عندنا جان الحداقة فوق بعض عندها .. يدورون السبيطية

احنا مو مكتوب علينا الشقا بالسياسة .. احنا شعب صرنا نفهم بكل شي صرنا مثل المصريين نتكلم بكل شي لو الله يفكنا من اللقافة شوي احنا بخير

Anonymous said...

السعدون يقول انا قلت للبراك اذا الوزير اعترف بخطأه ماراح اكون معاك
يعني لو الوزير تأسف الخمس ملايين عادي
عند السعدون انتو ماتقرون ولا نوعكم
تقرون اللي يجي على مزاجكم
!!!!!!!!!!!!!!

Anonymous said...

وبالشكر تدوم النعم

عندنا بالكويت كل المقومات اللي تخلينا نحول ديرتنا الى جنة

تجربة الغزو والتحرير كانت فرصة وضيعناها لأننا مو كفو نعمة

تمنياتي لكم بقضاء اجازه سعيدة

lawyer said...

ايييييييي والله مناظر ترد الروح



سبحان الله توني حاجزه حق الاهل عشان شاليهات هولندا والا ادش عندج انتاي حاطتها !



الفرق بين شاليهات هولندا و شاليهات الكويت ان احنا تكون على البحر اهما تكون في الغابه





احتااااااااج انحاش
تاخذيني؟

بنت الشاميه said...

فريج سعود :


لا اشك
فى نية العم احمد السعدون
ولكن
هذا استجواب قبلي
مهما كانت محاوره من حق او باطل

بنت الشاميه said...

Anonymous 1 :

احنا نفتقد الاخلاص ...الاخلاص..الاخلاص

وان شاء الله ايي اليوم اللى نصير مثلهم

شكرا

بنت الشاميه said...

Anonymous 2:

حتى لو ندزهم القمر ....ماكو فايده فيهم
خل القريه لاهلهااااااا

بنت الشاميه said...

مَـــــعْــــمَــــعَـــــه :\


الراحه بايدناااا
اما الغبار مو بايدناااا
اللهم الطف بنااااا

بنت الشاميه said...

الزين :

الزين ترا مااا اقدر عليج

انت غفلي عني......والله كريم
لووووول
والله لو الغبار عندهم
جااان استفادوا منه
لازم يدورن شيئ حقه
مثل ما سووا المطر الصناعي
يسون الغبار..... سحاب
ههههههههههه
هاااا طااااح الحطب...!!!!!ء
:**

بنت الشاميه said...

ARTFUL :

عندي قناعه تامه ان مجرد سؤال من العم احمد السعدون عن المحور المالي بالاستجواب
كاااافي ان يهز كرسي وزير الماليه
وكل المجلس يوقف معاه....واحنا من وراه

بس الهدف الاساسى من الاستجواب اسبابه قبليه بحته
وهذا اللى نرفضه

وشكرا على اسم القريه
وان شاء الله تروح وتتمتع بالهدوء والنظااااااافة

بنت الشاميه said...

nanonano :


الوعد بالمطار
(:

بنت الشاميه said...

Anonymous 3 :

ما ادافع عنه
مهما كانت اخطائه فانها تحل بسؤال نيابي
وليس باستجواب قبلي بحت مبية النيه من ايام الانتخابات

اخلي الكويت .....واقتصر بالشاميه...؟؟؟؟؟

بنت الشاميه said...

أنا كويتي :

حياك الله

بنت الشاميه said...

raed:

اهم سوهاااا اشخاص وقبائل
وهذا اختلافي معاهم

والقريه هذا اسمها

giethoorn

تراه اعلان غير مدفوع
لول

بنت الشاميه said...

أهل شرق :

العم احمد السعدون كان يقدر ان يقدمه سؤال
مباشر للوزير
وكلناااا كنا وياه
بس لا يوقف معاهم بهذا الاستجواب القبلي الاهداف اللى مبيت له من ايام الانتخابات

وانا لا اشكك بنية العم احمد ابد

بنت الشاميه said...

4 :

ولكن للتغير نمط الحياة شيئ حلو

بنت الشاميه said...

