Wednesday, July 14, 2010

ياااا أم العبايه ..... حلوه عباتج .....الصجيه

بالله هذى عباءة ام بنطلون.....؟؟؟؟؟؟؟؟؟
هذى العباءة اللى تعرفها جداتنا و امهاتناااااا
صج انهم جرّحوا العباءة وسوها دخيله علينا
أساس لبس العباءة إنها لا تشف ولا تصف
ولا تلفت النظر وإنها تلبس للحشمه والستر
هذا أساس لبس العباءة اللى إلبستها يداتنا

وإمهاتنا .....حتى احنا ما زلنا نلبسها
نطورها شويه نعم بس مع المحافظه على أصلها
بس إن تخرج عن مضمونها ومحتواها
وتصير ألوانا وموديلات عجيبه وغريبه
ويتفننون فيها بشكل ملفت للنظر
بل وصلت حتى بيوت الأزياء
وتحولت إلى موضات وصرخات متجدده ومتعدده
وأصبحت جذابه و مثيره بل أكثر إغراءاً وفتنه والعياذ بالله
و دليل للترف والمباهاة والتفاخر والتميز
ولكي يعتاد الناس هذه المشاهد ويألفهااااااا

رغم إنها لا تحقق أي معني للستر أوالإحتشام
بل هذا تدمير و طمس كل ما هو أصيل
فى مجتمعنا المحافظ والمتدين
وأخرجوهاعن مألوفها فى لباس جداتنا وأمهاتنا

إنتهكوا حرمة الحجاب والحين الدور على العباءة
لا حول ولا قوة الا بالله فيهم
شنو الحل ويااااااهم ..... ؟؟؟؟؟؟
ملاحظه : ما اتكلم عن الحجاب أو النقاب
أتكلم عن العباءة الأصليه فقط

وسلااااامتكم

42 comments:

Blog 3amty said...

عمتي مجابلة بوستج وتكسر أرقبة !!

Anonymous said...

اظن هذي العيايات من اجل جر السعوديات الى السفور

الأستاذ مزيكا said...

لووووول على التعليق الاول

هي وقفت على العبايه بس!! كل شي كل شي

اجار الدين كشمش said...

مع كل التقدير والاحترام
لبوستك ورايك
العبات اليديده وايد احسسن !!!1
لو انتوا البنات وقفتوا عند لبس
الامهات والجدات ..جان 90%من البنات
اقعدوا في بيوتهم ولا تزوجوا
واحنا للحين وزره تحت الدشاديش!!1

لو عبات الامهات زينه ...جان لبستوها كل الوقت
موووووووووبس حق العزا والعمره بالطياره فقط
وجان صارت حرم ملك البحرين غدوه
للكويتيات
ما قطت عباتها الاصليه ..تراس المؤتمرات واللجان النسائيه العربيه والغربيه وهي لابستها
مثل انديرا غاندي و زوجات الرؤساء الافارقه
سامحيني بنت الشاميه المراه والبنت الكويتيه ضاااعت هوية لبسها مع دخووول النفط روحي بس المولات والاسواق وششوفي قرقيعان الاشكال المقززه ..جينز محزء وحجاب بو قوطي رووب !!1
فمالله

حَافِـيَةُ الَقَدمَيّـنْ ولِبَاسِي المَطـرْ said...

اتفق معاج بكلمة
نطورها لكن بحدود !!

بعدين البنيه اللي تبي الستر هالزمن
تلبس العباة حتى لو هالشي يجبرها ان تقعد بالبيت !!

صح إن عباة الراس مرات مو عمليه
لكن عندنا العبايه الإسلاميه
مريحه حيييل !! وتقدرين تفنتكين فيها بأصول وحدود

بس الظاهر بعض بناتنا مايبون الستر
الله يرحم زمان اول , الحين اللي تلبس عبايه قالوا عنها معقده !!

يعطيج العافيه بنت الشاميه

الزين said...

الناس تبحث عن الحداثة في كل شيء

عباية جدتي وجدتج ما تصلح لطبيعة حياتنا اليوم

تصوري انتي مداومة وقاعدة على مكتب وعباتج على راسج
:)

اهم حدثوا على العباية لما صارت مثل الفستان الواسع مع الشيله
بس بلشوا يخورونها لما اصبحت العباية ترند وتحولت الى فاشن
وبلشنا بالفناتق

والعبايه مفتوحة للصدر
والبنت اذا مشت طارت العبايه وبين اللي لابسته تحت

عموما عندنا بالكويت الحال اهون من الإمارات

اما بالنسبه للحجاب
صدقيني
ما تخوره بلبس حجابها الا اللي مغصوبه عليه ومفروض عليها

اللي حابته بتصونه
وما تجرح سمته

وصباحج عسل يا بعد الشامية واهلها
:*

ترى لما الحين ناطرة الإيميل
:)

aL-NooR . said...

مثل ما في ناس شوهوا صورة العباة
في ناس محافظين ..عسى ربي يستر عليهم ..و يثبت الملتزمين فيها


صبحج الله بالنويــــر

******************

ميمة السبيت said...

** عباية الراس الحين تطلع بس وقت العزا مع الشعر الاشقر و التسريحات قاطتها على جتفها و تحتها يبلوزة جبنيز يعني حر حتى بالعزا ماكو احترام

ARTFUL said...

صدقتي

بس ترا في بعض الدول العباءة في الوقت الحالي عباره عن لبس تراثي بحت

نفس البحرين

يعني مثلا

مرات تلاقين عندنا الشباب الصبح غتره وعقال وبالليل شورت

نفس الشي البحرين

الصبح عبايه كامله مكمله

وبالليل شورت

!!

بس بشكل عام واللي حاصل بالكويت انا معاج

100%

كاريكاتير said...

يسلم عليج محمد هايف ويعتبر موضوعج دارج ضمن اجتماع (لظس) القادم

بصراحة العباية الاصلية للحين موجودة واكيد طرأ تطوير لها لكن القصة مو قصة عباية..

القصة قصة ذوق والايمان الحقيقي بدور العباية والاحتشام الحقيقي..احتشام السلوك واللسان..

Girls and Kuwait City said...

اهلا بنت الشاميه
اتفق معاج في كل اللي قلتيه العبايات صارت اتفشل ... حتى العزا ما صار له احترام من العبايات لي الميك اب لي الشعر

نمووول said...

اقسم بالله اليوم شايف مثل الي باول صوره كانت لابسه عبايه ومشرعتها وتحتها برمودا ومطلعه نص شعرها لووول
شحقة العباة والحجاب ؟

عاجـل said...

اذا العباة تقصملت

عيل باجي الملابس سصار فيها

واخزياه من الله

عثماني said...

يازين عباة حريم الكويت ... السنعة

مو اللي نشوفها هالايام

عباة سترتش .. و عباة مخسرة .. و عباة مادري شلون قايلة

هذي نتيجة القرقيعان اللي في الديرة و انا اخوج

:(

le Koweit said...

اليوم اصبحت بعض العبايات
اكثر اغراءً ولفتا للنظر
من الجنز او التنورة او هالسوالف !

maram said...

أحب التطوير اللي صار في العبايه بس المشكله أن في ناس زودوها صار شكلها مو حلو خربوهابالمره

http://maram99.blogspot.com/

حسافتج يا كويت said...

يا زين العباية القديمة

كلها حشمة

الحشمة يا إخواني ما لها وقت وزمن
الحشمة مالها موضة وذوق

عيل الحين اللي نشوفهم بالشارع والمجمعات التجارية والوزارية

شي يخدش الحياة

ابي اعرف شلون اهلج يخلونج تطلعين بعباية ستريج من بيتكم؟

لو متفصخه اهون من اللي امسويتة
على الاقل تفصخج يخدش الحياة
ولكن بعباتج هذي المرصرصه تخدشين الحياة والذوق العام وتاريخ ديرتج
او عفوا
الديرة اللي انتي قاعدة فيها

الله يا خذكم يا اللفو

ترستو الديرة من اشكالكم

بنت الشاميه said...

Blog 3amty :


العمة تستاهل

بنت الشاميه said...

Anonymous :

بعضهم اساسا مو متحجبات
لبسهم للعباءة خوفا من الهيئة ...بس

بنت الشاميه said...

MSMAAR :

بس احنا ما راح نسكت
لازم نتكلم لكي نرجع كل شيئ الى اصله

بنت الشاميه said...

اجار الدين كشمش:

جزء من كلامك صحيح
ولكن هناك موظفات لازلن يلبسن العباءة الاصليه ويدامون فيها
ما عاقتهم عن العمل
لا بسينها عن اقتناع للحشمة والستر
وخصوصا بالوزارات
وبقول لك سر انا ما اروح المولات
لاني صايره ما اتحمل اشوف مثل هالاشكال
ضغطي يرتفع بسرعه
وانا وحده اخاف على صحتي
الله يهدي الجميع
):

بنت الشاميه said...

حَافِـيَةُ الَقَدمَيّـنْ ولِبَاسِي المَطـرْ :

لبس العباءة تروالي ما يعوق المراة عن العمل...اذا كانت تحب وترغب بها

حتى العباءة الاسلاميه اذا كانت واسعه
وما تلفت النظر وتستر ما فيها شيئ
هي مثل من العباءة العاديه
ولو الوحده بتنظر الى كلام الناس
كلامهم مااا يخلص
والله يستر على الجميع
حياج الله
شكرا لك

بنت الشاميه said...

الزين :

انا ما عندي اعتراض على
العباءة الاسلاميه
بس لازم تتوفر فيها شروط الحشمه والستر
ميرك هالايام صايره العباءة اغراء واكثر اثاره.... ولا اذا مشت تتهندس وتدلل وتتمايع بالطرقات
اللهم يا كافي
تفشل وتكسر العين
الله يهداهم ويوسعون من ضيج اعبيهم
خلوا الحجاب والعباءه مسخره
كل من يتطاول عليه
لاحول ولا قوة الا بالله


شكرا لك

بنت الشاميه said...

aL-NooR :

مسائج ورد واسمين
الله يكثر اللي يحاقظون على العباءة
ويزيدهم ربي حشمه وستر بالدنيا والاخره

منورتناااااا

@alhaidar said...

مو تقولون حرية ؟ ولا ما تبون حرية ؟ ما عرفنالكم ترى :P

بنت الشاميه said...

ميمة السبيت :

وازيدك.... والى ان توصل باب بيت العزا وهي تلبسهاوما حطتها على راسهاااا
واهم شيئ القذله....لاوزم الكشخه
يفشلوووون

الحياة حلم said...

يا حلو الستر
فيه عفة حق المرة و الريال
المرة بحشمتها تجبر الريال انه يعاملها على اساس انسانيتها و عقلها بس
اما الغير محتشمة فعكس الكلام اللي فوق

AuThoress said...

العباية حلوة كتراث ... بس عاد بهالحر .. ارجوكم لبسوا ألوان فاتحة تخفف علينا وعليكم الشمس الحبيبة ... يا ستي .. كل شي تغيّرت مفاهيمه .. والعباية وحدة منهم.. تدرين؟ العباية القديمة / عباية الراس ، اساسا مو كويتية .. هي جت من إيران وراحت العراق ثم للكويت .. يعني بالاساس الاساس مو كويتية .. عرف... تقليد ... والحين تأثير السعودية وصلنا من بعد الاحتلال إلى اليوم .. وشوي من تأثيرات الامارات مع حجاب الشيلة المتفوخة... خليط من كل قطر صرعة

تعددية ثقافية :)

رائعة

بنت الشاميه said...

ARTFUL :

اكيد العباءة مورث قديم
وفى دول مجاوره نسائها مجبوؤين
على لبسها
بس احنا بالكويت نختلف قليلا عنهم
وايد من النساء يلسونها
لانهم مقتنعين فيها
والملابس حريه شخصيه
ولكن يظل هناك الحشمه والستر
والذوق عام واغلبنا قاعد يعاني ويتأذى من انحراف الذوق العام
ولا فى المولااااات ....ضيييم
والله المعين

بنت الشاميه said...

كاريكاتير :

مشكور صج اختصرت بوستي بجمله وحده

القصة قصة ذوق والايمان الحقيقي
بدور العباية
صج هو نقص الايمان بدور العباءة
فى الحشمه والستر خصوصا فى هذه الايام

وانا معاك ان
الاحتشام الحقيقي
هو احتشام السلوك
واللسان

شكرا لك مرة اخرى

بنت الشاميه said...

Girls and Kuwait City :

العزا له شجونه الخاصه فيه
الناس صارت ما تسحي
ولا تحسب حساب لاهل الميت ولا لحزنهم
ما يقهرني الا الكعوبه
اللى يلبسونها بالعزا
ما ادري شصار فينا...؟؟؟؟
شكار لك عزيزتي

بنت الشاميه said...

نموووول :

هذا السؤال اللى دائما يدور فى بالي
ليش لابسه العباءة..؟؟؟؟
والسؤال الثاني الاهم
ووووين اهلهااااا عميان ما يشوووفون
؟؟؟؟؟؟؟؟؟؟؟؟
لاحول ولا قوة الا بالله

بنت الشاميه said...

عاجــل :

الخافي اعظم
صج وااااخزياااااه

بنت الشاميه said...

عثماني :

حتي لو بنحط اللوم على القريقعااان
اللي دخل بينا
وين العقل ... وين الدين...و ين الالتزام .... وين الحشمه والستر
وين الذوق العام
؟؟؟؟؟؟؟؟؟؟؟؟
الصج اختلط الحابل بالنايل

مشكور على مرورك

بنت الشاميه said...

le Koweit :

هذا هو مطلبهم
تشويه حقيقة العباءة
وتشويه كل تاريخناااااا
حتى بالحشمه والستر
الله كريم

بنت الشاميه said...

maram :

التطوير مقبول وما فيه شيئ يمنعه بس يكون بحدود شروط لبس العباءه
وهي الستر والحشمة وان لاتشف ولا تصف ولاتلفت النظر
اللى قاعدين نشوفه تطور ينسف كل هالشروط
لاحولا ولاقوة الابالله

بنت الشاميه said...

حسافتج يا كويت :
كلامك ما عليه زود
يبرد اقصى مافى القلب

واقولك اللى يحرني اكثر واكثر
اذا كانت البنت مع ابوها لحيته نص صدره والام منقبه ولابسه العباءة عدل
ومخلين البنت تلبس جذي
ياويلي وياحسرة قلبي
وين دورهم بتوجيه بناتهم وتطبيق التزامهم اولا علي بناتهم
قبل على الغير
هذه هي الازدواجيه اللى يعيشها البعض فى مجتمعاتنا
عينهم على محاسبة الاخرين
ويتعيمووون عن اهل بيتهم

الله يعينا ويصبرنا على ما بلانا

بنت الشاميه said...

أحمد الحيدر :

الحريه دائما لها سقف
هذا رايي بمعنى الحريه بفهومها الواسع

فهناك الكثيرين ممن اسآءوا فهم الحرية وكيفية تطبيقها في حياتهم

مما جعلهم يتصرفوا تصرفات غير لائقه من منطلق فهم خاطئ لمعنى الحرية

sen said...

الله يثبتنا ولا يزيييغ قلوبنا والله العالم صار يخرع
والناس إلا بدخل نفسها بكل شي
والله حتى النقاب صار له بالموضة والديزاينات شي يحزن

دخلوا الكليات بالكويت وتشوفين ما خلو شي ما دخلو فيه الموضه

والله
أنا احترم كل إلي يحترمون العادات ويواكبون التقدم ناااس على راسي

أنا متابعه للمدونه بس بصمت
تحياتي اختج سين

بنت الشاميه said...

AuThoress :

هلا بالغاليه
شكرا للمعلومه القيمه
انا كل اتسال ليش يلبسونهاااا
اذا هم مايبونهااااا
والله حاله
يا بنت الحلال اهي ما يت على لون العباءه ......خل يلبسونها عدل ويصر خير بعدهااااا

المهم الستر وعدم التبرج والاثاره والاغراء والفتنه
اسعدني مرورج

بنت الشاميه said...

Sen :

تصدقين اسعدني مرورج وخصوصا انج متابعه بصمت
اتمنى ان لا يطول الصمت ونسمعج على طول

حى أنا احترم كل إللي يحترمون العادات ويواكبون التقدم بحياء وخفر
كلامج جميل ورقيق مثلج

حياج الله

بنت الشاميه said...

نور الكويت :

الحشمة والحياء والستر صفات حميده للمراة
نتمنى من الله ان يسبغ علينا هذه الصفات
فالحياء نصف الايمان
اسفه بالتاخير بالرد عليج
حياج الله