هالاسبوع كان مميز عندي....له طعم خاص
احس قلبى طاير من الأناسه....لأنى انجزت
إحدى المهمات اللى بحياتى
بنجاح ......خلص اليعده الثانويه
وبيدخل الجامعه.....و بيهدنــــــــــــــــى و بيسافر
قلبى منعصر عليه من الحييييييين
الله يعينى اذا سافر.....إمى الله يعطيها العافيه
كله تسميه الابروش....لإنه كله لاصق فينى
والحين البروش بيسافروقلبى صغرمو مثل أول قويه
ماااااااااأتحمل الفراق الحين.....أقوم الصبح ما أشوفه ...*
والعصر من أتناجر وياه !!!......قوم ادرس......
لا ماكو طلعه...... قوم نام تأخر الوقت
متى الامتحان........؟؟؟؟ سويت الواجب......؟؟
اتجابل انا و الإبو بس بروحنا..
متى الامتحان........؟؟؟؟ سويت الواجب......؟؟
اتجابل انا و الإبو بس بروحنا..
ماعندنا احد يحوس بينا
هذى وايد وايد وايد قويه على؟؟
من بدا يراسل الجامعات وانا أترجاه وأقدم له أحسن
العروض..عشان ما يروح هالغبره امريكا..ما أحبها
تدرون شيرد علي : يمه أحسن تعليم هناك....أحسن
الجامعات فيها.....أرد عليه اقوله حسبى الله عليهم
اغسلوا عقولكم.. شفيها الجامعات الخاصه فى الكويت
يضحك و يقول عاد هذى جامعات
وتأخرت عليه الاي تونتى..وانا فرحانه..أقول يمكن
ضاعت بالبريد.....
وماااااااااا رد أمس من المدرسه إلا وهى فى يده
جان أغص هذيك الغصه........ شسوى
من صجي ما أبيه يسافر.....بس لو أبطل حلجى
وأقول هالكلام... الأبو ,, وإخوانه
ياكلونى اكال.....حتى.....مو قشرينى
ما حجوتهم إلا محد مدلعه بهالبيت
الا إنت ومحد مخربه الا إنت
انا........ عاد انا اللى أخربه.....حرام عليكم ...؟؟؟
والله اهو يهبل أكثر واحد فيهم حنون
هذى وايد وايد وايد قويه على؟؟
من بدا يراسل الجامعات وانا أترجاه وأقدم له أحسن
العروض..عشان ما يروح هالغبره امريكا..ما أحبها
تدرون شيرد علي : يمه أحسن تعليم هناك....أحسن
الجامعات فيها.....أرد عليه اقوله حسبى الله عليهم
اغسلوا عقولكم.. شفيها الجامعات الخاصه فى الكويت
يضحك و يقول عاد هذى جامعات
وتأخرت عليه الاي تونتى..وانا فرحانه..أقول يمكن
ضاعت بالبريد.....
وماااااااااا رد أمس من المدرسه إلا وهى فى يده
جان أغص هذيك الغصه........ شسوى
من صجي ما أبيه يسافر.....بس لو أبطل حلجى
وأقول هالكلام... الأبو ,, وإخوانه
ياكلونى اكال.....حتى.....مو قشرينى
ما حجوتهم إلا محد مدلعه بهالبيت
الا إنت ومحد مخربه الا إنت
انا........ عاد انا اللى أخربه.....حرام عليكم ...؟؟؟
والله اهو يهبل أكثر واحد فيهم حنون
ومطيع, ياخذ بكلامى ويبى رضاى
,ولا أذانى بالدراسه و كله متفوق
وعاجل, ولا له صوت بالبيت... بس بيسافر عنى
بس الحين إتخذت قرار بينى وبين نفسى
بصك جنطتى قبله وبسافر وياه
وخلى القرعه ترعه بالبيت
مو ما يبونى اتحجى .. أهدهم واسافر وياه أحسن لى
شتقولون..... اسويها....وسافر وقعد عنده...؟؟؟؟؟
اليعده خلص الثانويه
,ولا أذانى بالدراسه و كله متفوق
وعاجل, ولا له صوت بالبيت... بس بيسافر عنى
بس الحين إتخذت قرار بينى وبين نفسى
بصك جنطتى قبله وبسافر وياه
وخلى القرعه ترعه بالبيت
مو ما يبونى اتحجى .. أهدهم واسافر وياه أحسن لى
شتقولون..... اسويها....وسافر وقعد عنده...؟؟؟؟؟
اليعده خلص الثانويه
67 comments:
مبروك يا أختي سافري معاه انا اشجعك على ذلك بنتي رقم 3 ايضاً تخرجت معاه من نفس المدرسة و اليوم استلمت الفيزا وراح اسافر وياها حق الجامعة مثل ما سويت مع خواتها اوصلهم الجامعة و ارجع صج اول مرة وديت الكبيرة امريكا عورني قلبي شلون و لون تصدقين امها ما اقدرت توصلنا المطار تودعنا و زعلنا انا و البنيه لكن عرفنا السبب انها راح تسوي لنا مناحه خلصت و تخرجت و رفعت راسنا و الفال انشالله حق الجعدة ...تدرين شلون روحي قعدي عنده و فكري في انك تسوين الماستر و الدكتوراة .
