Wednesday, November 12, 2008

حب...... يعور القلب



هل اختبرت يوما صدق حبك لأحبائك و المقربين
منك ..... وهم أكيد كثيرون
أكيد الكل مر بهالإختبار الصعب ولمرات عديده
يمكن ما نعرف مقدار حبنا لهم
الإ بعد الفراااااق...أو الإختلاف معاهم
أو لمرض...أو..... لسفر طويل طويل لا عوده فيه
حبهم إحساس قوي يعصر الروح قبل القلب والعقل

من شفت هاليوتوب وقلبي منفطر ودموعي
مااااااااااااا نشفت
تصرف عفوي و بسيط جدا من إخت لإخوها
ترجمة حبها له إلى واقع يعيشون فيه
فيه أسمى معاني الحب والعطاء والوفاء
أغلي شيئ حب الإخوان والخوات
فلنترجم هذا الحب إلى وقع و نعيش كلنا فيه سعداء
الله لايحرمنا منهم ولا من حبهم
ماااااا أقول الإ الله لا يورينا غلاااااااهم
فهل هذه العاطفه عائق فى حياتنا..؟؟؟؟

25 comments:

Mok said...

هيء هيء هيء

nanonano said...

أنا وحده ما أقدر أعيش من غير خواتي

أموووووت عليهم..يمكن لأني أكبرهم سنا

و هم بنات خالتي وايد مهمين عندي

طبعا غير أهمية صديقاتي و أصدقائي..و الصج هذي العاطفه الشي الوحيد اللي يخليني أقاوم أي فكره للهجره

أنا وحده أعترف ما أقدر أعيش من غير أهلي و صديقاتي..كافي بالنسبه لي الابتسامه اللي أشوفها بعيونهم لما أشوفهم

Anonymous said...

مو أقص شعري بس

عيوني فدوه لكل اللي احبهم

شفايده العين دامها بتشوف اللي احبهم حزينين

ZooZ "3grbgr" said...

اي والله يعور القلب

عسى ما نشوف احد نحبه حزين

:'(

THE BOSS said...

تصدقين صح انت تدري انك تحبه بشكل مو طبيعي بس لما تفقده يتحول هذا الحب الى امواج هائله من الحب لا يكاد يقارن بها مقدار ما كنت تعتقد انك تحبه
هذا صار ليبعد وفاة الوالد الله يرحمه
صار له اكثر من سنة وانا بعض الاحيان ادش الديوانية بسلم عليه
انسى او يمكن اتناسى

وعطني ولعه

enter-q8 said...

فهل هذه العاطفه عائق فى حياتنا..؟؟؟؟

نعم ترى بالاخير الشعوب الشرق اوسطية بالذات
تغلبها العاطفة قبل العقل

الزين said...

انا عشت التجربه

عشتها مثل ما شفتيها

تدرين لما شفت المقطع ما بجيت عليه

بجيت عليها

ليت الشعر اللي راح يردها

الله لا يحرمكم من حبايبكم يارب

بنت الشاميه said...

Mok :

):

بنت الشاميه said...

nanonano :
انا مثلج خواتى واخواني اولا
اصعب تجربه مريت فيها....سنة الغزو
واااااااي الله لايب هذيك الايام
كل واحد فينا كان بصوب
ماااا صدقنا يوم تجمعنا مره ثانيه
الله يديم محبتهم وغلاتهم فى قلوبناااااا
احساس جميل

بنت الشاميه said...

حسافتج يا كويت :

اكيد يستاهلون كل الحبايب

هذا اقل شيئ نقدمه لهم
الله لايبين غلاهم ومحبتهم

بنت الشاميه said...

ZooZ "3grbgr :

اللهم امين
محبة الاخوان والخوات لاتعوض

بنت الشاميه said...

THE BOSS :

اكيد يزيد حبهم اكثر واكثر بعد فقدانهم
بس ماااا عليك ادخل الديوانيه وسلم عليه وقول له كل اللى تبيه وتشتكي منه......لا تفقد هالشعور
انا امر سااااعات بحاله شبيهك لك
بس اجابل صورته وقول له كل اللى ابي اقوله له.....وخصوصا اني فااااااقدته
بحياااااتى ومحد يسد مكانه
حبهم مغروس بالقلب...محد يسد محل احد
وهالمره ميخالف ولعه
لووووول

بنت الشاميه said...

Enter-Q8:

هذى اللى مربطتنا ومكبل ايدناااا
انا لو علي جااان هالايام مااقعد ولا دقيقه بالكويت
صج محتااااجه ان اصد عن كل شيئ
وفى كل شيئ

بنت الشاميه said...

الزين :

اكيد هذى ارادة الله سبحانه وتعالي
ونرضى بالمكتوب
بس بحيااااتهم نقدم لهم حبنا وعطاءنا
والله ارحم بعباده
قلبي عندج...احساس قوي وقاسي
ادري ....بس الله مع الصابرين
ونعمه بالله
اسفه انى اثرت مشاعرج

بنت الشاميه said...

AK-47 :

شكرا

Alia said...

I'm speechless :(

لما أشوف شلون بعض الاخوان والخوات،وعلاقاتهم الغير متينة واللي يشوفون بعض من عيد لي عيد وطبعا لان مشاغل الدنيا وايد
أقعد أفكر وأحاتي لا ييي هاليوم
ان شاء الله نظل متواصلين وعلى قلب واحد فور إيفر

يـا سْـديـرَه said...

