اللى يحز بالنفس ويضيق الخلق لما تتناقش
مع الشابات و الشباب عن الانتخابات وتسألهم
منهو الأصلح لإن يكون نائبك....؟؟؟؟؟
الجواب طبعا
ما أدري ....إلى الحين ما إتخذت قرار
لما أسمعهم كلهم ......الخ الخ
ولما تسألهم عن صفات النائب الأصلح للكويت
وهل هناك من ينطبق عليه هالكلام
الجواب دائما زاهب
لما أسمعهم كلهم ......الخ الخ
ولما تسألهم عن صفات النائب الأصلح للكويت
وهل هناك من ينطبق عليه هالكلام
الجواب دائما زاهب
ولاواحد من المجلس السابق....هم شسووا لنا...؟؟؟؟؟
خو مايصير كلهم ما سسووا شيئ؟؟؟؟
ناس اشتغلوا لمصلحة الكويت
وناس اشتغلوا لمصالحهم الشخصيه والإنتخابيه
وناس صج ما سووا أبد شيئ.....!!!!!!ء
هل لديكم أسماء النواب اللى ينطبق عليهم هالكلام
طبعا ما يعرفون يردون وإذا ردوا ردوا عموميات
من الكلام اللى يسمعونه فقط من الأخرين.....محد فيهم
متعب نفسه بالبحث عن الحقيقه.....والحكم على
المرشحين بالسماع فقط
النائب مو ملزوم يدور ويقول شسوى بالمجلس
عمل النائب الحقيقى داخل لجان المجلس مو فى
جلسات المجلس نفسه....جدام الكاميرات
اللى يهمه الأمر يتابع نوابه من خلال
عملهم باللجان الداخليه ومدى إنتاجيتهم
فى هذه اللجان.... خاصة اللجنه التشريعيه
والماليه والخارجيه
والإ على الأقل يقرأ بالجرايد محاضر اللجان
طبعا اللى يتابعون هالامور فئه قليله جدا من الشباب
والبجي ما يتابعون الأمر الإ إذا كانت هناك
صيحه مستجله و جبيره
مثل إسقاط القروض أو إستجواب وزير
وهم يحكمون على الحدث سماعى
أغلبهم حتى الجرايد يتصفحونها لدقائق معدوده
قرأة صفحات الحوادث أهم من أخبار المجلس
وأصلا أخبار المجلس اخر اهتماماتهم
وإذا صارت الإنتخابات.....صرخوا... هذا شسوى
وهذا ما سمعنا حسه.....هذا بس يصارخ ويتخانق
الجانب الإيجابي من النائب ما يعرفونه
أما الجانب السلبي كله يعرفونه
وايضا سماعى منقول عن الأخرين
على من يقع الخطا هنا
على الناخب أو النائب
نصيحتى لكم قبل مااااا تحكمون على المرشحيين
إبحثوا عن إنتاجيتهم باللجان وليس
فقط حضوره باللجان من اجل التكسب الاعلامي
معلومه صغيره ترا اللى ينتجون من خلال
هذه اللجان قله قليله وينعدون على الأصابع
حرام الحكم على النواب سمااااااااااعي
واعتمادكم على اذاعة يقولوووووووون
ولا يقتصر تعبكم على سماعكم فقط للمحطات
الفضائيه حيث ان كل فضائيه لها اجندتها السياسيه
الخاصه بها وتريد ترويجها للمشاهدين
يجب ان نكوووون منتبهين
هناك من يخلط الماء بالحليب
وهناك من يصب الزيت على النار
فحــــــــــــــــــذروهـــــــــــــــــــم
الكويت تستاهل منا شوية جهد وتعب
لكى نصل إلى المرشح الأصلح
ولاتقولون هذا شسوى لنا !!!! هذا ما سمعنا حسه
وكلمه أخيره لإخواني
البعض من الرجال والشباب
حرام نظرتكم الدونيه للمراة
هى ما تستاهل منكم هالنظره
الدين ساوى بينكم وبينها فى الحقوق والواجبات
فلتكن ندا لك ............. وليس دونك
25 comments:
مو كل الناس ملمين بالسياسة
والعيب يكمن بالوعي السياسي للناس
اعتقد لو عندنا نظام قوائم او احزاب جان كلمن اجندتو واضحه ومعروفة وبالتالي يسهل الواحد انة يعرف يصوت حق منو
وانا كلامي هذا مو معناته اني مع الاحزاب الكويت تبي تحط احزاب يعني لازم رئيس وزراء ايي منتخب من رحم الحزم حتى يكون هناك تجانس
ولكن بعتقادي يبيلنا بالكويت سنييين وايدة عشان يكون وعي
اما عن النظرة الدونية للمراة فاعتقد ان اول شيء يلمسة الرجل في حياتة هو المراة واول شيء يدخل في فمة هو حليب المراة واول شيئ ينظر إلية هو المراة واول كلمة تعلمها هي ماما
واول من وكل الياهل هو المراة و اول من سهر علية هو المراة واول احتماء له من اي خطر كان وراء ظهر امة
واول من يبكي علية إذا مرض ويبكي إذا شافة معرس وريال هو المراة
واول ما يحاسب علية الرجل بعد الامور الدينية يوم القيامة هو امة وزوجتة وبناتة
واول واول واول أخ.... فكيف تكون بعد ذلك النظرة دونية للمراة
كلامج صح وايد ناس أعرفهم جذي لأنهم محبطين من الأوضاع !
