Thursday, November 18, 2010

الزوج ينباق ...؟؟؟؟ والا يهج من نفسسسه ..؟؟؟؟

يمه إنباق رجـــلي ....  داده  إنباق رجـــلي
 بنص الليل غطيته  .... قعدت الصبح مالقيته
خدري الشاي خدريه.... قالت لمن اخـــدره
شفالج يابعد الروح .......دومـــــــــج مجدره
 ******
الإغنيه مربع  من التراث البغدادي القديم
*******
أنا إلى الحين متعجبه شلووون إنباق ريلهااااا
ناطه  عليه "مرأه " بالليل  وباقته
أكيد مو حراميه ..... والأكيد شيبون فيه...؟؟؟؟
والإ يمكن إهي مخديه وحسبالها إنباق
المرأة دايما مسكينه وتصدق إن ريلها أحسن واحد بالعالم
وكل من يبيه ....والحريم بيتخاطفوووونه منها بكل مكان
ما راح أتكلم عن هالعطله الطويله اللى أغلب الأزواج  
سافروا وهدوا بيوتهم وعيالهم  
تراهم ما انباقوا بل هي هجره قصيره" نحششششه" و  
وسيعودون سريعا لإن الخلافات والإشتباكات لازالت
قائمه  و موجوده على " السفره وبعدها " مع الربع
 سؤال يدور فى بالي ليش الشكوى  دائما  للأم مو للأب
حتي لــــــــــمن ينباق الزوج ..؟؟؟؟
الله يعين الأم بتحمل منو والإ منو والإ منو
لهـــــــــــــــــــا اللــــــــــــــــــــــه
الحين علي كل وحده تقحم باب دارها ودرايشهااااا 
قبل باب بيتها ...... وخصوصا بالليل
للمحافظه على الأزواج" الأعزاء" ء
مفتاحي من الحين  اختفى ......عيزت أدوره ما لقيته
إن شاء الله من الصبح أروح و أصب عليه درزن مو واحد
كل شيئ ...ولا البووووق
اتغششششمر
وسلااااامتكم

46 comments:

Anonymous said...

توني ادري ان خدري الشاي خدريه بدايتها ريال مبيوق @@

ديروا بالكم علي رياييلكم تري البوق علي ودنه هالايام

Anonymous said...

انا اول ما أقرأ هالجمله

"المرأه دايما مسكينه"

يحوشني مغص مو طبيعي لان أحس بالظلم من قائل هذه الجمله

بس انا أحترم بالحريم العمل الجماعي الغير متفق عليه يعني تلاقيهم كلهم متفقين على الجمله بدون ما يقعدون مع بعض في بينهم لينك مو طبيعي بدون اجتماع قاموا يقولون هالجمله وخلاص ابي وحده من الحريم تقول غير هالكلام أنسى مالك أمل

حتى اللي تغني يعني مسكينه انباق ريلي وتلاقيها هي اللي مصرفته

ساره النومس said...

كااااااااااااك

في رياييل اذا انباقوا

ندور على الي باقوهم غصب بس علشان نبوس راسهم ونقول خيرا فعلت لوووول

عامر said...

هلا شاميه
يمكن مل من الشاي ، لازم شوية تغيير ، يعني مثلا في النهار شاي و آخر الليل تصب له عرق ، يعني لازم الزوجه تمارس الكيد العظيم باستخدام جميع الأسلحه اللذيذه حتى الممنوع

Anonymous said...

رزء الله على أيام زمان

والله وزكرتينا بالشاي العرائي خيتو

أحلى عيد للعيلة ستو

Mohammad Al-Yousifi said...

عجيب

:)

ولاّدة سابقاً ... رانيا السعد ...رانية المنيفي حسب الأوراق الرسمية said...

