Tuesday, May 05, 2009

عندناااا ......وعندكم خير


لما نتجمع فى بيت العائله الكبير
أنا وإخواني وخواتي وعيالنا وأحفادهم وجناينهم
نشكل تقريبا كل أطياف الفكر السياسي بالكويت
بالرغم ان كلنا تربينى نفس الشيئ و بنفس البيت
ومن نفس الأم والأبو
ولكن... لما كبرنا كل منا كون له حياته الخاصه
وصار له بيته وعائلته الصغيره وحمولته

وأصدقائه.و.و.!!!ء
صارت أفكارنا السياسيه مختلفه ومتنوعه
فينا اللى يمشى بالبركه
وفينا الحكومي
وفينا الليبرالي
وفينا الحدسي
وفينا السلفي
وفينا اللى مو مصدق ان اللى فجرابراج التجاره
من القاعده وربع بن لادن والى الحين يدافع عنهم
مع انه مو منهم بس من ربع نظرية المؤامره
وطبعا هالأيام النقاش واااااصل حده
والإختلافات السياسيه على أوسع أبوابها
وكله نتحفظ بالنقاش علشان أمى
كله حسبالها نتهاوش..وتخاف أى واحد فينا يزعل
وطبعا طبعا طبعا كله تزفنا إحنا البنات
ليش كله حسبالها نطول لسان على إخوانا ونعاسرهم
وما نطيعهم ونحرهم.....أهم شيئ إن نحرهم
وتطيح فينا زف...لإن البنات لازم ما يتكلمون
وما يراددون إخوانهم الريايل لإنهم هم اللى
يفهمون أكثر لانهم يروحون الدواوين

ويسمعون ويعرفون كل شي
وخصوصا عاد ""أخوي الجبير."".حبيب القلب
لووووووووووول
وطبعا هم يسووووقون فيهااااا...ويتولوناااا
وإحنا البنات نتقيصر بالحوار معاهم
و نسكت ما نبيها تزعل ويضيق خلقها
وبعد كل هالصيحه واللى طبعا ما نوصل فيها

إلى نتيجه أوالى أى تقارب بوجهات النظر
نقوم للعشا وجنه ما صار هالإختلاف الحاد بالاراء
نتغشمر ونضحك ولا أحد في قلبه شيئ على الثاني
ما يجمعنا إلا الحب والموده والعطاء والإيثار للأخر
وما نطلع الإ وأمي الله يحفظها ويطول عمرها
تودعنا بدعائها المعروف
ان الله يألف بين قلوبنا ويحمينا ويوفقنا
ويحنن قلوبنا على بعض
ويحفظنا ويحفظ الكويت ويحفظ شيوخنا
ويجعل الكويت أرض محبه وسلام
ويبعد عنها كل شر ويطخخ كل الشياطين فيها
وينصرها على كل من يعاديها
وهالايام تزيد فى دعائها
ان تخلص هاللغوه والنجره اللى بكل مكان
بالتلفزيون وبالراديو وفى ببيتهاااااا
بخير وامن و سلااااااام

للكويت .... وللكويت وبس
وسلاااااااااامتكم

40 comments:

حنطفيس said...

ليت المجتمع الكويتي كله يتناقش ويتحاور مثل عايلتج الكريمه

عسى الله يخليهم لج ويحفظج لهم

DiLLi O MiLLi said...

ههههههههههههههه
ذكرتيني بأمي وحبها لآخوي اللي أصغر مني بـ ٥ سنين
كله أهو الصح وأحنا اللي ما نعرف
:)
لاااا يت تكلمه كله (يا حبيبي) و (أسم الله عليك) وأنا كل مناشبتها على هالسالفة
لوووول
أقول لها : ألحين من يقفي فلان طالع .. ما يبقى دعاء ما تقولينه له
وأنا من أقفي .. ودج تصقلين الطيران وراي من الفرحه هاااا ... ههههههههههههههه
:)
ميننتــــها
لووول
يااااا حلاااااتهم الأمهات الله لااااا يخلينا منهم
ياااااااارب





