Monday, November 08, 2010

الشيخ قوقل ... والإ... قوقل الشيخ



ياشيخ قوقل ودي ابحث عن إنسان
غالي وله بالقلب أكبر مكانــــــــــه
أبي تجيبه لي ولو كان ما كـــــــــان
يعني تصرف, دوره بأي خانـــــــــه
أهو مســــافر والإ غير مكانـــــــه؟؟؟ 
 ودي أعرف...وشلون يقضي زمانـه؟؟
ياما سألتك عن أماكن وبلــــــــــدان
وجبت الأجابة بكل صدق وأمانـــــــه
والحين يوم أني سألتك عن فـــــــلان
بانت علومك .. وين ذيك الذهانــــــه ؟؟
عجزت تلقى لي ولو نص برهـــــان
وإلا دليل يشير ... وجهة مكانــــــــــه
شرهانه ألقى لي إجوب أوعنــــــــوان
ظنيت بيني وبين قوقل ميااانــــــــــه
خلاص ياعمري ترى ذاك الإنســـان
اللي خذا بالقلب قدره ومكانـــــــــــه
ماقصر الموبايل جابه ولا هـــــــــان
وعرفت منه كيف حاله وشــــــانــــــه
منقول
*********
إذا الشيخ قوقل ما عانه ولا عنده موبايله
شيسسسسسوي الواحد...؟؟؟؟؟؟؟؟؟؟؟؟؟؟
ماله الإ يحط ايده على خده ... وينظر حاله 
صباحكم قوقلي وإلا موبايلي..؟؟؟؟؟؟؟؟؟؟
صباحكم ورد وفل وياسمين 
وسلاااااامتكم 

16 comments:

مـي said...

حلللللوة


:)

ناعمة الهمس said...

حلوة وايد

والاحلى منها صورة البندقية
هذي المدينه عشقي الابدي

كوكتيل said...

صباح الخير :)

حلوة تونس:)

يسلمو :)

daggero said...

يا سلام يابنت الشامية عليك وعلى طيب الذكر قوقل

ذاك اليوم خذاني الشوق للحبيب الأولي
فطلعت عنوانها من

People Finder

وجان أحط العنوان فى القوقل ماب

وماهي الا لحظات قليلة بدت كالدهر فأذا بشاشة اللاب توب تزدان بصورة بيتها الخشبي الجميل محاطا ببعض الثلج
والأشجار الخضراء العالية

فكحلت ناظري بذاك المنظر وأطلقت زفرة حارة وقلت كما قالوا

اللي نبيه عي البخت لايجيبه

وشكرا ياقوقل على لحظات الود هذه

Amwaj said...

يا صباح النور والسرور :)

حلوة القصيدة :)

يعطيج العافية *_*

دستورنا سورنا said...

قوقل اجمل ما في الوجود

صفحات مُلطخّة بحروفي said...

صحْ لسانه .

ابو فارس said...

تسلم علي الاختير الجميل
دمت ودام قلمك
كل عام وانت بالف خير وعودعليك الايم

دمت في حفظ الرحمن

بنت الشاميه said...

مـي :


شكرا لك

بنت الشاميه said...

ناعمة الهمس:

انت اللى احلي

اما بالنسبه للبندقيه قلت نشوف الصور ونستمتع زنتخيل جنه مسافرين
باجازه العيد
لووووول

بنت الشاميه said...

كوكتيل :

مساء النور

عليكم بالعافيه

بنت الشاميه said...

daggero :

انت خضير.... خطير
الله عليك

قول ان شاء الله ياعل اللى فى بالك ايبه البخت غصبن عنهوهو ما يدل طريجه
ولا تطلق زفراتك الحاره
عورت قلبي
(:

بنت الشاميه said...

Amwaj :

يا مساء النور

الله يعافيج ويقويج
شكرا عزيزيتي

بنت الشاميه said...

دستورنا سورنا :

لا تنسى بعد ولد عمه الياهو
هم ما يقصر
((:

بنت الشاميه said...

صفحات مُلطخّة بحروفي :

وصح من كتب

بنت الشاميه said...

ابو فارس :

شكرا لك يااخي العزيز
يحفظك الرحمن