الله يهنيك و يحفظ لك الجعدة
تحياتي
دافنشي
و اللي يقولك اني مؤمن بنظرية المؤامرة لأن عقلي عربي )للأسف( و ان هذا اخوك مو ولدك
و انك مو ام و لا شي
لا تلوميني
الجهل الألكتروني عندنا متمرس
مو معقولة ام جعدتها خلص ثانوية آخر شي تطلع بلوجر
عندج فيس بوك بعد ؟
(حملة كشف الحقائق لعيال الشامية)
مزاجي هل ويك اند قوي !
يستاهل الجعده السفرة و إختيار طريقه بنفسه و مبروك على تخرجه و نجاحه
صحيح صعبة الغربة و الفراق في بدائ الأمر و لكن
انا اتفق معه هناك غسيل للعقول و مؤامرة عليها
سواء جامعات خاصة أو حكومية و أهلية فكلهم سيان مادامت في الكويت
يجب عليه الخروج و إكتشاف الدنيا بنفسه و صدقيني ماراح يروح تعب الفراق و الغربه عبث
و يخليه لكم جعدتكم طول العمر راح يظل جعدة
مبروك وعقبال التخرج من الجامعه
نصيحتي لاتسافرين معاه
خليه يكون شخصيته بعيد عنج
لانج انتي مودايمه له
وبطريقتج هذي باجر اذا تزوج بيصير سكانه مرته للاسف
نصيحتي لاتروحين معاه
شاركوني برأيكم في الموضوع الطريف
http://q8y8.blogspot.com/
i'7ti bint ilshamiyah ana wa7dah min ili ta'3aribaw wi ra7o amreeka 7g ilbachelore wi ilmaster wi al7en fee derah '3eer amreeka lltakmilat ildirasah y3ni '3orbah da2emah tgreeban, fagol lich halshy min tajrobah,
itha inti wathqah min tarbeetich lah la t7ateen ili zar3ateeh feeh ra7 t79ideenah wana shift amthilah wayed jiddami,
ama salfat itro7en m3ah momkin fi ilbidayah 3lama irattib omorah bs tra b3deen lazim tatrikeenah 3shan '7la9 ybdi yi3timid 3la nafsah wi tibda titblwar sha'79itah wi itha oho walad baar 9adgeeni ra7 yan6ir il3i6lah 3la a7ar min iljamir 3shan irid likom wi lideertah,
wi allah i'7lee lich i3yalich killohom min kibeerhom li ji3dathom:)
بالمبارك وعساه يرجع مع الشهادة ويرفع راس أهله
وبعدين شفيها أمريكا، بردهم سنع والعام يوم فاققوا بالصيف كانت درجة الحرارة 100 فهرنهايت
وإذا رحتي معاه شبتسوين غير الطبخ والتنظيف، خليه يعتمد على نفسه، يمكن الولد يبي حريته، يبي يتنفس
وشدراج يمكن ترسم عليج وحدة من الجيران وتوجبج وتخلي بنتها تمرج معاه نقصة برمضان وتحبينها وتبتلشين وتضغطين على الولد يتزوجها، وتعالي بعدين صفي دور بالداخلية فيزي حق جنتج
صدقيني روحتج ما راح تضيف أي شي، إلا إذا كنتي راسمة على عضوية مجلس أولياء أمور طلبة الجامعة هناك، فهذا طموح مشروع
جلوولووولوووولووووووش
بالبركة الف الف مبروك عقباااال لما تشوفينه و اهو يناقش شهادة الدكتوراه قولي آمين
و الله انا اقول سافري معاه و تطمني عليه لين يمشي أموره اهناك من سكن من سيارة ...الخ
و كل جم شهر طلي عليه
و انتي كل يوم تتطمنين عليه بالويب كام
الف الف مبروك و عقبال ما تبشرينا بعرسه قولي آمين
صباح الخير يا ويه الخير
ألف مبروك على نجاح الجعدة وان شاءالله تفرحين بتخرجه آمين
