Tuesday, May 31, 2011

خدمة توصيل منازل .. والإ .. مباحث


هذا ما حصل ويحصل وسيحصل فى سوريا
الله يخلصهم من هالنظام القمعي البعثي الفاسد
ويعيشون  أحرار 
******
 أتصل رجل بمحل بيتزا ليطلب خدمة التوصيل للمنازل
فردعليه موظف استقبال الطلبات
ودار الحوار كالتالي

الموظف: نشكركم على اتصالكم ببيتزا هَت، تحت أمرك أستاذ

 الزبون: فيني أطلب؟

  الموظف: ممكن تعطيني رقم البطاقة تبعك لو سمحت؟

 الزبون: ماشي، لحظة وحدة  6984554610

الموظف:حضرتك الأستاذ خالد وعم تتصل من العنوان شارع أبوسمرا
بمنطقة المالكي بالشام ورقم تليفون بيتك 01196321  بنصحك
ببيتزا المشروم خفيفة الدسم ورح تعجبك جدا

 الزبون: وليش بقى واثق إنها رح تعجبني !!! أيوووااه ...أوكي
بدي أطلب بيتزا سي فوود من فضلك

الموظف: ما بنصحك أستاذي فكرة غير جيدة

 الزبون: أوف ليش؟

  الموظف: من بطاقتك الصحية قدامي بيتضح أنو معك ارتفاع في
ضغط الدم وارتفاع في معدل الكوليسترول

 الزبون : شو!!!.. ممم.. طيب شو بتنصحنا؟

  الموظف: بنصحك ببيتزا المشروم خفيفة الدسم ورح تعجبك جدا

 الزبون: وليش بقى واثق إنها رح تعجبني

  الموظف: لأنك اشتريت كتاب من معرض الكتاب مؤخرا
اسمه: ألذ مأكولات المشروم.. من مكتبة الأسد بالأسبوع الماضي

الزبون : ايوه ايوه.. أوكي .. رح أطلب منها وحدة... حجم عائلي

الموظف: بعتقد إنك لازم تطلب وحدة تانية... وحدة غير كافية
لعائلتكم  المكونة من 6 أفراد، فالمجموع بيطلع عليك 70 ليرة.
بس أستاذ، عندك مشكلة للأسف الشديد، مارح تقدر السداد بالائتمان
ولا بد أنك تسدد المبلغ نقداً لأنك مديون للبنك بمبلغ 37220.55 ليرة
من تشرين الماضي فواتير بطاقتك الإتمانية وسكروا عليك حسابها
غير القرض الأخير يللي عليك من البنك  للشقة الجديدة

 الزبون: طيب رح بسحب من الماكينة القريبة من بيتي لبين ما توصل البيتزا

  الموظف: كمان بعتذر من حضرتك إستاذ... ما رح تقدر، لأنه وفقاً
للبيانات  قدامي فإنك اليوم سحبت الحد الأقصى المسموح فيه \من
رصيدك كاش.. وما حا تقدر تسحب اليوم أي مبلغ نقدا من ماكينة الصراف

 الزبون: ايييييه أي والله، أخي بعات الولد وانا رح بعطيه كاش
وأديش بتاخدو وقت مشان نعرف

  الموظف: حوالي 45 دقيقة أستاذ، بس إذا ما بتحب تنتظر كل هالوقت
ممكن تتفضل حضرتك بسيارتك الكيا البيضا الجديدة

 الزبون: شووو؟؟؟؟

  الموظف: وفقاً للبيانات الموجودة قدامي فإنك اشتريت سيارة كيا بيضا
رقم اللوحة: دمشق 123456

الزبون: انت موظف سافل.. و وقـح.. و رح أشتكي  عليك يا.. الـ

  الموظف: عفوا أستاذ ...انتبه لكلامك منيح ... لا تنسى أنو عندك
قضية بسبب أنك قللت أدب مع ضابط مرور بتاريخ 15 آب
الماضي متل مو واضح قدامي من بيانات حضرتك

 الزبون: ........ العمااااااا ؟

  الموظف: بتحب أخدمك بشي تاني أستاذ ؟

 الزبون: لا لا سلامتك ولاشي بس البيتزا بالمشروم بالحجم العائلي
مع  البيبسي كولا المجانية يللي مع كل وجبة بيتزا
العماااااا.. خدمة زبائن  أما فرع مخابرات

  الموظف : الحق معك .. بعتذر ما بقدر أبعت لحضرتك البيبسي المجانية 
نحن عادة منقدمها للزبائن يللي ما بعانوا من مرض السكر
ولكن متل مو واضح  قدامي بيانات حضرتك بتظهر إنك مريض بالسكر

 الزبون: أخي ألغي هالطلب كلووووووو... ما عاد بدنا نتزهرم
ضراب السخن
قومي يا مرة انقبري واطبخي
*******
الله لا يغير علينا والحمدلله ما شفنا اللى شافوه غيرنا
لا بيسرنااا و لا حتى  بعسرنااا
بوجود ديمقراطيتنا  وبدون وجودها
 الله يااامناااا بوطنا الكويت دوم يارب العالمين
وسلااااااامتكم

8 comments:

ليالي باريس said...

كثير مهضومة ... هيدي يلي اسمو كوميديا سوداء أو الهم يلي بيضحك

نتمى جميعا أن يطلع فجر الحرية على الشعب السوري و يتحررو من المجرم بشار الفشار و عصاباته الدموية

Anonymous said...

اولي على امتي @@

الله يعينهم ويعين كل مظلوم ويفرج عنهم

الجودي said...

اللهم آمين ربي يامنافي أوطانا

والله يعين الجميع يا رب

على قولتهم هم يبكي و هم يضحك

عساج على القوة حبوبة

:)

Anonymous said...

اللهم آمين يحفظنا ويحفظ لنا الكويت
والحمدلله على الأمان الله يديمه

بس بصراحه البوست يصلح مسلسل
كل سطر أقوى من اللي قبله

بنت الشاميه said...

ليالي باريس :
الكوميديا السوداء او الادب الساخر دائما يكون الاكثر ايلاما بوصف الواقع المرير

ان ئشاء الله قرب الفرج لاهالي بلاد الشام من هذا المجرم السفاح وزمرته

مرورج جميل

بنت الشاميه said...

krkor:

اللهم امين
الله يفك عوقهم ..وينتصرون على النظام القمعي الفاسد

حياك الله

بنت الشاميه said...

الجودي

كل اللى نبيه الامن والامان فى وطنا

وينصر الشعوب المظلومه من حاكم ظالم جائر

حياج الله منوره

بنت الشاميه said...

t7l6m.com :

امين يارب العالمين

ترى اغلبه صحيح وموجود عندهم شورى دوله تحكمها زمره فاسده ظالمه طاغيه
اللهم احفظنا

حياك الله