اطلقت مجموعة من الزوجات السعوديات حملة "خلوه يلبس" احتجاجا
حتى هذول الحين انقرضوا
لانهم مساكين ما كان عندهم دشاديش نوم
فكان عندهم عذرهم الرسمي لهذه الملابس
بس الحين شنو عذرهم ..؟؟؟؟ دشداشة النوم أكثر راحه
وتكلفتها بسيطه والكل يقدر عليها ولاهي غاليه
من اللى يلبس جذي بالبيت جدام أهله وامه
منهن على ملابس " بعض الازواج وبعض ابناء الاسسره "التقليدية
داخل المنزل والتي لا تخضع "للأناقة والذوق".
وقالت بعض الزوجات ان ارتداء ازواجهن وابناء الاسسره
للـ"فانيلة والسروال" لا يعجبهن وان الأزواج ي
يجب ان يهتموا في هندامهم داخل المنزل
******
فهل من الممكن..ان ننظم احنا مع حملة اخواتنا في السعوديه
وهل لازال بعض رياييل الخليج يقعدون بالبيت
لابسين المكسر والفنيله او الوزار الخليجي..؟؟؟؟
اللى أعرفه الأولين يلبسون الوزار والفنيله******
فهل من الممكن..ان ننظم احنا مع حملة اخواتنا في السعوديه
وهل لازال بعض رياييل الخليج يقعدون بالبيت
لابسين المكسر والفنيله او الوزار الخليجي..؟؟؟؟
حتى هذول الحين انقرضوا
لانهم مساكين ما كان عندهم دشاديش نوم
فكان عندهم عذرهم الرسمي لهذه الملابس
بس الحين شنو عذرهم ..؟؟؟؟ دشداشة النوم أكثر راحه
وتكلفتها بسيطه والكل يقدر عليها ولاهي غاليه
من اللى يلبس جذي بالبيت جدام أهله وامه
و بناته وزوجته وعياله
فهل تدعم حملة نساء السعوديه...؟؟؟؟
اتمنى ..... ذلك
وهل هي مطالب تعسفيه بحق الرجل...؟؟؟؟؟
أليست هي من أقل حقوق المراة على الرجل ..؟؟؟؟؟
فهل تدعم حملة نساء السعوديه...؟؟؟؟
اتمنى ..... ذلك
وهل هي مطالب تعسفيه بحق الرجل...؟؟؟؟؟
أليست هي من أقل حقوق المراة على الرجل ..؟؟؟؟؟
اليست هى من أقل حقوق الزوجه على الزوج...؟؟؟؟؟
انتوا اشرايكم رجااااااالا ونسساءَا
هل توافقون او ترفضون هذه الحمله جملة وتفصيلا
وتصرون انتو على الوزار والمكسر والفنيله
وتعتبرونه دفاعا شرعيا عن حقوقكم البيتيه المدنيه
رجاءاَ عن الخلافات العائليه.. ... والله يكون بالعون
انتوا اشرايكم رجااااااالا ونسساءَا
هل توافقون او ترفضون هذه الحمله جملة وتفصيلا
وتصرون انتو على الوزار والمكسر والفنيله
وتعتبرونه دفاعا شرعيا عن حقوقكم البيتيه المدنيه
رجاءاَ عن الخلافات العائليه.. ... والله يكون بالعون
ورمضااااااان كريم
وسلااااامتكم
25 comments:
وبعض الرياييل اللى يلبسون وزار ياريت يقعدون عدل
يقعدون ماأدري إشلون وأغراضهم طالعه
إنزين خش أو إلبس صروال تحت الوزار أو إقعد عدل
والله حالتهم حاله
كلش موخوش