والله يا أخيتي حسيت فيج حيل :( عندي الجعدة بشد الرحال السنة الياية ومن الحين مشتط كل يوم والثاني داشلي بيده اوراق طول ويهي .. قلب عورني سويتله حركات ماري منيب ألبي ألبي والحمدلله قدرت اخليه على الأقل يغير رايه من امريكا لكندا
آنا قول صكي الجنطة من الحين وروحي معاه
والله يحفظكم ان شاء الله
اول شى الحمدالله على البلاغ والنجاح وقرت عينج فيه :)
ثانيا يا اختى هذى سنة الحياة
بينى وبينج انا مثلج ما احب الفراق واحاتى
والولد يعنى توه مخلص ثانوية يعنى قاعد يشكل شخصيته انا لو بتقوليلى اقولج الجامعة اهنى احسن والجامعات الخاصة زينة بعد
بس الجامعات اهناك غير
انا اقول ادعيله بالتوفيج وخليه يشوف مستقبله حاله حال اخوانه واذا كلش كلش
حاولى معاه اهنى على سيارة كشخة
او سفرة سنعة
بس ان يقعد اهنى ما يسافر
وبعدين تعالى يابنت الحلال وين تهدين بو العيال وتسافرين ويا الولد :)
اذا سافر تفرغي حق بو العيال وكل شى طقى تذكرتين وسافروا واستانسوا
مشكورة يا بنت الشامية على مشاركتج لنا
والله يحفظ لج عيالج وعيال المسلمين
da Vinci:
مبروك لنا تخرج عيالنا,وعسى الله يوفقهم بدراستهم وين ما كانوا....بس ما ادرى شسمى هالشعور الى فينى...انانيه
حب تملك....ما ادرى..؟
بس عمرى ما اوقف فى طريجهم العلمى ولاالعملى...هذى حياتهم....مثل ما خططت حياتى... لهم نفس الحق بحياتهم....علينا النصيحة و المراقبه من بعيد...والدعاء لهم
عيل لو تشوفنى مع اول واحد سافر
هيهي....اى فليم هندى....الدموع سباحه....بس كله مو جدامهم
جدام الابو المغرود....طيرت قلبه
والحين صارت سوالف....اكيد بخليه يروح
مع اخوه ويرتب له مثل ما رتب ابوه
حقه من قبله....وانا ياالله السلامه
بحلقه بعد رمضان اعيد عنده
يكون استقر ورتاح شويه
مشكور على مشاركتك لى فرحتى
وعسى الله يوفق الجميع
nEo:
الله يجبر بخاطرك...جان زين هذا اخوى وانا الى الحين صغيره
بس مت من الضحك ...شدعوه ما تصير ام يعدتها خلص الثانويه وبنفس الوقت بلوجر....اسوي مثل هالافلام... اصلى تجوزت وانا عندى خمستاشر سنه
لوووووووووول
وبعدين اذا تبى تشوف الفيس بوك الخاص فينى دز لى اسمك واسمح لك بالدخول
عاد اذا طلعت امك صديقتى ...ترا ما على منك
وبعدين الله يخليك رد الهى بالسياسه احسن لك...ولا عليك من عيال مملكتنا
عيالنا عافين كافين
وما عندهم روح المؤامره لانهم طيبين على نياتهم مثل امهاتهم
شاكرتلك حسن مشاركتى فرحتى
وان شاء الله يبلغك هاليوم
العيال نعمه من الكريم...الله يديمها من نعمة
عتيج الصوف:
الله يبارك فى حياتك
تدرى اول سبب انى ابيه يسافر لانه وايد هادى ولاصق فينى وايد
وهذا ما ينفعه لازم يعتمد على نفسه ويبنى شخصيته بروحه بعيد عنا
بس عاد شتقول بقلب الام....هذى فضفضه
لكم علشان اتغلب على عواطفى ...وتشاركونى فرحتى
عسى الله يبلغك هالايوم وتشوف الفرحه
اقدر لك مشاركتك لى بفرحتى
وعسى الله يديم الحب بين المدونين كلنا
حياك الله
q8y8 كويتي8:
الله يبارك فيك ويخليك
