Friday, June 18, 2010

ياريت قلبي قلب ياااااهل

مرحلة الطفولة من أجمل مراحلنا العمريه
و فيها الكثير من الذكريااااات
أيام الطفولة فيها البراءة و العفوية والصدق والامان
وصفاء البال والخيال الخصب والدنياااا الجميله

وفيها ايضا الشقاوة و الفضول و التهور والمشاغبه
عشنا كلنا هــــــــــــــــــذه المرحله
نتذكرها بين فترة وأخرى وونستمتع بذكرياتها

والبعض يحاول تناسيها ولايريد أن يتذكرها ولايسمع طاريها
وأعتقد انهم قـــــــــــــــــــــلـه
ياريت تعود هذيك الأياااااام وهذاك الزماااان
فهل تقدر تصف طفولتك بعباره واحدة؟
أي نوع من الأطفال كنت
عاجل ...حنان.... دعله..... نزقه.... ملسون
عنيد .....هذار......صياح....... لزقه ...لوتي
ما هي احلى مواقف طفولتك...؟؟؟؟؟
هل فتنت مره على أحد وسببت له مشكله كبيره..؟؟؟؟
شنو أكثر شيئ كرهته بطفولتك ولازلت تكره الى الحين
؟؟؟؟؟؟؟

ما هو اصعب موقف مريت فيه
ولا زال محفورة في ذاكرتك...؟؟؟؟؟

هل تخلي أولادك يعيشون طفولتهم مثل ايام طفولتك ..؟؟؟؟
عن نفسي كانت فتره طفولتي ممتعه أحبها بحلوها ومرها
بدعاء أمي لى ان أطخ وأركد .... وبزفها لي

وتقرصها أحيانا وأهم شيئ خزة عينهااااااا
اللى كنت من صج أخاف من عيونهاااااااا

أدري وقتها إني قد وقعت بالمحظوووور
كل هذا لما اتذكره الحين اتبوسم واضحك من نفسي
لإني مااااا كنت من النوع الهااااااادي أبد أبد
ما أقول الإ جزا الوالدين الجنه
صج اصبروا علينا وتحملونااااااا .... ما نطلع من يزاهم

وسلااااامتكم

13 comments:

الجودي said...

بنت الشامية

البوست يونس و أحلى ما فيه إن يخلينا نتذكر

أنا بقولج موقف من طفولتي لي الحين محفور بذاكرتي

كنت في المرحلة الإبتدائية والمدرسة يم البيت ونروح مشي أنا وبنات الفريج كلنا حلو إلي اذكرة إن كل ما قالت لنا الأبلة يالة صفوا طابور بنروح العيادة ما أدري إشلون بقدرة قادر أكون في بيتنا
الصف كله يروح العيادة وانا أروح بيتنا ولا حارس ولا غيرة يلحق علي صوفة ركض لووووووووول

ما توعى أمي إلا أنا داخلة عليها إشيايبج الأبلة قالت بتودينا العيادة وانا ييت البيت كنت أموت خوف من الإبرة والتطعيم لووول

وأمي يحليلها اتريقني و اتردني لوووول هذا إذا امبجر يايه أما إذا متأخر خلاص انتهى اليوم على جذي و ثاني يوم أمي اتوديني المدرسة و تروح وياي للعيادة

و كانت المرحلة الصعبة المتوسطه كانت بعيدة عن البيت وماكان في مجال لنحشه

:\

سوري على الهذرة

تحياتي

ميمة السبيت said...

** ايه والله خووش ايام

انا كنت حجايه يعني ابلاتي بالروضة يعرفون كل سوالف بيتنا

AuThoress said...

كتبت الكثير في إصداري الجديد/السادس .. ملامح كثيرة منها جعلت "والدتي / ملاكي" تضحك ملأ قلبها/عينيها .. لأنها تذكرت كثير مما هلوست نصوصا



ستقرئينها يوما
وارجو أو تسمو لذائقتك

ReLaaaX said...

