Friday, January 23, 2009

يااااااا لهوي...هو انا اسمى مكتووووب


نقلا عن جريدة القبس عدد اليوم 23 /1/2009
مباحث الجرائم الإلكترونية تكثِّف جهودها
التحقيق مع مواطنين يشهِّران بالشخصيات العامة عبر الإنترنت

كتب راشد الشراكي:
بدأت الإدارة العامة للمباحث الجنائية، ممثلة بإدارة مباحث الجرائم الإلكترونية، عملية مراقبة المواقع الإلكترونية المشبوهة التي تثير النعرات الطائفية وتتعرض لشخصيات عامة في الدولة، وأسفرت جهودها عن ضبط متهمين سبّا شخصيات وشهرا بها على الشبكة العنكبوتية.
في التفاصيل التي رواها مصدر أمني لـ {القبس} ان رجال مباحث الجرائم الإلكترونية ضبطوا مواطنين بتهمة التشهير والسب والقذف لشخصيات عامة في البلاد عبر مواقع الإنترنت مساء أمس الأول في إحدى مناطق محافظة حولي.
وقال مصدر أمني لـ {القبس} إن معلومات وصلت إلى مدير عام الإدارة العامة للمباحث الجنائية اللواء عبدالحميد العوضي من أحد المصادر ان هناك موقعا على شبكة الإنترنت يبث أخبارا كاذبة ويشهّر بشخصيات عامة ومهمة في البلاد، وعلى اثر ذلك أوعز العوضي إلى مدير إدارة الجرائم الإلكترونية مهمة ضبط صاحب الموقع.
وأضاف المصدر ان رجال المباحث في إدارة الجرائم الإلكترونية راقبوا الموقع المشبوه على شبكة الإنترنت وجمعوا كل التحريات عن مؤسس الموقع، الذي تبين انه مواطن ويسكن في محافظة حولي.
وأشار المصدر إلى ان رجال المباحث أقاموا كميناً للمواطن مساء أمس الأول وألقوا القبض عليه، وبالتحقيق معه اعترف انه وصديقه تعرضا لبعض الشخصيات بالسب والتشهير، وبعدها أرشد المتهم الى مكان شريكه في احدى مناطق محافظة حولي، حيث ألقى رجال المباحث القبض عليه وقد اعترف أيضاً بالتهمة المنسوبة إليه فأحيلا إلى جهات الاختصاص.
جدير بالذكر ان الإدارة العامة للمباحث الجنائية أنشأت أخيراً ضمن الهيكل التنظيمي الأخير للوزارة إدارة خاصة بالجرائم الإلكترونية وجرائم الحاسوب، لافتاً إلى ان هذه الإدارة مكلفة أيضاً بالبحث والتحري حول القضايا التي ترفع ضد المدونات والمواقع على شبكة الإنترنت.
*********

طمنوووووووونا عنكم
انااااا بخير واسلم عليكم
منو المفقووووووود منكم...كل من يسال عن رفيجه
**********
الحين بالنسبة للمدونين
اذا انباقت اى مدونه مثل حسااااافتج
نقدر نشتكي عندكم.....تقدرون تحموناااااا
والا بس يشتكون عليناااااااا

73 comments:

Corpse Bride said...

يحموناااا.. .. يحمون مدونين؟؟

من صجج؟؟ لا اكيد بس عشان يشتكون علينا..

انا ما قلت شي اشوه..

:p

ma6goog said...

still free

Enter-Q8 said...

عاد سيده دزيته حتى قائمة المدونيين اللي عندي
شيكي على ايميلك

على ما اتوقع بلوج ديرتنا
لن اهو اللي جت عليه الشكاوي رسميا و قضية انرفعت عليه

Blog 3amty said...

طلعوا عمتي يا أوباش !

بوتشخيص said...

انا سليم لول

بس ما اظن يتحركون الا لو يت شكوى من احد على موقع معين

nanonano said...

بنت الشاميه:

زهبي عبايتج حقي...من أغط شويه..عارفه طريجك

هالله هالله فيني..مو تخونين ترا بالله و بيج
====

ما قصّر بو وليد دز لنا الأيميل
====

esTeKaNa said...