نصيحتك غاليه على....اول الوقت ما راح اروح عنده بيكون اخوه عنده يرتب اموره وبيرجع...وانا مع الابو بروح له بعد رمضان نطل عليه شويه واشوف وضعه
بس عشان يرتاح قلبى
شكرا لمشاركتك فرحتى
اما موضوعك صج عجيب
حياك الله
salfa3ajeeba:
مشكوره على مشاركتك ونصايحج الغاليه على....لانها خلاصت تجربتج
الله يوفقج فى حياتج العلميه والعمليه
ومن طلب العلا ...سهر الليالى
والله لا يضيع لج تعب وتردين رافعه راسج وراسنا... بالشهاده الكبيرة
الله يحفظ شبابنا ويوفقهم ويصلحهم
اللهم امين
اسعدتنى هالمشاركه من قلب محب مخلص
الله يوفق الجميع
Fahad Al Askr:
الله يبارك فى حياتك...وانا مااحب امريكا من هالبعد....بس هذى رغبته
شسوى فيه...؟؟؟
وبعدين من قالك بروح اطبخ والا انظف ...؟؟؟؟
عاد هالولد ما يهمه الاكل مره وحده
يمكن اروح ادرس ,,,ويمكن اسوى عمليات
تجميل,,,ويمكن ادخل نادى للرياضه
والتخسيس.....ويمكن اتعلم الطيران
اكو وايد شغلات غير الطبخ والتنظيف
لووووووووووووول
اكيد روحتى ما راح تفيده بس تبرد قلبى
شويه...واطخ من المحاتى عليه
ما لنا الا الصبر والدعاء
مشكور على مشاركتك فرحتى
DanDash:
مشكووووووووووووووووره حبيبتى انت
الله يبارك في حياتج ويخليج حق امميمتج
فرحتنى مشاركتج لى وعلى الدعاء الزين
لوليدى الله يوفق الجميع ويحفظهم من كل مكروه
حياج الله
om-bukhnag-zare:
الله يبارك في حياتج...ويبارك لج فى وليدج
وراح اعطيج من خبرتى ان شاء الله
شفتى ياوخيتى قلب الام ...عواطفها كله معوره قلبها....بس على قولت امى يزا الوالدين الينه....شفت شلون امهاتنا حكيمات وصبورات لازم نصير مثلهم
قويات نتحمل كل شيئ علشان عيالنا
مشاركتج لى فرحتى كانت مميزه ولها نكهة مختلف عن الاخرين.....يمكن القلوب شواهد
حياج الله
Mishari:
الله يبارك بحياتك....وتذوق هالفرحه
الله لايحرمك منها.....بعدين محاواتى انا ويه عمه كلها بائت بالفشل من العام
وانا احاول فيه...ابوه مشجعه ويه اخوانه....والاهم هذى رغبته...ما اقدر اوقف بطريجه
وبعدين ما نى هاده ابو العيال
باخذه ويياى اصلا...مو اهو المشجعه
يتحمل الغربه مثله.....عاد يطلع ابيدى.......ما اعتقد....؟؟؟؟
مشكور لمشاركتك لى فرحتى واسعدتنى وايد
مبروك النجاح والله يبلغك فيه
وتفرحين بعرسه انشالله
نصيحه ساعديه يعتمد على نفسه
ويخوض التجربه ويتعلم صح
بعض المواد اللي درسناها بامريكا
كان مؤلف المنهج اهو اللي يدرسنا
المنهج فتصوري شكثر كنت استفيد
نصيحه خليه بروحه عطيه شوية استقلاليه
والله يوفقه ان شاء الله
الف مبروك تخرجه
خليه يروح ويعتمد على نفسه وانتى زوريه بين فتره وفتره
ويارب اييبلج الشهاده الكبيره ويفرح قلبج يارب
والله خوفي وإنتي هناك تحاتين اللي هني، وما نفتك لا هناك مرتاحة والا هني مرتاحة
وعلى فكرة، تعلمي أي شي إلا الطيران يرحم والديك، محنا ناقصين أخبار بالسي ان ان كويتية تصطدم ببرج سكني، وتاليتها بدال ما تقعدين مع الولد تروحين غوانتونامو، ويطالب فيك وزير الخارجية والطبطبائي ونائب منطقتكم الخرافي
بنت الشامية
فيس بوك بعد !