فكرة سرقة الرجل فيها فوقية نسائية ...حيث تعتقد المرأة أنها كجنس متفوقة عليه لذا فبإمكانها أو بنات جنسها تحريكه باتجاه واحدة أو أخرى نافين عنه الإرادة وحق تقرير المصير

يصبح الرجل أرض لا حول لها ولا قوة تتصارع عليها القوى النسائية العتيدة

المرأة التي يتركها زوجها تحب فكرة السرقة لانها تجعل منها ومن زوجها المسروق ضحية وتجنبها أي مسئولية

وقد أعجب الرجل هذا الطرح لأنه يبرؤه تماما ويحييده
ورد الصديق مطقوق بكلمة عجيب
دليل استحسان الرجال لمثل هذه الفكرة


المراد: الزوج ما ينباق
ولا يهج من نفسه
فكما يقول الفرنجة
it takes two to tango


وعيدكم حب ووئام وشاي مخدّر

Mamloo7a Q8ia said...

عيدج مبارك يالغاليه
وعساج تعودينه
بالصحه والعافيه
:**

DiLLi O MiLLi said...

ويييييييه دفعت مردي بالهواااا شرجي
من باجر بشلع الدرايش والبيبان وبخلي البيت هـــدد
لاااااا .... وبهد سياج البيت
بالطقاق اللي أطقهـــــم
مووووت عاد رياييل هالوقت ... وجودهم مثل عدمـــــــه



وبعدددين الله يهداااج شطاري حاطه لنا مثلث ما أدري مربع بغدادي !!؟؟؟
قطييييعه ما أشتهي أسمعهم !! ولااااا تقوليلي : لا ما يصير هذيل أخوان وجيران والغزو لازم ما أنعممه على الشعب العراقي كله !! ء
أقولج : لااا ينطبق عليه كله ... شوفي حالنا الى الأن يساوموناااا على الحــــــدود



لووووووول
خدري الجاي .. قالت لمن أخدره
راح اللي يشرب الجاي .. سكن ديرة البصرة
ياااااااربي على المفردات القويه
ديرة البصرة : مادري رايح باريس
كلها صبخه ونخل أعثوقه سوده

وبعدين ترى هالأغنيه فيها كوبليه "وعييبي" لووووول
شتووو عطني بوسه ... قال خذي عشره !! لوووووول
هذي مالت ١٠ نعل نييديه على هالخــــد اللي جنه تاوه



لوووووووول أستغفرالله .. جذي يابنت الشامية خليتيني أطلع اللي أكو واللي ماكووو على هالمسكينه لوووووول
يا جماعه لااااا تحطون لنا شي عراقي .. ترى ماراح يسلمون من ألساناااا





أطلـــــــــع أحسن لي لااااا أخووووره زيـــــاااده
أنا يايه عشان أباركلج بالعيـــــــــــــــد
:)


عيـــــــــــــدج مبــــــــارك حجيه
وكل عام وأنت بخير .. أنتي والعائله أجمعيــــــن

:**




.

ANGEL HEART said...

عيدج مبارك وكل عام وانتم بالف خير

احلى شي ضحكتها بالبدايه ههههههاهي الجواب المناسب حق السؤال

لان ماعتقد في زوج ينباق

الزوج ينباق بمزاجه وبكيفه بس متى ماسمحت الظروف ولا كان قلبه موو معاه يقرر انه الوقت المناسب انه يبناق

ولان في وايد حريم يعيشون دور اللي مافي مثلها والحريم محترين منها ومن ملكها العظيم فماتقول زوجها هدها لا انخطف واعليه :)

وبالنسبه للريايل اللي انحاشوا وسافروا بهالعطله تصدقين اشوف حالات وايد العكس الحريم اهما اللي انحاشوا :)

تحياتي لج وعطله حلوه وسعيده للي انحاشوا واللي صامدين

waleed99 said...

بنت الشامية عيدج مبارك
أشكرج وايد على أختيارج هذا النوع من الفنون العريقة وأشكرج مرة ثانية على الذوق الرفيع

may said...

لوووووول

انباق !!!

خخخخخخخ

،،،

تقبل الله طاعتج
وعيدج مبارك

اجار الدين كشمش said...