بنت الشامية
انا استكانة ام الستكاين بخير ولله الحمد
وذلك لأني اسم الله علي من أواني امشي تحت الساس
واحب الكويت
وحكومتنا الرشيده
وكل نوابنا ماقصرو
ولا احش ولا اغتاب ولا ايب طاري احد
وببدي اقطع علاقاتي مع بعض المدونين مثل بو وليد وبعض اصدقائه


:pP~



تدرين انا بنت
وتوني لسه ما خشتش دنيا
ومتعوب علي مابي اروح ورا الشمس

ههههههههه
:))

بس said...

مسيك بالخير

لول

انا بخير

وان شاء الله كل المدونين بخبر

:)

bof-10 said...

....ويلي ويلاه ....يما يما ...

صاااارت !!!

انا سليم لحد هذه اللحظه.....


والله ياريت انعرف اذا اهما يحمونا ولا لأ ؟؟؟

اجار الدين كشمش said...

هوووووب هوووووب

تعااالوا تعاااالوا

توني ياااي من شاليه واحد اعروووقه بالماي وهو

اكبر وايد من سعادة اللوا العوضي

وقلت له الموضوووع
وان البنات كلهن مزهبين
العبي والبراقع
والشباب اليوم ما صلوا اليمعه من اللسهااال

طمني وقالي الاتي

نبه ربعك ترا كل واحد يسب من غير سالفه ولا عايده وبدووون موضوووع سياسي ...بس قاعد ويسب بامور شخصيه

ترا هذا الشخص المباحث دازينه عليكم

لاااااااااا تسوون مثله ويصيدوونكم كراف...مثل كراف الميد

انتقدوووا ما تريدووون من رموووز الدوله

ولكن سمو الامير وولي العهد خط احمر

حطوووا بالكم انتوا منتوا يهال

مبروووكين
يالاخوان والاخوات المدونيييين

وسلمت عليه وشكرته وايد وايد ولزم علي الغدا معاهم بالشاليه
بحكم الجيره وقلت له مشكور ابوعبداللطيف
انا اليوم صايم

قالي ادري هذي عادتك

فمالله

lawyer said...

ماكووووووووووو الا العافيييييييييييييه


اشدعوووووووووووووووة شمسوييييييييييين


ترااااااااا هذولا ينزلون اخبار بس جذي يبون الناس تكتب عنهم

KQ8 said...

اتوقع الامر اكبر من جذيه هذول اللي مقبوض عليه مسوين بلا جايد

مبيوق said...

بنت الشامية

أنا كتبت كل اللي بقلبي في مدونتي

وكتبت الوصية

لا تخليني عاد

وبالنسبة للقرار
فأهلا بقرارات الدولة

almaqwa3 alsharqy said...

طاااءيب
بس سؤالج مهم اشلون يحمون المدونين
يعنى حسافتج مثلا شلون ياخذ حقه
ويتراوالي كشمش ما تغدى
بطنه منخبط :)))))))))

Zaydoun said...

عاد امس بالليل شايف الشرطة بس بموضوع ثاني

ولاّدة said...

يالهوي وياك
أنا أكتب وألعلع...بس ما فيني شدة تجرجر
هاليومين نكتب عن الطبخ وسيدتي كيف تحافظين على زوجك؟ وفوائد الليمون واليرنزبيل

لكن السؤال: ماذا عن البوستات القديمة؟؟؟ يحاسبونا عليها وإلا عفى الله عما سلف

:)

بنت الشامية said...

Corpse Bride :

اذا انت ما قلتى شيئ
اناااااا اصلا ما اعرف اقول شيئ
لوووول

بنت الشامية said...

ma6goog :

حتى الان لا انت ماااا عليك خوف
انت بالسليم

بنت الشامية said...

INTER-Q8
اشوه طمأنتني على بلوغ
ديرتنا

وعلى كل المدونيين لان الشكوى رسميه وترفع بالطريق السليم الحمدلله
مجرد تحقيق ومعاك المحامي والخروج بكفاله
الي يوم المحاكمه كلها 50دينار

انا كنت اعتقد ان فيها زوار فجر وطراقات تبتدي على اللرقبه وتنتهي طراقات عسمه وانا غافله
حياك الله

Anonymous said...

انت من درى عن هوى دارج, صج تيبيكال كويتيه, انا انا انا شوفووووووووني

بنت الشامية said...