قوليلي تروحين كبر يوم الجمعه بعد ؟
الله يخليهم لك و يبلغك بعيالهم
:)
dont play boy:
الله يبارك فى حياتك
شورتك وهداية الله
لازم يعتمد على نفسه
حياك الله
Shaima'a Alkandari:
الله يبارك فى حياتج
ومشكوره على هالدعوه الحلوه
حياج الله
Fahad Al Askr:
والله وانت صاج ....شلون نفتك من
المحاتت..؟؟؟؟ ما لها دوا...؟؟؟
اما عن الطيران صج خرعتنى ترانى مانى ناقصه خرعه....وبعد معتقل ...لا يحوشك
عيل اتعلم القفز بالبرشوت
عاد هذى ما عليهم منى ....ما يعتقلونى
لوووووووول
شكرتلك مداخلتك
nEo:
الحاله ترها اقرب من كبر
وان شاء الله يبلغك بالصغير ويفرحك فيه
وما تطيح عليه يدخن الزقاير
نسيت ما تبى تدخل الفيس توك...؟؟؟؟
هههههههههههه
مبروك التخرج وقرة عينج
بهالفرحه
الحمدلله ان ربي بلغج هاليوم وعقبال ماتفرحين بتخرج عيالهم يارب
انا اقول سافري معاه على القليله تطمنين على وضعه في البدايه وعقب خليه يستقل ويتحمل مسؤلية نفسه
انا ادري انها صعبه عليج لكن لانج ام لازم تضحين وتتحملين
الله يآجرج على صبرج ويقر عينج بتخرجه من الجامعه
سالفة قلب:
الله يبارك فى حياتج....صج استانست بمشاركتكم بفرحتى
الله لايحرمنى منكم
انا بسافر معاه بس مدودهنى هالسنه رمضان....ماكو الا بالعيد اروح عنده
وخلى اخوانه يجابلونه شويه الى ان اروح عنده.....بس هالقلب شسوي فيه
الجعده يكون غير كله حسبالج انه الى الحين ياهل ويحتاج لمساعدتج
اكيد مصلحته قبل قلبى ....وابيه يصير ريال .....الحياة صعبه مو سهله
مالنا الا الصبر والدعاء لهم
مشكوووووره وحيااااااج الله
مبروووووووووووووووووووووووووووك
الله يبلغج فيه معرس قولي امين
ما ادري شقولج ، طبعا المفروض انج الحين تجابلين بو العيال
وترجعون ايام شهر العسل
وتخلين ولدج يشوف طريجه
بس انا عندي ولدي عمره سنه الله يحفظه قاعد
اتخيل يقولي يمه بروح اسافر بره
مو بس اهد الديرة!! اهد العالم كله وروح مع
وليدي اجابله!!!ا قلب الام بعد شنسوي
Vancouver:
الله يبارك فى حياتج وتفرحين فى وليدج
وتتهنين فيه....فرحة الضنا غير
وطبعا ابوه هو راس المال....اصلا اهو
اللى يحن بيجابله اكثر منى
بس الحياة بتستمر...ونتعود على هالفراق القصير باذن الله
تري عندى صديقتى عنكم فى فان كوفر ويه بنتها وحفيدها....بنتها تحضر الماستر والدكتوراة
لاتكونين انت....؟؟؟؟؟؟
حياج الله والله يوفق الجميع
عالبركه
والله يوفقه يارب
في حياته الجايه
عاد انتي لاتصيرين جذي
خليه
دام اهوا بروش وياج
بيمل من هناك ويرد
اخوي جذي
بعد مو امريكا
راح لندن
اسبوعين
ورد مايقدر يتحمل الغربه
الله يهداج
روحي معاه اول اسبوع وردي
موتطولين القعده لان اذا طولتي اهوا بيستانس
وبيتعود
اسبوع وردي
وبشريني
توني اقنعت ولد صاحبتي ان مايسافر بره
الفال حق وليدج
:))))
اي مابي
بعدين تطيح علينا حرمنا المصون بهل عمر مو وقته
بعدين ما تدرين اني ضد كشف الهوية !
