جزيرة ام المرادم
جزيرة عوهه
البيئه البحريه ليست فقط الطيور والسلاحف و اسماك وجزر
فأوضاع جزرنا..
بوبيان و وربه.....ممنوع الاقتراب
عسكريا.....فيلكا....ممنوعه الا بترخيص
للطراريد الخاصه....او بالعباره...مع السواح
الاوربين واليابانين....ياعونة الله.
ام المرادم.....انزرطت....قاعده عسكريه...اسفه
شرطيه...لا نها للداخليه
عوهه...و قاروه ....يقولون اهل البحر
مافيها مياور "" كلها قصاصير يعنى ""
لا تستطيع ان تنزل على اليال....دار ما
دار الجزيره صخور ماتصلح للسباحه
قاروه...ينطبق عليها ماينطبق على
عوهه...ولكنها تزيد سوءا لان
ما تقدر توصل الجزيرة من الصخور الخطره
وبعدين..... ياك... الذيب...ياك اولده....الدوريه
السعوديه والايرانيه يحووووسون هناك
. ما بقى الا بيت القصيد .... الرئة اللى تتنفس فيها
الاسر والشباب... جزيرة "" كبر "" وهم
يحاوتون عليها....يبون يزرطووونها...حتى
تصير محميه خاصه بحجة انها متروووووسه طيور
مهاجره ....مايدرون ان الكويتين عمرهم ما جاسوا
هالطيور ومتعايشين وياهم وكل مالهم يتزايدون
ياشباب الكويت.....اتا صرخت بروحى من
مدونتي....علشانكم....وما بي
اسبق الاحداث....واكيد هالصيفيه بتطوف
لكن الزرطه...بالشتا "" وانتوا غافليين....ركضوا
الى نوابكم وانا ضامنه لكم نواب العوازم لانهم اهل بحر
وشيلوووا من حسبتكم الاسلامين....مووووليه
وشيلوووا من حسبتكم الاسلامين....مووووليه
حتى لو هم حداقه.....لانهم يضرسون على
جزيرة كبر ولانهم..يطئطئون الراس
للشيخه...امثال دايما.....ما ادري ليش ؟
انا ماني متخصصه بالبيئه البحريه
لكني سئلت احد المتخصصين بهالعلم عن اهم
مسببات دمارالبيئه البحريه اجابنى : هي...
1.
المسنات الخاصه
2.
القودي الخاص..في البيوت والقصور..." القودي
معناها..مرفاء خاص
3.
الكوفه..الشباك الحديدي...الذي يكرف بيوت
السمك و الاسماك مع بيضه وهى المدمرا
الكيماوي او الذري للبيئه البحريه الكويتيه
4.
القراقير...يسمونها مقبرة السمك
خلوا كل هذا لحماية البيئة وراحوا كبر ....جنه بس هذا اللى ناقصنا
*********
طبعا تعجبتوا من وين هالمعلومات
الشكر وجزيل الشكر حق المسؤل اللى امدنى فيها.
لما خلصت اسالتي منه....قلته انا
بنت الشاميه وبكتبها بمدونى مسكين توهق
..
ولكني طمانته انى لن اذكر اسمه
سامحوني طولتها معاكم
لكن الكويت تستاهل
و
شبابها
تحديث****
هذا موقع البيئة فى ابو ظبى
شكر للاستاذ بلاليط
36 comments:
صباح الخير
ماشالله معلومات جدا رائعة
و اتمنى انج تشوفين موقع هيئة البيئة أبوظبي
http://www.ead.ae/ar/
كلناااااااااا وياج قلبا و قااالبا
يالله شباااااااااب همتكم ويا حمله بنت الشاااااميه
بحن على اهلي يودونااااا كبر هالاسبووووع
من حبنا لها انضحى لها
مسكينه يالكويت
حتى لما اروح كبر اشوف الاشكال هنا ك اتكدر وارجع
هوووو يامل....هو يامليه هووووووياملي.....هذا حد صراخي معاج يابنت الشاميه..."
بوست روعه وفي الوقت المناسب....والله ان راحت كبر من الشباب مايبقالهم حق السباحه الا ""حالة"" الزور يسبحون فيها..."
ودي اظيف معلومه يقولون الحداقه ان في الشتاء ماكوا ولاااا طير...."
