اعتقد انكم محتاجين تغير جو بعد مغثة اليوم
والاكثر من موقف العم احمد السعدون
جان زين افهم موقفه...؟؟؟؟؟؟
هذول كلهم بيدفعون الوزير فاتورة الفرعيات
انت ليش ويااااهم...؟؟؟؟؟؟
**************************
مااااا علينا الحين منهم
هذى قريه بهولندا ما فيها شوارع كلها
جداول وترع مفتوحه على بعض
الناس كلهااااا عايشه ومرتاحه
وعارفه اللى لها واللى عليها
بسناااااااا غثااااااااااا
بسنااااا سياسه....خل نستانس مثلهم
كل العالم مستانسه وما يدرون وين الله حاطهم
كل العالم مستانسه وما يدرون وين الله حاطهم
الا احناااا مكتوب .....علينا الشقاااااا بهالسياسه
خل نعيش مثلهم جود يتعدل حالنا ومحتالنااااا
وسلااااااااااامتكم
42 comments:
موقفه الصح والحق
اعرف الحق تعرف اهله
مو العكس
You may only live like them if you deal with politics, as they have.
They've paid their contributions to get freedom and equality, we haven't .. yet.
Cool pics though.
تهقين لو ندزهم هالقريه بهالصيفيه يتعدلون
والله الراحه تنشرا بفلوس
ذبحنا الغبار
تهقين لو ديرتنا جذيه
الناس بيصير عندهم وقت حق المغثه
وعلية علينا
مير ان من الغبار الكل يبي يتهاوش مع الكل
وصيحتنا مستجله
:)
والترقيعه مالت البوست اللي فات ما تمشي علي
:@
اعترفي
!!
لا يا بنت الشامية
الامر فيه تنفع وبوق وتبينه يسكت
لو اللي قدم الاستجواب هايف اللي ما اواطنه
بس قاعد يتكلم بالحق ويدافع عن الكويت
أصف معاه
هالقرية اهي المشروع الياي صارلي جم شهر ادرسها واشوف وين موقعها وشلون اوصلها واحجز لها وهالسوالف
:)
هذا اسمها
giethoorn
أنا بس قطيني بهالمكان
و بس ما أبي شي
بنت الشاميه تدافع عن الوزير لانه ولد الشاميه
يا سلااااام
ودوني هناك
مثل ماقالوا الشباب
القضية مو أشخاص
المهم.. شنو اسم القريه؟؟
مكان يفتح النفس
وناسة
لا سيايير ولا مواتر بذيج الحجاية
العم احمد السعدون عارف السالفة وخباياها ...
وفي مداخلاته ركز على المال العام المسروق بالصفقة المشبوهه واعتقد كان واضح وصريح والوزير راكبه الغلط من راسه لي اطراف اصابعه ..
والتاريخ يشهد للعم احمد السعدون
وناسة ... بس اتوقع الحركة بهالقرية كلش مو عملية
لو عندنا جان الحداقة فوق بعض عندها .. يدورون السبيطية
احنا مو مكتوب علينا الشقا بالسياسة .. احنا شعب صرنا نفهم بكل شي صرنا مثل المصريين نتكلم بكل شي لو الله يفكنا من اللقافة شوي احنا بخير
السعدون يقول انا قلت للبراك اذا الوزير اعترف بخطأه ماراح اكون معاك
يعني لو الوزير تأسف الخمس ملايين عادي
عند السعدون انتو ماتقرون ولا نوعكم
تقرون اللي يجي على مزاجكم
!!!!!!!!!!!!!!
وبالشكر تدوم النعم
عندنا بالكويت كل المقومات اللي تخلينا نحول ديرتنا الى جنة
تجربة الغزو والتحرير كانت فرصة وضيعناها لأننا مو كفو نعمة
تمنياتي لكم بقضاء اجازه سعيدة
ايييييييي والله مناظر ترد الروح
سبحان الله توني حاجزه حق الاهل عشان شاليهات هولندا والا ادش عندج انتاي حاطتها !