Spolid Royality:
مشكوره حبيبتى والله يبارك فى حياتج
ويطعمج من هالنعمه....اللهم امين
ياختى انا حاولت وياه بس هو اصر...ما اقدر اوقف فى طريجه ...مثل ما ابوى عطانى هالحق لازم اعطيه ...هذا حقه ومستقبله.....بس راح يكون تحت المراقبه
الى ان اتاكد انه تعدى مرحلة الخطر
وانه بامان ومرتاح....هذى حال الدنيا
محد مرتاح.....مشكوره على زيارتج
ودعائج ومشاركتج لى فرحتى
neo:
اكيد كلامك صح وانا اتغشمر وياك اصلا ما عندى هالفيس بوك....بس اسمع عنه
بس حبيت اطفرك....واحسن شيئ و عدم كشف الهويه.....بس عاد انت صرت شخصيه عامه.....فتحرص اكثر
ودمت بسلام
أول شي
مبروك التخرج
وعقبال الدكتوراة إن شاء الله
خلاص الولد صار ريال
والله يوفقه
ولازم يصارع الحياة بروحه ويتعلم
واللي مكتوب هو اللي بيصير
وماكو إلا الخير
ودمتم بحب وود
عالبركه عالبركه تفرحين فيه معرس ان شا الله واذا ما حصلتي عروس لاتحاتين انعين ونعاون وترى انا خووووووووووش مره اوكبر منه بشوي مو بوايد ههههههههههههه وعادي ترى السيده خديجه اكبر من الرسول علية الصلاة بخمستعش سنه
عسى الله يفرحج فيه
وبعييله
وبشهادته
مادري شنصحج فيه ...بس ييبيله طاري المره جود بعد ماتدرين
بالمبارك ان شاااءالله
الله يبلغج فيه معرس قولى امين
:)
عصرتى قلبى يا بنت الشاميه
وااى الله يصبر قلبج
ما الومج يا اوخيتى
يروح بالسلامه واييب الشهاده
السنين تركض يا بنت الشاميه
وراح تشوفين
الله يعينج
دعائج بس هذا اهم شى
وانج راضيه عنه
:)
الف مبروك
اذكر امي شصار فيها لما اخوي سافر
اخوي اصغر واحد فينا و الولد الوحيد
كانت يوميا تبجي
ولازم نلهيها و ما نييب طاريه عشان لا تبجي
و طول الوقت اسمه على لسانها
24 ساعة تحاتيه
كثر ما اعصابها تعبت تعبت اعصابنا معاها
انا اقول على الاقل روحي معاه اول كورس قعدي معاه
راح تتطمنين عليه وما راح تحاتين
والله يخليه لكم يارب
sologa-bologa:
الله يبارك فى حياتك
اكيد بنتوكل على الله وبيروح ويعتمد على نفسه.....وانا لازم ادوس على قلبى واتحمل....والحمد الله ما ضر اخوانه
كاهم ريايل يهبلون
مشكور على هالتهنئه الحاوه
ودمت بحب
3ateeja:
الله يبارك فيى حاتج...وما قصرتى
عاد تصدقين عرضج وايد عجبنى
ونتشرف فيج.....خوش فكره هو حج وحاجه
انت تدرسين وتجابلينه...وهو يدرس ويحط باله عليج....والباجى كله على
والله الفكره ترها اصليه
هههههههههههههههههه
دايم تلعليقاتج مميزه...الله يحفظج ويخليج
ودمتى بحب وامان
charisma:
الله يبارك فى حياتج دائما رقيقة
باحساسج وناعمه بردودج
بس دائما البديات تكون صعبه...بس الكريم يعين ويصبر....علشانهم نضحى بكل شيئ..وابصيح... وما رده بسكت
الله كريم....مشكوره لمشاركتج فرحتى
PearL:
مشكورهوالله يبارك فيج
انا مجربه من قبل لما راح اخوه الكبير
بس وقتها كنت قويه واتحمل ...بس الحين ما ادرى بديت اخق,,,,,واضعف
بس عشانه بتحمل واخوانه مواعدينى انهم بيجابلونه.....وكل اجازة واحد بيروح يمر عليه....تهقين يقصون علي
والا من صجهم....والله ما يندرا
حياج الله ومشكوووووووووووره
اول حرف من اسم
بنتها ا والثاني س ???? هاهاهاها
اذا صح .. الله ياني باضحك ضحك
;)
Vancouver:
انا ما احب اكشف عن شخصيتى ....بس من غلاة صديقتى بقول اسم اخوج الكبير اذا صح ردي على
اول حرف م توه متزوج
nEo
غشاااااااااااني من الضحك لوووول
الف الف مبروووك حبيبتي
الله يوفقه
يارب
ويسدد دربه
ويبعد عنه عيال الحرام
ويسهل عليه دراسته
والسامع يقول اميين
الله يساعدج
بس الاجازات واايد
اهوا ايي
انتي تزرقين له
عادي
تعودنا
:)
توه متزوج صح صح
بس ترى انا مو اللي بالج
انا صديقتها بالغربة.. صديقة البنية
توهم ارجعوا خنت حيلي عقب العرس
حق الغربة.. الله يعينهم ويعيننا
بس البنت وامها ذهبة
سبحااااااااان الله شلون الدنيا مهما
كبرت صغيرة
سااااااااااااااافري
و جنه العييييييييييييييد
