Saturday, November 22, 2008

صرنااااا للعالم طماااااشه







بأسهل وأرخص الطرق تدمر الكويت
بأسهل وارخص الطرق تدمر ديمقراطيتنا
بأسهل وارخص الطرق تشيع الفتن فيها
وتكون سلتك متروووووسه بالطرق والأساليب
التى تدفع وتبرر لوووووجود حكم فردي قااااااادم
الذى ينشده اعداء الديمقراطيه من داخلها
ومن خااااااارج الحدود
و بأاااااارخص الأثمااااااااان

صرناااااااا للعالم طمااااشه
أو لو بعد ماااااا صرنا...؟؟؟؟؟؟؟

31 comments:

اجار الدين كشمش said...

ههههههههه

بنت الشاميه هذا في

نقعة الخرافي


انتي لحقتي عليهاااااا

انا مااالحقت

فمالله

bo bader said...

ليت هالنفط الغزيــر
ينقلب مــايٍ غديـــر

ما نبي النفط ومعاشه
صرنا للعـالم طمـاشه
اهلها ماتوا عطاشــه
ضاع بالطوشه الفقيـر

من الفجر شايل قْرَبّـه
بس يبـي لو درب يصبه
نفطــها غرّق أوروبـه
والظما بْـها يستديـر

جابوا كنديسه جديـده
قالوا بالعالم وحيده
قلت خير الله يزيـــده
وازرعوا حنطة وشعيـر

لا زرعنا ولا شربنـــا
كل قيظة نصيح ربنــا
من عجمنـا ومن عربنا
كل من أصبــح خطيــر

عرباين ما تبيعــــك
والمـهارا ما تطيعـك
من عوينـك من فزيعـك
نشتكي عند الأميــــر

ما نلومج يا بلــدنا
والسبب كثـرة عددنــا
شف بلادك يا ولدنـــا
ما بها مفــرش حصيــر

ليت هالنفط الغزيــر
ينقلب مــايٍ غديــــر

Eng_Q8 said...

الي خارجها اهم الطماشه

عادي اتصير بأحسن الدول خل يستريحون زين ومالهم شغل فينا احنا وديرتنا ننياااز

حسافتج يا كويت said...

بنت الشامية


مشكلتج نفسج طويت ولج مقاقه والله

إذا تبين تعرفين انا شسويت حياج مدونتي

بنت الشامية said...

اجار الدين كشمش :

اجااااار......مو بسك تبحث...؟؟؟؟

اول شمعناة نقعه....؟؟؟؟؟
لوووووول

بنت الشامية said...

bo bader :

مشكووووور...سبقتن لها....كنت ناويه اكتبها.....مااا قصرت

لان اللى قايلها فهد بورسلي بسكت وما راح اتكلم...واقول ما نبى النفط بصير عااااااد ماي غزير.....نروح فيها
شلون نربي عيالنا بعدين
مااااا فينا شده نزرع
لوووول

حياك لله

بنت الشامية said...

Eng_Q8 :

اللى بره يصدونا عنا مده و بعدين يردون يتذكرونا وبعدها يصدون
كله خايفين على عمرهم
اكيد مالهم شغل ينا
هذى ديرتنا مو ديرتهم

بنت الشامية said...

حسافتج يا كويت :

شنسوي ...ترا الحريم كله نفسهم طويل
وولهم مقااااااقه بكل شيئ

حسافتج يا كويت said...

بنت الشامية

بس؟؟
بس الحريم نفسهم طويل
وويك كيدهن؟؟

لقد وصفكم الله عز وجل بصفاتة وهي العظمة!!

إن كيدكن عظيـــــــم


ومع ذلك محروم ويائس من لم تكن بحياتة إمرأه


فأنتم ملح هذة الدنيا
وأنتم وقود الرجال

وأنتم من تشرق له الشمس
وتتفتح له الزهور

والا إحنا وين والزهور وين

bo bader said...

حسافتج يا كويت

أتفق معاك بكل كلمة قلتها عن النساء .

إحنا شنسوى من غير حريمنا الله يخليهم لنا ؟

بنت الشامية said...

حسافتج يا كويت :

ارفع لك القبعه يا ولد اخوي
ماااا قصرت يانصير المراة
بس يقولون هذا الزمن زمن كيد الرجال
وليس كيد النساء....كيدنا انتهى
وصار كيد الرجل واخوفنا من كيده اقسى وادهي
من كيد نون النسوه

بنت الشامية said...

bo bader :

الله يكثر من امثالكم

يا سْديرَه said...

يالغالية

اسهل وارخص بالنسبة لمن هان عليه وارتضى ان يدمر ما بُنـي بسواعد الرجال وشقاهم ودمائهم

لكنه صعب علينا بالحيييييييل صعب وغالي

وعندما يوجد الحكم الفردي فبالتاكيد سيوجد معه كل ابجديات الإنحطاط والفساد


وصرنا للعالم
طماشه

وتمسي على خير

حسافتج يا كويت said...

إحنا لو عندنا كيد جان صار هذا حالنا بالبلد



أنا اقول ديروها أنتوا جود ترقى بكيدكم

nanonano said...

ما أدري منو أشره عليه
على هالمستوى الهابط

للأسف صرنا طماشه..بس أنا عندي يقين أن كل اللي قاعدين يتطمشون علينا الحين و يضحكون راح يتحسفون لما يشوفون الكويتي الحقيقي شنو ممكن يسوي لي حجّت حجايجها

بنت الشامية said...