Blog 3amty :

الى الحين ماااااا وصلت البيت
حلفوا لى بيطلعونها قبل الليل
عااااد كل شيئ الا العمة العوده

بنت الشامية said...

بوتشخيص :

الحمدلله انك بخير
وكلامك صح لازم تكون هناك شكوي اولا

بنت الشامية said...

nanonano :

حااااضرين احنا بالخدمه
بس كلنا بناخذ شورى اجاااار
بعد ما شاف الراجل الكبير

ودزيت له ايميل اتاكد من كلامه
ورد على وقال : ان الريال قاله ان الدنيا مو سايبه
وهناك خطوط حمرا يجب عدم تجاوزها
ولايوجد هناك حجز قصري الا بالقانون
ويقول ان كله كلامه اللى كتبه صحيح
الا انه نسى انه كان فااااااطر
مو صاااايم

بنت الشامية said...

esTeKaNa :

الحمد لله انج بخير
كنت احاتيج لانج كله تكتبين بالسياسه
ولانج اكبر معارضه فينا
بس لا تخافين انا ادري ان امج اوبج مسافرين....تعالى عندى
انت ما تدرين ان كل الحكومه عندنا بالشاميه
ما تدرين ان محد يقدر يجيسناااا بالشاميه
هههههههههههههه
وهقتج
بس هالله هالله بمستشارينكم خليهم يدرسون
قانون التجريم ا لالكترونى
اويلقون منافذ لنا لوووو
نحتاجهم يوما ماااااا من يدري

بنت الشامية said...

بس :

الحمدلله ....الحمدلله كل اللى اعرفهم بخير

بنت الشامية said...

bof-10 :

الحمدلله
بس لاتخاف..... انا موجوده
لا تحاتي

بنت الشامية said...

اجار الدين كشمش :


مشكور يااااجار على التوضيح
وعلى الايميل اللى وضحت لى اللى ماااا فهمته
بس بقول لك سر
الحين اكو احد يصوم يوم اليمعه بروحها..؟؟؟؟
والا انت صايم يوم الخميس ...؟؟؟؟
بس ميخالف بنفوتها لك
والريال يوم قال لك هذى عاااادتك
يعنى يقصد انك .... ههههههههههه
ماني قايلتها

بنت الشامية said...

lawyer :

والله انت ادري
انت محامين وتعرفون اكثر منا
احنا مالنا الا الظاهر و نصدق الناس
مشكوووره للتوضيح

بنت الشامية said...

KQ8 :

يعنى شنو البلى الجايد...؟؟؟
الله يكافينا الشر

بنت الشامية said...

مبيوق :

افا عليك ياولد اخوي
اااانا اخليك
والله والله علي الخبز والرهش كل يوم ايبه لك ...ولا يهمك
لوووول
اسم الله عليك

بنت الشامية said...

almaqwa3 alsharqy :

احنا دولة قانون ومؤسسات
والكل يتحمل نتيجة عمله
لو حسافتج مقدم شكوى ...اكيد بيحققون بالموضوع

بنت الشامية said...

Anonymous
الله...يعينج\يعينك

على نفسك المريضه ..اشفيك الله هداك ...يعني لو تدري امك او والدك او اخوانك
ان بنتهم\ولدهم
ماسك الا توب وتشتم المدونين
وهم وعلي عليهم يعتقدون ان ضناهم حاله حال اصدقائه
مشارك نظيف مع اخوانه المدونين
ولا يعلمون ان ضناهم في اسفل الدرك من الخلق
لان حتما سوف ينكشف الاسم الحقيقي للاناونمس يوما
وسهل جدا ..ادعي \ادعوا
على نفسك بالمعوذات
وانا دعيت لك بأن تتخلصي من مرضك وخلونا نتعاون بالدعاء
حياك\حياج
الله في كل بوست بقلب انظف واكثر بياضا وصفاء كما يتمنى والديك

بنت الشامية said...

Zaydoun :

اذا بس شايفهم الحمدلله
ترا راح يسحبونا بالاقدم..... وانت من القديميين ....علينا الخبز والرهش
ولا يهمك

بنت الشامية said...

