تونى راجعه من ندوة التحالف فى صليبيخات
التواجد الكبير للنساء وللرجال
هناك شيئ يثلج الصدر الاسرة بكاملها موجوده
صج يايين يسمعون ويستفيدون ....التعليم همهم الاكبر
عيونهم على عيالهم وعلى مستقبلهم
البساطه والعفويه فى الملبس والشكل العام
هى السمه العامه.....وقعدت اتفكر واقارن بينهم
وبين ناخباتنا فى مناطقنا
الكشخه الزايده من البعض
بملابسهن و بالكعوبه العاليه
والجناط اللى كبر المساند والمكياج الصارخ
شنو صاير...؟؟؟؟.وين رايحين...؟؟؟؟
عزيزتى المراة......تأكدى فى أى مكان تتواجدين
فيه فإنت تمثلين كل النساء.....فتركى
رسالة واضحه لعقل الرجل إنك تستحقين
حقوقك السياسيه وإنك كفء لها
ولكن .....ولكن
لتكون الرسالة مباشره و بسيطه واضحه وقويه
ببساطة مظهرك وإناقتك
فمظهرك الخارجى هو عنوان هذه الرساله
ليش الكل يلبسون أكشخ مافى الكبت
من ملابس وأحذيه وشنط....؟؟؟؟؟
من كل الماركات العالميه ....ندرى تملكونها
فهل المقر الإنتخابى حفل إستقبال تتبارين
فيه لإظهار مستواك الإجتماعي....؟؟؟؟؟
اللى أعرفه إن المقر الإنتخابي حفل إستقبال
لاظهار المستوي الفكرى والسياسي لك
وليس لعرض ما تملكين من ملابس واكسسري
البساطه مطلوبه مطلوبه مطلوبه
شوفى وزيرة الدفاع الأسبانيه شنو لابسه
وقارني نفسج فيها وفى ملابسها
وفى عقلها وفكرها السياسي......؟؟؟؟؟
ياحلو شابات نبيها خمس كانوا صورة مفرحه
لشابات المستقبل لبساطة ملبسهن....؟؟؟؟؟
خلوهم قدوه لكم ببساطة ملابسهن
كل اللى أطلبه البساطه البساطه
وعدم التبرج ....وإحترام عقول الأخرين
لنكووووووووووون قدوه للكل
وببساطه المظهر ندعم المرشحه المرأة
ترا جزء من هذه الرساله قادرة بالتاثيرعلى
عقل الرجل الباطن
فتتغير الصوره لديه وهو ما يدري
فلندعم المرشحه المرأة ببساطه مظهرنا أيضا
فهى محتاااااااااااااجه لدعمنا
صج الناخبه بصليبخات طافتنا ببساطتها
ووعيها السياسي
التواجد الكبير للنساء وللرجال
هناك شيئ يثلج الصدر الاسرة بكاملها موجوده
صج يايين يسمعون ويستفيدون ....التعليم همهم الاكبر
عيونهم على عيالهم وعلى مستقبلهم
البساطه والعفويه فى الملبس والشكل العام
هى السمه العامه.....وقعدت اتفكر واقارن بينهم
وبين ناخباتنا فى مناطقنا
الكشخه الزايده من البعض
بملابسهن و بالكعوبه العاليه
والجناط اللى كبر المساند والمكياج الصارخ
شنو صاير...؟؟؟؟.وين رايحين...؟؟؟؟
عزيزتى المراة......تأكدى فى أى مكان تتواجدين
فيه فإنت تمثلين كل النساء.....فتركى
رسالة واضحه لعقل الرجل إنك تستحقين
حقوقك السياسيه وإنك كفء لها
ولكن .....ولكن
لتكون الرسالة مباشره و بسيطه واضحه وقويه
ببساطة مظهرك وإناقتك
فمظهرك الخارجى هو عنوان هذه الرساله
ليش الكل يلبسون أكشخ مافى الكبت
من ملابس وأحذيه وشنط....؟؟؟؟؟
من كل الماركات العالميه ....ندرى تملكونها
فهل المقر الإنتخابى حفل إستقبال تتبارين