تدرين سردج لعائلتك الكريمة وأختلاف التوجهات ولآراء
ونقاشكم
وفي الآخر .. تتفقون وتصافون عشان خايفين على زعل الوالدة الله يحفظها

هــــذا كله .. صـــــوّري

أن الوالدة .. رمز الكويت
وأنتي وأخوانك .. رمز الشعب
ومهما أختلفوا وتناجروا .. بالأخر يتفقون ويتصافون
خوفا على ديرتهم الكويت .. اللي مالهم غناة عنها
هذا اللي مفروض يصـيـــــــــــــــــــــر



الله لاااااا يحرمكــــم من بعض

:)

nanonano said...

ويـــــــــــــي

بنت الشاميه

حدّه عندنا و عندكم خير

نفس الموديل كل سبت يمعتنا أنا و خواتي و أمي و خالتي و بناتها و يدّتي و خوالي

بس مشكلتنا في خالتي

و يدّتي كلّه صافه معاها

و كل سبت هذا موديلنا أنتصعقر لي الستار عقب يطيح العشا

جنّه مو صاير شي

القارب said...

بنت الشاميه ...بيتكم يسوي دورات.. كيف تتقبل الراي الاخر..؟؟؟
اذا الجواب بنعم تراج بتكسبين اجر فينا وفيهم
اكو واااايد ناس ابيهم يتعلمون
شلون يسكتون ... اذا لم يتقبلوا الراي الاخر
ويحترمونه....تراهم ترس الديره

الله يهنيج بهالاسره الراقيه بتعاملها

الحجـــيّه said...

السلام عليكم جميعا

شلونج يالغاليه انشالله بخير انتي ومن تحبين

وربي يخليها لكم حلوت اللبن
ويعطيها الصحه والعافيه

abo3li said...

اختلاف الاراء حاله صحية .. وتجعل الاخرين يبحثون عن الصواب وما يصبون اليه ... لك ولجميع افراد العائلة تحياتي وعساكم تتجمعون على المحبة دوم .. وللجميع تحياتي

Anonymous said...

الله يجمعكم على طاعته و لا يفرق بينكم ويخليلكم الوالدة و يطول بعمرها و يديم عليها الصحة والعافية

ميمة السبيت said...

يحليلها الله يخليها لكم

بس موتودينها الانتخابات و اتحطين اللي انتي تبينه و قوليلها ماعليها من اللي يدقون عليها تلفونات ترى ماعندهم سالفه

daggero said...

بنت الشامية

من أسباب أنتشار السلام العائلى الحرص على وجود حميسة بزاليا وخبز حار على العشاء
بالعوافى

Anonymous said...

ذكرتيني ايام الكويت لما كانت عايلة حلها نفس عايلتكم

اول مره اسمع بهالإنتخابات كلمة عنصرية و تفرقة واضحة من المرشحين في قياس المناطق الداخلية عن الخارجية
حتى المدونين

جنه مو كلنا عايلة وحده!

ARTFUL said...

يا زين امهاتنا

ويازين حرصهم علينا وانا ما انتفرق ونكون على قلب واحد وقلبنا على الكويت

الله يخليها لكم ويخليكم حق بعض

--------
وأنا من أقفي .. ودج تصقلين الطيران وراي من الفرحه هاااا ...

ديللي @@

كااااااااااااااك
--------

Najmah said...

ليست الغاية ان نتفق
الغاية ان لا نختلف
:)
نتناقش
تعلى اصواتنا
نرد على بعض
ونرجع نضحك بقلوب صافية
تدرين ليش
لأن داخلنا قناعة إن كلنا هدفنا واحد
كلنا ندور مصلحة ديرتنا
وان اختلفت الاساليب والافكار
الله يحفظكم ويخليكم لبعض
احلى ماقريت اليوم يابنت الشامية
:)

الحــــر said...

