Thursday, November 15, 2012

نهاية اسبوع سعيده .....وتسالي اخر الليل

 دخل حرامي بيت  عيوز بالليل  يبي يبوقه   
يوم طب بحوشهاااا لقاه متروس تيوس
استغرب الحرامي
قام يدور بالبيت عىل  يبي ياخذ شيئ يسوه مااااالقى شيئ
فقرر يدخل بهدوء دارها  علشان ما تقعد من نومها
يمكن ولعل وعسى ... دور بكل مكان هم ما لقى شيئ عليه القيمه
فطل براسه  تحت سريرها
 لقى فانوس عتيج  مقطوط تحت سريرها و باني عليه الغبار
ضحك وقال يمكن هذا اللى يقولون عنه المصباح السحري
خل اخذه على الأقل أقول إني اخذت شيئ من بيتها
قام ومسحه بايده  وهو يضحك ...والا شوي ويطلع له المارد
قال له المارد : أنا خادم حامل هذا المصباح، مرني فأطيع
قال الحرامي : من صجك انت المارد  والله  أبي مليون  
مااااااا رد عليه  الماااااااارد
رد الحرامي  شفيك ..؟؟؟ ابي مليوووون
رد المارد : شنوووو  ؟؟  تبي  ليموووون
رد  الحرآمي  أبي مليوووووون
قال المارد : شتقول  انت  ؟؟؟؟ علي صوتك  
صرخ الحرامي وقال له  ابي مليوووووووووون
قامت العجوز من نومها علي  صراخ الحرامي وهى تضحك
لا تعب نفسك وياه تراه طول بعرض وعلى الطل ... ما منه فايده
لى سنيين وانا اقوله ابي ضروووووس ....وتاليتها ترس بيتي تيوووس
 تراااااااه اصمخ  .... ما يسمع .... اكسبيرد
الله يعافيك اذا خلصت منه دخله الفانوس ترا ما يشوف عدل
وتاكد انه دخل  حتى لا يأذيني طول الليل ويه ليمونك  
اللى فيني مكفيني وما فيني شده انظف 
هالمره بعد ليمووووون
اذا تبيه واللى يسلمك  اخذه وياك وفكنى منه  يزاك الله عني الف خير
  تراه كاسر خاطري من زمان 
*******
مع تحياتي بقضاء اجازه ممتعه بهالجو البديع
وبعيدا عن السياسه والغثااااااا
وسلااااااااامتكم

4 comments:

ibnalsor said...

فكر الحرامي بعرض العجوز وقال وش يمنع اني اخذ المارد معاي يمكن الاقي له صرفه .. واخذ يفكر الحرامي شلون يستفيد من هالمارد فتذكر ان العجوز قالت له ان المارد مايشوف عدل .. فقال بس لقيتها .. وقام كل يوم يدور له حفره يم بيوت الاغنياء ويطلع المارد عند الحفرة ... فيخفق فيها المارد .. وتتجمع الناس على صوته جني جني .. فيجي الحرامي ويقول للتاجر كم تعطيني واخلصك من هالجني .. ويتفقون على مبلغ .. واذا صار الليل راح للحفرة وكلم الجني اطلع يبه بيتك كاهو .. ويدششه بالفانوس ويدور له على حفره ثانيه .. ليما اغتنى صار مليونير .. فسمعت العجوز بسالفته جان تطير له وقالت له خلصت من الفانوس ... فقال لها الحرامي اي خلصت ومشكوره .. اخذت العجوز الفانوس وطارت فيه لغرفتها .. وطلعت الجني وقالت له .. شف انا مافيني شده مثل الحرامي ابيك اي حفرة تشوفها على طول تدوس عليها وانا اطلعك فاهم .. فرد عليها حاضر .. وثواني ويترس غرفتها تيوس .. فانجنت العجوز وقالت له اقولك دوس دوس مو تيوس حسبى الله عليك ترست بيتي بهالتيوس

بنت الشاميه said...


ابن السور الكويت :

تصدق بدعت كتبت نهايه ممتعه

غششششيت من الضحك
شكرا لك


وشكرا لزيارتك

تحياتي

ibnalsor said...

عاد تصدقين ان قصتج لها واقع وتفسير علمي .. ياللا تعالي معاي نفسر .. شوفي .. المارد يمثل الاماني والاحلام .. والعجوز تمثل ماضي لا يمكن للمارد انه يعيده .. والتيوس تمثل المشاكل اللي ماتنتهي .. طيب .. وش نفهم .. نفهم الله يسلمج .. ان هذه العجوز تحلم وللي يمثل حلمها منو .. المارد طبعا .. والتيوس هي مشاكلها .. الصحية مثلا .. الناس اللي تركوها .. او الاهل اللي ماعادوا يسألون عنها .. شفتي وشلون قصصج حلوه وممتعه والاهم ان لها مغزى ..الحين من هو اللي بدع .. انا وللا انتي.. الجواب .. من سبق لبق .. وتبقين انتي الفعل ,,, وانا ردة الفعل ... شفتي وشلون الفرق كبير

ibnalsor said...

ولان بنت الشامية كاتبة رائعة .. ولها وزنها ولها قرائها .. فانا راح اشرح قدرات هذه الكاتبة على توظيف النص .. فنلاحظ ان المارد الذي يمثل الاحلام والاماني هو ضعيف نظر ولا يسمع .. وهذا بالضبط ماتريده الكاتبة .. فالاماني لا تسمع من ينادريها ولا ترى من يسعى اليها .. ونلاحظ ان العجوز عندما استيقظت من نومها وشاهدت الحرامي .. بادرته بالسخرية والامتعاظ من قدرات المارد .. والحرامي هنا هو رمز لماضيها .. الذي سرق منها كل جمال الحاضر .. حيث جعلها ضعيفه تعيش وتقتات على الاحلام ... لكن ماذا لو ان شخصا ما تمكن بان يحقق الحلم .. وهذا مافعلته في تكملة القصة .. فالحرامي الذي يمثل قدراتها حين كانت شابه .. يمكنه ان يحقق حلمها .. فالحرامي استفاد من المارد اي استفاد من هذا الحلم .. وعندما عرض على العجوز .. لم تتمكن من تحقيق اي شيء سوى زيادة بعدد تيوسها.. فالاماني التي لا تتحقق تزيد من كابة صاحبها ..هذه الكاتبةرائعة وهي تكتب بقلم جميل وبفكر صاف ...