فيه لإظهار مستواك الإجتماعي....؟؟؟؟؟
اللى أعرفه إن المقر الإنتخابي حفل إستقبال
لاظهار المستوي الفكرى والسياسي لك
وليس لعرض ما تملكين من ملابس واكسسري
البساطه مطلوبه مطلوبه مطلوبه
شوفى وزيرة الدفاع الأسبانيه شنو لابسه
وقارني نفسج فيها وفى ملابسها
وفى عقلها وفكرها السياسي......؟؟؟؟؟
ياحلو شابات نبيها خمس كانوا صورة مفرحه
لشابات المستقبل لبساطة ملبسهن....؟؟؟؟؟
خلوهم قدوه لكم ببساطة ملابسهن
كل اللى أطلبه البساطه البساطه
وعدم التبرج ....وإحترام عقول الأخرين
لنكووووووووووون قدوه للكل
وببساطه المظهر ندعم المرشحه المرأة
ترا جزء من هذه الرساله قادرة بالتاثيرعلى
عقل الرجل الباطن
فتتغير الصوره لديه وهو ما يدري
فلندعم المرشحه المرأة ببساطه مظهرنا أيضا
فهى محتاااااااااااااجه لدعمنا
صج الناخبه بصليبخات طافتنا ببساطتها
ووعيها السياسي
استحوا والله عيب
70 comments:
صاجة صاجة بنت الشامية.. كثري من هالبوستات!!
وايد من بناتنا يشتغلون في سيرك يلبسون اللي ما يناسبهم واللي ما يناسب المكان بعد، كل وحدة فيهم عينها عين نفرتيتي وشعرها شعر الشحرورة والف خاتم وترجية جنها الملكة اليزابيث
ليش كل هالتبربس...؟
كل هذا يغطون على الجكر مثلا والا استقتال على اهداف "سياسية" بحتة؟
شنو ذنبنا نشوف مسلسلات فجر السعيد في المقرات؟
متى بيصيرون ناعمين نفس الاجانب؟ لازم كل شي لطخ؟
إي تسنّعي بس لا تضهولين..
وناس مالهم بالسياسة يفترون من مقر لى مقر لابسين الكبَت كله خصوصا الندوات المختلطةDesperate Housegirls!
اللي كانوا في نبيها خمسة كان هدفهم سياسية وطن بس هذول هدفهم سياسة ثانية.. سمحيلي مقارنتج غلط
اطالب بسحب الحقوق السياسية من المرأة، مو مصدقين :)
لحظة ما علقت على الجناط اللي كبر المساند جنها كونتينَرات مينا شويخ
تكفون اذا ما تقدرون تصطحبون مفتاح سيارتكم وموبايلكم بس.. شيلوا جناط صغيرة
...
نسامحهم هالمرة بس اذا ما تعدلوا مصيبة!!
الاكسسوارات اللي يلبسونها مو زينة على العمود الفقري تسوي ديسك!!
وترى حتى الهيلقيات دلوا طريج الماركات مو بالضرورة يعني
عمرهم ما راح يصيرون مثل وزيرة اسبانيا اذا ظلوا بهالفكر
وعذرا للمليون تعليق بس موضوعج مثير.. والله مثير
:p
اهما سمعوا ان عرس ديموقراطي
علبالهم صج عرس d-;
يبا يدورون رياييل..ومافيه احسن من هالامكنه...يصيدون فيها ازواج المستقبل
حركااات بعض البنات
هذول حريمنا
عادي عادي
وبعدين يقولون وين المعاش
ونبي اسقاط قروض !!
خل يكشخون مساكين
انا قاعد اشوف ان اغلبهم صغار فخل يستانسون بحياتهم ويشاركون مو مشكله هذا يلغي فكره ان المراه المشاركه بالسياسه تكون مسترجله
أنا رحت وشفت الوضع مخجل والله وجنة رايحة عرس
شدعوة البساطة حلوة بس شكلهم بعض البنات ماخذينها قز السالفة
يا بنت الشاميه المرشحين والمرشحات اكثرو!