أول شي الله يحفظ أمج ويطول بعمرها ويخليها
والي قاعد يصير عندكم هذا المفروض انه يصير بالمجتمع لأنه أختلاف الافكار المفروض انه ما يغير القلوب ويزرع فيها الاحقاد الله يخليكم حق بعض ولايفرقكم شي شنو ما صار


وقولي حق أمج الحر يقول ذكريني بدعائج
:)

إمـرأة لا تُنسـى said...

جذي النواب يتناجرون في المجلس وآخر شي يودونهم مزرعة عزايز ياكلون مع بعض ويتغشمرون وكأن مابينهم شي




الله يحفظكم

Anonymous said...

بيت العائله الكبير الى يقول قصر بيان اقصاه خرابه

الله الشافي

ReLaaaX said...

الله يخليلكم اياها ياربي ياحلاتها والله

صح الامهات يخافون على عيالهم ولا يبون اي شي يصير بينهم


أمبيه ذكرتيني بيدتي

ياقليبي تعاااااالي شوفي النقاش الاسبوعي

والله اللي احنا ( الاحفاد ) نتملل متى يخلصون نقاش !!


بس مرات بيني وبينج يزيد النقاش لدرجة ان يدتي تصرخ عليهم لوووووول


بس انتو اخوان بس .. ياقليبي عبالها يتهاوشون


وبوقت الغدا مثل ماقلتي كلنا نيتمع

:)))

Anonymous said...

هههههههههه

ما شوفين امي ماكوا نقاش ابد ابد... ما تروح الا حق الخرافي ومرزوق وخالد السلطان

والباجي تقول ما اعرف حجيهم

واكلهم يلوع الجبد ...كل من مطاعم حولي والشويخ الصناعيه

واخرتها بتسافر البحرين معزومه

عرفتيني ماني قايل اسمي

اخاف افضح امي

بنت الشاميه said...

حنطفيس :
هذا اللى ربانى عليه الوالد الله يرحمه ويغفر له
قبول واحترام الراي الاخر
وحرية الاختيار

الفضل له الله يرحمه
ومشكور على هالدعاء الزين
اللهم امين وللجميع

بنت الشاميه said...

DiLLi O MiLLi :

الله يحفظهم ويخليهم لنا هم نورنا اللى نشوف فيه
ما ادري ليش الامهات يصيرون ساعات جذي
تصدقين انا عندي اليعده غير....وما ارضى عليه وكله انا بصفه عليهم...احسه وايد قريب من قلبي
مع انى ما افرق بينهم ...بس سبحانه ادرى بعباده

بس حرام عليج امج بس طفرج
اكيد من كثر الدحره
ههههههههههههههه

اما تصورج ما كو اروع منه

والله وانت صاجه

وان شاء الله يصير بكل بيت
ما كو شيئ بعيد عن ويه الله
الله يحفظ الكويت ويحميها من كل من يريد شر فيهااااااا
:*

بنت الشاميه said...

nanonano :

اي والله اتوقع هالايام كل البيوت جذي
بس تختلف بدرجة مساحات
حريه الفكر عندهم

واختلف الراي مفيد بكل بيت
وحالة صحيه
المهم ما نفقد بعضنا البعض من اجل
بس اختلاف الراي
هذا اكره شيئ
الله يديم المحبه والموده فى بيوتنا كلنا يارب

بنت الشاميه said...

القارب :
اذا تعمرت البيوت بالمحبه والموده
ما يحتاج الانسان دورات
وما يصير شيئ صعب بالحياة

ما عندنا فى بيتنا الا المحبه والموده والعطف والعطاء لبعضنا البعض

شكرا لك وحياك الله

بنت الشاميه said...

الحجـــيّه :

هلا فيج والله انت الاغلي
صج ولهناااا عليج
وين هالغيبه الطويله
ان شاء الله على كل الخير
ويخلي لنا كل حلوات اللبن
اللهم امين
مشكوووووره على الزياره
:*

بنت الشاميه said...

abo3li :

كلامك صحيح اختلاف الاراء حاله صحيه
ويساعد على المعرفه والالمام بوجهات نظر مختلفه عن فكر الواحد

وشكرا لك على الدعاء الجميل
الله يديم المحبه ببيوتنا كلنا ان شاء الله
اللهم امين

بنت الشاميه said...

