Tuesday, June 16, 2009

تركوا المشاحات عنكم ...ترانا ما ننسى

وبعدين... الى وين بنوصل ويااك ..؟؟؟؟
شنو الحل معاك...؟؟؟؟؟؟
ما خليت أحد من رجالات البلد الإ نهشته
تهجمت على النائب الفاضل المرحوم جاسم الصقر
وتهجمت على النائب والوزير السابق
المرحوم عبد العزيز الصرعاوي
واستخدمت عضلاتك انت واخوك ضد موظف
عام إبن اسره كويتيه كريمه
أثناء تأديته عمله الرسمي....وأدانتك المحكمه

وإذا عندك مشكله مع أهل الكويت فهي مشكلتك
عليك أن تواجهها أو تعالج نفسك...الله يسلم الكويت

ترا العلاج ببلاش...لإن حالتك مستعصيه
ضيعت حتى الأخلاق والأداب العامه
للعمل السياسي داخل البرلمااان
مشاحات الجلاب ما تفيدك و حبلهااا جدا قصير
تضرك ما تنفعك لإنك أول واحد بتنهشك هالجلاب
وأول المتضررين بتكون إنت وعائلتك الصغيره
قبائل الكويت نعرفهااا ونحترمها

ونعرف أدبها وأخلاقها
هذا شيئ جديد علينا ...طريقة بني حجيم
ترااااهم يشااااحون فيك
خلي عقلك براسك .....تعرف خلاصك

تراناااااا ما ننسى .... ترانااااا ما ننسى أبد
لاتحسب أهل الكويت طوفه هبيطه
الكويت عصيه عليك ....ولحم أهلها مر

وقفوا جدام الطاغيه صدام لأنه أهانهم وجرحهم
وأعلن العداء عليهم....حط بالك زين
كلش لا تنسى ان الكويت وكلتك وسمنتك وجنستك
لا تزووووع فضلهااا عليك

ترانااااا مااا ننسى أبد
عساك تتعض وتنتصح وتصحا من غيك
وسلامتكم

35 comments:

حسافتج يا كويت said...

واطي

Enter-Q8 said...

وأول المتضررين بتكون إنت وعائلتك

اول المتضررين هو وليست عائلته

و هم ايضا الصرعاوي اخطئ اذا اردنا ان نتكلم عن مستوى الحوار

لا نشوف بعين و نصكر عين يا جماعة

مـغـاتيــــــــــــر said...

سعدون أحمــق

بس ما فهمت هالجملة
"
لا تنسى ان الكويت
وكلتك وسمنتك وجنستك
"

شلون ، اهوا توه متجنس ؟

abo3li said...

والله الشره موعليه الشرهه على من وصلك للمكان اللي كان يجب ان لاتصل اليه ... الكلب صديق الانسان حسافه شبهتيه بالجلب .. اكيد راح يحتج الجلب ومعاه العذر ... ترا ماتكبر الا السماده ... عيال ورجالات العوايل كان عملهم واضح للجميع العمل اللي قاموا فية ايام الغزو للناس الصامدين وكيف سيروا امور البلد يوم كان الحبيب قاعد بجحر الفيران ...

تحياتي للجميع ...

mtfa2el said...

سؤال صريح

النائب سعدون حماد متى تجنس و هل تجنس بطريقة قانونية ؟؟

مَـــــعْــــمَــــعَـــــه said...

والله الكلام من الجميع اليوم المفروض ما ينقال ابتداء بالحبيب العزيز عادل الصرعاوي ومرور في خلف دميثير ومبارك الخرينج واخيرا السافل سعدون حماد والمجلس لازم ما يصير ساحة تصفية حسابات

Anonymous said...

ونسينا الصرعاوي يوم قال الحكمومة مفوشحه !!!


ونسينا ونسينا !!

والذاكرة الليرالية ما تذكر الا على مشتهاتها

دروازة said...

مجلس الأمة بكبره صار ساحة مشاحات

المشكلة انهم مو رياييل

لانهم لو كانوا رياييل جان قالوا تصريحاهم بدون ما يحتمون ورا الحصانة البرلمانية

لو ان المجلس يحترم مبدأ فصل السلطات ويحترم مبدأ الشفافية

جان يقبل اي طلب رفع حصانة يوصل له

بس لأنهم يدرون أنهم ضعاف وانهم يحتمون ورا هالحصانة

ويدرون انهم راح يقل ادبهم في الحوار في يوم من الأيام... وبالتالي يشيلونها لبعض جميلة

الأمس رفضت طلب رفع حصانتك .. اليوم دورك ترفض الطلب اذا ياني

رحمة الله عليج يا رجولة

رحمة الله عليج يا أخلاق الفرسان

الله يحفظنا من سعدون وأمثاله... لأنهم داء أشبه بداء الكلب .. علاجه 21 ابرة بالبطن!!

بنت الشامية said...

