Tuesday, October 12, 2010

شراااااااايكم بالصينيه

النساء الصينيات من أكثر نساء العالم طموحا
أفاد تقرير دولي أن النساء الصينيات يمثلن أكثر
من نصف أغنى نساء العالم
وقال تقرير هيورون إن ثلاث نساء
هن أغنى النساء في العالم صينيات
كما أن هناك إحدى عشرة امرأة صينية
بين أغنى عشرين امرأة في العالم
ونشر التقرير قائمة بالنساء المليارديرات في العالم
وجاءت  فى المركز الأول   
جانغ يين (53 عاما) رئيسة شركة ناين دراغوز بيبر
وهي شركة لإعادة تصنيع الورق
وتبلغ ثروتها 5.6 مليارات دولار
 ثم وو ياجون (46 عاما) صاحبة مؤسسة
لونغفور بروبرتي
بثروة تقدر بـ 4.1 مليارات دولار
أما تشين ليهوا (69 عاما) صاحبة مؤسسة
فوهوا إنترناشيونال
ومقرها هونغ كونغ فتقدر ثروتها بـ4 مليارات دولار
وتقول نانداني لينتون من معهد أعمال الصين وأوروبا
إن هناك عوامل سياسية واجتماعية جعلت جانغ يين
رئيسة شركة إعادة تصنيع الورق أغنى من نساء
أعمال أخريات كثيرات في أميركا وأوروبا
ووجد المركز في دراسة أجراها أن 76% من النساء
في الصين يتطلعن لتبؤ مناصب عالية بالمقارنة
بـ52% بالولايات المتحدة
كما جاء في الدراسة أن الرعاية الاجتماعية للأطفال
في الصين تشجع المرأة على العمل. وتعتبر الرعاية 
الرخيصه التي يقدمها الأجداد أحيانا كثيرة لطفل واحد 
عاملا مساعدا للأمهات اللائي يعملن 71 ساعة أسبوعيا
ولكن تقرير هيورون يقول إن النساء في الصين ما زلن
في مركز متأخر بالنسبة للرجال بحيث تصل نسبتهن
إلى 11% فقط بين أغنى أثرياء الصين 
كما تمثل ثروة أغنى 50 منهن ثلث ثروة أغنى 50 رجلا
المصدر: فايننشال تايمز
 *********
شتقولون نروح الصييييين  مو أحسن
 إحنا راضين إن الصينيات أقل ثراءا من الصينين
نروح  والإ  شلوووووون
جانب اخر للموضوع  من مصر
وسلااااااامتكم 

31 comments:

sa5er said...

وازيدج من الشعر بيتين ..

1- اقبال الزواج الخليجي زاد للجنسية الصينية أو الفلبينية او التايلندية ..

ليش ؟
ج: العلم والإحصائية تقول بأنهم راقيين وطموحين وجنسيين وحسّاسين أفضل من حريمنا العرب !

* هذا العلم يقول مو انا !

2- لأنهم يمتازون بسرعه البديهه وعدم إيمانهم بأنه مرحلة العمر لا تقف عند سن معيّن .. فتجد أسيوية عمرها 50 لكن طاقتها كمثل الشابه !


- هذا تحليل مبسّط !

kal ho na ho said...

رأيي الشخصي ..الصينية
شعرها
silky silky
خدودها
milky milky

وحريم تحفر الصخر وتطلع الفلس.. ولا تعرف شي اسمه مالي خلق..!!


ودمتم

الليوان said...

والله شوفي
اذا بتروحيييييييين رحت معاج
بس هاااااااا!!!!!
الترجمة عليج
:)

خدمات البحث العلمي said...

والله مو هينات هالصينيات
وانا على بالي ان ماعندهم سالفه

Anonymous said...

لا ليش نروح
الكويتيه مو ناقصها الا شويه ثقافه وجرئه ونكون احسن نساء العالم ان شاء الله :)

مشكوره على البوست

Anonymous said...

شي جميل حقيقتا

Anonymous said...

السلام ع

والله يا بنت الشاميه روحاتج حق اسيا هالايام زايده قبل هالمره حطيتي لنا واحد اسيوي يقول كيف تصبح مليونير (ذاك الجعص) والحين الصين الله يستر
:)

أنا أقول ان هذا النوع من الحريم يلوع الجبد بمعنى اخر ما يصلحون لنا فنموذجهم ناجح عمليا ولكن مايمشي معانا يا الكويتيين

بالنسبه لي انا أقول من الاسيويات الافضل والاقرب لنااليابانيه والكوريه

اليابان عندهم عيب ان المرأه تعطي زوجها عرض اكتافها اذا مشت فمثلا اذا شالت صحن وتبي تطلع من الغرفه ترجع قري مو تلف وتعطيه مقفاها ناس محترمين

بس أخوانا وخواتنا الصينيين هم أهل الدفاشه (يعني مثل بعض البنات عندنا)
عندي معرفه فيهم ومجرب التعامل معاهم

may said...