Anonymous 1 :

اللهم امين وجميع المسلمين يارب
وعمرك وعمر كل محبينك

بنت الشاميه said...

ميمة السبيت :

مشكوووره
لا هى رافضه تنتخب من اول
وتقول هذى كله لغوه ما منها فايده
عسى الله يخلي لنا شيوخنا هم راس المال
هذا مبداء بالحياة
(((:

بنت الشاميه said...

daggero :

ذوقك جدا عالى بالاكل
بس لو سمحت مع صمون وبطاط شبش
مو مع خبز
لووووول

بنت الشاميه said...

4 :

اذكر الله ما كو الا العافيه
ايام وتخلص الانتخابات
وتهدا الامور
والله يحفظ الكويت ويبعد عنها الفتن

بنت الشاميه said...

ARTFUL :

هم نورنا اللى نشوف فيه
الله يحفظهم واحنا عايشين بحسهم
والله يحفظ الكويت واهلها الطيبين
اللهم امين

بنت الشاميه said...

Najmah :

هلا بالشيخه
ومشكوره شرحتى صدري
كلنا ان شاء الله متفقين على حب الكويت
وهذا هو الاهم
والله يحفظج ويخليج لاهلج
حياج الله

بنت الشاميه said...

الحــــٌر :

البيوت ان تعمرت بالحب والموده بين افراد اسره ما تفرقهم اختلاف الاراء
لان الاصل موجود
الله يديم المحبه والموده بين كل اهل الكويت
ولا تخاف امي تشمل بدعائها كل اهل الكويت والمسلمين بكل مكان
بس اليوم احرصها ان تذكر اسمك
عاد ان نسته مااا علي منك
لووووول

بنت الشاميه said...

إمـرأة لا تُنسـى :

المهم فى كان يتلاقون ويتصافون مع بعض
(:
ويحفظ الجميع
اللهم امين

بنت الشاميه said...

Anonymous 2 :

الخرابه كل طابوقه فيه فيها محبه وموده ورحمه وحنان وتصالح مع النفس
هذا شيئ انتو محروميين منه
ولا تعرفونه
الله يعينكم على انفسكم

Manal said...

الله يثبتكم ويجمعكم على الخير

:)

أهل شرق said...

حبوا هالارض وتمسكوا بدستروكم

الامير ابو الدستور عبدالله السالم

بنت الشاميه said...

ReLaaaX :

ما كو احلى من اللقاءات العائليه
الله يكثرها ولا يحرمنا منها
ويعطي امهاتنا سعه الصدر
ويحفظهم ويبارك لنا فيهم
ويحفظ الكويت لنا ولهم
حياج الله

بنت الشاميه said...

Anonymous 3 :

ما يحتاج عرفتك وعرفت امك
اثاريها تروح لهم
خليهم ينفعونهااااا
والا شدعو النيباري والعنجري والعبد الجادر والراشد شفيهم
كلهم يحجون كويتى عدل...شهالعياره ما تفهم كلامهم...!!!!ء
نيب لها مترجم
خلها تروح البحرين و الطياره الثانيه علي ....اغويها ديرتهاااااااااااا
لوووووووووووووووول

بنت الشاميه said...

Manal :

اللهم امين
مشكووووره

بنت الشاميه said...

أهل شرق :

اباءنا واجدادنا حبوا هالارض
قبل الدستور
لازم نحبها فيه وبلا اياااه
حبها بقلوبنااااااااا
بدونها ما نسوى شيئ

Um il sa3af wil leef said...

بس ما قلتي لنا يا بنت الشاميه شنو العشاء يكون ؟؟؟ لأن ساعات العشاء يزيد النجره :)

بنت الشاميه said...

Um il sa3af wil leef :

ما يصير الاتفاق الا عند الاكل
عند البطون تعمى العيون
هههههههههههههههه
شرط امي الوحيد عند الاكل ماااا كو نقاش...بس سوالف وغشمره

تحياتى لج