Wednesday, July 21, 2010

الجمال رباني ... والا لك راي ثاني..؟؟؟؟؟

هالايام صار الرجال ينافسون بل يزاحمون النساء
فى عيادات التجميل
بس الفرق بينهم وبين النساء يختلفون بالمرحلة العمريه
فهم يبداون 38 - 65
بينما النساء يبدأن بأعمار أصغر منهم بكثير
وأغلب عمليات التحميل التى يجريها الرجال
شد الوجه و شفط الدهون
تعديل الانف و ازالة شعر اللحيه
و زرااااااعة شعر الرأس و تصغير الأذن
والان زاد الطلب على عمليات نفخ الشفاه
.
؟؟؟؟؟ ما ادري ليش...؟؟؟؟؟
فهناك بعض الرجال لا يتقبلون تقدم العمر
ولا يتحملون منظر التجاعيد فى الوجه والرقبه
ولا الصلعه ولا الكرش
ويرغبون بها لتحسين مظهرهم وزياده جمالهم
فهل ترغب باجراء عملية تجميل...؟؟؟؟؟
هل تجدها ضروريه للرجل ...؟؟؟؟؟؟
وهل تعرف منو اللى عنده هوس بهذه العمليات
؟؟؟؟؟؟؟؟
هل فكرت ان تجرب مستحضرات التجميل الخاصه بالرجال
من قبل ككريمات إخفاء الهالات السوداء تحت العين
وترطيب البشرة، ومثبتات الشعر
وكريمات الحماية من أشعة الشمس...؟؟؟؟؟؟
والا بس الحلاقه و كااافي ..... يالله اقدر الحق عليها
وانت راضي على شكلك وتحمد ربك وتشكره عليه
ومقتنع ان الجمال الداخلي هو الجمال الحقيقي وبس
بلا عمليات تجميل ولا بطيخ.....لوووول
؟؟؟؟؟؟؟؟
هالايام حاطه دوبي دوبكم........ ساااامحوني
وسلااااامتكم

29 comments:

حسافتج يا كويت said...

ربي لك الحمد

اعارض عمليات التجميل لغير المشوهه وجوههم
واعتقد انها حرام ويبدلون ما خلق الله

الجمال جمال الاخلاق ولا الوجه صدقيني عمرة قصير

اما الرياييل اللي يسوون عمليات تجميل فهذيله يبيلهم عمليات تجميل للمخ

le Koweit said...

انا بالنسبة لي ضد هالفكرة تماما
اشوف ان عمليات التجميل يجب ان يكون لها ضرورة
عند كلا الجنسين
لكن عند الرجل اكثر
لان الجمال ماهو مهم حيل بالرجل مثل المرأة

انا الحمدالله مقتنع بنفسي
شحلاتي وشزيني :p

وبالنسبة للمستحضرات الرجالية....
انا حلاقة ويادوب لي خلق
هالمرة كريمات وخرابيط لووووووول

reemas said...

هالايام وايد تتحرشين
لا مابي ازرع شعر
جذي ابرد لي
منو يبي شعر ويا هالحر

طبعا احس اللي يلجأ لعمليات التجميل
تفكيره سطحي و عنده قصور في شخصيته
الرجل جماله في رجولته و تعامله

فالف لا لعمليات التجميل للرجل
انا ضدها حتى عند المرأة الا للضرورة

لكن هذا ما يمنع من الاهتمام بالبشرة
و ممكن الاستفادة من الكريمات و مستحضرات العناية بالبشرة
انا اشوف قصور عند الرجال في استخدامها

Girls and Kuwait City said...

صباح الفل بنت الشاميه
يا حلو الريّال اللي يترك نفسه
to age well
بالشيب و التجاعيد احس يعطيه كريزما
يا حلوه و يا زينه
Sir Thomas Sean Connery

ARTFUL said...

الله يخلي خليل

ما اعرف غيره طل بويهي علشان يعدل الشنب او يشيل اللحيه

;p

الزين said...

لووووووول

ما عندي تعليق

وعش رجبا ترى عجبا
بقول لج رايي
الكويتي حلاته بجلحته وملحته
من يسوي عمليات تجميل
ما ينبغى

:)

صباحج خير بعد قلبي
:*

Unknown said...

اشفيها اذا الريال يبي يصير مثل نانسي عجرم ام هيفاء وهبي؟
كيفه حر

لكن بصراحه بطييييييييييييح من عيني لان انا ما اتقبلها حق البنت ايي الريال يسويها

اشذنب الريال ياخذ ودة ومايدري انها امسويه عملية تجميل؟ باجر يطلعون اعياله شواذي ويتعقد

وبعدين ما تتفقون معاي ان عملياتنا العرب مبالغ فيها وبصراحه هي عمليات تجكير وليس تجمييييييل وكلهك صارو مثل مثل !! خنازييييييييييييييير استغفرالله

بوصالح said...

ودي اتكلم بس خايف من مقص الرقابة

ياحلوا الأجلح الأملح

نمووول said...

سوينا عمليات ولا ما سوينا
المرة يبين عليها الكبر قبلنا

ربي لك الحمد

شكراً

فريج سعود said...

الي يحط جل داش بالحسبة ؟

sen said...

الحمد لله رب العالمين

والله أنا أعارض المرأة إلي تسوي هالشي بعد حتى الريايل

ههههه تذكرت لمن بالفلم المصري الخاله قبل ما تخطب حق ولدها تشد شعر البنت ولا تعطيها بندق تكسره

ألحين شكلي بسوي هالشي حق الصبيان تخيلي ههههههههه

اجار الدين كشمش said...

اكيييد رباني ..يعني اشلون ؟

سسكتي بسس هالايام الواحد

يتصدد عن المنظره ؟ وده يكسسرها

ههههههههههههههههه

اليبها بصوب والحنج بصوب
والخشم يبيله احد يشاركك فيه
من كبره
وكل هذا بصوب والمشيه والتقلب

بصوب ثاني
كل واحد سسامت نفسه علاباله
أسسكت الحين !!1
على هالجكر ...ومايبتسم بعد

وشوفيهم اذا توهم قايمين من النوم

الللله يالوييه ..عيينة خبز طايشه !!1
وحييل كوي بهالغتر ..ومايدري الجكر من وييه موو من الغتره !!!1

احنا بالكويت ماااكواريايل حلويين

اغلبهم جياكر ..لو ما اشويت هالفلوس
اللي بالمخبه

جااان علوووم !!!1

واللي رايحين فيها بناتنا
تغمض وتاخذه ..وتقول لها امها
الريال مو جماله
تقص عليها ..والبنت تدري
بس شتسوي مايخلوونها تنقي اللي تبييه !!!1
فمالله

الجودي said...

مواضيعج هالأيام عجيبه اتونس

اتابعها بصمت


وردود الجنس الأخر عجيبه

أجار الدين كشمش

بدع بتعليقه

متابعه

يعطيج العافية

بنت الشاميه said...

حسافتج يا كويت :

ما اقدر افتي بس سمعته واللى اعرفه الحين انها تجوز .... وليست حرام
بل البعض منهم قال انها مطلوبه وخصوصا للزوجه
والله اعلم
تظل المساله حريه شخصيه
وكل من يتحمل ذنبه على جنبه


بس ما قط سمعت بعملية تجميل مخ
هههههههه
غششششيت من الضحك
تجميل مخ ... وااايد حلوه

بنت الشاميه said...

le Koweit :

تدرين الجين قاعدين يعيدون دراساتهم للاسواق العربيه لمستحضرات ومنتجات التجميل الرجاليه
من شامبو وجيل ومعاحين حلاقه وكريمات للوجه...وكريمات الحمايه من الشمس
حتى كريمات تغير لون البشره خصوصا بالصيف ...ههههههههه
بعد نجاحهم فى اسواق الامارات
وبعدها فى اسواق السعوديه
الدور ياااااايكم
محدش احسن من حد

يااااحلوك وياحلو ثقتك بنفسك
الله يهنيك
العقل زينه

بنت الشاميه said...

reemas :

قلت سااامحوني
صيف وحر وحكره بالبيت
ما كو الا انتوا...... هههههههههه

اهم شيئ منو اللى يبي شعر
كعكعكع
اللى ما يطول العنب يقول حامظ
ههههههههه
تصدق رفضى لعمليات التجميل من مبدا الالم....كل العمليات مؤلمه وكلهم يجذبون على زبائنهم ويقولون انه غير مؤلمه وثانيا محد سوي عملية تجميل وكانت ناحجه ميه بالميه
ماكو على خلقة رب العالمين
انا مقتنعه ان الوقايه خير من الف علاج
واسهلها طبعا الكريمات والعنايه بالبشره...والاهم الاكل الصحي
وشرب الماء
والاصلي اصلي حتى لو
قام من منامه
هههههههه
وهم سامحونااااااا

بنت الشاميه said...

Girls and Kuwait City :

يسعد لى هالصباح
اكيد لازم الطبيعه تاخذ حقها من الانسان.....لانها سنة الحياة
ورب العالمين ادري بالنفس البشريه
وهوهاااااااا
حكمه من رب العالمين

عاد تصدقين اني احب
Clint Eastwood
بكل عفسة ويهه
لووووو

بنت الشاميه said...

ARTFUL :

الله منك
خليل يقول انه يسوط فى ويهك سوط
ما يبقى شيئ ما يسويلك
ما تطلع منه الا وانت على سنجة عشره
قول الصج شنهي كريمات
خليل اللى يحطها بويهك
هههههههه
;p

بنت الشاميه said...

الزين :

العهده على الراوي
عيادات التجميل متروسه من الجنسين
الحريم لابسين براقع والريايل متلثمييييين
ههههههه
والله ...والله يقولون
العهده عليهم

هلا بالغاليه
شلونج انت..؟؟؟
:*

ميمة السبيت said...

** اييه هابيين اسووون ليزر ايدهم و ريولهم مادري ليش

بنت الشاميه said...

Scorpion :
هي بالاول والاخير حريه شخصيه
وعلينا ان نتحترم حرية اختيار الاخرين
اللى نشوفه احنا انه جميل او قبيح الاخر يراه بنمظور مختلف عنا
عمليات التجميل اصابت بعض الرجال بالعالم بهوس...وطلب شديد عليهاااا
بس الوضع الحين صار مشكله صجيه
شون نعرف الاصلي من المعدل نفسه
هههههه

بنت الشاميه said...

بوصالح :

ويا حلو الجلحه و الملحه
المساواة مطلوبه
((:

بنت الشاميه said...

نمووول :

ياااا حلوك هذا خبرك عتيج
الحين لو شنو ما تعرف تقدر عمر المراة
صارت تاكل من السنين وما يبن عليها
الدقه انتوا اللى بسرعه تتعفسون ويبين عليكم الكبر
رحتوا فيهاااا
;p

بنت الشاميه said...

فريج سعود :

الجيل براس الطاقه
لوووول

بنت الشاميه said...

Sen :

ابيه تهقين ,,,....؟؟؟؟؟؟
لازم اذا خطب نيب دكتور اول يفحصه وبعدين نسال عنه
هههههههه

بنت الشاميه said...

اجار الدين كشمش :

وشهد شاهد من اهلهااااا
الله يعينا عليكم
بنتحملكم وين بنروح ماكو الا انتوا
اجرنا عند رب لعالمين
ترا حتى الفلوس ما تحليكم
لوووووول

والخشم يبيله احد يشاركك فيه
من كبره

من وين مطلعهااااا
غششششششيت من الصحك

ابيه ...اببه مو صج
لا لا لا مو معقول
والله كله بعرف ليش يتغير الخشم ..؟؟؟؟

اجار عليك طلعاااات عجيبه

بنت الشاميه said...

الجودي :
والله انت العجيبه
كل هذا من ذوقج
انت المشكوره اللى تزوريني وتعلقين عندي

اما اجار عليه طلعاااات غربه عجيبه
خفي طينه الله يحفظه
مشكوووره

بنت الشاميه said...

ميمة السبيت :

الليزر اهون شيئ
كل شيئ الا تتفخ البراطم لوووووول

ما بقى شيئ
مشكووووره

خــالــد said...

شكرا على هالموضوع الحلو
أولا انا مقتنع بالجمال الرباني بس لا تنسي ان الحياة أثرت على الجمال الرباني, مثال انا استخدم الكمبيوتر أكثر من 10 ساعات يوميا فمن الطبيعي ظهور الهالات السوداء تحت العين,طيب وين المشكلة اذا استخدمت كريم ؟؟
انا استخدم مرطب لليدين و تقشير بشرة الوجه كل شهر و انا اشوف الموضوع هذا عادي جدا, لكن من الصعب تخيل نفسي اروح عند دكتور اسوي عمليات تجميل,عمليات التجميل اعتقد انها فقط للي عندهم تشوهات خلقية بشعة أو أثر حروق و غيرها
مجرد رأي