Wednesday, June 02, 2010

حتى التقرص .... له فوائد

النمله حشره صغيره جميله رشيقه
مجتهده منظمه دؤوبه لا تكل ولا تمل
كلها عبر ودروس لمن يعتبر.....؟؟؟؟؟؟؟
كلنا نتعرض لقرصتها وأول ردة فعل لنااااا

نقتل النمله المسكينه وهذا مو صحيح
لإنها أول شيئ كائن حي .... وما تخوف
ولإن النمل أمه تسبح بذكر الله
وأخيرا لجهلنااااا بفوائد قرصتهاااااا

المفروض ان نشكرها علي قرصتها لنا
فسبحانه حتى قرصتهااااا لها فوائد عديده
1-

قرصة النملة تؤدي إلى تنشيط الدورة الدموية
وزيادة عدد كرات الحمراء مما يزيد نشاط الجسم وحيويته
2-
قرصة النملة تقوم بتنشيط الخلايا العصبية الموجودة
في الدماغ وذلك من خلال إشارات حسية تنتقل
من مكان القرصة إلى الخلايا الحسية أسفل الدماغ
3-
إذا تعرض الجسم إلى أكثر من قرصة فى الوقت ذاته
وفى نفس المكان فإن ذلك من شأنه أن يؤدى إلى تليف الجلد
أما إذا كانت في أماكن مختلفه فإن ذلك يؤدي إلى تخثر الدم
وكلهمااااا مفيد للجسم
4-
قرصة النملة كأفضل وسيلة للرجيم عندما تقوم
النملة (الأنثى) بتوجيه قرصتها للهدف المنشود
فإنها تفرز كمية من اللعاب الأيوني , و إن هذا اللعاب
يقوم بحرق جميع الدهنيات الموجودة في العضو المقروص
مثلا لو أن المقروص هو الذراع فإن اللعاب
سيقوم بحرق 99%من الدهنيات التي توجد بالذراع
*******
ترا حتى قرصة النمله فيها اجر
لإننا نتحمل الألم و نتعلم الصبر ونتحكم بردود أفعالنا

بس عاد متى تقرص النمله ولييييش ؟؟؟؟ مااااادري
هذا يبيلهااااا مدرس علوم يجاوبنا عليه ويعلمنااااا

فالأقل قرصة النمله أفضل ألف مره
من قرصة بعض الناس اللي بسكاااات
ومن تحت الى تحت
لإن قرصتهم ,,,, تودر و تدمر
اللهم يااااكافي

فهل أنت مقروص ...؟؟؟؟؟؟؟
والا من اللى يقرصون بسكات ؟؟؟؟؟
الله الحــــــــــــافظ

وسلااااااااااااااامتكم

28 comments:

t.q8 said...

الله يسامحج يا بنت الشاميه
عفست البيت وانا ادور على نمله
خو انتي من قلتي انها تساعد على
الرجيم وانا ادور عليها
**********
انا ما اقرص
ولا من النوع الي ينقرص
لان سلامتج بجيبي بف باف
حق اي واحد يحاول يقرصني
:)
وقرت عينج برجعت عيالنا
من اسرائيل

Sami said...

ترى حتى قرصة الوالده الله يحفظها ..علمتنا السنع :)

esTeKaNa said...

صباح التقرص
:)
الله يسعد صباح بنت الشامية
بعيدا عن تقرص بني البشر وتقرص النمل ولو كان له فوايد
:P
بنت الشامية:
اقرا البوست وانفض ملابسي ،فيني طبيعه متعبه من اسمع طاري للحشرات والنمل اوسوس وانا بمكاني
:))
جواب سؤالج:
انا ما اعرف اقرص ولو كان ودي اتعلم
ولكني انقرصت قرصات علمت اثرها على القلب بس الحمدلله
:)
البوست ذكرني بالفرصه
وهي الأم الكبيرة لقرصه
تلك المعتمده من امهاتنا وجداتنا في التربيه..فرصه تنهنه القلب
بس تربي
:P

Blog 3amty said...