يا سْديرَه :

الله يحفظ الكويت على كل من جااار عليها
وهااااانت عليه
والفساد موجود فى كل مكان وزمان
بس في ذاك الوقت بنلبس كلنا نظاااارات سود علشان ما نشوف
وبنحط كمامات على خشومنا وحلوجنا عشان ما نشم ولا نتكلم
بس همن بعيش فيها ولا احنا هادينها
حياج الله يالغاليه

بنت الشامية said...

حسافتج يا كويت :

شوف بكتب بوست عن كيد الرجل
واشرح لك شلون....بس ختخلص هالغمة

حسافتج يا كويت said...

بنت الشامية

عيل منتي كاتبته

غسلي إيدج إتخلص


هههههههههههههه

Fahad Al Askr said...

أنا أعترض

إحنا لين الحين ما ركسنا بالطين

بنت الشامية said...

nanonano :

ان شاء الله نجتاز الازمه على خير
وتعدي......وهذا يحصل فى معظم برلمانات العالم.....بس هذول من حرقة قلوبهم
يتشمتون علينا.....لو فيهم خير
خل يسون مثلنا

بنت الشامية said...

حسافتج يا كويت :

ولد اخوي...ما وراك دوام
روح ناااام
هههههههههههههههه

وان شاءالله بكتب ....ما بقي شيئ الثلاثاء جريب

بنت الشامية said...

Fahad Al Askr :

اعتراضك مرفوض
ما يحتاج يركس
هم يركسونه

esTeKaNa said...

عورني قليبي على الكويت
عزيت علي صرنا طماشة
:(

بنت الشامية said...

esTeKaNa :

ان شاء الله الكويت ....مناره
مو ..... طماشه
الله يحفظ الكويت من عيونهم

charisma said...

صبحج الله بالخير يالغاليه
:**

بس بنت الشاميه لا تحرقين عمرج
الله يستر علينا
الديره ماشيه على البركه
الله يحفظنا

بنت الشاميه said...

charisma :

هلا ببنت الناس الطيبين

ان شاء الله اني احاول.....بس تهقين اقدر..؟؟؟؟ وغيري يقدر...؟؟؟؟
الديره مالها الا الدعاااااء منا
بان الله يحفظها ويصونها من يد كل عابث فيها ..... واللى و مو فيها

DiLLi O MiLLi said...

ههههههه
أولا : أشقصة هاللنج اللايث ؟؟
عسى أصحابه موو مسوينه دوانية عائمه ؟؟
أو مطعم عائم ؟؟
:)

ثانيا : علامكم في بداية التعليقات شطيتوا عن الموضوع وصار موضوعج عن المرأه ومكانتها بحياة الرجل !!؟؟
هههههههه
:)

بوستج صار
2 in 1
حشى شامبو
ههههههه
:)

ياااا حلاااات بوستاتج والله خفيفة طينه
وتسرسح على الجبد مثل الماي البارد
:)
لاااااحووو !! جني أنا ألحين اللي شطيت عن الموضوع
لووووول

خل أعداء الديمقراطية اللي خارج حدودنا ياكلون هوا !! هذيل اللي شعوبهم ماراح يشوفون الديمقراطية ألا بدربيل مقلوب
بمعــــــنى
بعيييييييده عليهم


وأأأأي نعم صرنا مسرحية هزلية للعالم
لأن المسرح المتوفر ألحين مسرح تجاري والممثلين الموجودين فيه ممثلين كوميديا

بس أحنا بمساعدة اهل الكويت الغيورين على ديرتهم راح نبني مسرح وطني وراح أنطلع ممثلين جادين ونخرج ذيج المسرحية الوطنية اللي ما صارت .. وراح نسمع تصفيق الجماهير من داخل المسرح ومن خارجه



وراااااح أنشربك أناااا وياااااج
قولي أأأأأأمييييين يا بنت ديرتي


:)

بنت الشامية said...

DiLLi O MiLLi :

اقولج قصة هاللنج الايث
طبوا اهلها منه مع الروسيات اللى ياين الكويت بفيزا سياحيه وخلوه لايث
لان بعض الناس بيسون عليهم كبسه
وخااااافوا
هههههههههههههههههههههه

وبعدين تدرين فينى انا نصيرة المراة بكل زمان ومكاااان
وحسافتج.. مو مصدق ان هالزمن زمن كيد الرجال مو كيد النساء
حلوه ا&2
خوش شامبو
ومشكوره والله حتى انت ما عليج زود
مدونتج تشرح الصدر....وهذا من لطفج....ومن عيونج الحلوه

اصلا اذا ما شفت تعليقج عندى اقول اكيد البوست فيه شيئ
لا تحرمينا من طلتج علي ومن تعليقاتج القيمه
انت المشكوره

وان شاء الله نسوي هذيك المسرحيه اللى ندور فيها العالم و ندرسهم تجربتنا الديموقرطيه ونعلمهم شلون يطبقونها....بجهود اهلها الطيبين المحبين الغيورين على الكويت
ان شاء الله ....امين
والله يحفظ الكويت من عبث العابثين فيها من داخلها وخارجها

بو صالح said...

الصورة من وين .. عجبتني

عاجــل said...

البركة بالحكومة الاصلاحية

Blue BlooD said...

مساكم خير
عدد ما غرد الطير

بنت الشاميه الذربه وكاريزما الشيخه

ممكن تقولين لي الهيلق اللي دشوا الديره سنة الجوع وين راحوا؟
طلعوا من الكويت والا لا؟

خلونا ساكتين والله يعز الكويت