خوش صينية
بس اشك عندهم قلب
احس جنهم مكاين تشتغل

والله يبيله روحه للصين
انا بخاطري اشوفها
اذا رحتي عطينا رايج فيها

:)

الزين said...

وتعالي شوفيهم عندنا يضبطون الجنود الأمريكان
وشغالين مضبوط بأقدم مهنه بالتاريخ

:$

من زينهم عاد

بلا صينية بلا قلاصات


شلونج انتي بس
:)

ناعمة الهمس said...

واله الصينيات طلعوا قدها
عاشت المراءة الصينية
والفال لنا نطلع من قوقعة الرجل التحكمي

Amwaj said...

معلومات حلوة

نروح ليش ما نروح :p

بنت الشاميه said...

sa5er :

المراة الصينيه تعمل
اكثر من 10 ساعات يوميا

واكو فروقات بين الصينيه والفلبينيه واليابانيه
صج انهم جيران ولكن كل وحده تختلف عن الثانيه
هذا تحليلي المبسط
):

بنت الشاميه said...

kal ho na ho :

كل اللى تقولينه صح
اصعب ما فى الموضوع انج
لازم تتعلمين صيني
لووووول

بنت الشاميه said...

الليوان :

ولا يهمج

ما كو الا كتاب كيف تتكلم الصينيه بدون معلم
لووووول

واحسن لغه لغة الاشااااره سهله وهينه
انا احبها وااااايد
:*

بنت الشاميه said...

مبدعه :

ناس تشتغل من الصبح الى الليل
لا يكلون ولا يملون

SHOOSH said...

ما أحبهم

أخاف منهم

داميا يتراوولي انهم ياكلون اوادم

بنت الشاميه said...

kuwaiti women rights :

هى من ممكن تصير احسن منهم وبسهوله
اذا اذا اذا
تغلبت على آفة التبذير والاسراف

مشششكوره وحياج الله

بنت الشاميه said...

أندلسي :

متى حجزت ...؟؟؟؟

بنت الشاميه said...

Anonymous :

شفت شلون بلشتكم بالشرق الاقصى
بس بالصدفه
((:

المراة اليابانيه والكوريه انا احترمهم
لانهم نماذج جميله للمراة
باخلاصها وتفانيها لاسرتها واحترامها لنفسها
بس الصج تعجبت من غنى المراة الصينيه
ادري انهم مثل الالات ويكرفون كرف
بس مافيهم ذرابه
وريحة اكلهم .......مو طيبه
مثلهم
لووووول

بنت الشاميه said...

مـي :

هم صج مثل المكاينه ويعملون بجد واجتاد....بس يظلون بشر و يملكون قلوب ويحبون ويكرهون


اذا عزمت بنزل اعلان بالمدونه
ونسوي قروب ونسافر الصين
برحلة جمااااعيه
لووووول

بنت الشاميه said...

الزين :

خلااااص
ماكو صينيه ولا جلاصات وصحووون
مالنا الا المحلي
لووووووول

عاد ضحكي شويه
(((:


اخباري كلها طيبه ورجعت الطيور الي اوكارهااااااا
شرايج بالشفره
:**

بنت الشاميه said...

ناعمة الهمس :

الصينيه تعمل طوال النهار والليل
فتستاهل لما وصلت اليه
بجدها ومثابرتها

بنت الشاميه said...

Amwaj :
ان شاء الله نتلاقى هناااك

(((:

بنت الشاميه said...

Stalin Princes :

thanks

بنت الشاميه said...

SHOOSH :

هم ما يحبون ياكلون الاوادم
هم يحبون القطاوه والكلاب
ههههههههههه


غششششيت من الضحك
تراهم ما يخوفون....تطمني ماكو الا العافيه
:**

Anonymous said...

يا بنت الشامية
شصار على اجتماع التشاوري مال الغرفة ومنو حضر نزلي بوست نبي اخبارهم

الزين said...

:)))

صباح النور ياربي هالمره اموت فيها وعلى طواريها


والشفرة خطيييييييرة
تعجبيني

:**

Unknown said...

اليوم بالجرايد كلها

بنات مصر يشكون هجووووم الصينيات

للزواج من المصريين

حطوا بالكم يالكويتيات

عن التدلل هذا عوي وهذا شين
وهذا قصير """ تره الصين
زواجهم بالدرزن

كششتيل

بنت الشاميه said...

Anonymous 2 :

الاخبار بكل الصحف
و كل اللى صار وايضا الاسماء كلها بجريدة الجريده

ما يحتاج بوست

بنت الشاميه said...

الزين :

زيون شفت شلون
الشفره عجيييييبه
هههههههههههه

مساء الورد يالشيخه
ماكو حداق..؟؟؟
نهاية اسبوع سعيده وهادئه
:**

بنت الشاميه said...

kaashteeel :

رحتوا شرق
رحتوا غرب
حريييييمتكم
ما اكو الا الكويتيه
انتو اللى لا تدلعون
هذى ميتنه
هذى شينه
هذى سمره
مالكم الا الكويتيه
محد يقدر يتحملكم الا الكويتيه