Saturday, May 09, 2009

أسيل...أسيل

أسيل كجلمود صخر حطه السيل من علٍ
على رؤس من بقلبه مرضه

ضااااااقت فيكم الحيله....هذا حد يوشكم
شلون تبونها ترد على وسائلكم الدنئيه
حريمتكم ...هى أرقى من هالمستوى
هى ما تعرف الإ الحوار...وأنتو لا تجرؤن عليه
إنتو مشكله يصعب فهمها أو حلها
لأنكم ما تعرفون المرأة الإ بس داخل البيت وبالمطبخ
أما أمامكم أوبجانبكم ....فلا تقبلونها أصلا
تسخدمون وسائل وأساليب عمرنا ما عرفنها
توقفون يم بيبان المسايد ما عندكم الإ أسيل سوت
الإ إسيل فعلت .....هذا خلق الإسلام
وجدام بيت الله تتهمون البنت بالزور والبهتان
عيب والله عيب
وتستخدمون منابر المساجد مكان للهجوم عليهااااا
هذى بيوت الله مو بيوتكم تستخدمونها
لتصفية حساباتكم السياسيه والشخصيه
ما اادري وين الاوقاف عنكم
عيب والله عيب

تقضبون مفاتيحها الإنتخابيه وتخوفونهم وترهبونهم
من عقاب رب العالمين لإنهم يشتغلون وياها
وانتو ريايل شوارب ولحي

عيب والله عيب
تعلمون طالباتها الغش والإفتراء
هذه الطالبه شلون تواجه أمها وأبوها وزوجها
وعيالها ...شلون يثقون فيهااااا
عيب والله عيب
******
وما أقول الإ ما سويت سويت بك
والله سبحانه يمهل ولا يهمل
وان الله لبمرصاد
أسيل

صبرا جميلا والله المستعان
وهذا ما يزيدنا الإ إصرار لدعمك

والوقوف معك ألى ما لا النهايه
وسلاااااااامتكم

29 comments:

ma6goog said...

اساليب رخيصة بحجم اللي يسويها

ولد الديرة said...

اعتبريها سفسطة :)

انا جدا متفائل انها راح تدفع باتجاه انشاء مجلس معين يكون وصي على المجلس المنتخب

مثل البحرين بالضبط

ExBlogger said...

ظهر تسجيل جديد اليوم في احد المدونات، اسخف من التسجيل الاول
..
اسلوب رخيص ان دل انما يدل على نقص الاخلاق والدين قبل ان يكون انعدام مبادئ
..
الله يعينج يا كويت

lawyer said...

القافله تسيييييير و الكلاب تنبح


فقط هم ناقصين العقل الي يعتقد نجاحها و توفقها نقص للرجااااال

انا دايما اقولها ان هناك معادله بالحياه كثر ما الناس تتكلم و تتشمت في فلان .. يرفعه الله بقدر شماتتهم

عاجــل said...

لأنها قربت توصل

DiLLi O MiLLi said...

أعرض عن الجاهل السفيه
فكل مـا قـال فهـو فيـه
ما ضر بحر الفرات يومـاً
إن خاض بعض الكلاب فيه
الأمام الشافعي





مصـــــــــروعتهم أســـــــــيل
ولااااا هـــــم قــــد المواجهــــــــة
جبنــــــــــــــــــــــــــــــاء

fastfooder said...

رخـــــاص و انشالله توصل

Enter-Q8 said...

حشى دعاية كيت كات كرانش مو اسيل

بنت الشامية said...

ma6goog :

مانقول الا حسبي الله ونعمه الوكيل

شكرا لمرورك

بنت الشامية said...

ولد الديرة :

لا هذى مو سفسطه

هذا فى بالهم من سنتين...بس مو عارفين شلون يطبقونه....كل شيئ وارد

بنت الشامية said...

ExBlogger :

لا حول ولا قوة الا بالله
الاخلاق والدين ما يتجزاء
الا عندهم....!!!!!ْء

بنت الشامية said...

lawyer :

لوير هذ مو بس كلام
بل افتراء وبهتان فى حقها
مع سبق الاصرار والترصد
المشكله ما تعودوا ان احد يتفوق عليهم
وبعد هالمره امراة ومثقفه واكاديميه
واهم شيئ انها مو تحت سيطرتهم
مشكله كبيره عندهم
الله يوفقها وينصرها عليهم

بنت الشامية said...

عاجــل :

ان شاء الله

بنت الشامية said...

