Friday, December 19, 2008

فيلم ....أبيض ....وأسود

الفن القديم والجمااااااال
هند رستم

ساميه جمال

سعاد حسني
ميرفت امين
**************************
عندى هالفنانات أجمل الجميلااااات فى ذاك الزمن
عصر السينما الذهبي
حتى السشوار ما كان موجود يمكن جان

بس ..... فير الغااااااااااااااااااااز
لووووول
والإ اااا المكياج وعلي عليهم أعتقد كان ضيم
يعنى الأصل هو الغالب.....كانوا جميلااااااات خلقة ربنا
ملاحظه مقايس الجمال متغيره من زمن إلى أخر
ومن مكان إلى أخر..... ومن مجتمع إلى أخر

أما أجمل فنانين ذاااااااك الزمن الجميل

عمر الشريف كمال الشناوي
يوسف شعبان

رشدى اباظه

وختاااااااااامه مسك

من .....منهم عواااااااار قلب صج ....؟؟؟؟؟؟؟

اكو مثلهم هالاياااااااااام ...؟؟؟؟؟؟؟؟؟؟؟؟؟؟؟؟

28 comments:

m$n said...

يقال بأن والدة رشدى أباضة إيطالية

ومرفت أمين أمها إنجليزية

رغم عدم حبى للغة التعميم ولكن ، اذا

عُرف السبب بطل العجب

esTeKaNa said...

ومريم فخر الدين
جمال كلاسيكي
:)
وزبيده ثروت
عيونها عجيبة
....
فاتن حمامة
اشوفها كانت جميلة
واللي ذكرتيهم يا بنت الشامية جميلات بأقل الإمكانيات
وكل واحده لها تايبها اللي يشوق

اللي ماحبهم:
ماجده اذا قامت تتنهوص
وصباح
!!
صباح كانت حلوة؟
كانت متينه
ومو حلوة
مو صح اول كانت امتن من الحين
وهي في عمر الديناصورات مشالله
:))


رشدي اباظة طبعا
ويوسف شعبان
ما زال جميل،وعلى فكرة مرته كويتية
:)


واي شخبار الفير الغاز
لووووول

اجار الدين كشمش said...

اشفيه توفيق الدقن ؟ واشفيه القصبجي المسبسب وهو شرطي

ليش ناسيتي زنات صدقي ؟ اللي استشوارها ..الاوتي !!!1

""""""""""""""
هند رستم ..ل اهل السهر بره البيت ..وفاتن حمامه للبيوتي والعاجل والمو خزاز
اللي هو يشتري الخبز واللي يودي المستوصف ويسقي
الزرع العصر
ودعله كل يزور يوم الزواره
وما يدري عمته ام فاتن ودها تشق ثيابها منه
فمالله

JooJ o MaJooJ said...

انا كان حلمي أصير مفت امين او نجلاء فتحي او اباظة أجمل رجل جان زيت في نفسه الحين
نحياتي جووج

Mok said...

مع الاسف لا اطيق الافلام ابيض واسود و ما لحقنا على جيلكم استاذتي

nanonano said...

هــــــــــــــــــا

بنت الشاميه....في تعدي على ممتلكاتي طال عمرج

رشدي و عمر ملــــــــــــــــــوتي لو سمحتي

حقّي مقّي

ترا من صجي ما أرضى

تبين ريلي أخذيه

بس عمر و رشدي...لأ ملكيه خاصه

و بعد شي

أبي نفس نفنوف هند رستم..ميته عليه..ما أدري وين أحصله

THE BOSS said...

يقولج اذا ضاق خلقك تذكر ايام عرسك

وانتي الحين ذكرتني بالايام الحلو
بس نسيتي ماري منيب
ونعيمة عاكف
ترى صواريخ

مع هذاك مال نورماندي توووو
نسيت اسمه
:)
وعطني ولعه

ميرامار said...

فنانات الزمن الجميل نعومة وكلاس وعلى قولتج خلقة

ومادري ليش وسامة النجوم انحسرت ما صاروا مثل قبل

عمر الشريف لحد يقرب يمه
هذا فتى احلامي

:p

Anonymous said...