ولاّدة :

والله كلنا ماااافينا شده
انا اصلا ما فيني شدة تخرع بدقيقة اصيح
وعلى البوستات القديمه قول لى لهم ووووي ما تدرون انى قلبت الحين
اكو سياسي ما يتغير مع الوقت
هذاك اول كنت معارضه
بس الحين انا من الموالين
وهم ترا علي الخبز والرهش
حياج الله

HSS said...

لا تاحتون دامكم ما شين علي قوانين الدوله و نقدكم موضوعي من غير سب و قذف إنتو بالسليم

الله يسلمكم في ناس بالمدونات و المنتديات يروجون للعصبيه الدينيه و الطائفيه و يقذفون و يسبون من غير حساب لجهلهم بمعني الحريه عبالهم الحريه تعني الإنحلال الفكري و زفاره اللسان

Corpse Bride said...

توني جيكت على دعم العماله مانزل..

لج علي اول ما ينزل بجيلكم خبز ورهش لزوم الي خبري خبرج..

يعني لازم الواحد ياخذ احتياطه.. لا تحاتين.. احنا زاهبين

:)

الخيلاء said...

عبد الموجود موجود
:)

وعليه علينا من الي يجمينا من الي يراعينا احنا .. احنا

نكسر الخاطر معشر المدونون

مبيوق said...

بنت الشامية

بس وصلتي حدج

وين بتوصلين بعد

كل يوم تكبرين بعيني

JooJ o MaJooJ said...

من إلي يحميها من إلي داريها إحناا إحنا :P
خل اولون زييين ماعليج منهم ماعليكم شر هذا إلي ناقص
جووج

Anonymous said...

يا جماعة تهقون صالح الملا يبيضها و يتابع السالفة و يحامي عنا؟

يا جماعة ديرو بالكم على روحكم و لا تخلون احد يعرف هوياتكم الحقيقية .. و بعدها لا يردكم الا لسانكم .. لا تخلون احد يسلم من لسانكم

على قولت شروق .. حي على الشغب

Anonymous said...

آفا ؟؟؟؟

طلعتوا كلكم تخافون؟
وين حجيكم؟ لنا حرية التعبير وهالخرابيط
خبر صغيرون بالجريدة خلاكم ترجفون؟
خخخخخخ
شكلكم نفس طقة أم ناصر, اللسان طويل والحيل قاصر

انتو طماشة وربي

والله مو بعيدة ان تللو واحد منكم مسرع ما يبلغ عن ربعه

خخخخخخخخ

آآخ بطني
بوست ولا أروع
غير الردود

خخخخخخخ

وربي ماني قادر اكتب

باي باي

ولاّدة said...

شورك وهداية الله

من يقربون بأهوس
ها خوتي ها
الله يخلي الريس
الله يطول عمره

ضابط كبير بأمن الدولة وقاعد يسجّل أساميكم said...

آهــــا

طحت عليكم وقاعد الحين أطقطق على جم زر عندي بالجهاز عشان أطلع عناوينكم ومقاسات ملابسكم بعد

بنت الشامية مو جنة إنتي مقاسج اكس اكس اكس اكس لارج اللي حتى كيت كات يضطر انه يطلب لج الهدوم طلبية خاصة؟

شفتي شلون حنا نعرفكم واحد واحد؟

ديرو بالكم ترى احنا مراقبينكم واحد واحد

:)

بنت الشامية said...

HSS :

قبل لا تنطبق عليه هذه القوانين
اعتقد ان هناك شيئ يسمى الضمير الانسانى
وهو القانون الخاصه بكل انسان
وعلى ضوئه ينطلق الانسان
ولكن
اذا انحرف ......هذيك الساعة نطبق هذه القوانيين عليه
ولكن من اللى يحدد هذا الانحرااااااااف
هذا اللى المدونيين خايفين منه

بنت الشامية said...

Corpse Bride :

مشكووووووره ما قصرتى
على هالكرم......يعنى كلش منتى خايفه

اذا تلونى ....اول وحده انا بعلم عنج
واقول هى الراس المدبر
هههههههههههههههههههههه

بنت الشامية said...

الخيلاء :

وعلي على عبد الموجود انحااااااش
وخلنا بروحنا
بس ما عليج ترا وراج رجااااااله
لا تحاتين شيئ...الخبز والرهش علي
الله الحافظ

بنت الشامية said...