أنا ماشوف أن هناك مشكلة في ارتداء نوعية الملابس اللي تريح الفرد في بيته. ولكن هناك نقطة مشروعة في هذه المسألة وهي الذوق وربما حتى الأتيكيت في اختيار الملابس في أي مكان حتى داخل البيت. أنا شخصياً أفضل مستوى مقبول من "الشياكة" داخل البيت لجميع أفراد العائلة وليس فقط للرجل. ولكن هذا أولاً وأخيراً سوف يرجع إلى الحرية الشخصية في الإختيار، وقد يكون هناك مبرر للنصيحة ولكن ليس هناك مبرر للضغوط
يا مسا الاناقه والنزاكة
:)
اشفيه ماركس سبنسر؟
طقم البجامة والروب ناازك يخلي بو وزار يصير حسين فهمي وعماد حمدي على ايامهم
:p
أحب ابشرج ان الوزار ماانقرض بل انا اكتشفت في الآونه الاخيرة هناك هواه تجميع هذه الوزره من كافه الالوان والاشكال
مع تمنياتي لها بالانقراض
:P
واعتقد ماهي مطالب تعسفيه
بل حق خالص ومكفول للمرأه اللي من حقها تشوف شي مرتب وجميل
:))
انا داشه ايد بيد مع استكنكن
واذا يت علي ترى انا احب الريال الزقرتي واللي يتعب على شكله
مو بس بره
بالعكس البيت اهم
ومثل ما الريال يطالب المره انها تتزين له
اعتقد ان حق مشروط بين الإثنين
وقبول الهيئة والشكل له دور وتأثير كبير على العلاقات الزوجية
ومع هذا
سامحة لك بالوزار
اذا بغى ياكل ميد او صبور فقط لا غير
:)
لا لا لا
ترا تعديتوا حدودكم وقمتوا اتحكمون بالغير
قلنا بنعطيكم حقوقكم بس توصلون لي هالدرجه لو سمحتوا
الوزار قيمة اجتماعية وثقافيه
له أكثر من استخدام
ومريح وبارد
وما يحتاج تغيره مع تغير الوزن او كبر الكرشة
نتعطر ونتبخر بس الوزار لا
مو حنا لا عطيناكم ويه زدتوا بطلباتكم
لبسنا دشداشة نوم قلتوا دقأه أديمة
ليش ما تلبس البجامه على بنطلون
لبسنا قلتوا دأه أديمه ليس ما تلبس شورت
مادري لي وين ينوصل
:p
لو بيدنا جان نمشي بخري وفنيله علاق
خوش حمله والله عليهم سوالف السعوديات
:)
لازم يحطون شروط تعجيزيه للي يبي يلبس فانيله و وزار في البيت..لأن ما يصير أن يتعب عشان يخش عيوب جسمه جدام الناس..و يطلع أسوأ ما فيه جدام زوجته أو خواته..ما يكون عنده كرش..سيقانه مو عوي هذولا أهم شرطين بالنسبه لي
والله بنت الشاميه
انا ما دري عن اي جيل تتكلمين ؟
شخبار المكسر والوزار في البيت ؟
هالجيل بهالشورت ..يداوم فيه
ويسبح بالبحر فيه ويتمشى بالمولات
واييي سسيده ويطب رواسسي بفراشه تالف
العافيه
ششوفي محد عرف حق لوزار الا المرحوم الشيخ زايد
اعقده على بطنه و
دلع عليه الدشداشه
حتى يسد حلوجكم ..بلا اناقه وبلا تزكرت
الله يرحمه شيخ الحكام
فمالله
سوولنا فنايل ومكسرات مقلمة وأحنا ما عندنا مانع نطقّم لكم !!
sh5bari wzar !
ako a7ad lel7en yalbesa looooool
bs 9ij lazem il wa7ed yhtam bnafsa mo 3la bo ena rayal ychaleb bhdoma il taqledeya shklhm il s3odeyat y3anon wayed min hal salfa ;/
مو صج بصراحة
بعدين صج شخباري منو اللي الحين يلبس وزار
اذا كان فيه اكييد بأيد السعوديات
شدعوا الحين الريال لمن يطلع يتكشخ و يتعطر هذا اذا ما تبخر بعد
و بالبيت مطلع الكرشه و العصاقيل
لييش مرته مو اوله فيه تشوفه مرتب مسنع نفسه عشانها
ولا بس اهيا اللي لازم تتزين له
عجيتني الحمله بصراحة
احنا صج مع الحرية الشخصية بس همن لازم نكون مرتبين
تحياتي
panadool :
كلامك صحيح هذا الجزء المهم من البوست
شكرا لك
كل من له حق اختيار ملابسه
ولكن ضمن اطار الذوق والاداب العامه
واعتقد ان الوزار عليه ما عليه
و هذى اقل الحقوق المراه داخل بيتها التي تطالب بها
ومسكينه المراة السعوديه
حتى مو بيدها حق النصيحه
المجتمع خانقها خناق
الله يعينهاااا
esTeKaNa :
الحمدلله انج تدعمين المراة السعوديه بمطالبها الجديه للرجل
يعينهااا ويوفقها
اما تجميع الوزره فهي خوووش هوايه
بس مجرد هوايه تجميع
ويخلونهااا بالكبت ويصكووون عليه
هههههههه
استكانه ليش نسيتي فريد الاطرش
وعبد السلام النابلسي
هم ملوك البيجامات و روب دي شامبر
كله متقلقصين بالروووب
انا مع البجاما ودشداشه النوم
بس مو مع الوزار مووووليه
ترا تعليقج اعلان لماركس سبنسر
تروااااالي انه غير مدفوع
ههههههههههههههه
:*
الزين :
اكيد هذا حق مشروع لها
وعليه ان يتسنع ويتنسل ويتعطر لهاااا بالبيت حاله من حالهااااا
مو بس هي اللى لازم تسوي كل شيئ لشهريار زمانه
محد احد احسن من احد
زيون بس ميد وصبور
غشييييت من الضحك عليج طلعات
اما بالنسبه للوزار مسموح
بس بالشاليه
والحداااق
ويتخلى هنااااك ما اشوفه بالبيت
لووووول
ARTFUL :
اهلا بارتفل الشايش عليناااا
شفيك اسم الله عليك اقعد ال واشرب جلاص ماي ...وبعدين ارد عليك
لا للوزار
لا للوزار
لا للوزار
نعم للبيجاما
بجميع اشكالهاااا
نعم لدشداشه النوم
هذى مطالبنا وعليكم السمع والطاعه
والا بنسوي اعتصام بساحة الاراده
للمطالبه بجميع حقوقنا المنزليه
وعلى المتضرر اللجوء للقضاء
طيع بالطيب تراه احسن
لوووووووووووووووول
عبدالله الكيفاني :
اشوه انه مو بايدك
ebtsamh :
مساكين ماتوا من القمته اللى قامتينهم
الله يعافي النت اللى سمعنا اصواتهم
ومطالبهم
والله انهم شطار
nanonano :
نانو والله انت صاجه
بس لا حد يسمعج الحين يقبون عليج
وانا معاج بكل شروطج
اشكالهم تلوع الجبد بالوزره
نانو ليش سيقانهم معويه
؟؟؟؟؟؟؟
هههه انا ما علي
اجار الدين كشمش :
الوزار كل جيل يلبسه
مهما البسوا الشورت
ماردهم على الوزار
السؤال المهم عن المكان المسموح فيه لبس الوزار
طبعا بحجرته
هو حر يلبس فيها كل اللى يبه
مو يلوع جبد زوجته وخواته وامه
انت شفت كرووووشهم نبارك الرحمن
اما الشيخ زايد الله يرحمه ويغفر له
فجيله انتهي واختفي
الله يعينا على اللى ياي
Blog 3amty :
كل شيئ موجود
حتي الفانيله بعلاق .... وبجم
مقلمه... مبكره... مطققه
بس اللى تغير هو الاسم
الحين اسمهاااا بيجاما
(((:
Immortalita :
kalamich 3ain il 3agil o 3afya 3alaich. 3alashan chthy shanaw hal
7amla 3ala reyaayelhum " bainy o banich imlaw3een ichboudhum"
Katkoota xD :
اهي يت على الكرش والعصاقيل
لا تنسين بعد لا يحلقون بالبيت ولا حتى يمشطون شعورههم
ههههههه
بس يالله يتشرطون على المراه
لازم عليها ان تضعف وتبدل وتتسنع
وتكون بانتظاره
وتسعده وتونسه وتخلي حياته
سعيده وفى نعيم دائم
وفى المقابل هو يرفض ان يقدم اقل الحقوق للمراة داخل البيت
بان يتلبس ويتنسل ويتعطر
والله المراة السعوديه نستاهل
الكثير منهم
حتى احنا نستاهل بعد
اعتقد ان للكسل الذكوري دور كبير في لبسه وخصوصا داخل البيت , , وقد يغلب الطبع في بعض الاحيان ,, ولكن يبقى للمرءه حق ان ترى الرجل في ابها صوره كما هو يريد ان يرها في ابها صوره
Post a Comment