حسافتج يا كويت :

عاد هذي حاله
لاحول ولا قوة الا بالله

بنت الشامية said...

Enter-Q8 :

اللى قصدته عائلته الصغيره وليست عائلته الكبيره
ولا تزُر وازرة وزر اخرى

انا اشوف الحقيقه بعين مفتوحه
وما يهمنى احد الا مصلحة الكويت

الصرعاوي ما تكلم عن القبائل والانساب ....كان يتكلم عن امور سياسيه بحته وعن فساد سياسي
هو اللى قفز على اتهام عائلة الصرعاوي ووالده
كل هذا بيدافع عن اسياده
وهذى مو اول مره يتهجم بها
على اهل لكويت
ولو الصرعاوي هو اللى كان بادي تاكد انى مار اح اسكت عنه....ابد

بنت الشامية said...

مـغـاتيــــــــــــر :

احول سؤالك لمحمد جويهل
هو ابخص مني
هو اللي يعرف متى تم تجنيسهم

حنطفيس said...

كلب الشوارع ماله حل

بنت الشامية said...

abo3li :

هقينا لما يندمجونا معانا بالحياة المدنيه.... وبتجنيسهم ....ان يتعدلون وينصهرون بالمجتمع.....ولكن هيهااات هيهااات
الله يحفظنا منه ومن امثاله

mtfa2el said...

الصرعاوي يواجه أحمد الفهد

بنت الشامية said...

mtfa2el :

مشكور على اليو تيوب...ما قصرت
كلام يعور القلب ويدميه
اما شؤالك عن تجنيسه
بحوله الى محمد جوهيل...هو اللى قاعد لهم ويعرفهم واحد واحد
متى و كيف تم تجنيسه...؟؟؟؟
مرة ثانيه مشكور

مـغـاتيــــــــــــر said...

عزيزتي بنت الشامية

سؤالي ما كان استفهامي

;-)

بنت الشامية said...

Anonymous :

شكرا على المعلومه
اول مره اعرف ان الصرعاوي
يمثل الفكر اليبرالي

بنت الشامية said...

دروازة :

لازال بالمجلس ريايل..افاضل..ومحترمين
واذا خليت خربت
بس لا يعم الطالح على الصالح
وهذا هو مبتغاهم واغلى امانيهم
الله يحفظنا من شره هو واسياده

بنت الشامية said...

حنطفيس :

الله يهديه
ويخليه يحب الكويت قبل اسياده
وقبل قبيلته

بنت الشامية said...

مـغـاتيــــــــــــر :

عيل بس ما ادز سؤالك
هههههههههه
شكرا للتوضيح

Anonymous said...

السلام عليكم


لكم حق انتقاد سعدون حماد اما قبيلته مثل ما حصل من طعن فى مدونه عاجل فلا واللى يجهل من هى قبيله عتيبه الهوزانيه

هى من اخرجت السيده حليمه السعديه مرضعه الرسول صلى الله عليه وسلم

و (سلطان الدين) من فاتحين مكه المكرمه

lwatan-ajmal said...

انا بعد اول مره ادري انه الصرعاوي فكره ليبرالي ؟؟؟
ليش دايما تشوفون الفكر ما تشوفون الاداء ؟؟
الصراعاوي شخص وطني وحد يزايد عليه بس سعدون ... ازايد وازايد

بنت الشامية said...

Anonymous 2:

اكيد كلامك صحيح
ولا تزر وازرة وزر اخري
سعدون يتحمل نتاج عمله بروحه
ولانه شخص بالغ واعي

بس ما له داعي زياده النعره القبليه
لان رسولنا الكريم امرنا بترك العصبيه القبليه.....كلنا اولاد دم وحواء

بنت الشامية said...

lwatan-ajmal :

اصلا ما كو مجال للمقارنه بينهم
لان اداء الصرعاوي معروف وهو رجل المواقف المشرفه للكويت
كان كلام عادل الصرعاوي
عن الفساد الرياضي
وحس ان الكلام يعور اسياده
فتدخل كالعاده ....سعدون حماد اسطوانه مشروخه
الله يفكنا من شره ومن شر اسياده

esTeKaNa said...

للاسف
الوضع يضيق الخلق
وعيب ان يمثل بعض النواب الكويت كلها يا بنت الشامية
:(
بردت قلبي ببوست كلمة حق
وعسى ربي يصلح حال الجميع يارب

بوسيف said...

نعم عادل الصرعاوي بيسري ابن بيسري ؟؟؟ ماني فاهم وين المشكله وشنو الي مزعلكم يعني لو قاله مثلا انت تميمي ولد تميمي جان زعلتوا اهو ماقال شي قال الصج ؟؟؟
اول مره ادري انه الصج يزعل

Enter-Q8 said...