والله انا احساسي نفس احساس
الغايبه الحاظره دوللي

ماااااتحمل اسمع صوت او لهجه عراقيه
!!!!1
والله هالايام الزوجات هم اللي يبون الهجه ..لاعت اجبودهن من الريل
يعني خلونا نكون صريحين
العيال والحمد
الله اكبروا وغدا شرهم
والزوجين يشتغلون ومستقريين
واللي تقاعدوا ايضا ..لااابد ان يدخل الممل الاثنين منهم

يعني ليششش ...الريل لازم ينباق او يهج بس ؟
المراه معرضه للبوق اكثر ..طبعا برغبتها
لكن المجتمع يسميه بوووق ..ولكن هو ود وتنغمش ونحشه وميل عاطفي
من المراه الي الطرف الاخر ..لان الريل والحياة يصيبهم الملل ..لكن مو الكره لا لا لا
والله وبعض الازواج كريهين ودعله ..بس الي متى مجابلته !!!1
هههههههههههه
طبعا هذا الكلام ما يعجب اغلب الناس
ويمكن يعجبهم بس خااامرين بينهم وبين انفسهم ..وهذي هي النغمشه السسريه للمراه
طبعا كلامي ..صح لا احد يكابر
نحن بشششر

فمالله

ناعمة الهمس said...

خل يبكونهم شو نرتاح منهم

لوووووووووووووووول

Unknown said...

اول شيئ ماهكيتها منك يالشاميه
تحطين لنا بو عرقا كلهم جلاب وغداريين

ثانبا الرياييل ينباقون والزوجات ينباقون اهي مباراة والملعب معروف
مكان الشغل ويمكن فيه مكانات كثيره
لكن مكان العمل الاستيديم
كل يوم كل يوم كل يوم اكثر من 8ساعات
متقابلين وواحد يعرف اسرار الثاني
لازم يصير بوق او ضعف من احد الاطراف غصبن عليه او عليها انا ما الومهم


كششتيل

ب هج said...

الوحده ودها تهج


لكن الخوف قاتلنا مو مثل الرجال





فرصتهم بالهجه اكبر وامن
لان بعض ها بعض مش كل الرجال يلوعون الجبد من شكلهم ولبسهم وريحتهم

Fahad Al Askr said...

خنت حيلي

ليش ما ينباق .. تجابل غناج العيش وتلحف بلبن وتنتفخ واليهال على الخدامة وتهايل من مكان لي مكان

تالي تستغرب إن ريلها انباق

لو حايفته ما يطير

بنت الشاميه said...

Anonymous 1:

لهذا السبب نزلت الاغنيه

حتى انا اول مره ادري

محد ينباقك من هني والطريج .....الا وهو رااااضي
الله الحافظ

حسافتج يا كويت said...

3eeeedech mbarak

Alrayal Ethaa khasar nafsa

Matafreg ma3ah Etha enbag wela yheg wela 7eeta etheel metheel khayal al maatah




Sorry 3ara al english bs Ipad !

بنت الشاميه said...

Anonymous 2 :

يستخدم اصطلاح مسكينه دائما
مع صياغ الكلام

وحتي الريال فى كثير من الاوقات
ينقال عنه مسكين
ومغلوب على امره
فلا تاخذ الموضوع بحساسيه زاااايده
ولاتخاف كل من ياخذ نصيبه بالدنيا

بنت الشاميه said...

طموحة مملوحة :

هههههه
عجبني التعليق وااايد

بنت الشاميه said...

عامر :

سؤال يدور فى بالي
ليش دائما مطلوب من المراة ان تحاول المستحيل لارضاء سبع البرمبه
اليس هناك من عدالة على الارض


ينفع نص بطل زحلاوي ..هل هو من الممنوعاااات..؟؟؟؟؟
(((:

بنت الشاميه said...

Anonymous 3:

كل عام وانت بخير

بنت الشاميه said...

ma6goog :

انت العجيب
حظ بالك تراك من اللى ينلقطووون
وينباقوووون
(((:

الجودي said...

بنت الشاميه اشلونج

بغض النظر عن الغنية العراقيه و اللهجة الكريهةو الغير مبرره أكوا احد يقدر يبوق عراقيه إلا إلي مطقتها يخرعون الله يحفظناوياكم و جميع المسلمين إلا من رحم ربي و قليلٌ هم

الريال ينبااااااق و ستة بس بكيفه و مزاجه و أحيان بتخطيطه يعني كل شي على هواه و الاسم مبيوق

أتمنى لج بداية اسبوع مثمر و ربي يحفظج من البوق
:)

بنت الشاميه said...

