بمناسبة الإنتخابات المصريه

حوار بين حسنى مبارك  و سوزان
قبل الانتخابات الرئاسيه

سنة 2018
سوزان :    صباح الخير ياحسنى
حسنى   :      مين ...؟؟؟    مين؟
سوزان:       هاكون  مين؟  سوزان
حسنى    :       الإخوان؟
سوزان :    يوه أنت لا بتسمع ولا بتشوف قوم خدلك حمام
حسنى :     أنا أكتر واحد بأحب السلام
سوزان :    الله يطولك ياروح اسمع هاجبيلك التليفون تسأل

على بابا الأقباط الجديد إحنا داخلين على إنتخابات
حسنى :     أنا ماعنيديش  بنات
سوزان :    يادى النيله خد ياعم التليفون أنا أدور لك النمره
حسنى :     ازيك ياطنطاوى سلامتك ياعم الشيخ
سوزان :    أشوف فيك يوم يابعيد .  بأقولك بابا الأقباط تقوله ياعم الشيخ وبعدين طنطاوى مات من زمان
قوله سلامتك ياأبونا ولازم الأقباط  ينتخبونى

واقفل السكه علطول علشان إنت هتفضحنا
سوزان :    باقولك إيه ياحسنى مابلاش إنت ترشح نفسك

المره دى سيب فرصه لجمال ده ابنك برضه
حسنى :     لا  الإ  الإنتخابات
سوزان :    اشمعنى دى سمعتها علطول على كل حال 
جمال عجز وبقت صحته على قده
طيب ها تعمل إيه فى الإخوان
حسنى :     أنا مش هاتغدى بتنجان
سوزان :    يارب توب على أنا مش عارفه عزرائيل تايه عنك فين ..جهز نفسك هتقول كلمه فى مجلس الشعب
وفتحى سرور هيجيبوه من الانعاش على المجلس علطول

و صفوت الشريف معلق المحاليل وهيكون موجود
حسنى :     طيب والجدع الطويل قوى ده موجود
سوزان :    ايه نسيت نظيف رئيس الوزراء موجود هيروح فينى دايهه أهو مرزوع بقاله عشرين سنه والقوطه
بقت ب100 جنيه واللحمه الكيلو بخمسميةجنيه
 و الناس هتاكلنا ولا الأذعه احمد عز اللى خلى طن الحديد 
ب5000 جنيه والناس بقت تبنى بالطين على
كل حال الشعب نفسه قرب يخلص روح 

 الحق يشوفوك قبل ما يموتوا كلهم
حسنى :     طيب الجدع المطبق اللى ماسك وزارة الحشيش
سوزان :    قصدك الجيش مش الحشيش طنطاوى
 ياسيدى هيجيبوه 2عساكر يحطوه على الكرسى

ولما تخلص هيبقوا يرجعوه المستشفى
حسنى :     طيب خليهم يجهزولى الطياره الحربيه

هاعمل طلعه جويه على مجلس الشعب
سوزان :     ياأخى اتنيل إنت لسه عايش فى الدور هوإنت فيك نفس  بس اياكش تلحق توصل وقولهم كلمتين عن البنيه التحتيه وان الحكومه هتوفر الفول والطعميه وهاتخليهم على البطاقه وإنك نفذت خمس أسداس البرنامج الإنتخابى وقولهم إن الكنايس الخمسه اللى فاضله فى مصر خط احمر وماحدش حيجى ناحيتهم قبل الإنتخابات ماتخلص وإننا هانصدر قانون دور العباده الموحد  فى الدوره الجايه لمجلس الشعب
حسنى :     طيب وإن سألونى عن فلسطين
سوزان : فلسطين ماخلصت من زمان خديتها اسرائيل

وحماس بيتخانقوا على رفح  دلوقتى
حسنى :     طب وكان فين عمر سليمان
سوزان :    تعيش انت من زمان
حسنى :     طيب خلصينى علشان عاوز أسافر ليبيا
اقابل القذافى
سوزان :    القذافى تعيش انت من خمس سنين

وابنه  اللى مسك  الحكم
حسنى :   طب اروح السعوديه عند الملك عبدالله
سوزان :  تعيش انت من كام سنه وانت عزيت فيه
حسنى :   طيب أسافر فرنسا أشوف ساركوزى
سوزان :    تعيش إنت ..... من زمان
حسنى :     طيب أروح امريكا 
سوزان :   مش عايزين يشوفوا وشك زهقوا منك
وانا كمان زهقت منك.خليك مرزوع هنا
وهابعت الدوبلير بتاعك
حسنى :     أمرك  يا  حنان
سوزان :    سوزان  ياخوي أنا سوزاااااان

إنت فيك  حيل  لحنان ... خليها لإبن الجيران
وكل انتخابات وانتم طيبين
منقــــــــــــــــــــــــول
وسلااااااامتكم