كل عمري حلو مو بس طفولتي :))
شرايج بالثقة ؟ ;p


واكيييد أحلى فترة الطفولة :))
وكللللللها حلوة والاحلى إن فيه من سني وايد .. كنا اسمالله علينا اشكثرنا بالزواره ;)


من اول ماانولدت كنت مستانسه --> شهاليوووور ؟


مروراً بالروضة وكنت مع عيال خالي بنفس الروضة


وكنت رئيسة عصابة بالروضة ( بس دلوعة بالبيت .. ودلوعة عمامي ).. بس يوم صرت بالابتدائي صرت حارس مرمى
لاتسئليني شهالنقلة ماادري وهم بنفس الوقت العب بالباربي .. فيعني دامج مابين الدفاشه والدلع :))))))


بس شوي كنت دعله .. ودعالتي الحين اخف لأنها مقتصره على التنهوص والعساره بالاكل :)




امبيه أيااااااااااام

اخنقتني العبره والله ياحلو هالايام

ARTFUL said...

اييي والله ما قصروا عسى الله يطول بعمرهم ويرزقهم الصحه والعافيه

انا عندي بنيتي بروحها الحين ولاعبه بحسبتي

شلون كانوا قادرين علينا وسفرات وروحات وييات

يزاهم الله خير

Anonymous said...

حبيت اشارككم برسالة و صلتني مع انها غير مرتبطة بموضوع البوست, اعجبتني جدا: (كل الشعوب تلد اجالا جديدة الا نحن نلد ابائنا و اجدادنا و ذلك بغرس طبائع ابائنا و اجدادنا بهم و حثهم و مطالبتهم بالتمسك بها و الحفاظ عليها لذلك شعوب العالم تتطور و نحن نتخلف و نبقى على ما نحن عليه فقد قال سيدنا علي ابن ابي طالب: (لا تربوا ابنائكم على طبائعكم فقد خلقو لزمان غير زمانكم) و اسفة بنت الشامية للخروج عن الموضوع :)

بنت الشاميه said...

اقدم اعتذاراتي الحاره لتاخيري بالرد عليكم..... لظروف خاصه جدا

ارجو المعذره

بنت الشاميه said...

الجودي :

والله انت صاجه احلى شيئ ذكريات الطفوله حتى المحزن منهااا

اما عاد سالفتج صج ىسالفه عجييييبه
مت من الضحك لا لا لا مو صج
والاحلي امج وريوقهااااا
ههههههههههههههههههههههه
الله لا يحرمج منها ومن حنانهاااا
امهاتنا صج يزاهم ان شاءالله بالجنه

عسى خوفج من الابره والتطعيم انتهى
والا الى الحين
ههههههههه
ياحلوج وياحلو ذكرياتج
من قلبي ضحكت
ونستج العافيه
:*

بنت الشاميه said...

ميمة السبيت :

ايام الطفوله ما تعوض
والمدرسات عاد ابد ما يحبون السوالف
ههههه
انا عكسج كنت كله لاهيه باللعب
مت عندي وقت اسولف
الحين اللي صرت هذاره

وانت شخبار الهذره الحين وياااااج
(:
لووووووول

بنت الشاميه said...

AuThoress :


دائما انت مبدعه
وكتاباتج دائما جميله مثلج
اتمنى ان اقرئها قريبا
محبتي لك دائما

بنت الشاميه said...

ReLaaaX :

االله يديم عليج كل هذا الثقه
الحين هي اساس النجاح بهذه الحياة
وانا اقرا تعليقج ابتسانمتي ما فرقتني
يااااحلوج حسيت بكل كلمه كتبتيهااا
لانج صج صادقه مع نفسج
بس عاد رئيسة عصاااابه
غشيييييت من الضحك

والدعلاه تروح وتنصهر مع الاياااام
ومن هو اللى يلاقي دلع مويدلعششششش
الله يخليج لاهلج ويحفظج
ايااااام الطفوله لها نكهة مختلفه
الله يديم الفرح والسعاده عليج وعلينا
ياااارب
:*

بنت الشاميه said...

ARTFUL :

ههههه
تو الناس ما شفت شيئ
انت توك بالالف
الله يعينج الى ان توصل السين والشين
لوووووول
الله يخليك لها ويصلحهاااا
واهلنا يزاهم الجنه باذن الله

حياك الله

بنت الشاميه said...

Anonymous :

الكل يحاول ويجتهد بالاحسن والاصلح
فى تربية الاولاد واعدادهم للمستقبل
ولكن نظل بشر نصيب وقد نخطأ
و ولكن جسن التدبير عند رب العباد
والله يوفق الجميع على حسن التدبير