ولاّدة :

الرجل دائما يترك السفينه المحمله بالبضائع ...ويقفز الى السفينه الجديده الخفيفه وينطلق بهااااا
والقليل منهم من ينظر الى الخلف
ليتفقد السفينه القديمه

الرجل هو صاحب القرار الاول والاخير
فى ان .. هل ينباق ...؟؟؟؟؟
او
يهج بنفسه من حياته
وهذا هو الصحيح

فالمراة فى كثير من الاحيان لا تقدر ان تثينيه عن قراره
اذا بيت النيه فى انه ينباق

علما ان سرقة الازواج او الزوجات
وحتي هجتهم
هي نسب بسيطه ومتدنيه فى مجتمعتنا

ينعاد عليج بالصحه والعافيه
تحياتي

بنت الشاميه said...

Mamloo7a Q8ia :


تقبل الله طاعتج
وعساج من الفايزين والعايدين

تحياتي

بنت الشاميه said...

DiLLi O MiLLi :

هلا بالغاليه
فريتج كبر البحر والله فاقدينج
وفاقدين هالتعليقات العجيييييبه
غشششششيت من الضحك
دللي والله العظيم ولهانه عليج
لا تقطعينا بس كافي هالاجازه الطويله اللى اخذتيها....احنا فى انتظارج

تصدقين ترددت وايد ان انزل هذه الاغنيه
فينا كلنا غصه كبيره منهم
بس يرتني غصب هالبتمبه
والاغنيه عجيبه
و الريل اللى انباق من فراشه


الله يهداج هدمتي وشلعتي كل بيبان بيتكم
على سبته لا يبه يذلف ويتباق
ولا يسوى عليج كل هالمغثته
الزم ما علينا انت


اللى ضحكنى اسم ولد العم
بالله هذول ينباقون
ونص بطل زخلااااوي.... وممنوعات
وسوده عليها .... وكشتار...
ولقن بصراوي
لوووووول


قلت تغير..... والعيد هل هلاله

كل عانم وانت بخير
وعيدكم مبارك
وعساج من عواده
اسعدني مرورج

Anonymous said...

الزوج هالايام صاير على اطريف ويبيها من الله

aL-NooR . said...

وييييييييي
اذا قبل انباق بعز الامان
عيل الحين شنو؟
ادورينه بالتفق
;p

ما احب لهجتهم
:"(


كل عاو انتي بخير
عذريني و الله مقصرة معاح
لو انها متأخرة
يا حلو سوالفج :
:*

الزين said...

الريال ينحاش

ما ينباق

...

اتصور

maram said...

الريال ينباق بس بكيفه و مزاجه و أحيان بتخطيطه يعني كل شي على هواه و الاسم مبيوق

عجبني هالتعليق و أتفق معه

تحياتي

بنت الشاميه said...

ANGEL HEART :


كل عام وانت بالف خير وصحه وعافيه
وعساج من العايديدن والفايزين



الرجل هو اللى رسم له هذه الصوره
الرجل المبيوق
ليرضي غروره.... ويخفف من وطاة الاحساس بالذنب والندم او فى بعض الاحيان الحياء من الاخرين

الحين فى وقتنا الحالي مو بس هو اللى ينباق
حتي الحريم صاروا ينباقون اكثر منهم
الحين .... وصار مخامط ....لووووول
لا تحاتين ولا تخافين
تراهم نسبه متدنيه بالمجتمع
الله يحفظنا ويثبتنا

الجو هالايام عجييييب
الله يتمم علينا

بنت الشاميه said...

waleed99 :

عساك من العايدين والفايزين
وتقبل الله طاعتك

مشكور وحياك الله

بنت الشاميه said...

مى :


عيدج مبارك وكل عام وانت بخير

لا والفقيره مغطيته بنص الليل

وهمن انبااااااق
لووووول

بنت الشاميه said...