تصدقين عاد انا قبل آكلهم، بس الحين علاقتي معاهم سلام سلام من بعيد ..

Anonymous said...

سلام يا
الله لا يحرمنا من النمل بس ما قلتي هالكلام صج يعني علمي والا من تأليفج وبكلا الحالتين الله يعطيج العافيه

اخوي سامي اي قرصة الوالده والله وضعك زين اما انا الوالده الله يطول بعمرها كانت خيازرين وتلسب فينا الحين تشوفها مره عوده ومسالمه ساعات اضحك وياها واقول لها ها اول كنتي تطقين تبين الحين ألسبج يما-طبعا غشمره- لا وترد تقولي انت اقل واحد طقيته جنها متحسفه ياخوك
مايدور عندها جايلد ابيوز
الصبيان ينطقون بس البنات لا ما ينطقون بس زف شهالعنصريه

why me said...

أووتش



صباح الورد
:)

نمووول said...

عيل شلون عيل
عبالكم نقرصكم اعتباطاً ؟
بس ترى بعض مو كل النمل
النمل الاحمر قرصته تذبح فيل .. صج


-------------

وانا مستعد افيدكم واقرصكم ..

صباح الورد ,,

فيلسوف said...

اللحين بتخسبقينا

الكل بيقعد عن بيت النمل وشغال تحرش فيهم يبي ينقرص


والله مثل ما قلتي خوفك مو من النمل
هذولا مساكيين

الخوف من اللي مو يقرص إلا يلدغ من تحت لي تحت

اجار الدين كشمش said...

بلا نمل وبلا عبوو

احسسسن شئ بالدنيا

اقرصني وووو اقرصك

لووووووووول

بس فييييين يا حسره!!!1

لا اندرغراوند ولا باصات و لاكييو سينمات مثل كوفن غاردن


فمالله

المسقطيه said...

انا شبعت تقرص من امي بس ما ضرني جني البخت تري مو خوش خبر الاعصار اللي ياي عمان

Anonymous said...

تريد اموتك قرص

هاهاهاها
تاكيد على كلامج شوفوا
3:18


http://www.youtube.com/watch?v=4Cng5qO_zGo&feature=related

ولد الديرة said...

ولد اخوي مسمينه معشي النمل

يطلع من البيت وهو عمره يمكن 7 سنين ويحط حق النمل فتات خبز

النمل اوكي بس العبو اسمحي لي :)

مَـــــعْــــمَــــعَـــــه said...

سبحان الله كل هالفوائد واحنا عسى ما نشوف نمل الا هلكناهم بالفليت .. والنقطة الرابعه عجيبه والله

وقرصت النمل ولا قرصت البشر الله يكفينا شرها

بنت الشاميه said...

t.q8 :

حياج الله فى معهدي الصحي الجديد
ن "نمله تمشي على الدسم " للتنحيف والتخسيس
اللى ماخرني بس
قاعده ادور على وكيل لجمع النمل
:::::
وكل نمله ولها سعر لقرصتهاااااا
طبعا اغلي وحده العبوه
لاتضحكين ترا صج
لووووووووووووووووووول
بس للغالين
الله يحفظج من تقرص بنى الانسان

حمدالله على سلاااامتهم
تحياتي

بنت الشاميه said...

Sami :

كل شيئ من الوالده فيه العافيه
والمنفعه لولا تقرصهم جان ما تسنعنا
لووووول
كل شيئ الا قرصت الزند تفرفت القلب
لوووول
تحياتي

بنت الشاميه said...

esTeKaNa :

تقرص الوالده والجده صج يربي ويسنع

بس استكانه تراها تعور وتفتفت القلب
شبعت من التقرص
مسكينه امي الله يحفظها تحملتني وااااايد
لوووووول
بس سوتنا حريم سنعه والحمدلله
مانطلع من جزاهم

والله ابرك لج انج ما تعرفين التقرص اللى بسكات..... مامنه الا الغثا
وتانيب الضمير
واذا انقرصنااااا هم نتعلم ونعرف نحمي انفسنا بالمستقبل منهم ومن امثالهم
والحمدلله على كل حال

ياحلوج وانت بينا
صج كانت لج فريه
:*
تصبحين على خير

بنت الشاميه said...