الفرق بين شاليهات هولندا و شاليهات الكويت ان احنا تكون على البحر اهما تكون في الغابه
احتااااااااج انحاش
تاخذيني؟
فريج سعود :
لا اشك
فى نية العم احمد السعدون
ولكن
هذا استجواب قبلي
مهما كانت محاوره من حق او باطل
Anonymous 1 :
احنا نفتقد الاخلاص ...الاخلاص..الاخلاص
وان شاء الله ايي اليوم اللى نصير مثلهم
شكرا
Anonymous 2:
حتى لو ندزهم القمر ....ماكو فايده فيهم
خل القريه لاهلهااااااا
مَـــــعْــــمَــــعَـــــه :\
الراحه بايدناااا
اما الغبار مو بايدناااا
اللهم الطف بنااااا
الزين :
الزين ترا مااا اقدر عليج
انت غفلي عني......والله كريم
لووووول
والله لو الغبار عندهم
جااان استفادوا منه
لازم يدورن شيئ حقه
مثل ما سووا المطر الصناعي
يسون الغبار..... سحاب
ههههههههههه
هاااا طااااح الحطب...!!!!!ء
:**
ARTFUL :
عندي قناعه تامه ان مجرد سؤال من العم احمد السعدون عن المحور المالي بالاستجواب
كاااافي ان يهز كرسي وزير الماليه
وكل المجلس يوقف معاه....واحنا من وراه
بس الهدف الاساسى من الاستجواب اسبابه قبليه بحته
وهذا اللى نرفضه
وشكرا على اسم القريه
وان شاء الله تروح وتتمتع بالهدوء والنظااااااافة
nanonano :
الوعد بالمطار
(:
Anonymous 3 :
ما ادافع عنه
مهما كانت اخطائه فانها تحل بسؤال نيابي
وليس باستجواب قبلي بحت مبية النيه من ايام الانتخابات
اخلي الكويت .....واقتصر بالشاميه...؟؟؟؟؟
أنا كويتي :
حياك الله
raed:
اهم سوهاااا اشخاص وقبائل
وهذا اختلافي معاهم
والقريه هذا اسمها
giethoorn
تراه اعلان غير مدفوع
لول
أهل شرق :
العم احمد السعدون كان يقدر ان يقدمه سؤال
مباشر للوزير
وكلناااا كنا وياه
بس لا يوقف معاهم بهذا الاستجواب القبلي الاهداف اللى مبيت له من ايام الانتخابات
وانا لا اشكك بنية العم احمد ابد
4 :
ولكن للتغير نمط الحياة شيئ حلو
BeeDoO :
اول شيئ ممنوع الحداق
والقاء اوراق الكلينكس بالماء
وغواطي المشروبات الغازيه وبطولة الماي
لوووول
اما اللقاااافه
فهى شعار رسمي للكويتي وللكويتيه
Anonymous 4:
لاادخل ولا اشكك فى نيات الناس
بس سؤال بوزن احمد السعدون للوزير
اعتقد انه كافي
Anonymous 5 :
اللهم لك الحمد والشكر
وديرتنا بشلحتها وملحتهاااا
جنه عندي...الله لايجرمنا منها
بس الجو بالصيف يقتل كل مشروع سياحي
والغزو الحين من يذكره الكل نساه او تناساه....حتى الكبار
واتمنى للجميع قضاء اجازة سعيده
lawyer :
فطييييييييييم تبين الصج
هذى تبي روماااانس
ما تبي عايله وصيحه وحنه
لووووووووول
ترا الرزورتات بهيج بلاهاي اونس واكثر حركه للوااااايه والحووووسه
اذا عزمتى ولقيتى الروماااانس
علي الحجز ...جم لوير عندنااااا
حسافتج يا كويت :
ااااااسفه سقط تعليقك سهواااا
اونس شيئ ماااا كو سيارات
ولا تدور على مواقف ...ولا ازعاج
اطلب السمااااح يا ولد اخوي
طاح بعد قلبي
طااااح
:)
بنت الشامية
ديرة هولنده حلوة
ودام انك هناك شوفى الشاعر الهولندى عباس جيجان
وهذا الرابط
http://www.youtube.com/watch?v=irtkplldJUc&feature=related
أختى بنت الشاميه فعلا رأيك سليم كان يكفى سؤال من السعدون وتحويل الموضوع للنيابه , لأن تكلفه الاستجواب اكثر واكبر من المحور الاول وكله بيندفع من المال العام
الزين :
لا خلا ولا عدم
مشكووووره
daggero :
مشكوووره عجيب هالشاعر
غشيت من الضحك
مااا تقصر
Anonymous 6:
شلون يطلع اسد الجهراء بطل
وهو متاكد من ضعف الاستجواب
بس اللى حز بنفسي موقف
العم احمد السعدون...!!!!ء
والوزير بيرد واقوي من الاول
والله اعلم
انا اختلف معك بشيء
الخطأ خطأ
لو تم الكشف عنه بسبب قبليه
طائفيه
مزاجيه
هوشه على الفلوس
ما يهمني
أهم شي الوزير مخطيء ام لا
للاسف بعض الاشخاص تريد تقسيم الشعب الكويتي الواحد
بعد حكايه التأبين
وتقسيم السنه و الشيعه
الان هذا الاستجواب و المشاحنات بين الاعضاء
لتقسيم بدو و حضر
بكره بين القبائل و بعضهم
و بين العوايل و بعضهم
لين يفككوا الديره
أتمنى من الكل ان يرى الخطأ و الصح
سواء كنا مع او ضد البراك
لا يهم
بل المهم هي القضيه وردود الوزير
ترى 5 مليون مو شويه
واسف على الإطاله
كويتي مغترب :
ومنو اللى قال ان السؤال عن المحور المالي خطا
ومن قال ان 5 مليون دينار شويه..؟؟
كان ممكن يكتفي بسؤال الى الوزير
بدل كل هالصراخ والفوضى السياسيه اللى سواهاااا
اصلا هذا هو اسلوبه ونهجه بالمجلس
مو راضي يفهم ان الناس تغيرت وبدت
تطلب العمل السياسي المنظم
وتبي التنميه للنهوض بالدوله
اعتقد كاااافى كل هالسنين اللى صرخ فيهااااا
واصلا كل هذا من اجل الفرعيااااات
وموقف الوزير منهااااا
هذا شيسمونه...؟؟؟؟؟
هو اللى يحفر ويفرق بين افراد المجتمع الكويتي......الله يهداه بس
Post a Comment