Wednesday, November 26, 2008

فــــــــوق رااااااس الكــــــــبت


كانت توقعاتي السياسيه صحيحه بنسبة 95%ء
بالنسبه لحل مجلس الامه فقد توقعت
حـــــــــــــــــله فى نوفـمــــــــــــــبر
بس ماتمت الحسبه
صج حساااااااااااااااااااااااااافه
فتم تأجيلها وترحيلها ولمده قصيره أقصى موعد
لها يناير القادم لإنها راح ترد وبقوة وبسرعه
ومن نفس المجموعه ومن نفس الفكر السياسي
الدينى لإنهم غير مقتنعين بالديمقراطيه أصلاااااا
أنا الحين طفيت الجول على الحلول و العشرج
ورفعتهم مع الطوس والملال فوق راس الكبت
وخليتهم يمى بالمطبخ ماااااا نزلتهم السرداب
لإنى جريب بردهم....... حتى الشهرين وايد
بس ياحـــــــــــــــــــــيل الله
ياربي نبي نطخ ونستريح خلهم يلتفتون الى
التنميه وإصلاح البلد وإعطاءنا مزيد من الحريات
ويكفى الوقت الثمين اللى ضيعوه علينا و على
الكويت واللى إحناااااا ضيعناااااااا معاهم
الله يخليكم لا أحد يتهمنى بالتشائم......رجاءا

لإن الأزمه ماااااااااا نحلت إلى الحين
والأيااااااااام بيننااااااااااااااا

27 comments:

esTeKaNa said...

أهم شي انه فوق راس الكبت
:)
عسى ربي يهدينا جميعا
ويصلح حال نوابنا وحالنا
ويقارب مابينهم من اجل مصلحة ديرتنا وديرتهم


صباح الخير

الزين said...

شوفي يا بنت الشامية

انا وين ما اروح الاقي استكانه معلقه قبلي

فقلت اخذها من قاصرها واقول


انا مع استكانه

:)))


خصوصا انها صاحبة راي قانوني سديد


وانا وياكم فوق راس الكبت

بس على الطرف شوي


:))))


صباحج طيب يارب

:**

يـا سْـديـرَه said...

صباحج الصباحي والورد والتفاحي

افا عليج شتاااااااائم ؟؟
محشومه يالغالية
نسيتي العجره ؟؟
ترا زاهبه وانطر الشاره ترا حدي فيني فرور وقمته منهم

والحلول والعشرج
بتردينهم وجريييييييييب بعد بس
اقول عسى الكمية اللي عندج توفي معاهم؟؟

والله تبين الصج يا اخيتي
إذا انتي حاطه في بالج ان ورا الحكومة والا هالمجلس الداثر تنمية وحرية اسمحيلي اقولج هذه ( اضغاث أحلام )للأسف
وأضغاث الأحلام هاذي احنا اللي مسؤولين عنها تدرين ليش ؟؟
لأن هالمجلس ياما انحل ورجع بنفس الوجوه وبنفس الأداء
هل تغير شي هل زادت التنمية وتصلح شي ؟؟
لأ اللي شفناه لا تنمية ولا اصلاح ولا بطيخ الا فساد انتشر بين الكل

لأنه هاذي اختياراتنا للأسف
الوضع ما راح يتغير وراح نظل على طمام المرحوم طول ما عقلية المجتمع منقادة تحت لواء العشيرة والطائفة والعائلة والمصلحة الفردية

التنمية والإصلاح يبدي مني ومنج ومن الغير !! لازم هالضمير النايم يصحى عشان اختياراتنا تكون على وعي وحرية غير مقيده ومنساقه للآخرين

وهيك شعب بدو هيك حكومة على هيك مجلس

الله يحفظ الكويت من شر أهلها وشر كل من فيه شر عليها وعسى الله ينور بصيره ولاة امرنا لما فيه خير للبلاد والعباد ويألف بين قلوب اهل الكويت على الخير آمين

وبس مت وآنا العي
اقول احبيبه ترا قرب موعد السفر
:)

الزين said...

سدييييييييرة


مسافرة؟؟؟؟



وين رايح


بهالسهوله هانت العشرة عليك


خدوني معاكوووو

بنت الشاميه said...

esTeKaNa :

صباح الورد
صج هم فوق الكبت بس بااااازين عدل

طبعا مو انا اللى حاااطتهم فوق
وانت تعرفين السبب اكيد....لووووول
حسبى الله على الطول......!!!!!ء

بنت الشاميه said...

الزين :

هلا فيكم ثنتينكم اهى الملح وانت السكر اشوه ما فينى لاضغظ ولا سكر
ههههههه
حطيتهم فوق الكبت بس برد وانزلهم
عاد ابكم المره الثانيه تساعدونى على التوزيع.....لانى بتعب اكيد
لانهم وااااااااااااايد اللى بيشربونه

الزين said...