اسمحيلي يالغالية

ما شفته ولا اقدر لأني
جربت الفقد واااايد وبعنف :( واللي لا اااارجعة فيه ولكن مالي الا اقول انا لله وانا اليه راجعون والحمدلله على عطاياه

اما عن اهلي كل اللي اقدر اقوله ان لله الحمد تنطبق علينا اغنية محمد عبده
اختلفنا مين يحب الثاني اكثر
وعشان جذيه مايلزمنا اختبار حتى انعرف غلانا اشكثر

والله لا يروعنا على بعض ولا يروعكم على غاليكم

وسؤالج جدا على الوتر

يقولون الدنيا ماشية فينا وبليانا وما توقف عند فقد احد
ومتى ما كان الشي باتزان وعقل ايا كان سواء عاطفة والا غيرها اكيد ماراح يكون عائق بالعكس اشوفه دافع ودافع قوي .. مثل ماهو حاصل مع اخيتج
:)

واشوي اشوي يالغالية على قلوب القوارير ترا بناتنا كلش ما يتحملون

بنت الشاميه said...

Alia :

حب الاخوان والخوات نعمه من رب العالمين
اكو ناس منحرمين منها ولا يتمتعون فيها
انا اعتبرهم تعساء....محرومين من السعاده
اللهم ألف بين قلوب الاخوة والخوات وزدهم حبا وموده ورحمه
اللهم امين

بنت الشاميه said...

يا سْديرَه :

والله ياسديره حسيت فيج وتألمت لالمج
ما باليد حيله ...هذى مقادير رب العباد وتدبيره...مالنا الا الصبر ليكتمل الاجر ان شاء الله
والله يزيد المحبه والوصل بينكم اكثر واكثر....والله لايحرمناااااااا جميعا

طبعا الاعتدال بكل شيئ هو المطلب
لكى نستطيع العيش بسعاده وهناء
يكفى ابتعاد الجعده عنى
ولكنى تحملت الم الفراق لمصلحته وحياته
ودعائي الاخر الله لايفرق الاحبه
ويزيدهم حب وعطاااااء
اما قواريرنااااا الله يحفطهم بحفظه
والله قلبى عليهم على اللى قاعد يصير فيناااااا....بيتحملونه...!!!!ء
الله ابصر بعباده

White Wings said...

مو راضي يشتغل الفيديو
والله يخليك أحبابك ويديم المودة دوم

بنت الشاميه said...

white wings
اذا صدق اللي سألته في التجمع وقال لي ..هذه فلانه
في الحقيقه اعجبني نشاطك

الفيديو عباره عن طفله في
الثامنه من العمر تنظر من شباك غرفتها الي خارج بيتهم
وعندما شافت سيارة العائله وصلت ..راحت تركض واخذت المقص ..وقصت من شعرها كميه كثيره وركضت فتحت الباب وكانا الوالدين يصحبون اخوها 10سنين من المستشفى اصلع من تأثير الكيماوي حيث اصيب بالسرطان وقدمت شعرها له
وكان منظر لا اعرف ان اصفه لك
حياج الله

ولد الديرة said...

كتبت اربع مرات و مسحت اللي كتبته

تشوش عقلي من الفكرة

يـا سْـديـرَه said...

حبيبة قلبي عسى الله يخليلج الجعده واخوان الجعده :) ووهدانج ابو الجعده واخوانه :) لا يدري عن
hal nickname
لا يشوحني بره المدونة
:)
am kidding with u yalghalyah:)
اي نسيت اقولج ترا بعد اذنج
اخذت هالمسمى( وهدان )واصبح المسمى الرسمي للرجل الكويتي وبلا فخر
:)
يصير والا الماركة مسجلة باسم المدونة ؟؟
:)
_______________

الله يصبرج على غياب الغالي(الجعده) من شر عليه والحمدلله الحين مو مثل اول تقدرين اتواصلين معاه بسهاله والله يعافي
skybe w`rab3ah :)
اهم شي انح تحسين انه يمج وحواليج وانه بخير

الله يحفظه وياقاه من كل شر وبإذن اللي ما تنام عينه ان شاء الله تفرحون فيه وتشوفونه بكل فخر متخرج من الجامعة
وعساج تزفينه معرس آمين وعساج تذوقين بره هو واخوانه فيج وفي ابيّهم
آمييييييييييييييييييييين

وعسانا ما نذوق حر فقد من يعز علينا
آميييييين

اقول خل اروح لا ادنها بجوه الحين وتصير ريغه عند باب المدونة من ادميعاتي عاد انا مسرع ما تهطل هالدميعات القلب رجييييييييج
اعنبو دار هالعيون حتى راعي البرد من اشوفه اصيح على حاله

بنت الشاميه said...

ولد الديرة :

الفكره واضحه....شفيك تشربكت فيها
حاول الاتصال بصيق
بس انتظر الفكره....اكيد فيها عره
لوووول

بنت الشاميه said...

يا سْديرَه :

والله ان حجيج يرد اقصى ما فى الروح
اما وهداني عجييييييييييييبه
غشيت من الضحك
ايو الله غير مسمى الرجل الكويتي ونطوره الى وهدااااان...وبراءة الاكتشاف لى والنشر لج....لوووووول
مشكوره وما قصرتى انا اللى ببجي
الحين.....بس اشوه قربت ببته
الله يحفظه ويحفظج ويحفظ عيالج واهلج