و احنا مو قاعدين انطالع الا اللي انعرفهم و سامعين عنهم اما الجدد محد صوبهم
نحتاج االيه حتى نتعرف على كثر ما نقدر من مرشحين
صح السااااااااااااااااانج
اتفق معااج يا بنت الشاميه
بس ويييين الى يقنع وويين الى يفهم
:/
أنا ماني من جماعة اللي يحبون الكشخه الزايدة
أحب أطلع مرتبة ومعروفة في بساطتي في مظهري
ما كتبت هذي المقدمة عشان أمدح روحي لا سمح الله
بـــس حبيت أبين أني من ربع البساطه .. ويا عيني على البساطه
ههههههههه .. لاحوو لازم يسحبني الطرب
:)
قلت هالممقدمة عشان انا اخالفج الراي في هالبوست
الجماعه اللي تشوفينهم كاشخين هذول بعضهم تعودوا على أن كل طلعاتهم هذا مظهرهم .. الأنسان الجوهر موو المظهر
والناس اللي تشوف الآخر وتحكم علية لمظهرة بدون ما تعرف عقليتة الصراحه ما عندهم سالفة
وانا يا حبيبتي يا بنت الشامية ترى ماااااااااا أتكلم عنج أبدااااا
انا اعرف يااامااا ناس كشختهم الله وأكبر حتى بالجمعية بس مااا شاء الله عقلية وتفكير تووزن بلد
بس أهي تعودت ما تطلع ألا وهي كاشخه لووو ويين ما أشوفها
صحيح في بعضهم بينهم مسايق .. هذيل ينعرفون وتبين تفاهتهم من أول جم كلمة يقولونها
موو شرط ألبس بسيط (مثلي :) ) عشان أعجب الناس ببساطتي
وعيب على الريال اللي يحكم على المرأه من كشختها او كبر جنطتها او كعبها العالي .. بدون ما يعرف اللي داخل عقلها
جيلي يا اختي يا بنت الشامية .. ايام ما كنا في الجامعه كنا في قمة البساطه .. ولاااا كنا نعرف الماركات .. وجنطة شانيل كانوا اللي شيلونها بس أمهاتنا من كثر ما كانت غالية وأحنا كنا صغار أن نشيل جنطه غالية مثل شانيل
أما ألحين الجيل اليديد غير .. الله يساعدهم .. الكشخه والجناط والسيارات الفخمة
والله أن اهم اللي تعبانيين
اللي بس بوصلة أن في ناس ما يطلعون من البيت ألا وهم زقطه بنقطه لوو ويين ما كانوا متجهين
وحقوقي السياسية كان حق مهضوم وأسترجعناه
ما احتاج اغير في شكلي عشان الرجل يقول لي أنا أستحق حقوقي السياسية ولا لآ
الرجل لازم يسمع اللي أقوله سواء كاشخه او مو كاشخه وعقب يحكم علي
وجماعة نبيهااااا خمسة على العييين والراس ياااا حبـــي لهــم .. بعضهم صديقاتي وأخوي واحد فيهم
بس هذيل نزلوا بالشارع بالحر عشان جذي كانوا لابسين جينزات وتي شيرتات يالله يتبردون
أنا كنت أساندهم وأنا متبردة بالبيت عبر النت
خبرج أحنا العيايز ما نعبر على الحر
:)
تعالي شوفي "البعض" منهم ألحين في الندوات الأنتخابية في قمة الكشخه .. هذا ماااااا يعيبهم
وأختلاف الرأي لا يفسد للود قضية
:)
صدقتي والله
واحد من الشباب قال كلمه لما الحين بالبال
simple حلاته البنت
بس اللي قاعد انشوووقه غير
اذبحتنا هالمظاهر .. التصنع الزايد والاهتمام بالمظهر دون المخبر
الموضوووع بوقته
وطلعنا من التشنج الانتخابي
شكرا بنت الشامية
AseeL :
ما اقدر ازيد عليج شيئ
اصلا تعليقج يصلح بوست
مشكوره كملنا بعض
As YoU LiKE :
جنك ما صدقت على الله ...!!!!!!!!!ء
حريمتكم ...بعد ما شفتوا شيئ
خل ندخل المجلس وتشوفون التشخط الصجى
لوووووووول
يعقووبوو :
المشكله اختلطت المفاهيم
KrakatoA :
اشدعوه عاد ...؟؟؟؟
انزين المتزوجه شتدور ...؟؟؟؟
المشكله اجتماعيه وتحتاج الى حل