ايه ايه


حطيني على يمناج

حق التلبق محد يغلبني

:)


اقول بنت الشامية

عندي طلب يسلم عمرج لا ترديني


رتبي لنا سفرة مثل اللي طافت

بس اهم شي لا تقطوني مع ام اجار بنفس الدار


:)

بنت الشاميه said...

يا سْديرَه :

هلا بالغاليه
ابيه علطه املائيه ......اقصد عن التشائم....ههههههه اشوه انتبهت لها
مشكوره
قلت يمكن يلتفتون لنا ولديرتنا ونعيش صج بالقرن الحادي والعشرين ....حالنا حال مخاليق ربنا
جود يحسون ويخجلون وتصفا نيتهم لنا وللكويت......ما باليد حيله
هذى اختيااااارات ربعج
والمجتمع المختلط اللى نعيش فيه
والله وانت صاجه ترا انا زهبت الجناااااط...بسو ين...؟؟؟؟
عند فانكوفر...والا العام سااااام
انا اقول جنه برد الحين خل ننطر الى الربيع....وتسنع الجو اهنى وهناااااك
حياج الله
وناخذ الزين ويانا ترا لها مكااااان

nanonano said...

و أذا السالفه على قولتج مطوله لي يناير..يبيلنا صبر أيوب..بس اشوه الجو أينن شي يشيل شي..تدرين لو ها الأزمه يايتنا بشهر 6 جان شنو صار؟

bent el deera said...

looooool

على قد ما ضحكت على هالبوست على ما عجبتني صراحتج

الله يستر بس على ديرتنا...

بنت الشاميه said...

nanonano :

لازم من الصبر ....ولازم نستحمل وننطر
الاوطااااان غااااااليه
ما ينلعب فيها ولا بشعوبها
شهر يناير والا يونيو كلهم نفس الشيئ
بس الله يعدينا على خير ونوصل بر الامان

بنت الشاميه said...

bent el deera :

حياج الله هذى اول مره تشرفينى بالزياره.....وعلى قولتهم
اذا طااااب لج الحال عاودي

والصراحه راحه
لووووول

بنت الشاميه said...

الزين :

غاااااالى والطلب رخيص
خل تنكشف هالغمه ...ونرتب هذيك السفره اللى تغسل جبودنا كلنا
ولا يهمج لا تحاتين ام اجار بحكرها بدار بروحها يم داري......وحط كاميرات تصوير بدارهاااااا
شرايج عدل الشغل......هههههههههه
المقروده بتروح فيها من الحين بنتعاون عليهاااااااا
عسى ما يسمعنى اجار باشااااااا

Anonymous said...

مو قلتلج غسلي إيديج ما طعتيني


اهووووو بس نزليلنا بوست كيد الرجال خل نشوف

يـا سْـديـرَه said...

والله انتي اللي الملح والقبله
:)
يزاج الله خير جبرتي بخاطري
:)

بس تبين الصج .. صج
شككتيني في نفسي وعيوني يا @@ انتي

رديت اقرأ البوست مره ثانية والا اوصل الى كلمة التشائم !!هو غبره يا سديره وانتي اشتطيتي وغبرتي على الأوادم وعجره وسوالف واثريج ياسديره قريتيها غلط ؟؟ الكبر شين !!يالله الجدوه
بس اشوه اطلعت غلطة مطبعية
هههههه

يا حيل الله وآنا كله مشتطه

اما عن ربعنا خليها على الله
ياليت بس يحسون متنا واحنا نلعي
:)
اما سالفة مجتمعنا الله خير صار مخلط بس أغلبه من النوع الردي للأسف وقلبي معورني وآنا اقولها

اما عن السفر
عند احبيبتي الغالية فانكوفر ما اعتقد لأن الجو سمممممام عندهم

واخيتج صارت مثل اللي اكثرت خطاطيبها وبارت العروض من قبل شهرين واهي تهل علي
:)
شي بضيافة العم العود وشي بضيافة العمه العوده وشي بضيافة احفاد طاغور وغاندي
:)
وتالي استقر فؤادي على السفر وشد الرحال الى ديرة تالي بتعرفينها
:)

بعد اذنج يالغالية برد على اخيتي الزين كله

الزين كله حبيبة قلبي اقول انتي اولنا افا عليج والا منهو بيسامرنا تالي الليل بهالقصايد السنعة الي ترد الروح والقصيص اللي كل وحده احلى من الثانية
ما شاء الله لا قوة الله بالله اللهم بارك
ترا اشوي واصلي ركعتين اي عشان لا تقولين صكتني عين
;r
وبعدين لا اتحاتين ترانا نفس الطبع بالتلبق
:)

تمسوا على خير
بروح اجابل اوبرا اشوي

;***

بنت الشاميه said...