سافري
رووووووووووووووووحي وياه و ردي قبل رمضان بيووووووووووم
طمني قلبج
و ريحي بااااااااالج
ترسي ثلاجته
سووووووووووي شغله
و سنعيييييييييييي اغراضه
و لاحقه على الكبار
ترااااااااااااااااااااا
ببجي والله ببجي
حدي تأثرت
ابيييييييييييييييه ورب الكعبه نفس امي
جذي
تقوووووووووووول عن الجعده
حدها حدهااااااااا
تقول مثلج
لاااااااااا يا بنت الشاميه
دامج قاعده في البيت
رووووووووووووووحي
و لا يهمج شي
هااااااااااااو عيل اشعرفه يسنع شغله
روحي
رووووووووووووحي
يابعد عمري
بسسسسسسسسسس والله ببجي
الف مبروك والله يبلغج بتخرجه من الجامعة وتزفينه معرس
وهاذي سنة الحياة..وروحتج هناك لا بتقدم ولا بتأخر اللي الله كاتبه بيصير مالج الدعاء له بالحفظ والصون من مغريات هالدنيا والله يرده لج سالم
sam7eeni bint ilshamiya,
min kithir ma ana mishta6ah ba36i rayi niseet abarik lich wagol
1000000000000000000000000000000000 mabrooooook inshalah 3la ta'7arojah
wi walah ro7i ma3ah fi ilbidayah ra7 yi7tajich wayed fi halfatrah b3den le istaqar riddi:)
What Will Be , Will Be ;
الله يبارك فيج ويخليج وان شا الله الله يبلغج هاليوم
شفتى شسوى فينى ...نيو ....مسكين ما ينلام ..بلوقر وولدها الجعده خلص الثانويه....مسكين انصدم فينى ...باس صحا بسرعه منها.....هههههههههه
الحين مايشوف الاخ دفنيشى بنته خلصت مع ولدي.....ما قال له شيئ....لووول
بشب النار بينهم
مشكوره حبيبتى الله يخليكم حقى ذخر والله لا يغير علينا هالمحبه
حياج الله
Vancouver:
شفتى ياحبيبتي الدنيا شلون صغيره
سلمى عليهم ولصقى فيهم ...يهبلون طيبتهم ما صارت
والله يوفقكم كلكم وتردون الكويت بالسلامه
lawyer:
الشباب كلهم يقولون لاتسافرين
والشابات كلهم يقولون سافرى
شفت الفرق.....اااااخ من قلوبنا مدودهتنا...اوما ندرى شنسوي؟؟؟؟
شوفى حبيبتى اخوانه كلهم مواعدينى انهم ما راح يهدونه.....وبيجابلونه
وواحد منهم عنده دوره بامريكا بس مو فى نفس ولايته....وهذا مطمنى اكثر واكثر
وانا بعد العيد بروح اقعد عنده
واحدد ارجع والا لا ....الله كريم
ياحبيبتى ان شاء الله تودين ابراهيم واخوانه وخواته كلهم ووتمتعين فيهم ويتمتعون فيج
عسى الله يحفظج ويخليج حق اهلج
بس ترى فى اليوم اللى بيسافر بيصر يوم البجى الدولى....وابيج تساعدينى شويه.....هههههههههه
استعدى من الحين
الله لايحرمنى منكم ولايغير علينا هالحب مع ان ما نعرف بعض....وانا اعتبر هذى ارقى انواع الصدقات
مشكوررررررررررررره على مشاركتج فرحتى
Krakatoa:
الله يبارك فى حياتك ومشكور على النصيحه الغاليه....بس هالقلب شسوي فيه....ابوه بس قاعد يضحك على ويقول جنه محد من عيالج سافر ودرس بره مو جنه كلهم ادرسوا بره؟؟؟؟؟
اسكت ما عندى رد له....بس هذا الجعده
الله كريم
حياك الله وما قصرت على هالمشاركه
صبحج الله بالخير اخيتي الغالية بنية
الشامية
الله يبارك لج فيه و يطرح فيه البركة...و يبلغج فيه و تشوفينة شايل شهادته و يقولج يمة ...دوريلي على مرة...ابي اتزوج...آآآمين
و هذي سنة الحياة يا وخيتي...عسى الله يوفق عيال الكويت...قولي آمين
الدراسه بره تعلم الإعتماد على النفس و تشجع الواحد على النضوج المبكر و اسألي مجرب. لا تحاتين ترى الأمور أول شي راح تكون صعبة عليه و عليك لاكن هالله هالله بالتشجيع و التثبيت لأن راح يحتاجهم خصوصا أول الأيام.
و الله يصبرك و يرده لك سالم غانم
ماااشلله ماااا شالله
الف الف الف مبروك
من قلبي فرحت له
انا اللي اقرا كلامج حبيته اشلون عيل اميمته ما تحبه وتفقده
!!
انتي تعبتي وربيتي
وغرستي دين وسنع واخلاق
صدقيني هذا اليوم اللي تشوفين غرس تربيتج ودلالج حقه
عقب حفظ رب العالمين ،بيحفظه صوتج وحبج له حتى بغربته
بيتذكر عيونج
دلالج
صوتج
وبيرده عن كل شي مو زين يمكن يتعرض له
!!
