Wednesday, December 07, 2011

مشروب الصحه....للكويت

هم اللي نزلوا الجدور والقواري من على الكبت
وهم اللي طبخوا العشرج والحلول بإيدهم
وشربوه بأنفسهم محد طقهم على إيدهم
خل نشوف  الحين طبختكم عساه تنفع
مطرح ما يسري يمري...عشرج وحلول العافيه
والصحه للكويت
عساه ينظف العقول قبل البطون
وعساه يصحى الضمائر قبل الإيادي
ويغسل أُحادية الرأي من العيون والعقول والقلوب
ويميت الطائفيه والعصبيه والشخصانيه
علشان الكويت ولا شيئ غير الكويت
الكويت للجميع سواء رضينا ام أبينا
وقبـــــول الجميـــــع
وعدم اقصاء الاخـــر
الكويت ليست لأحد دون الأخر
مافيه أجمل وأحن من الكويت
علينا وعلى غيرنا
فاللهم من أراد بالكويت كيداً رد كيده بنحره
اللهم إحفظ الكويت
اللهم أمين
وسلااااااامتكم

6 comments:

الجودي said...

صاااااجه

و الله يحفظ الكويت و أهلها

آمين

Anonymous said...

اتفق معاج بكل ما ذكرتي

مادري منو تقصدين بهم بالظبط انا اعتقد تعود للطرفين مو طرف واحد

عسي الله يحفظ الكويت ويكافينا شر من فيه شر ويشغله بنفسه

اتمني ما يرجع اي عضو من المجلس السابق

ibnalsor said...

ياكثرهم اللي نزلوا الجدور والقواري .. وياكثرهم اللي راهنوا على اللي بالدور ولي بالقواري .. والكل منهم من محضّر صحنه وبيالته .. او مستحي من اظهارصحنه وبيالته ومكتفي بمنظر الجدور والقواري .. المهم عند البعض انه يشبع نفسه .. او .. يشبع نفسه .. ونقول ان الاهم مثل ماقالت بنت الشامية ..
عساه ينظف العقول قبل البطون
وعساه يصحى الضمائر قبل الإيادي
ويغسل أُحادية الرأي من العيون والعقول والقلوب
ويميت الطائفيه والعصبيه والشخصانيه
علشان الكويت ولا شيئ غير الكويت

بنت الشاميه said...

الجودي :

الله يحفظ الكويت ..من كل شر واذى يارب

مشكوره يالشيخه

بنت الشاميه said...

Anonymous :

الهدف هو امن وامان واستقرار الكويت
وكل من علي راسه بطحه.... يستاهل شرب هالحلول
ويحفظ الكويت منهم ومن شرهم ومن فتنهم...وعصبيتهم وطائفيتهم ومكرهم

تحياتي

بنت الشاميه said...

ابن السور :

تمنيت ان ينظف العقول قبل القلوب
بس الظاهر ان الجرعه كانت غير كافيه خصوصا بعد ما حدث امس من فرعياتهم المقيته....ماكو فايده فيهم
كان عندي بارقة امل صغيره جدا ان يحارب شبابهم ويقفون مع الحق والنزاهه... بعد اعتصاماتهم
ومحاربه الفساد
هقيت ان الشباب هم من سيقود المرجله الجديده ...لكن ياحيف
لا طبنا ولا غدى شرنا
وكانك يا ابوزيد ما غزيت

الله يحفظ الكويت من كل من اراد بها شرا أو فتنه أو مكائد
شكرا لزيارتك الكريمه
تحياتي