حسافتج يا كويت :

افا انا ما اطيعك...!!!!ء
اللى ما يطيع يضيع

شوف خل ارتب الموضع عدل وبعدبن انزله بس عطنى وقت ولما يتعدل المزاج
وما لك الا طيبة الخاطر

بنت الشاميه said...

يا سْديرَه :

على قولت عيالى يمه رفعى الجامه وطالعي سيده......وانا اقول لج نفس الكلام
اللى الى الحين ما ادري شمعناته بالظبط
بس اعتقد يعنى صدى عن الغثا بالكويتي العتيج. اللى هو حجينا....هههههههههههه
كلنا محتاجين شد الرحال والترحال
الى اي بقعه بالبسيطه
وخصوصا بهالوقت...تعبنا صج تعبنا
بس نبى سفره جماعيه
جاااااااان زين تحصل
حياج الله

Mamloo7a Q8ia said...

والله كبتكم كشخه له راس
وما ادري له كرياس ولا لأ؟
ههههههههههه
ههههههههههه

لا تلوميني من اللي فيني
مت من التفاؤل ومات قلبي

عسى الله يعقلهم هالنواب
ويطقهم ربي بعصاة الهدايه
حق مصلحة هالديره
ولا بخلي يا سديره تلبلبهم
بعجرتها واحنا معاها

حسبي الله عليهم
مو مخلينا نرتاح
كله قلوبنا بولوال

charisma said...

محد بيقول تشاؤم المساكل باينه وواضحه وضوح الشمس حتى الى ما يفهم قام يفهم
:P

بردى قلبج ما وراهم الا التعب
:**

enter-q8 said...

بالعكس انا متفائل اللحين

خصوصا اذا عادوا تشكيل الحكومة

لن الخطه يجب ان تقدم من الحكومة
و هالمره بيطيح عذروب المجلس

خلنا نشوف
اذا الحكومة قدمت خطط تنمية علشان المجلس بيكون موقفها و الا قص و لزق كالعاده
و ها ضيعنا كانت خطتنا على سعر البرميل

يـا سْـديـرَه said...

ويه ياوخيتي !!استغفر الله اشوه اني ما عزمت على بومبي
:(

ياني مسج طير بوهتي
الساعة 8 الصبح
والا تفجيرات في بومبي
ووييييييييين
في فندق الهلتون اول
سممممممممممممممام
ربعنا وحبايبنا قاعدين هناك
اللي موجود للحين 8 منهم
ووحده مع ريلها اقدروا يطلعون

والحين آخر الأخبار اللي ياتني تقول انه خلوهم كلهم بغرفه وحده لأن في احتجاز للرهائن

عسى الله يستر عليهم ويعقلهم علينا سالمين آمييين ياربي ولا تروعنا عليهم

دعواتج يالغاليه

Anonymous said...

نزل فالج جيكي علية في مدونتي

بنت الشاميه said...

تبين ادزلج كبت مثله
لووووووووووووول
كبتنا له راس والبوست كرياسه
اعرف المعنى العام للمثل بس كلمة كرياس بالضبط....ما اعرفها
فلو سمحتى ابي معناة كرياس دوريه بقاموسج اللغوي
واما نوابج فما لهم الا الدعااااء
بصلاح حالهم وفكرهم وحبهم للكويت

بنت الشاميه said...

charisma :

اياي اعظم واعظم
الله يحفظنا من شرهم وأذااااااهم

هذاك الوقت يبرد قلبي
وان شاء الله مو بعيد

بنت الشاميه said...

Enter-Q8 :

قلبك ابيض
هذا سيفوه وهذى خلاقينه

واتمنى ان اكون غلطااااانه
و تتغير الاحوااال
كل شيئ جايز

بنت الشاميه said...

يا سْديرَه :

شفتي هالقدره....ان شاء الله ما عليهم الا العافيه.....ويردونا لنا بالسلامه
وتقر عيونا فيهم ويبرد قلوب اهاليهم
اللهم امين
حسبي الله عليهم مخرعينا بكل مكاااان
الى الحين ما صحينا من حرب القرصنه
والحين هذول.......الله يكافينا الشر
لاحول ولا قوة الا بالله العلي العظيم

بنت الشاميه said...

حسافتج يا كويت :

ماااا يحتاج ....ادري وماااا ايي منك الا كل الخير و كل الزين
بعد اكو احسن من ابو اصيل
مشكوووووووور