وانا اقول لا تروحين..روحتج بتشلع قلبه اذا رديتي وخلى المكان من غيرج
خليه يروح يرتب اموره وعقب فتره بسيطة روحي تطمني عليه
بس اول خطواته خليه بروحه
اهو ريال ينشد فيه الظهر وانا متأكده من هالشي
:)
الله يفتح عليه ويحفظه ويقر عيونج بنجاحه وتفوقه
وتفرحين فيه دكتور
ومعرس
ويفرح قلبج دوم فيه وباخوانه قولي امين
ترا انا بسير عليكم من صجي احبج واحب عيالج،اذا جعدتج تخرج من الثانويه يعني بنيتج وعيالج بعمري
:pP~
مبروك وان شاء الله تعرسينه وتشوفين عياله
وانا رايي روحي وياه اول سمستر
ضبطي اموره
وتطمني عليه ورجعي وياه بين الكورسين
وبعدين خليه يرجع يكمل لحاله
اريح لج قلب
عشان تتطمنين ان اموره ماشيه بالبدايه ومو متبهذل
الله يحفظه من البهذله
salfa3ajeeba:
والله اصلا انت المشكوره يكفى مشاركتج لى بهالمناسبه المميزة عندى واحساسج الجميل لى وبولدى والنصيحه الغاليه
عسى الله يوفقج ويحفظج
و الله من صجى ياحلو بناتنا ورقتهم
يهبلوووووووووون
عثمانى:
الله يبارك في حياتك ....واااي ياحلو ذاك اليوم اللى اشوفه معرس
وشهادته قبله...الله يحفظه ويرده لى سالم غانم.....مشكور على تفاعلك معى بفرحتي
والله يخليكم لى ذخر
عمبر:
مشكور على النصيحه....وكلامك كله صح ماكو شيئ سهل بالحياة ولازم يتعلم يعيش بالحياة معتمد على نفسه
حياك الله ...ومبروك على المدونه الجديده
esTeKaNa:
الله يبارك فى حياتج.....الله يكثر افرحنا
ومسراتنت اجمعين ياكريم
كلامج عين العقل....بس الفلب شسوي فيه
تراوالى ما يعرف حتى يغسل صحن
والا بيطبخ....بيموت من اليوع ومو مسوي شيئ....واللى ذابحنى اذا استمرض من عنده.......؟؟؟؟؟؟
ابوه يقولى ليش بس كله معوره قلبج
ما شفتى شحلو اخوانه راحوا وهم اصغر منه....بجيتى وعفستى الدنيا
وردوا رايايل....هذى الدنيا
واللى فيه الخير ان شاء الله يقدمه
بتوكل على الله واترك امرى بين ايده
مشكووووووووووووره
ونسينى بكلامج الحلو
ZoZOta :
الله يبارك فى حياتج
واللى فيه خير ان ئاء الله يقدمه
اكيد ما راح اهده بروح عنده بس بعد العيد علشان ابسط عنده
حبيت مشاركتج لى بفرحتى
حياج الله
مساج ورد وعنبر
غاليتي
أول شي الف مبروووك على التخرج
وثاني شي تري الدراسة بالخارج والا بالكويت كلها واحد بس الفرق
ان بكون بعيد عن عيونج بس اكيد قريب بقلبج
الفراق صعب واحنا جربناه لمن سافرت اختي الصغيره تدرس جامعة بالخارج
والله ما اجذب عليج متنا وحيينا مره ثانية وجنه قطعه من قلوبنا نشلعت
وخصوصا ان لها حس مو طبيعي بالبيت
واللحين ماشاءالله عليها رجعت بالماجستير بعد موبس الجامعة
استخيري ربك ،واكيد الخيره فيما اختارها سبحانه وتعالي
قولي آمين الله يوفجه ويفرحج فيه وبشهادته سواء بالكويت والا بالخارج
دمت بحب
:)))
فراوله:
مشكوره على هالكلام اللى يرد الروح
وانت صاجه الخيره في ما يختاره الله سبحانه
ويكفى منج هالدعاء الزين الله يتتم عليج بهالعقل والكلام الموزون
ومشكوره على هالدعم لى ومساندتى فى
حيرتى القلبيه....ما قصرتى
الله يهنى اهلج فيج
دمتى بحب وامان
yes go go go!!!
يدرس برى أفضل...
بنت الشامية
و الله أنا توني جديدة على عالم المدونات بس شفت مدونتج حيييييييييييل حلوة و الموضوع شدني ... فحبيت اباركلج تخرج القعدة و الفال للجامعة و لي قولي آمين
مع التحية
Post a Comment