بنت الشامية

هذيله مو جمال

أنا ودي صج اشوف جمال رجل وثلاث نساء

سيدنا يوسف

هذا اللي اخذ شطر الجمال أي نصفة

وقيل ان الجمال الذي اخذة هو جمال كل شيء والنصف الأخر موزع على كل شيئ والبشر

فشلون كان شكله علية السلام


من شوي راودتة زوجة العزيز؟؟

ومن شوي ربع قعدتها ملوت جاي الضحي قصصوا ادياتهم من جمالة؟؟


هذا الجمال مو رشدي وعمر


والنساء الثلاثة

هم اسيا زوجة فرعون

واللي احلى منها وقيل اجمل نساء العالم هي امنا حواء

من شوي ابونا ادم طاعها واكل التفاحة؟؟



والاخيرة هي التي قاعد اعمل في دنياي حتى افوز بعا بالاخرة وهي الحور العين


باخذلي حورية واقعد على كتر بالينة إنشاء اللة وبس بخززززززززز
بمتع عيوني


ويا ويلج أن كتبتي بوست بالينة وقلتي عن الخززززززززززز


خو كيفي حلالي وبخززززززززز خززززززززززززز
محد يحاجيني بمتع عيوني فيهم

جمال الواحدة منهم يغطي على نور الشمس

عاد انا بشوفها وتشمس :)


مو تأذيني


جعلني اللي واياج وجميع المسلمين بالجنة


عاد الريايل لهم حور العين


الحريم ما ادري

خل يفيدونها (نانو)رشدي بية وعمر افندي


بالجنة

ويا حلو جمال الوية بالاخرة ويا زين جمال الروح بالدنيا



وبوستج جميل مثل صاحبتة

بنت الشاميه said...

m$n :

كلامج صحيح....بس بعد اكو وايد امهاتهم اجانب و عيالهم جياكر

اعتقد هذى زيارتج الاولى لى فلا تقاطعينا
حياااااج الله

بنت الشاميه said...

esTeKaNa :

والله ما نسيت مريم فخر الدين
بس الله يهداها هالايام قامت تخوره
هههههههههه
ولا بعد لاتنسين لبنى عبد العزيز
وفيلمها انا حره......لوووول
وناديه لطفي ومديحه حمدي....وااايد
كانوا كلهم جميلات بفنهم وبساطتهم
اما عاد ماااااجده الله يهدها كل منبطحه على بطنها وتصيح
والله ما سمعنا بالفير الغاز الا منهم
اشوه طلع السشوار ...جانحتت شعورنا من زماااان...هههههههههههه

بنت الشاميه said...

اجار الدين كشمش :

اشفيهم ....كل هالجكر وبعد شفيهم
ههههههههه
بس من قال لك ان هند حق السهر البيت
هى من الاستديو الى البيت
اما زيناااات فهى ملحهم
اما ريل فاتن فما اعرفه
وانا لو من عمته جان قلت له لاتكثر الدوس عليناااااا
شعليكم منهم...بس تجب المداحر
يوووووووووز يا اجاااار

بنت الشاميه said...

JooJ o MaJooJ :

انت احلى منهم كلهم
ها مو صج...؟؟؟؟
محد يشبه احد كل من له شبه الخاص
وماكو احد مثل اباااااظه
ههههه

بنت الشاميه said...

Mok :
طافك نص عمرك
ترا حتى اليعده لحق عليهم
و روتانا زمان ماااااا تقصر
هههههههههههه

بنت الشاميه said...

nanonano :

لا يابنت يرانا
تراهم كلهم لج ...اناااااا متنازله
عنهم كلهم...ههههههه
انا ابى مع حساااااافتج
واشوف المخشوش لى بعدين
يقول اللى عنده احسن منهم بوااااايد
عاد انا بطيع ولد اخوي
وولد اخوي صاااااج
اما فستان هند رستم ترا مودته رجعت
وموجود مثله ....وهمن سهل تفصيله
زوووووغه فستانها
هههههههههههههههه

بنت الشاميه said...

THE BOSS :

الله يا بوس منت بهين
اي والله نسيت نعيمه عاكف.....كانت من الجميلات.....صج انك مدكن
اما الريايل الجياكر تراهم ترس السينما....احب واحد عندى القصري
مع ماري منيب...بس جيكر
ههههههه
ورجاءا بدون ولعه

بنت الشاميه said...

ميرامار :

شفتى شلون صج كانوا يحبون التمثيل وتحملوا المصاعب من اجل فنهم

وبعدين عمر الشريف
انا رفعت ايدي عنه
انت ونانو تنيازوووووون
انا ما علي
هههههههههه

بنت الشاميه said...