وأنا دائماً أقولهم انتخبوا أفضل السيئين ! لأن ما في أحد كامل 100%
وأيضاً هذا لا يعني أن ألغي دوري ولا أساهم وأشارك بالإنتخابات لأن بجذي راح غيري يتحكم فيني بأن ممكن يوصل ناس سئيين للمجلس!
شرايج وحده من زميلاتي بالدوام قلت لها انتي اي دائرة قالت لي واللي ما يدري !!
قلت لها انتي اي منطقه ؟ قالت لي الجابرية .. زين قلت لها اي هاذي الدائرة الثالثة :)
تدرين هذا شيدل عليه ؟ يدل أن في وايد ناس خاصه النساء لا يهتمون بالأمور السياسيه طبعا مو الكل بس عدد لا يستهان فيه وأمس ذكرت خولة العتيقي في ندوة طلال الغانم أن النساء اللي صوتوا في الإنتخابات الماضيه تقريباً 35 % يعني وايد نساء ما شاركوا باللإنتخابات !! .. ولا حتى لديهم وعي سياسي ولا عندهم اي اطلاع .. حتى جرايد ما يقرون ولا يروحون ندوات وفي ناس تابعين وليس لديهم رأي مستقل يعني تشوف الأب ولا الأخ ولا الزوج شنو يشور عليها وتروح تنتخب !! .. وطبعاً أنا ما أحط اللوم كله على الناخبين لأن المفروض المرشحين ووسائل الإعلام تحاول توعي الناس .
كلامك صحيح ونصيحتك بمكانها
الكلام بهدف الكلام مشكلة هذه الايام
وعدم المبالاه مشكله ثانيه
المرأة وعقدة النقص
إلى الأبد
احسنت
اختي بنت الشامية
المجلس الماضي فقط كانوا 7 اعضاء جيدين
واتمنى هالمجلس 26 على الاقل
وعلى الناخب
ان يختار الافضل ثم افضل ثم افضل السيئين في حال عدم وجود الافضل وافضل
شكرا على هالبوست
كثري منها
:)
السلام عليكم
هذي اول مشاركه ..
العنوان لخص الموضوع كله أتمنى من الناخبين اختيار مرشحين كفء للكويت واعتقد بعد الحل هذا ان القاعدة الشبابيه كثرت من حيث الناخبين بس يبيلهم وعي حقيقي للسياسه العامه في الكويت ..
بالنسبه للمرأه الدين ساواها مع الرجل وكذلك الدستور انصفها اتمنى يكون الاختيار للكويت وليس لمصلحه عليها..
كنت حاضره ندوة انتخابيه في الدائره الثالثه وبعد ما خلص المرشح من كلمته خذت وحده المايك وتكلمت عن المرشح وبعد ما خلصت يببت بس للمعلوميه .. فكرت انها في عرس
اللجان اهم شي في المجلس في بعض النواب ما يحضرون اللجان من أجل المصالح
صعب وايد
طلباتك وايد
عندي فكرة عن 3 من المرشحين اللي أبيهم بس متردد بالرابع .. وأبي أسمع و أكوّن قناعه خاصة بأنه يستاهل صوتي و الحين التردد بين مرشحه و أثنين آخرين .. الله يسهل
صح لسانك
!!
يعطيك العافيه صديقتي بنت الشامية
اشاركك الراي بسطحية نطرة البعض
وترديدهم لاحادايث جوفاء من وكاله :
يقولون فلان الفلاني قبلي
يقولون فلان الفلاني بايق سبع ملاين
يقولون فلان عليه شبهات ماليه
!!
بغض النظر عن اي تهمة
عن اي راي في مرشح
هل انتي اكيده من هذا الكلام؟
تجاوبك بكل سطحية:
اي الكل يقول
!!
تنتهين من هذا الموضوع لتسئلي عامله في احد اللجان الانتخابيه،فلان مرشحك الذي تعملين من احله ومعه ماهي انجازته وعمله:
تقول:
مادري بس يصير لنا
يصير حق امي
خوش ريال
!!
