Saturday, July 03, 2010

إفرحوا وإسعدوا اياااااامكم..... بالدندرمه

الله يديم السعاده والفرح والسرور عليناااا
ويكثرها بينا ويجعل أيااااامنا كلها سعيده
...

...
...
...
بالايس الكريم والمثلجات
تسعدوووووا و تفرحوااااااااا
أكو أسهل من هالحل.....جربووووه

الدراسة الحديثه تقول إن الأيس كريم والمثلجات
يساعد على تحسين مزاج الواحد
ويزيد من شعوره بالسرور والنشوة والفرح
فهما ينشطان مراكز السرور والسعادة في الدماغ
فنصيحتي كثروامنه .....تديم السعاده بينكم
وإلحق ""الدراسه "" الى باب الدار
و بعدهاااااا إدعواااااااا لى
فأي نكهه واي أيس كريم تفضلووووون ...؟؟؟؟؟
ماااااا احب نكهة الفانيليااااااا بعيشة الله
وأحب أيس كريم بتراااا وأفضله دائمااااا
تراني دقه قديمه وما أحب الإ العتيج

تراه مو إعلاااااان مدفوع والله والله
جعل الله كل أيامكم فرح وسعاده وسروور دوم

ياااااااااا رب
وسلاااامتكم

20 comments:

الجودي said...

فوة

ممم

موضوعج بااااارد يسرسح

أحب نكهة الكاكاو و الليمون اخلطهم مع بعض يعني كرتين القفشه فيها من النوعين لذيذ ووووو و الروزبيري

وماعندي ماركه معينه كلهم خوش ناس و حلوين

تحياتي

le Koweit said...

انا مزاجي الفانيليا

واعشق ايسكريم ماكدونالدز أبو 100 فلس
ادوخ عقبه لوووول

صباحج فانيليا :P

مَـــــعْــــمَــــعَـــــه said...

في محل برد بـ 360 مول فوق يم كرسبي كريم لا يطوفج

فيلسوف said...

عاد تصدقين قبل شوي ماكل لي ايس كريم
بس مو بترا

يبيله على جذيه اعطيها انزر ون

وثانكس على البوست البارد مثل ما قالت اختي الجودي

يبرد على القلب

الوتيــــــــــن said...

الموضوع محفز ياختي .. انزين واللي مسوي رجيم؟ اكو دندرمه دايت :p

عثماني said...

مساج الله بالخير اختي بالبترا

نسبة الى محبتي لبرّد بترا

بمناسبة هالبوست ابشرج ... من بدا كاس العالم و انا طايح له ... بترا

ادق عليهم و اطلب كيكة بترا بالاضافة الى كرتون برد مربع

و بكل مباراة اقضى على جزء من الكيكة في الشوط الاول و في الشوط الثاني اتسلى ببرد مربع

و مستغرب ان وزني بس زاد 3 كيلوات من بدى كاس العالم

:)

AuThoress said...

ياعزيزتي .. في موسوعة طب الاورفيدا الهندية ، ينصح بتجنب المثلجات تمااااما .. لأنها تربك "عملية الايض" في الجسم.. يؤبك نظام الجسم وبالتالي نشعر بعدم راحة دون معرفة السبب ...ينصحون بتجنب تناول اي شيء بارد بشكل كبير ، مثل الايس كريم تحديدا .. فــ حبيت أنصحكم بعد قراءتي للموسوعة... تجدونها في المكتبات المتخصصة بعلم الاورفيدا وهو نظام الأكل الصحي والتداوي به عبر طرق الطب الهندي القديم


مع محبتي

SHOOSH said...

هل تعلمين عاد إني ما أحب البرد

ولا الدندرمه

ولا البوظه

ناااادرا ما آكل

أحب بس هذا اللي فيه علج من تحت

بنت الشاميه said...

الجودي :


الله يبرد قلبج دنيا واخره يالشيخه
ياحلو الايس الكريم
وملك النكهاااات اكيد الكاكاو
ههههههه
الاهم السعاده وكيفية تحقيقهااا
الله يديمها عليج يارب

بنت الشاميه said...

le Koweit (حقوقي سابقاً :

مبروك الاسم الجديد
الاسم الفرنسي روعه
يعطيك خيره ويكافيك شره

((:

صباحك فراوله باااارد

بنت الشاميه said...

مَـــــعْــــمَــــعَـــــه :


شكرا للمعلومه اللذيذه
(:

بنت الشاميه said...

فيلسوف :

عليك بالعافيه ..احلي شيئ بالصيف الايس كريم

اكيد هناك انواع مختلفه وممتازه ومميزه
بس عندي الاصل هو بترا بعدين تاتي كل الانواع الاخرى

المهم ان تتحقق لنا جميعا السعااااده
هذا مربط الفرس
شكرا لك

بنت الشاميه said...

الوتيــــــــــن :

اكو دندرمه دايت
لو فات وقليلة السكر

.
.
.

بس باااااااصجه
هههههههههههههههههههههههههه
ما انصح فيها بتاتا

الصبر جميل

بنت الشاميه said...

عثماني :


الله يكثر محبي البتراااااا
ونصير عايله جبيييره
ههههههه

خوش تعبير اختي بالبترا
صح انك مبدع

اما كيكهم صج لذيذ.... وعجيب
بس عاد لا تكثر منه
كل شيئ الا وزياده الوزن
ماكول العافيه
اختك البتراويه
(((((:

بنت الشاميه said...

AuThoress :

من معلوماتي البسيطه اغلب
دول شرق اسيا
ما يحبون الاشياء البارده والمثلجه
حتي الماي يحبونه حار او مغلي
هذي حضارتهم اللى تربوا عليهاااا

انا تعلمت منهم ما اشرب الماي
او اي عصير بارد ابد
لازم يكون دافي او على الاقل بحرارة الحجره.... وفعلا وجدت الفايده
ولكن العلم يتطور وينقدم
وعلى الانسان انيختار ما يصلح له

وشكرا للمعلومه الجميله
حياج الله

بنت الشاميه said...

SHOOSH :

يابخت اللي ما يحب الايس كريم
او الاشياء الحلوه
كل اقول ياااابختهم هذى نعمه
جان زين انا اصير مثلهم
لاني احب الايس كريم واااايد
انت محظوظه
((:

Amal said...

Banana Royal is the best from Basken Robins yummmmmmmy

اجار الدين كشمش said...

الله يهديج يابنت الشاميه

اي برد اي ايسكريم

الكويت هالايام صايره طنب

جواي لعروج النسا
من كشن السياره الي السكان

حتى في الفريزر قام يذوب ويسسسيح
فيه الايسكريم
والبحر صار مرقه الا في كبر
والحين كبر ماتوالمني
كل مرتاديها خارجين عن
الذوق العام هههههههه


فمالله

بنت الشاميه said...

Amal :


شورج وهداية الله

Banana Royal
اكيد عجييييب
شكرا

بنت الشاميه said...

اجار الدين كشمش :

اجار قلبي عندك
حالتك صعبه جدا
اصلا ليش ما سفرت الى الحين
الظاهر الشريط الاحمر قامتك قمااااات
ما عليه برد علي قلبك بالايس كريم حتى لو ذاااايب
لك الله
سافر لا تقعد نصيحتي لك