بنت الشامية انا تكلمت عن العمل البرلماني
هل اللي صار اليوم عمل برلماني
فقط لا غير
و اللي يسأل عن جنسية سعدون خله يروح له البيت
ترى مصخت اي واحد بدوي قلتوا عنه متى تم تجنيسه من اللي يتكلم اللحين عن العنصرية و نبذها
ليش ما تعرفون منو اهل الفحيحيل
بنت الشامية اذا خبير التجنيس الجويهل كفو و الله اللي يدل درب المحكمة هم كفو و الله
لكن ما اقول الا ان موضوع مغاتير فعلا واقعي و كان قبل سالفة اليوم و كأنها تعلم باللي راح يصير
القصد هل جلسة اليوم برلمانية بحته يعني اسئلة الصرعاوي عن خليجي16 ما عرفها الا اليوم ولما ردوا عليه دميثير و الخرينج و الروضان عادي
ترى لا تنسين ان الصرعاوي قاله انت مملوك فطبيعي تلاقين الرد يوصل لهالمستوى

بو حامد said...

سعدون حماد كان ممكن ان لا يكسب كل هذا العداء اليوم لو تصرف أي تصرف آخر بدلا من إقحام دعوات الجاهليه تحت قبه عبدالله السالم

Anonymous said...

يابنت الشاميه نحن لسنا مع السب واستخدام الالفاظ النابيه ونقول ل بعض نواب الامه ماذا تركتو للاطفال لكن الانسان يجب ان يقص الحق من نفسه ونقول ان الصرعاوى لم يترك احدا وخاصه من اخوانا اعضاء الباديه الا ولمزه او اخطأ فى حقه . مهما يكون الناس لها كرامات . فى النهايه الله يهدى الجميع

ARTFUL said...

اول شي تقاس الامور بالاعمال وليس بالنسب

ثانس شي الواحد اذا بيتكلم يتكلم عن نفسه مهو عن اهله

والنعم بالعتبان ووالنعم بالصرعاوي

بس لو بنقارن الصرعاوي بسعدون فما في مقارنة

نظلم سعدون لما نقارنة بواحد احسن منه بمراتب لازم نقارنه بواحد دوني نفسه

AuThoress said...

يا عزيزتي .. كلامك جميل
واريد أن أضيف نقطة ، بأننا يجب أن نتطهّر من هكذا موروثات قبلية بغيضة.. اصل وفصل؟

إذن أين : لا فرق بين عربي او أعجمي إلا بالتقوى؟


نعرف اصله او ما نعرف.. ليس هذا المهم.. المهم أن يكون أياً منّا "إنسان حقيقي وراق في اخلاقه" الآن.. وليس ما نعرفه عن امه او أبيه... لأن الاخلاق والاشتغال على النفس لا تورّث، الالقاب فقط ما نرثه و "رغما عنا" جميعا


شكرا لك دائما

بنت الشامية said...

اخواني الاعزاء المعلقين

الموضوع خرج عن فكرته الاساسيه واشبه انه انقلب شخصي بين اخواني المعلقين

اتا اقصد ان الصرعاوي يتكلم مع احمد الفهد وفي عرف اللائحه الداخليه ان يكون كلامه موجه الي الرئاسه

ولكن الاخوان دمييثير والخرينج وحماد

قفزوا على الصرعاوي مباشرة وقلبوا الموضوع تنابز بالانساب وخارج موضوع الصرعاوي المهم والجاد

يدافعون عن اخمد الفهد واحمد الفهد

اعتقد قادر ان يدافع عن نفسسه


شكرا لكم جميعا

أستاذ حمام said...

يازين العتبان زيناه واولهم رفيجنا المشاغب :)

انتقادنا كان ولازال لأداء سعدون قليل الأدب.. اتمنى من الاخوان انهم مايوسعون دائرة النقد.. ننتقد اداءه وكلماته وبس.. واذا الصرعاوي غلط ومانقلت الصحافه غلطه فننتقده بعده.. مايمنع نوقف على الغلط ولا نحابي احد على احد..

بس معقولة بوعبدالعزيز يغلط على "ابو" سعدون؟ مادري اشك، بوعبدالعزيز عنده سوابق طيبة واداءه الاخلاقي طيلة فترة عمله البرلماني فوق الممتازة.. فهو مااعتدى على مدير العلاج بالخارج.. ولا غلط على رموز الكويت.. سعدون غلط على الصرعاوي وعلى ابوه وعلى جاسم الصقر.. فعنده سوابق الريال.. لازم يوقف عن حده.. ودي احد يروح له ويفهمه معنى كلمة "عيب" اللي قلته

بنت الشامية said...

عنيف :

الموضوع خرج من مضمونه
فاعتذر اني ما نزلت تعليقك

حياك الله

Anonymous said...

تبون الصج الواطي هو الصرعاوي لانه فعلا سافل وعنصري ودايم التهجم على القبائل ....اشوف نسيتوا انه هو بدا بالسب ..يعني يا سلام ....يوقل لسعدون مملوك وما تبون سعدون يرد عليه .؟؟؟؟ خوش ناس منصفة والله ؟؟؟؟