DiLLi O MiLLi :

مشكلتهم ما يعرفون لغة الحوار
ومو متعدودين عليه
متعلمين على بس اصدار القرارت وربعهم يطيعون طاعه عمياءولا مجال للنقاش او الحوار
الله ينصرها عليهم ويوفقها

بنت الشامية said...

fastfooder :

جمدالله والشكر لله هذى هى اساليبهم ما تتغير...على مر الايام

وان شاء الله توصل

بنت الشامية said...

Enter-Q8 :

ههههه

ان كتبنا عن المسلم...شلتوا الكلام
وان كتبنا عن اسيل قلتوا كتكات

والا شرايك يا انتر كويت

خلنى ساكته مابقى الا اسبوع ونخلص
تراني ساكته بس علشانك ما ابيك تزعل
انت اخو وصديق عزيز
(((:

Enter-Q8 said...

للتوضيح يا وخيتي
انا ما اشيل كلامك ابد و مستعد اتناجر مع نفسي اذا منعت رايك
انا اللي حذفته تعليقات شلة الدار الفقع الجديده ما ابيهم يوطوطن عندنا فقط لا غير افا عليك

Enter-Q8 said...

بس تعليقي على سالفة دعاية كيت كات
تذكرين قبل الاثنين اللي قاعدين مع بعض
واحد شعره منفوش يبي يحاول يقول البيت اللي كاتبته انتي اللحين
و رفيجه يضايقه
هذا كان قصدي لا اكثر و لا اقل

بنت الشامية said...

Enter-Q8 :

ادرى والله فيك
قلت لك انت اخو وصديق عزيز
بس حبيت اطفرك شويه
انت محل ثقه كبيره عندي
رايتك بيضه وابيض من البياض

هذا مجرد مداحر انتخابات
(((:

abo3li said...

شمعنى الدكتورة القديرة مربية الاجيال اسيل ليش مو وحده ثانية .. بس لانها نافست وكانت قريبة من اطاحة احد رجال الحسبة بدائرة قندهار .. ليش ماطلعوا فتوى تحرم الواسطة بكل اشكالها ليش ماطلعوا فتوى يتحريم التجريح بخلق الله وبتحريم الكلام البذي اتجاه الاخرين ليش ماطلعوا فتوى بتحريم التعامل مع بعض المحلات التجارية التي تبيع لحم الخنزير والخمر .. بس شطار على بنت خلق الله ... المفاجأة التي راح تزلزل عروشهم وفتاويهم .. هي نجاح اسيل وسيكون نجاحها على ايدي ابناء الدائرة الثالثة من الشرفاء والعقلانين انتم امل الكويت والجميع بانتظار قراركم ..

للجميع تحياتي وللدكتورة القديرة اسيل

عثماني said...

و الله يا بنت الشامية انا صار عندي قناعة ان احنا شعب نحارب كل شي جميل

د. اسيل شي جميل في الكويت

انا ما الوم هالمنحطين المتأسلمين اللي يحاولون تشويه سمعتها

بس الوم هالناس اللي يسمعونهم

عسى الله يوفق الدكتورة

و يكيد من عاداها

بنت الشامية said...

abo3li :

من تخبطهم بدوا يفقدون اعصابهم
من كتابهم بالجرايد الى مرشحينهم
الى قياداتهم واخيرا قواعدهم

وينفسون عن خسارتهم بالهجوم
على د. اسيل
بس ما يبرد واهي
ولكنها ان شاء الله جبل عالى لن يستطيعوا ان يزيحوه عن طريقهم
وهذى هى اراده الناس
وهذه هو التغير القادم
الله يوفقها وينصرها عليهم كلهم
حياك الله

بنت الشامية said...

عثماني :

ما يقدرون على انفسهم
وما يبون ولا يرضون احد ينافسهم
بس ان شاء الله اسيل هى الامل بالتغير الجميل القادم
الله يوفقها ويعينها عليهم

شكرا لمرورك

بنت الشامية said...

كويتيه محتره :

انا ما أرضى بالتجنى على د.اسيل
اضطريت امسح تعليقج
هذى غيبه وبهتان بحقهاااا
الله يهديج

كويتيه محتره said...