مبيوق :

لا خلا ولا عدم
قايله لك انت ولد اخوي
الحين لاحد يلومنى ابد فيك
احط اصابيعي فى عيونهم
تسلم

بنت الشامية said...

JooJ o MaJooJ :

لا هذا مو تغشمر ....هذا صج
فيه زف... وطراقاااات
وصراخ ...وكبسه يم البيت
ومخفر ...وشرطه ... وتخرع
وانا حدى دياية ام احمد
لازم نمشي تحت الساس
لووووووول

عاجــل said...

اللي يكتب رايه خل يتحمل

واللي يشتم هم خل يتحمل

وفي بلد ليس فيه لحرية التعبير اي احترام او انصار

ابو راي وابو شتيمة راح يتساوون في العقاب

almaqwa3 alsharqy said...

الي كنت اقصده ان من يحمي المدونين
لاي حد سقف الحريه
شنو المعيار
جم كيلو:)
باجر اي احد موعاجبه الكلام حتى لو كان حقيقه بيرفع قضيه
انا احس ان وراء الاكمه ما ورائها
من ناحيه ثانيه اللى تعرض العزيز مبيوق حتى لو اشتكى هل اذا انعرف اذا فرضنا بينعرف
شنو الاجراءات الي بتتخذ ضده
هل هي رادعه حتى ما يتعرض مدون ثاني لها
المسائل مو واضحه
تحياتى

Lucifer said...

looool y god .. are they for real ... waen 7oreyat el ray o el tafker :S

بنت الشامية said...

Anonymous 2 :

عندى تحفظات على المجلس كله
وعلشان مدونة ريسنا عاجل
سوف اعطى النائب صالح الملا فرصة
لانه جديد

ونحن ننتقد ونحاور
ولا نمد لسانا على احد
الاحترام والتقدير لكل حتى من نختلف معهم

بنت الشامية said...

Anonymous 3 :

لا تخاف علينا
عندنا مدونين رجال وقفوا
وقالوا كلمة حق للكويت
وانسجنوا
لاتحاتينا

الحين منو اللى خخخخخخخخخخ
اللى كاتب نفسه
Anonymous
والا احنااااااااااا
اما انا فاعترف انى مو بس خوافه الا خواااافه و جباااانه

بو صالح said...

للحين حي ارزق

يمكن مدونة الطار الي تابعه للدار

بنت الشامية said...

ولاّدة :
احسن ما تسوين
طلى على التعليق اللى بعدج
حدى ما اقدر اقول شيئ
لوووووول

بنت الشامية said...

ضابط كبير بأمن الدولة وقاعد يسجّل أساميكم :

ابيه طلع اسمى مكتوب عندكم اول شيئ لا تنسوووون ان الريس الكبير من سكان الشاميه عرفتوووووه
و"""""وزير الداخليه """" يعنى انا تحت الحمايه الدوليه....واخوانى وابوي كلهم بدوانيته ومن قبله دوانية ابوه
وعلمت بعد عليكم...وقلت انكم حتى مقاساتنا تعرفونها...وتشهرون فيناااااا
حطواااااا بالكم ترانى مانى سهله
صج خوافه وجبانه بس اعرف انقف عليكم
وانقل حجيكم الى قياداتكم
لوووول
وبعدين شفيه مصنع الكت كات وعليه افلس مع هالزمه الاقتصاديه
وتحول الى مصنع ملابس
اول مره اسمع هالخبر مو بشاره
عسي بعد ما يخسر مصنع الكادبورى
عاد اروح فيها

====
ما ادري اللى نكتوا وايد ومسحت تعليقاتهم
من تبعك
ان شاء الله لا

بنت الشامية said...

عاجــل :

اكيد كل من يتحمل ثمن كلمته
بس ما اعتقد ان يتساوي بالعقاب
اللى يقول كلمة حق وهو صادق
ومن اللى يسب ويشتم بالناس
حتى لو البلد ما تؤمن بحريه التعبير والراي

واعتقد ان عندنا قضاء نزيه
ادري ان هالكلام ما يمشى عندك
بس انا اخالفك فيه

بنت الشامية said...

almaqwa3 alsharqy :

كلامج وتساؤلاتج....كلها صح
من يحدد سقف الحريه ..؟؟؟؟ وهناك خلاف حااااد عليه...بالنسبة لى لازم يكون هناك سقف لحرية الكلمة
وما دام ماكو قانون ينظم هالعمليه
بيكون هناك ضحايا ابريا بيدفعون الثمن....بس انا متفائله ان بالمستقبل راح تتنظم العمليه
بقوانين عده.....والله يكتب اللى فيه الخير والصالح

بنت الشامية said...