الاستاذ بلاليط:
اثريت مدونتى بتعليقك
ولقد تشرفت بزيارة الموقع
واتمنى للجميع التقدم والرقى
تشرفت بهالزيارة
لوير:
اشوه عيالى شافوا كبر
احاتى عيالكم اللى ما شافوها
السباحه فيها ما يعوضها اى بحر
حرام عليهم اللى يسوونا فينا
عسى الله يعدل الجو يوم الخميس
واذا تبين نمر عليج
هههههه.....حياج
charisma:
المهم الكويت....والمهم ما يمنعونا من
هالجزيره بسبت انها محميه...مثل ما
منعونا من اجزاء من البر.....بس اهم اللى
يستانسونا فيها
احنا بنضحى بس كل شيئ له نهايه
المهم نتجمع فيها هالخميس
دمتى بحب
اجار الدين كشمش:
ان شاء الله ما تروح...خو ما بقت الا
هالجزيرة وان راحت ماكو الا نغنى
ياحسره علينا ....ياحسره علينا
واذا هالمعلومه صحيحه....عيل بيزرعون
طيور بالشتا......لووووووووول
نورتنا...نشوفك الخميس هناك
مساج الله بالخير يالغالية .. اليوم خطره :) من ناحية كبر لا إتحاتين آنا اضمن لج الشبيبه كلهم بربطة المعلم بيتنحرون عند بوابة المجلس !! دفاعا عن حبيبتهم كبر :) حتى وإن أدى ذلك الى حل المجلس :)!! مع إن في اشاعة تقول انه في طريقه الى الحل !!ا
ونصيحة لا اتعورين قلبج في موضوع البيئة البحرية لأن حبالها طويلة
وبما انج مهتمة في موضوع البيئة هذا موقع http://www.greenline.com.kw/home.asp
جماعة الخط الأخضر لهم مني كل الإحترام
يا خسارة أم المرادم
الله يعوضنا
لا خلوا لنا بحر الديرة ولا خلوا لنا بحر الجزر.. وآنا حتى بانيو ما عندي
وانا شعدنا غير كبر خنت حيلي حيلها
كل مكان سكروه وسووه محميه
ما باجي الا حديقتنا يسورونها ويسونها محميه
بس كبر غير
جزيييييييييييييييييره مو بحاصه
لا حول ولا قوة الا بالله
من حبنا لها
انوفر لها
شهالحاله!!!
وكل العاده
اهما يشوفون شي احنا مانشوفه
ولامره رحت كبر
بس على الاقل نسمع الناس تقول رحنا جزيره بالكويت
اهما سواا الجزيره الخضرا وصدقوا انها جزيره ؟؟؟
عجبى
Thank you for this post.
I LOVE IT.
om-bukhnag-zare:
هلا وغلا ......من خوفى ما بقى لنا الا
كبر.....خلونا نحسب كل خطوة يمشونها
لان النيات صارت مو بيضه....مثل اول
فاللى ان لسع من الشوربه
ينفخ بالزبادى....دودهونا
ومشكورة على موقع الخط الاخضر
الله يعينا ويعينهم
اتمنى لك عطلة سعيده
Shurouq:
انا من صجى خايفه من بعدين....على عيالنا يموتون من القهر لما يسمعون ربعهم بالمدرسة انهم سبحوا فى محمية كبر.....ويدورون عيالنا مفتاح المحميه
والا عند عد الله معيوف....يسويها البخت
حياج الله
3ateeja:
صار لازم من حبنا لها نوفر لها
حديقتكم وينها؟؟ خلينى ادليهم
يمكن اذا شافوها يهونون عن كبر
ويخلونها لنا....لووووووووول
حياج الله
What Will Be , Will Be :
شبعنا من انهم يشوفون شيئ احنا ما نشوفه....احنا عميان ؟؟؟؟؟
والا هم عندهم عيون زرقاء اليمامة
لازم تحاولين تروحين و تسبحين فيها...يمكن تكون باشر من الذكريات
الله اعلم
نورتينا
Mama Ony:
الحمد لله انه اعجبج
من حبى لها....زاد خوفى لها
مشكوره
شي يديد ماكنت اعرفه كله
بيه تو الناس
بس خايفين على كبر ؟
وينكم عن بوبيان وينكم عن وربه
وينكم عن العبدلي و مزارع صليبية و كبد ؟
وينكم عن الوفرة ؟
خل أسكت أحسن لأن ناس كثيرة كانت تدري و ساكتة لأن مايهمها هالشي ولا يمس ممتلكاتهم
ولكن بما إن معظم رواد الشاليهات كل ويك إند من زوار كبر اللي جنها البيئة الوحيدة في الكويت
إرتجفوا و قاموا...
على العموم مش وقته الحين هالكلام
بالنسبة للبيئة البحرية عزيزتي بنت الشامية فكلام صديقك سليم بالإضافة عليه كما شاهدت بأحد برامج البيئة البحرية..بإن المخلفات البحرية لرواد البحر أيضا تؤثر في شكل كبير على البلانكتونات البحرية و العوالق المائية التي هي تعتبر الغذاء الرئيسي في الهرم الغذائي البحري
فالسمك يقتات على هذه العوالق
التي يدمرها رواد البحر بهدير الطراريد و زيت المكاين و المحروقات التي لوثت البحر بشكل كبير دون رقابة على أعداد هذه المركبات البحرية
فالسالفة هدد لكل من هب و دب 17 طراد ينزلهم البحر
علب البيبسي الفارغة تختاج إلى 20 سنة لكي تتحلل في البحر و أكياس البلاستيك قد تظل إلى مئات الأعوام ولا تتأثر
بل عثر الفريق المتطوع على اعداد لسلاحف بحرية نافقة على جزر الكويت نتيجة إبتلاعها لهذه الأكياس الخانقة
حرام يا جماعه
إذا ما رحمتونا...رحموا هالحيوانات المسكينة
بالنسبة للبيئة البحرية
مساج الله بالخير اخيتي بنية الشامية
مدام البيئة وراها ناس ما تفهم و لا مختصة و لا دارسة علوم البيئة وين بيئتنا بترقع!!؟
امثال الاحمد شنو علاقتها بالبيئة ابي افهم...هل هي متخصصة بالبيئة؟؟
قواج الله على هالموضوع
عتيج الصوف:
كلامك فيه من الصحه بس وايد متحامل
واول شيئ ابى اقوله ما عندنا شاليه...وما عندنا الا طراد على قدنا يادوب يوصل كبر ؟؟؟ وبعد على قولتك ما بقت الا كبر خل نتلاحق عليها...ونحاول نرد اللى تقدر نرده
واما عن حماية البيئه فكله صح وخل كل واحد يبداء بنفسه لا يعتمد على غيره
ليش ننطر ونسوى حملات ونصرف عليها الملايين مثل هالحمله سينفانا
مو كل مجتهد له نصيب....طبعا اقصد هالحملات الهدف منها اعلاميا وتلميع الرعاة... فقط
حياك الله
Shaima'a Alkandari:
الحمد لله انى امديتج بمعلومات هامه عن اوضاع جزرنا.....الكويت تستاهل
حيج الله
عثمانى:
جان زين اعرف جواب سؤالك....يمكن استريح واركد.....والا كل شيئ هالديره فخرى......مو رشدى ...هههههه
شر البليه ما يضحك
خلها على الله
انا اعتذر منك شخصيا
وسامحيني مو اخلاقي اني اتهجم على احد
بس اهم حدوني
عموما اسف من كل قلبي
وان شاء الله ما تتكرر
واكبراه
كلش ولا كبر
عاد انا عندي اعتقاد ان كبر ممكن تصير احسن من دبي
و حاليا انا شايفها طايفة دبي بمراحل
خصوصا (بالحريات)و بالحفلات الفنية التي تقام هناك
حتى مطلع الفجر !
و لي في كبر بوست مستقبلي جاهز
بس خل نخلص من عفسة الاستجواب
انا اقول كبر حرام اللى قاعد يصير فيها ولازم الحكومة تنتبه لها ونوابنا الحين لاهين بالاستجواب لو تقوله فيلجا نحش
بس باللى نقدر عليه نعين ونعاون
شخبار مسكان وأم النمل، وليش ما تكلمتي عن بوبيان
بطلنا نروح ام المرادم..والسبة هالمحاوط..محنا عارفين يتلونا ولا مايتلونا..الناس تبي تروح اتنفه شوي بمكان يقصون على نفسهم انهم بالكاريبي..مافيه..مالنا الا الحالة..نبلبط فيها
dont play boy:
مشكور......ونطلب لك وللجميع الهدايه
neo;
هلا بالطش والرش.......تري اذا بحط
حالك حال الحكومه منت خالص
شويه حكومه وشويتين فرفشه
الامراض ما تيي الا من كثر
الحرات...واحنا نخاف عليك
حطوا بالكم على كبر.... تراها بعهدت
الشباب....ما بقت الا كبر
حياك الله
Mishari:
ادري فيك انت ابو المهمات الصعبه
لا تغفلون عنها حطوا عينكم عليها
نسيت حمد الله على السلامه
قرت عين اهلك فيك
حياك الله
Fahad Al Askr:
والله ما نسيتهم...اكو واحد ينسى ديرته
بس صار البوست وايد طويل فاختصرت بس
الجزر المطروقه من الناس والصالحه
للسباحه والترفيه الاسرى
على قولتهم مسكان كلها طين
وبوبيان منطقه عسكريه..وكلها طين
ومنطقه خطره...ما يسوى هالترفيه فيها
وام نمل ضموها للميناء وصارت منطقة
للشحن والتخزين
عذرى الوحيد طول البوست
وشكرا لك على ذكرهم
حياك الله
Krakatoa:
اداد لها الحاله بتكفى مين والا مين..؟؟؟؟
اخمر عليها..!! لا يسوون باكر فيها شيئ
ومانوصلها......بس ما كو فالعالم مثل بحر ام المرادم وكبر
نشجع كله المحلى يكسب
همتكم يالشباب.....حياك الله
وينج غاطه
عسى ماشر
ماكو اخبار يديده بالشاميه ؟؟
انا لما الحين قلبي مع الحفاره اللي ضاعت
لوول
What Will Be , Will Be :
والله لاهيه شويه فى جم حدث فى حياتى الخاصه ويا عيالى بس كلها مفرحه
والبوست اليديد جاهز بنزله اليوم والا باكر
تسال عنج العافيه
اما الحفاره ....ما فى اخبار عنها الظاهر تشتغل عدل....ضبطوها
والا يمكن خافت من اصحابها.... فتعدلت
لوووووووووووول
مشكووووووووووووره
Post a Comment