وأخرى تسئلينها عن رايها
عن صوتها لمن:
تقولج:
والله مادري كلهم مو زينين
ليش ؟
مادري شنو سوا لنا
:(
يؤلمني حال بعض الشباب
ويؤسفني السطحية التي يعيش عليها البعض
شكرا يا بنت الشاميه
:)
كم عدد النساء في الكونغرس الأمريكي؟
عدد النساء مجلس العموم؟
اي فكرة؟
يمكن المراة مشارك يديد بهالانتخابات
ولما نقول ما ندري او تو الناس بسبب
تصرفات هالمرشحين
لكن عيب ان ينظر لاي امراة بنظرة دونية فعلى الرغم من انها عنصر يديد في الانتخابات لكن وعيها فعلا جميل رحت لاكثر من مقرانتخابي وصدمت من الحضور النسائي ومن اسئلتهم للمرشحين بعد
احنا مو عنصر فكاهه وطنازة
لما تعنى اللي على الويل شير
ولما اتعنى الام واتخلي عيالها ساعة من
الزمن
ولما اتعنى الموظفة التعبانة وتضحي بقيلولتها
ولما اتعنى البنت الصغيرة وتطلع من جامعتها لي مقر التصويت
علشان تعطي صوتها معناته في مشاركة في وعي
ترى الكويتية طول عمرها ماكوله ومذمومة
ما اقدر اكمل انقهرت
هذي مشكلتنا الازليه مع بعض شبابنا
يحبون الشي الجاهز ما يحاولون يتعبون نفسهم شويه ويسمعون ويقرون
ويعرفون اللي حواليهم شنو قاعد يصير
حسافتج يا كويت :
الديمقراطيه منهج يجب ان نتعلمهه منذ الصغر.....ونطبقه فى كل امور حياتنا
مو شرط اصير سياسيه علشان اعرف الديمقرطيه....بس لازم اعرف حقوقى وواجباتى......والشرح يطول ويطول
بس مين يسمع ومين يفهم
والمراة شاؤا ام ابوا ...صارت واقع
بيرفضونها اليوم وباجر....بس احفادهم بيتعاونون معاه....المساله سالة وقت لاغير
Snow White :
المراة تحتاج الى وقت لتوعيتها بدورها الحقيقى بالمجتمع وانها تقدر تقلب النتيجه لصالحها....وهى الاقوى فى المجتمع
بس تبي وقت ومجهود....جبار منها ومن غيرها
بس هم ميخالف....بنصبر وبننطر الكويت تستاهل
كويــتي لايــعه كبــده :
الا بس تعلموا المعايات والنجره
وكل من سوى نفسه علامه....وانه الوحيد الفهم
نور الليل :
نحتاج وقت.
Mok :
الخير دائما بقبول
الكلام الصجى يعور والناس كله تبى الصده.....شفت عدد المعلقين
الناس ما تبى الصج
والله يوفقكم ويوفق كل مخلص باختياره الاصلح
njoood:
المساله كلها يبليها وقت ....وجهد وبحث عن الحقيقه وان شاء الله بامثالكم الكويت بتصير احسن واجمل....والله يكثر منكم ومن امثالكم
اسعدنى مرورك واتمنى تكرارها
عاجــل :
الكويت تستاهل
وماكو شيئ صعب ووايد عليها ولها
hamdool :
الله يعينك ويساعدك لانها مسؤليه
اختيار الاصلح مو سهل
esTeKaNa :
هلا بالشيخه والله صاجه دللى تقول هالايام استكانه صايره سياسيه
لووووووووووووول ...انا ما علي دللى هى اللى قالت
والله كلامج كله صح ...وانا مو قامت قلبي هالايام الا هالجان النسائيه
والله ما يدرون وين الله حاطهم
واللى فاقع مرارتى...اذا سالتج
احط صح يم اسمج....؟؟؟؟
الواحد شيرد عليهم....بالله هذى نوعيه تحطونها تدق على العالم
بس خلينى اسكت احسن لى ولج
عسى يخلص الايام القادمه على خير
كثرى من السياسيه هالايام
ما عليج من دللى...لووووووووول
ولد الديرة :
مو المهم الكم
المهم النوعيه
Nachla :
ما ضاع حق وراه مطالب
وصار عندنا الحق
بس مع الايام راح نقلب الحسبه
وبتشوفين المراة وين بتوصل بالمجلس
المراة الكويتيه ماتحتاج تقنع الاخرين في نفسها....لانها ثبته بالواقع
والاعمى هو اللى ما يشوفها...ويشوف دورها المؤثر بالمجتمع
وان شاء الله بيصير بالسياسه ....بس تبي وقت
Mamloo7a Q8ia :
ان شاء الله تتغير هالمعادله
ويتنبهون ان الكويت تستاهل منهم اكثر
اسعدنى تعليقج
السلام عليكم جميعا
المشكله الحين مو بالاختيار
المشكله بطريقة طرح البعض بالتهجم على رئيس مجلس الوزره والبعض على الاسره يعتبروها بطوله شيئ يضيق الخلق
المشكله الثانيه الكلام سهل والوعود اسهل بس من بنفذ وشلون اقدر احاسب الكذاب بعد فوزه بيقعد على قلبي كل فترة المجلس وانا بحسره وقهر
نبي ميثاق يمضيه للناخبين بمراحل التنفيذ ولا يتنازل عنه
نبي تكون الكويت فوق كل المصالح
المنطقه كلها تغلي دار مدارنا نبي نرص الصفوف نبي المحبه تعم على الجميع دون تفريق ونترك المهاترات
والخطابات ملييييييييييييييييييييينه نبي نبني نطور الكويت
ياحلو ايامنا كانت النفوس طاهره
كانت الحريات موجوده ولايوجد التعقيد الحالي الي خلانا نوصل للحظيظ مع كل الاسف منصجي مقهوره
Post a Comment