Q8i Blogger :
يحتاجون الى توجيه
ما نخلى الحبل على القارب
الله يكون بعونكم
حمودي :
جان زين بس البنات الاصغار...انا اتكلم عن الكبار....وبعدين كل شيئ يزيد عن حده ينقلب ضده
المراة السياسيه المسترجله ...هذا مفهوم ذكورى لتحجيم المراة وابعادها عن منافسته بالسياسه
وهذا .....حريمته
حسافتج يا كويت :
مع الايام بيتعلمون البساطه
وبعدين انا قلت ما ارضى باقل من الرئاسه.....بس بعد ذلك رضيت لان ما يصير رئاسه المجلس وورئاسه الوزراء
حريم كل الواحد ياحيل الله اصير نائب الرئيس....يستاهل بو تشخيص
والمجلس والوزراء......اكو راتب ومكافاة....؟؟؟؟؟
لو كااشخه وعندها فكر محترم ومبدأ تترقع
بس إذا لا هذا ولا ذاك
:p
مشكلة ..
وبعضهم فيها نقص فتحب تبين نفسها
:)
Flirty :
الله يهداك شطبت كل المرشحات
ماكو وحده زينه.....راجع نفسك مرة ثانيه......عطوا المراة فرصه الله يخليكم
charisma :
ان شاء الله يقتنعون ويفهمون
ماكو شيئ مستحيل
DiLLi O MiLLi :
اللى تطلع زقطه بنقطه لازم تعرف اهى وين رايحه...والمكان هو اللى يحدد مستوى الملبس...ما يصير االملابس التسيورة مثل ملابس اجتماع عام
هذى امور بديهيه نعرفها من صغرنا
وبعدين المثقفة الفهمانه البساطه تكون من اساسيات حياتها...وتعرف تلبس الملابس الصحيحه فى المكان الصحيح والوقت الصحيح ....بس الحين صار كله خلط ...ومزامط اكثر منه فكر وفهم
وتفاخر بالمستوى الاجتماعى والاقتصادى
هذى متعلمه بس مو متثقفه
احنا ناخذ الزين من الدول المتقدمه
ونسوي مثلهم خليهم يشوفون تاتشر
ويتعلمون منها...واخيرا وزيرة الدفاع الاسبانيه.....المكان هو الفيصل فى تحديد مستوى الملبس...مو التعود على اللبس الكشخه....هذه عادات سيئه
يجب تقويمها...واعادة تاهيلها
البساطه هى المطلوبه
ومشكوره لتوضيح وجهة نظر الاخرين
بس لازم يعيدون التفكير بالموضوع بجد
اسعدنى تعليقج
بوشملان :
طبعا البساطه هى المطلوبه
ماتشوف عيالنا عازفين عن الزواج....... مخترعين
حياتي هدف مو عبث :
المتعلم غير المتحضر
واذا التحضر مانفع بتغير سلوكيات الانسان......فيظل الانسان جاهل
ماكو فايده منه
والسالفه ما تترقع لو يموت
اختي بنت الشامية
خليهم يستانسون :) كيفهم
--
والمفروض ندوة امس يهيأون الناس اللي هناك ان القعده المشتركة اصبحت واقع
اعني امس اللي وصلي ان الريايل بروح والحريم بروح
انا مارحت لظروف معينه
بس من المفترض تحطين الناس على امر الواقع ويتقبلون الوضع تدريجيا
----------
وانت اشلون وصلتي الصليبخات؟:)
عدل والله كلامج اخيتي بنت الشامية
هالبنات صايرين يفشلون والله
جنها تقول تكفون شوفوني ..ترى انا مملوحة و كشخة
تكفون ..واحد يتعطف و ياخذني
عيب والله
dilli o milli:
اختي سمحيلي بس كلنا عارفين الخمال ما في داعي نبرر..الغالبية من البنات هذي قمندتهم من "جميع الاعمار"
..في مثل مصري يقول
لو جريت جري الوحوش غير رزقك ما تحووش
خل يعزون نفسهم شوي فشلونا
وترى اللي يفهم بالماركات يميزها من بعيد ما في داعي لوغو أدّ البلد
واللي متعودين من البنات كل طلعاتهم هذا مظهرهم.. نعرف ليش ما في داعي نبرر.. عفية بنات مانيكانات بفترينة اربعة وعشرين ساعة كاشخين وامتزهلقين بالفطرة!!
افا عليج هذول لا الحر ولا اعصار سـِبيجة يأثر على خبّتهم
ومن قال ان محد كان يلبس الماركات ويشيل جناط قبل ايام الثانوية والجامعة؟.. بس في فرق بين اللي تشتري حق نفسها وتعرف وين تجخ واللي تشتري الجنطة والترجية شغل بو "لوغو" يبط العين جنه ماكو ماركة غير شانيل وديور بالدنيا
وفي من اللي تشوفينهم مالهم بالسياسة!!..
وترى اللي عندها "عقلية" ما تسوي اللي هالنوعية تسويه
والعتب واجب على كونتينرات شويخ -الجناط-اللي تسد الطريج.. مو كل مقر ممراته واسعة.. مالنا خلق اصابات ملاعب!!
بناتنا يهتمون بنفسهم بشكل مرَضي ومبالغ فيه بس اغلبهم يفتقدون الانوثة!!
البوصلة عندهم مضيّعة
هذا البوست تاريخي لأنه فجّر براكين خامدة من أيام الثانوية والجامعة وانتخابات 2006
..عزيزتي ديللي وميللي
لكلٍّ وجهة نظر.. لا تفسد للود قضية..أتمنى ذلك
بنت الشامية:
في هالامور.. احنا دايما مكملين بعض ;p
بنت الشامية:
..المتزوجة وحدة من ثنتين
يا عشان لا يقولون ريلها فالعها بشكل او بآخر وحياتها بؤس.. وتبتدي الشماتة.. يا عشان مشكلة الشو أوف اللي نعاني منها بمناسبة وبدون مناسبة
مو شي موشي.. بوستاتج المتخصصة بالقوارير من النساء تخليني اكتب معلقات!! :p
بنت الشامية
ما اتفقنا نخلي ما لأسبانيا لأسبانيا
:)
عندنا امور مجتمعية تخلي وزيرة الدفاع اللي تقولين عنها تغزينا لو تدري عنها
يا زين المثل اللي يقول
الزين زين لو قاعد من منامه
والشين شين لو غسل بصابون
ذاك الوقت جد الشاور جل بعده ما طلع :P
دعوه للجميع
http://q8yeeen.blogspot.com
بنت الشامية
شنوعي الناس !؟ هذيل وصلوا ليه مرحلة محد يقدر يقول لهم أدنوا ليه ورا
أنا كل اللي بقوله أن فيه ناس نعم كشخه لمجرد المسايق
بس فيه ناس كشخه لمجرد أنهم يطلعون كاشخين
هذي حرية شخصية .. بس لاااا توصل لدرجة الأبتذال
وأحنا ما لازم نحكم على الناس من مجرد المظهر
والله ترى تعليقي موو دفاعاً عنهم لأني من رايج أحب المظهر البسيط
بس كلمة حق في بعض الناس اللي كشختهم في مظهرهم وعقليتهم
:)
أختي أسيل
لااااا والله مااااكنا نعرف الماركات أيام الجامعه
لا تخليني أفضح عمري .. ترى أنتي وااايد بعيدة عن جيلي
:)
اهم يكشخون عشان يطلعون بصورة حلوة جدام عدسات الصحافة و المو صحافة هذا الي استنتجته من خلال تصويري لجم مقر انتخابي :)
صاجه صاجه صاجه
للأسف الكويتيات ما يعرفون يفرقون بين استقبال و انتخابات
عالبالهم كل ماكشخو كل ماصارو يفهمون
مايدرون انهم يخربون شكل المراءه
بنت الشامية
هذا ونتي بنت الشامية تقولين جذي
وتبين راتب
عيل شخليتي حق بنا الصليبية المسكينة
ماكو رواتب رواتبكم اهي عياء الكويت ورفعتها
Dilli o milli:
عيل لا تلوميني لا كتبت فيهم معلقات!.. لاني معايشة الوضع وواصل حدي من هالنوعية ولو تشوفين وتسمعين اللي انااشوفه واسمعه جان قلتي فيهم اكثر مني
ما الوم الشباب لا تعطشوا للبنت الجميلة المثقفة المهذبة والواثقة.. اللي تعرف حق نفسها قلبا وقالبا.. لانها نادرة
وعذرا على مداخلاتي لأول مرة معاج بس النقاش وتبادل الاراء مطلوبين :)
أخوي عثماني
لا بعد ما يبون اي واحد يتعطف لازم شكليا يكون من النوع الغالي.. فلانة وعلانة مو احسن منهم
ترى هذي طبيعة مالها علاقة بمجتمع وعادات... بس اهم قاعدين يخالفونها وينقصون من قدرهم عند نفسهم وعند الغير
Mok :
اول مرة اسمع ان الملابس تونس الناس
وتوسع صدرهم
سؤال برئ ليش الريايل ما يلبسون بشوت لما يرحون الندوات...؟؟؟؟
البشت له مكانه....وما يلبس فى كل مكان ولا كل من يلبسه...الا فى مكانه المناسب .....اكو عادات سيئه فينا لازم نغيرها....علشان نرتقى ونتحضر
واللى قاعدين نشوفه انه اوفر وااااايد
عثماني :
العيب مو بس عليها بعد على الاهل
اللى ما يقومون هالعوجاج اللى دخل بيوتنا من اوسع ابوابه
اللع يهداهم
AseeL :
ما جنى بردت جبدج بهالبوست
ههههههههههههههههه
ولد الديرة :
ولا الصابون بعد ....ماكو الا سدر وصابون رقى
متى نصير مثل وزيره الدفاع الاسبانيه
DiLLi O MiLLi :
انا متاكد من صدق كلامج
وكل شيئ يزيد عن حده ينقلب ضده
بس صدقين المظهر الخارجي يؤثر بالحكم على الشخص....لو مو بالكثير... يؤثر بالقليل.....صدقينى يؤثر على الانسان
مجتمعاتنا مغلقه ودائرتها صغيره جدا
واكيد الكل له مطلق الحريه فيما يلبس...... واحنا نشورى ما نآمر
q8yeen :
شكرا
Don Juan :
وبعدين ...عقب ما يصيورونهم....ويطلعون حلوين بالصحافه
شيصير.....؟؟؟؟
يصدقون نفسهم .....!!!!!!!!!ء
والله حاله
feelingstalk :
الشكوى لله بس هذا اللى اقوله
حسافتج يا كويت :
تزهبوااااااااا لاستجواب وزير الماليه
حسبالكم ياين نلعب ....؟؟؟؟؟
هذا شغل مو لعب
بس يمع لنا بيزات من الحين
لوووووول
"الكشخه الزايده من البعض"
تدل على تساوي المرأة بالرجل سياسيا
فتفاهة (بغض) الحريم تساوي تفاهة (بعص) الرجال
:)
---
استجواب وزير الماليه ليش بالله !؟
مخامطكم كله لازم انا ادفع فاتورته يعني؟ كل(ن) يلزم حدوده وشكرا
:)
---
حياك عندي
ناطرتك هديه
كويــتي لايــعه كبــده:
انت بحبح ايدك شويه....والخير يهل
طال عمرك وزير الماليه
مشكور على الهديه
بس ما عندى مدرس يساعدنى على الواحب
عطنى وقت خل ادرس شويه وبعدين اجاوب
علشانك بجاوب ما كو فكه بجاوب بجاوب
كثرة الماركات على البنت
دليل على قلة عقلها و سطحية تفكيرها
و في الغالب أنها محدثة نعمه
....
لولا الأمل بأستمالة الرجال
لخاست أغلب النساء
مع أحترامي الشديد
صح لسانج ياوخيتي
اسراف بالمظهر والمكياج
شي يلوع الجبد ويفشل
المشكله انهم ينحسبون علينا
واذا يت تناقش ماكو منطق ولا اسلوب
جنها قاعدة تسولف مع رفيجتها بالقهوة
شنو هذا
فشلونا واكسروا فينا وخلوا الرياييل يحجون فينا
فتركى
رسالة واضحه لعقل الرجل إنك تستحقين
حقوقك السياسيه وإنك كفء لها
ماكو فايدة منهم
لو بتحجين من اليوم لين باجر
المظاهر ماكله عقولهم وشاربه عليها
انا وايد حارتني هالسالفه
منج السموحه
سلام
التعنفق و ما أدراك مالتعنفق
: )
كل نساء الكويت على الراس من فوق
والانسان مخبر مو منظر
بس اكو ناس تحب تتهندم
لكن اتفق معاج ان المبالغة بالشي ما لها داعي
يبيون يسوون المقرات مكان للقز غصب طيب
عاشت أنتخابات القز
بنات زقرت و شباب مرتز
وبالقعده جبل ما يهتز
هاذي أنتخابات القز
البنت تكشخ للزواج
و الأم تبي النسيب عالمزاج
و الأبو دلال بالحراج
والشباب يايين للخز
عاشت أنتخابات القز
المرشح يلعلع من بعيد
ويقول آنا القوي الشديد
وكلامه ما فيه شي مفيد
يتكلم و فجأة يتنرفز
عاشت أنتخابات القز
أحلى ما فيها الطماشه
ما بين جنون و خراشه
و البسمه بالوجه و البشاشه
يا باغي اللبن دلل العنز
هاذي يباأنتخابات القز
مكوكس :
مو عيب ان الوحده تلبس المركات
بس كل مكان وله ملبسه الخاص فيه
والتزين الوايد اهو اللى مو حلو
والله يعينهم على انفسهم
الزين :
كلامج كله عدل وصح ...ما باليد حيله
بس ما عندى الا ان اتمنى منهن ان يتغيرون بالمستقبل القريب
وينضجون حضاريا وثقافيا
سدرة العشـــاق :
الله يكافينا شر التعنفق
فتى الجبل :
ما نبى الا البساطه والنزاكه
وكل شيئ يزيد عن حده ينقلب ضده
فريج سعود :
يعنى شنو قز...؟؟؟
اللى اعرف يقزون بالسياره
اى يفحطون مثل اخوانا العرب
لووووووول
مكوكس :
هذى زهريه يديده...؟؟؟؟؟
صح من قال
لدرجة اني حسبت المدونة مدونتي
LOL
لدرجة اني حسبت المدونة مدونتي
LOL
نائبة الرئيس مساج الله بالخير :) والله كلامج صحيح .. يعني الجماعة اشلون لهم خلق يلبسون و يكشخون هالكثر جنا استقبال ..الله يهديهم بس ..نموت على المظاهر ..
و تسلمين
عالبساطه البساطه يا عيني عالبساطه غديني جبنه وزيتون وعشيني بطاطا لووول
كلامج كله عدل ما في احلى من البساطه :)
بوتشخيص :
ما اقول الا الله يهديهم
لازم نسن قانون فى اول اجتماع لنا
بهالموضوع.....ونحط تصوراتنا له
ونموته تمحيص وتدقيق.....علشان استريح
Snow White :
والنعم بهالبساطه
AseeL :
البيت بيتك
الكشخة في حدود الحشمة ما هي عيب انشاءالله
وبعدين خل يكشخون ويستانسون مو هذا عرس الديموقراطية اللي احنا فيه
والبنت اذا البست وتزينت محد يلومها
Post a Comment