Blog 3amty :

لا مو صج ...؟؟؟ كنت تاكلهم
لهم طعم..؟؟؟؟
بس ترا حتى اكلهم ترا فيه علاج
لوووول
حياك الله

بنت الشاميه said...

Anonymous :

اهلا وسهلا
لا هالكلام مو منى هذا كلام علمي
وموثق بعد
لووول

لا والله الطق يهون على التقرص
التلسب وحده او ثنتين وتحوش والا ما تحوش من تقمزكم
وبعدين ايدها تعورها وتهون
احنا عنصرية امي غير
البنت تتقرص بس الولد ما ينقرص
الى الحين محتره ليش امي ما كانت تقرص اخوي ...؟؟؟؟؟
كانت ايااااام
تحياتي

بنت الشاميه said...

why me :

صباح النوير
هلا بالشيخه منورتنا

:*

بنت الشاميه said...

نمووول :

اي والله اثاريكم منتو هينين
والناس باخص بحقكم

بس انا من اول احب النمل
استانس وانا اتابعها وهي تبني بيتها او تنقل فتات الاكل
يعجبني تنظيمه... واجتهاده
لوووول

صباح الصحه والعافيه
منك ومن الربع
هههههه
حياك الله

بنت الشاميه said...

فيلسوف :

ههههه لا تتخسبق
اعلان افتتاح معهدي الصحي
للصحه والعلاجات الشافيه
والتخيس والتنخيف
معهد النمله ما تمشي الا على الدسم
قريبا بالجرايد والمجلات
تجدون ما يسركم ولكم خصم خااااص

بس لا تتاخرون بالتسجيل
ههههههههههه

حياك الله

بنت الشاميه said...

اجار الدين كشمش :

اااااخ منك كل انت غييييير
حريمتك ..... ماكو اندر غراوند ولا باص
ولا حتى عرابانة كارو

ماكو الا تقرص النمل
على الاقل صحه وعافيه

هههههه
متى السفر...؟؟؟؟
تحياتي

بنت الشاميه said...

المسقطيه :

الله يحفظ الوالده ويخليها لج
تقرصها كل عافيه وصحه وادب
الله لا يحرمج منها

الله يكافينا شر الاعاصير والامظار
ويحفظ اهلج هناك
(((:

بنت الشاميه said...

Anonymous 2 :

شكرا للمجهود

بنت الشاميه said...

ولد الديرة :


حمدالله على السلامه

المهم انت شلونك ..؟؟
وشلون صحتك..؟؟؟
عسى احسن الحين

الله يجبر بخاطراخوك يعشى النمل
الظاهر هو عضو بجمعية حقوق الحيوان والحشرات.....لووول
لا العبو اصلا شكله يخوف
وقرصته اكيد مؤلمه
الله يكافينا شره
وشر تقرص بعض بني الانسان
ما يرحمون احد

تحياتي

بنت الشاميه said...

مَـــــعْــــمَــــعَـــــه :

تصدق ان تكسر خاطري النمله
ما اقدر اجتلهاااااا
بس اوخرها عني
ما ادري ليش

اما قرصه الانسان ساعات قرصتهم و القبر
اللهم ياكافي
امراض مختلفه فيهم
الله الحافظ
حياك الله

f7ee7eely said...

والعبو؟

بنت الشاميه said...

f7ee7eely
فى دول بشرق اسيا
تنشفه ... وتطحنه... وتاكله

ادز لك شويه
(((: