فضفضااااات ورديه

من الاهازيج  القديمه اللي كنا نسمعها و نرددها  بطفولتنا

أرنب   نــــط ......  راح   الشــــط

  ايب  لي  خــــط  ........ مـن     يقــــــراه

أنـــــا   اقــــــــــراه  ........  سبع   سنين   ما أنساه

*****

ما ادري ليش خطرت ببالي الحين  وقمت أتفكر فيها وفي معانيها

أتفكر بهذا الإنسان البسيط من يتمنى أن يصله الخط "الرساله" من أهله وأحبائه

وهو علي أحر من الجمر و الوله والشوق عليهم وعلي أخبارهم وعلى ريحتهم

يقعد بالأيام والليالي يفكر فيهم  ويمني نفسه بمن يطمئنه عنهم وعن أحوالهم

الوله والحنين في هذيك الأيام كان صعب وقاتل

ولكنه أمل جميل ينير حياته  ويعيش من أجله

حتى من بساطته فى أحلامه  سخر الأرنب ليكون له  ساعي البريد

و من النظرات  الأولى لهذا الخط الذي طاااال إنتظاره

راح تنحفر الكلمات برأسه وخاطره وقلبه ويحفظها  لسبع سنين قادمه

صعوبة الإتصال وطول المده وشدة الحب ولوعة الحنين هي التي تعمق

العلاقات الإنسانيه وتوطها وتوثقها وتقويها  بذلك الزمان"
مو العلاقات الإنسانيه" بهذا الزمن" أغلبها  سفري.. تيك  أويه
 

حتى أرنب هذيك الأيام كان طيب وأمين وسريع بنقل الرسائل 

ويبشرهم بالاخبار الساره والغير ساره ماكان يفضحهم  ولا ينشرها علي كل من

كان نعم الارنب الوفي الصادق  الأمين

مو أرنب هالأيام   كسلان  وبليد  حتى ما يتحرك من مكانه

ماعليه الإ أن يدعس  زر بالكيبورد  أو بالموبايل  ويتواصل مع أهله ومن يحب

ويحط العالم كله بين يديه اللي يعرفه واللي ما يعرفه

يتواصل معاهم بالصوت والصوره طول  الليل  والنهار

إلى أن يشبع منهم ومن أخبارهم  وأحوالهم... جنهم  قاعدين  بصالة بيته

بس كل هذا ما له طعم ولا ريحه مثل الخط اللي تستلمه من الشط

إنسان الماضي بسيط وعلي نياته سخر كل اللي يقدر عليه ليعيش سعيد

لأنه قنوع ويرضى بكل  اللي يحصله ......لم يكن متمرد ولم يكن طماع

وكانت البركة  بالقناعة  والرضى

 

 ما أدري ليش تمنيت أن أكون هذا الأرنب

أنط علي كيف كيفي  بكل مكان وأي مكان مو بس ألي الشط

أحسن من أكون  أنا   اللي  تتنتظر هذه الرساله ....و بكل شوق وحنين

والإ   أكون الرساله  بكبرهااااااا

والإ  أنا من أرسل  هذا الخط  للأحبه والاهل ؟؟؟

كلش لا لا لا ...... ما أحب الإنتظااااار

مالي الا أكون الأرنب هو الإختيار الأفضل والأنسب لي

فى العالم الوردي ماكو مخاطر ولا ألم ...ولا لوعه

ماكو الإ أحلام بأحلام وخياااااال  بخياااااال 

والإ أن اكون  الرساله أواللي تنتظرها  .او اللي بكتبهااااا

ما اعتقد..... كلش ملش

ماااااكو أمل فيني  موليه

يالله الثبات

كلهاااااا  فضفضااااات  ورديه

تقبولها مني.....لو سمحتوا

وسلاااااااامتكم