Lucifer :

حرية التعبير والتفكير موجوده
بس لا تستغل بالسب والشتائم
والاخبار الكاذبه الملفقه

بنت الشامية said...

بو صالح :

المهم انت بخير وموجود
واللى يسب يتحمل اللى ايه

Lucifer said...

www.el7ofra.blogspot.com
see and i would love ur comment :)

Corpse Bride said...

دنااا غلباااااااااااان..

انا من بيتنا لي الدوام..

ومسكينه وفقيره وعلى باب الله..

كلش مو خايفه..

:p

انا اقووول لن يصيبنا الا ما كتبه الله لنا..

بس هم ما راح انساج بالرهش لا تخافين

:)

بنت الشامية said...

Lucifer :

ابشر بالخير..ان شاء الله امر

بنت الشامية said...

Corpse Bride :

هههههه
بس خلاص كسرتى خاطري
ماني معلمه عليج....واقول لهم ابد مااااا اعرفها
بس بننطر الرهش والخبز
مشكووووره

DiLLi O MiLLi said...

أنا غيرت عنوان مدونتي
حطيت عنوانج .. هههههههههه
طلي من درشتج
عسى وانيت أمن الدولة موو موجود عند بابكم؟؟


:)

مركبنا said...

تعرفين القطوة الي يذبحونها عشان في ليله العرس

عشان العروس تخاف من ريلها
وتعيش بوهم انها بيوم من الايام بتكون مكانها

(مالت خاتي قماشة (=

تخروعه
والحجي لج ياجارة (=

Anonymous said...

عيوز وتتبربر

بنت الشامية said...

DiLLi O MiLLi :

دللى ياااجبانه
بس همن ميخالف تمونين

عزيزه وغاليه
اكو سياره..... تجراء وتدخل الشاميه
اناااا شويه والا شوووويه بالشاميه
كلنا سواسيه عندهم
ههههههههههههههههههههه

بنت الشامية said...

مركبنا :

لا توصى حريص كل من رزم بريك اليوم
بس عاد اى جاره تقصدها
اكيد مو انااااااا

بنت الشامية said...

Anonymous :

اكرام الضيف ثلاثة ايام
وانا اركمتج ثلاث مرات
وعدانى العيب
مالج الا هالدعاء
اللهم اصلح بينى وبينها
اللهم اصلح بينى وبينها
اللهم اصلح بينى وبينها
اللهم قدرها على نفسهاااااا

إمـرأة لا تُنسـى said...

وأنا قاعدة أقرا كلامكم.. قاعدة أقول الله يالدنيا شوفي وين وصل هالانترنت خلى الناس تطلع الحجي اللي بقلبها خارج نطاق الجرايد، يقولون الجرايد السلطة الثالثة مادري الخامسة مادري جم.. بس أشوف ان الانترنت صار أقوى من الجرايد نفسها! ماحد يلزم الثاني بفكرة
برأي
بكلمة

.
.
حتى المباحث جابلوا البلوجرز وسووا لهم وضع خاص وإدارة خاصة بس لهم
- يعني -
ما اتوقع رح يهتمون فيني لو هاكرز دش موقعي وعفساه، لأن شغلهم الشاغل المدونات والمنتديات والشخصيات العامة الهامة الجرج

.
.


شخبار صدام حسين؟

بنت الشامية said...

إمـرأة لا تُنسـى :

الحين اعتقد ان المدونات اثبت نفسها وقدرتها بتوصيل صوتها الى الكل
فاصحبنا سلطه خامسه بعد السلطه الرابعه وهي الصحافه

وان شاء الله ان الكويت دولة مؤسسات
وكل من يتحمل جريرة فعلته او كلمته
امام القضاء

ولد الديرة said...

ترى زين يسوون

اذا مدونين او اشباه مدونين كل واحد فيهم بيصير رقيب على الثاني ما تبون احد يراقب