شدعوه كل هالصرف و غيره من الامور ما يبن انها مدعومه
اهي بلسانها قالت انا من اسره متواضعه من وين كل هذا عيل؟؟؟العام مركز متأخر واليوم من الخمس الاوائل سبحان مغير الاحوال يا جماعه الصج ما يزعل د.أسيل كشخصها نكن لها كل احترام و تقدير بس شنو الي صار بأقل من سنه أبي افهم قلنا تنافس يس الجماعه زودوها بالدعم وعلى العموم يا بنت الشاميه الايام بيننا

بنت الشامية said...

كويتيه محتره :

الظاهر انج مغيبه عن واقع الانتخابات
اعطيج ميزانيتها الانتخابيه
تكلفت 360,000

التحالف دعمها
والباجى تبرعات منى ومن غيري
اقل شيك وصل حملتها الانتخابيه مو اقل من 5000 د. شيكات
وهذا معلن وتقدرين تروحين تسالين عنه
عند لجنتها ...وهذا معروف وواضح عند كل المقربين منها

وبعدين لا تنسين ...صج ابوها موظف
بس عايلتها من الاسر الغنيه تكفى عقاراتهم اللى تغطي عين الشمس وكلهم
واقفين وياهااااااااا
هم ونسباهم ..وسئلي منهم انسبااااهم
اللى يبى الحقيقه يبحث عنها قبل لا يتهم الناس
وجااااان غيرج اشطر
جان الظلاميين ما خلوهااااا جان نتفوها تنتف
اهم شيئ بحملتها الانتخابيه الشفافيه
اللى كثير ما يعرفها ولا يفهمها
اسرع شيئ الاتهام
وما يحتاج نطولها من اول جلسه
يبين كل شيئ
وشكرا لك على الحوار
وحياج الله

كويتيه محتره said...

يا أختي بنت الشاميه
الله يرحم أيام التحالف وحمد الصقر الي صرف عليهم العام
السنه ما كو محمد الصقر الشي الثاني تبين اتقنعيني ان ميزانيتها نص مليون كويتي مثلا
وبعدين وين نساباها و عايلتها الي خيرهم مغطي عين الشمس العام لما رشحت نفسها ليش ما دعموها ليش الصقر مسكين تحمل الجزء الاكبر من ميزانية التحالف و رجاء ابي اعرف شنو الطرح الجديد الي ضافته عن العام الي خلاها تقفز هالقفزه بالمراكز المتقدمه مع كل تقديري لك انك خليتيني اعبر عن وجهت نظري

بنت الشامية said...

كويتيه محتره :

انا اعطيج معلومه وانت كيفج
انا ما اقدر اقنعج
لان القضيه قضيه قناعات
اولا: الظاهر ما حضرتي افتتاح مقرها....ودعم محمد الصقر العلنى لهااااااااااااااااااااااااااا
لانها عضو بالتخالف
واالتحالف مو بس محمد الصقر
وثانيا : طرح الدكتوره اسيل نفسه نفسه ما تغير عن العام الماضي
الطرح الوطنى من اجل الكويت...
من اجل التغير
واللى تغير الناس هم اللى تغيروا
النااااس مجت ناصر الصانع وربعه

ثالثا : انت الوحيده اللى ما تشوف ان اسيل ما كانت فى مركز متقدم فى الانتخابات السابقه ....كادت ان تطيح بناصر الصانع المدعوم من الاخوان
مدعوووووووووم من جمعية الاصلاح
اعتقد واضح
رابعا : ليش مو رولا ...وشيخة الغنم
ليش بس اسيل

خامسا: وبعدن من قالج ان عائلتها الكريمه ما دعمتها فى المره السابق
صح محمدالصقر حط نص مليون دينار للتحالف بس لكل اعضاء التحالف الاربعه
والباجى كله تبرعااااااات
معلومه صغيره كانت ميزانية التحالف بالمرة السابقه 2 مليون دينار

سادسا : عدم وصول المراة لمجلس الامه من حرب اختها المراة عليها
هى السبب الاساسى لعدم وصولها
اما اخوها الرجل فدعمها باللى يقدر عليه وما قصر

واخيرا الظاهر انت ما تبين تقتنعين
وانا ما تعودت ارد اكثر من مره على اى تعليق
بس علشانج رديت
وهذا كل اللى عندي
وما عندي غيره
اللى انصج فيه روحى وسئلي لانج بعيده جدا عن وضع االحملات الانتخابيه المالي بالبحث والسؤال سوف تجدين الجواب
الوافي اللى تبينه
ولك الشكر

كويتيه محتره said...

مشكووووووووووووره يا بنت الشاميه