BeeDoO :

اول شيئ ممنوع الحداق
والقاء اوراق الكلينكس بالماء
وغواطي المشروبات الغازيه وبطولة الماي
لوووول

اما اللقاااافه
فهى شعار رسمي للكويتي وللكويتيه

بنت الشاميه said...

Anonymous 4:

لاادخل ولا اشكك فى نيات الناس

بس سؤال بوزن احمد السعدون للوزير
اعتقد انه كافي

بنت الشاميه said...

Anonymous 5 :
اللهم لك الحمد والشكر
وديرتنا بشلحتها وملحتهاااا
جنه عندي...الله لايجرمنا منها

بس الجو بالصيف يقتل كل مشروع سياحي
والغزو الحين من يذكره الكل نساه او تناساه....حتى الكبار
واتمنى للجميع قضاء اجازة سعيده

بنت الشاميه said...

lawyer :

فطييييييييييم تبين الصج
هذى تبي روماااانس
ما تبي عايله وصيحه وحنه
لووووووووول
ترا الرزورتات بهيج بلاهاي اونس واكثر حركه للوااااايه والحووووسه

اذا عزمتى ولقيتى الروماااانس
علي الحجز ...جم لوير عندنااااا

بنت الشاميه said...

حسافتج يا كويت :


ااااااسفه سقط تعليقك سهواااا

اونس شيئ ماااا كو سيارات
ولا تدور على مواقف ...ولا ازعاج

اطلب السمااااح يا ولد اخوي

الزين said...

طاح بعد قلبي

طااااح

:)

daggero said...

بنت الشامية

ديرة هولنده حلوة

ودام انك هناك شوفى الشاعر الهولندى عباس جيجان

وهذا الرابط

http://www.youtube.com/watch?v=irtkplldJUc&feature=related

Anonymous said...

أختى بنت الشاميه فعلا رأيك سليم كان يكفى سؤال من السعدون وتحويل الموضوع للنيابه , لأن تكلفه الاستجواب اكثر واكبر من المحور الاول وكله بيندفع من المال العام

بنت الشاميه said...

الزين :

لا خلا ولا عدم
مشكووووره

بنت الشاميه said...

daggero :

مشكوووره عجيب هالشاعر
غشيت من الضحك
مااا تقصر

بنت الشاميه said...

Anonymous 6:

شلون يطلع اسد الجهراء بطل
وهو متاكد من ضعف الاستجواب
بس اللى حز بنفسي موقف
العم احمد السعدون...!!!!ء
والوزير بيرد واقوي من الاول
والله اعلم

فيلسوف said...

انا اختلف معك بشيء
الخطأ خطأ
لو تم الكشف عنه بسبب قبليه
طائفيه
مزاجيه
هوشه على الفلوس
ما يهمني

أهم شي الوزير مخطيء ام لا

للاسف بعض الاشخاص تريد تقسيم الشعب الكويتي الواحد

بعد حكايه التأبين
وتقسيم السنه و الشيعه
الان هذا الاستجواب و المشاحنات بين الاعضاء
لتقسيم بدو و حضر

بكره بين القبائل و بعضهم
و بين العوايل و بعضهم

لين يفككوا الديره

أتمنى من الكل ان يرى الخطأ و الصح

سواء كنا مع او ضد البراك
لا يهم
بل المهم هي القضيه وردود الوزير

ترى 5 مليون مو شويه

واسف على الإطاله

بنت الشاميه said...

كويتي مغترب :

ومنو اللى قال ان السؤال عن المحور المالي خطا
ومن قال ان 5 مليون دينار شويه..؟؟

كان ممكن يكتفي بسؤال الى الوزير
بدل كل هالصراخ والفوضى السياسيه اللى سواهاااا
اصلا هذا هو اسلوبه ونهجه بالمجلس
مو راضي يفهم ان الناس تغيرت وبدت
تطلب العمل السياسي المنظم
وتبي التنميه للنهوض بالدوله
اعتقد كاااافى كل هالسنين اللى صرخ فيهااااا
واصلا كل هذا من اجل الفرعيااااات
وموقف الوزير منهااااا
هذا شيسمونه...؟؟؟؟؟
هو اللى يحفر ويفرق بين افراد المجتمع الكويتي......الله يهداه بس