حسافتج يا كويت :

بعد هالكلاااااام الزين
تنازلت عنهم لنانو ....وبنطر شورك وبشوف شيطلع ...انت بتروح قبلي
عاد علمنى ..لووول....والله ان رحت انا المكان الثاني اللى تحت وما حصلت على شيئ لا هنى ولا هناك
تشووووف شغلك
انزل فيك معلقاااااات مو بوست
هههههههههههههههههههههههه
وانت خز الى ان تشبع مااااا اقدر اقول شيئ....اخاااااف
حسبي الله على ابليسك...خليتنى اخوره
بس يالله مع السلاااااااااااامه

nanonano said...

بنت الشامية
و
حسافتج يا كويت:

أحنا عندنا أن شاء الله الغلمان بالآخره

بس هم ما يمنع الواحد يتمنى رشدي و عمر يالله من فضلك..أنا مو متحسفه على شي كثر حسافتي أني ما كنت موجوده أيام عدّانهم..لا و أكون بنت ذوات بعد عشان أتميلح عليهم و أتنقى على كيفي

Um il sa3af wil leef said...

نسيتي بعد.. عبد الوارث عسر والمليجي ومحيي إسماعيل ..بوست جميل ..تحياتي

Anonymous said...

بعد إذنج بنت الشامية



ناااانوو


يعني هم تبينهم وهم اتميلحييين؟؟؟


تدرين شلون انا ربي ينولني الشهادة وتزوج سبعين من الحور العين يا رب

وانتي خلج مع رشدي والغلمان


واعتقد ان الزوجة الصالحة وانتي منهم انشاء الله تجتمع مع زوجها بالجنة

يعني ماكو فكة من ريلج


بس بصير املح وجميل واملط ماكو شوارب ولا لحية ومكحل وطولة 60 ذراع

Anonymous said...

بنت الشامية


كفو واللة تنازلي عنهم ترى مايفيدونج


خل نانو تغص فيهم

يا معودة بيني وبينج

حنا خل ندش الينة انشاء اللة ومانبي شي بس نعتق رقابنا من النار يا رب


اصير خير تالي


وهم بخززززز

Anonymous said...

بنت الشامية توني الاحظ

الحين يوم إنج اتحلين على رشدي ليش كاتبتة رشدي اباطه مو اباظه؟؟


دام رشدي اباطه خلية حق نانو اتمتع بأباطة

لووووووووول

nanonano said...

حسافتج يا كويت:

أنا ملاحظه من أول ما قريت البوست أباطه..بس يايزت لي السالفه..لأني أختي الصغيره..اللي ما صارت ضغيره الحين من وأهيه ياهل تسميه رشدي أباطه..و لأنها تنكس بالأحرف لي الحين تسميه رشدي أباطه

و من قال لك ريلي يبيني بالجنه؟؟!؟

بس كافي بالدنيا و شبع..مسكين شالله حاده..أنا مرخصته من الحين

Bloggerista said...

يا زين بوستج

كحلت فيه عيني من الصبح

مرفت و هند جمالهم مو صج

NewQ8 Bride said...

وااي عجيب البوست

الصراحة رشدي اباظة شي

مشالله صج ماكو ريال مثله و الله

امبيه جني قمت اخربط شوي

و الله شحلوهم كلهم

مريم فخر الدين جميله بس بعد قلبي ينت الحين

و ماجدة قطيعه كل ما تتكلم كله احسها بترجع سوري لوعت جبدج

بس و الله خوش بوست

ZooZ "3grbgr" said...

LOOOOOOOL

ما أصدق
ههههههه
أمس كنت رايحه شيليز
وكان زحمه فنطرونا عند الباب
نطرنا شوي تالي قالوا الطاولة فضت
قمنا بنروح وكنت اخر وحده من البنات
وكلهم ماشاالله لابسين ملون
إلا انا ضاربتها اسود باسود
وكانوا مجابلينا شباب ينطرون
عاد وانا توني قايمه
جان يقول واحد منهم
ام الاسود هند رستم حدها
لووووووووووول
عاد اخيتج ما تطالع مصري
لا قديم ولا يديد
خبري بس باللقطه مالت عبدالحليم
يوم ماكان يغني حق مريم فخر الدين
عالخدود يهفهف ويرجع يطير

عاد مت من الحره ما عرفت آكل
ولا ادق على أمي واقولها
ماما الله يخليج ليش قال عني جذي
ولا احس انها بققت عيونها من الموبايل
وقالت زوووووووز يما شلابسه انتي

هههههههههههههههه
توني اشوفها عندج
:**

enter-q8 said...

رجاءا بنت الشامية مره ثانية اذا حطيتي صورتي استئذني قبلها

بتقولين ما اعرف اقولك انا اخر واحد
رشدي اباظة العتيبي