اجار الدين كشمش :

تصدق ذكرتني بخلافنا القديم ويااااك

اللى كنت نقول "ان عقد الزواج لازم يتجدد بعد كل 15 سنه
يا يكملون.... والا كل من يروح بطريجه

الظاهر انت لازلت مقتنع بصحته
ومصر عليه

المجتمع يحمي الرجل المبيوق .....ويحط له الف عذر وعذر

اما المراة المبيوقه وهى فى الاغلب "هااااجه" من الريل الدعله
فيسلقونها بالسنة حداد ويسننون سكاكينهم عليهااااا

واقل ما يقال عنها
انها ما احترمت نفسها ولا عمرها وحتي
ما عملت خاطر لعيالهااااا
هذا من الناس الذربين
فما بالك بالغير ذربين

المجتمع دائما اقوي من المراة

فتسكت .... وتنطم ......فى كثييييير من الاوقات
وتضحي بنفسهااااا من اجل الاخرين
ويوقلون لا تقولون المراة مسكينه
وسلامتك

بنت الشاميه said...

ناعمة الهمس :


اللى تبي ينباق
خلهاااا تشرع الدرايش والبيبان
هههههههههههههههههههههههه
تهقين راحه بعدهم
؟؟؟؟؟؟؟

بنت الشاميه said...

kaashteeel :

ابيه بعرقا ولا عنهاااا
ادري والله ان فينا غصه وحرقه منهم
وماراح ننسى ابدا...بس الاغنيه تونس
وقديمه و لا هي بزمن الطاغيه
ولا فى ايامه....الله لا يردها من ايام

كلامك فيه كثير من الحقيقه
وخصوصا اذا كل من رجع للبيت
وبدات المقارنه باللى جدامه
والفرق عن اللى بالعمل
هنا تبداء الكارثه قصدي ..... البوق
ويصير يا... بايق يا.... مبيوق
فمالنا الا الدعاء بان الله يحفظنا

بنت الشاميه said...

ب هج :

كلامج صحيح
المجتمع يغطي عيونه عنهم
ويتجاوز عن زلاتهم
بل ويحط لهم الاعذار
فى بعض الاحيان
ويلوم المراة بعد
فلنا الله

بنت الشاميه said...

Fahad Al Askr :

حتى الريايل لازم يحطون بالهم عدل هالايام
ترا الحريم ينباقون بعد
يجابل غناش العيش واللين
وكرش يدش قبله
ويحط راسه وينام
ويروح الديوانيه طول الليل

لازم يحطون باللهم
الخطر واحد و نفسه ....وماكو فرق الحين

^
^

^
خرعتك
احسن

بنت الشاميه said...

حسافتج يا كويت :

مو كل المبيوقين يعترفون بانه خسروا انفسهم اصلا ما يعترفون
بل يحسون بانهم مرغوبين ومطلوبين
ومايدرون انهم يهدمون بيت



مبروك على الاي بد
كششششخه
(((((:

بنت الشاميه said...

الجودي :


الريال ينبااااااق و ستة بس بكيفه و مزاجه و أحيان بتخطيطه يعني كل شي على هواه و الاسم مبيوق

وهذا هو الصح
محد ينباق مغصوب و مكروه

الله يحفظنا ويثبتنا على العمل الصالح
ويبعد عنا البوق بنوعيه

مشكوره وبداية اسبوع سسسسعيده
مع هالجو البديع

بنت الشاميه said...

Anonymous 4:

ما يبي يتحمل مسؤوليه
اللهم ياكافي

بنت الشاميه said...

aL-NooR :
كل عام وانت بخير
وعمرج ما تاخرتي
حياج الله بكل وقت

هالايام تخرع
وصعب ان تثقين بالكثيرين

الله يحفظنا

بنت الشاميه said...

الزين :

منورتنااااا

خليه ينحاش ويولي ابرك له ولهم
بس لا يسوي تمثيليات ومسرحيات
يرتاح ويريح غيره
هالاشكال ما نتبقى

بنت الشاميه said...

maram :

وهذا هو الصج والواقع
محد ينباق غصبن عنه

الله يكافينا الشرويحفظنا
حياج الله