Wednesday, June 17, 2009

الله ياااا شعب الكويت

اكو احلى أكو أجمل
أكو اغلى أكو أبهى من الكويت

الله ياشعب الكويت
شوفوا وطنا من جديد
الغالي شع نوره
صار فى أحلى صوره
واكتمل اليوم فرحه وسروره
والعزيمه من حديد
أكو أحلى أكو أجمل
أكو أغلى أكو أبهى من الكويت ؟
الله يا شعب الكويت
أكو أجمل من شعب الكويت

الله ياشعب الكويت
إنتوا هلى وناسي
هذول ياسامعين الصوت
هم تاج راسي
أكو أحلى أكو اجمل أكو أغلي
ما نتوقف في عطانا

شوفوا بس منهو معانا
الأمير ويه ولي عهده معانا
الله يا شعب الكويت
أكو مثل الكويت
أكو أحلى من الكويت
أكو أجمل من الكويت
أكو أبهى من الكويت
أكو أغلى من الكويت

الله ياشعب الكويت

*******
كلمات : بدر بورسلي
صح لساااااانك يا شاااعرنا
والله والله والله ما كو أحلى منهاااااااا
الله يحفظها ويحفظنا وياهاااااا
وسلاااااااااامتكم

24 comments:

Eng_Q8 said...

منهو مثل الكويت

om comment kuwait said...

لا ماكو احلى و اغلى و اعز منج يا



" كويت "

بس منو الله يقدرج يا بعد كل طوايفي :(

esTeKaNa said...

قلبي يعورني
:(

بو حامد said...

الله يحفظ الكويت من شر أبناءها الي مو عارفين أنهم قاعد يسيؤون لها ..

الزين said...

صباح الخير حبيبة قلب الزين


يا حلوج ويا زين اختياراتج

الكلام هز قلبي من اقصاه



وعلى طاري وين بروح

ماني مباعده

قريب بدو على قولتهم


زهبي جنطتج يالله

:)

عاجـل said...

اكو وايد احلى

ذكرتيني بقصيدة فيلكا احلي الجزر

بالله على شنو احلى الجزر

شخلينا حق بوكيت ولا جزر الكاريبي

lawyer said...

يااااااااااازين ديرتنااااا با بنت الشاااااااااميه



تحبها في الكلام و بالفعل يعورنا قلبنااااا بس مانشووووف الي يعمل صح

الأستاذ حمام said...

ماي ثلج وانغسل فيه صدري

Q80 Blogger said...

جميل


ومع كل البلاوي الي عندنا

صج صج صج ماكو !

DiLLi O MiLLi said...

لااااا طبعا مااااكو أحلى من هالديرة
ولااااا أطيب من هالشعب
:)

هذا الشعر يحطونه الصبح بتلفزيون الكويت وبصوت بدر بروسلي
من أحلى الأشعار اللي كُتبت عن الكويت



الله الحافــــــــــــظ

ARTFUL said...

يمكن ما تكون الكويت أحلى دول العالم من حيث الطبيعة او الجو او البحر وغيره وغيره

ولكن حلوه بعيونا حلوه بذكرياتنا حلوه بماضينا حلو بذكريات أجدادنا حلوه بهلها بشعبها اللي يخلص لهذي الديرة ويخاف عليها وعلى اهلها

علشان جذي احنا نحبها جلحه ملحه ونشتاق لها

لانها الوطن

الأستاذ حمام said...

اهداء لج ولقراء المدونة الكرام.. بعد اذنج..

http://www.youtube.com/watch?v=GyYeDaVb-8k

بنت الشاميه said...

Eng_Q8 :

عندناااا ما كو مثلهااا
لو لفينا العالم
الله يحفظها

بنت الشاميه said...

om comment kuwait :

حبنااا لها ....وخوفنا عليهااا
ان شاء الله هو اللى يجمعناااا

بنت الشاميه said...

esTeKaNa :

ما لقيت احسن منها لنذكر
بعض.... لحبنا لبعض
بعد الجو المشحون وخصوصا بالمدونات
لان حبهااا هو اللى مجمعناااا كلناااا

سلااااامات قلبج بالغاليه

بنت الشاميه said...

بو حامد :

امين ....وان شاء الله حبنااا لها
هو اللى بيجمعنااااونرد نخاف عليهااا
الله يحفظه الكويت

بنت الشاميه said...

الزين :

مسائج ورد وريحان ونعنااااع
(:
نحتاج دائما للتذكره
لان حبهااااا فى عروقنا
ونكسر الجو المشحون

انت تعالي معااااي
وين ..؟؟؟ بعدين اعلمج
ههههههههههههههه

بنت الشاميه said...

عاجــل :

شفيهاااا فيلجااا
والله احلى الجزر
دار مادارهااا بحر
بعد شتبي بالله من فضلك
البحر والنسيم والسماء
بعد اكو احلى منهاااا

بنت الشاميه said...

lawyer :

اذا كلناااا حبيناهااا

ما عليها الا العافيه
الله يحفظهاااا

بنت الشاميه said...

أستاذ حمام :

حبهااا فى قلوبا يشفي الصدور

الله يحفظهاااا

ومشكور على الاهداء ....يرد الروح

بنت الشاميه said...

Q80 Blogger :


الله يا شعب الكويت هم تاج راسي

بنت الشاميه said...

DiLLi O MiLLi :


من اول مره سمعته وانا اردده كل يوم
اكو احلى
اكو اغلى
اكو ابهى
اكو اجمل
من الكويت
الله يا شعب الكويت

واحب اسمع صوت بدر بورسلي وهو يقوله
يزيد حبهااا فى قلوبنااا

الله يحفظهااااا

بنت الشاميه said...

ARTFUL

صح لسانك
ما اكو احلى منهاااااا
ولا اجمل منهااااا
ولا اغلى منهاااا

الله يحفظهاااااا

فيلسوف said...

فديت ترابها والله