Saturday, May 01, 2010

تسلل ... والإ .... قووووووول

أول ما شفت الصوره ضحكت
وقلت خنت حيلي حيله صج كسر خاطري
مسكين من حر ماااا يانس
كل اللى قدر عليه هالفقير كتب اللى فى قلبه
علي سسسسسسسسيارته
بس بعدها بديت أتفكر واااايد بهالجمله
كم هدف فى حياتنا طلع تسلل...؟؟؟؟
وماهي الأسباب اللى تخلي أهداف
حياتنا تطلع تسلل ...... أحيانا
؟؟؟؟؟؟
هـــــــــــــــــل هــــــــــــــــو
الطموح الزائد عن حده
أو عدم الإتقان والتركيز فى التسديد
او هو تقاعسنا وتقصيرنا فى تحقيق أهدافنا
والإ هو الإحباط من أوسع أبوابه
واللى حطيناه شماعه لتبرير كل تقصير فى حياتنا

والإ هو سسسسوء الطالع...ففقدنا بعده الأمل..؟؟؟؟
أو ...... بالأصل ما عندنااااا أهداف
ولا نعرف نخطط لهاااااااا
ولا نعرف نحدد مسار ومستقبل حياتنا وحياة عيالنا
و السبب ......كله معتمدين على البركه
******
بس حلوه طلع هدف حياته ....... تسلل
×
×
×
×
×
انا طلع.... ركلات ترجيحيه مو تسلل
كم عددها .؟؟؟؟؟؟؟

تراهاااا واااايد فيه اللى يصيب وفيه اللى يخيب
وكله رااااضيه بما قسمه الله لي والحمدلله
وسلااااااامتكم

27 comments:

عبدالرحمن said...

انا اهدافي تسلل لاني دايما العب على ارض مو ارضي وجمهور مو جمهوري

والجمهور يحذف والحكم ضدي والمذيع ضدي

وعندي اصابه رباط صليبي بالطموح

وضع المباراة صعب دايما ههههه

فيلسوف said...

ما في شي اسمه طموح زائد

هتلر و هو ساعي بريد في الجيش حلم ان يحتل العالم

وانتي تعرفين شنو سوى

احنا مشكلتنا لما نحط اهدافنا
ما نحط الطرق الصحيحه للوصل لها

وساعات اذا قمنا و خططنا مثلي انا طبعا
احسن واحد يخطط اسوء واحد ينفذ

ما ياخذنا الحماس المطلوب للتنفيذ

اهم شي
ان نعرف هدفنا
نخطط له بشكل سليم
الاصرار عليه و الحماس في الوصول له
وتذليل الصعاب التي تواجهه
ومحاوله انجاح الخطه بخطط مساعده

(( كأني داش حرب ))

انا هدفي

(( كويت افضل ))

وبأذن الله بوصل له

ولاّدة سابقاً ... رانيا السعد ...رانية المنيفي حسب الأوراق الرسمية said...

بعض الأحيان نتسلف أو نستعير الاهداف من محيطنا الذي يرسم لنا خريطة حياتنا أو طريق السعادة بمفهومه الخاص

هنا بالتأكيد سيكون الهدف تسلل


المدون عبدالرحمن ذكرتيني بالمعلق السعودي في المباراة الشهيرة
الجمهور ضدّنا
والحكم ضدّنا
والهوا ضدّنا


المثل الكويتي الشعبي يقول: لا صار ودك محد(ن) يردك

والله أعلم

scarce313 said...

ليس المهم

أن تسجل هدف

يجب أن لا تتوقف

الجمود موت


و الحركه دليل حياة

و كل الحياة هدف

الموت وحده يحول

بينك و بين هدفك

و هي حياة

@alhaidar said...

يمكن "الحكم" دايما يكون إما غبي أو ظالم :)

بنت الشاميه said...

Anonymous :

الاخ \ الاخت

ليش تخلون الواحد يصل معكم
الي الجهات القانونيه المختصه لاتخاذ الازم وياكم
ترا سهل جدا السحب
هالايام للعلم فقط
ترااااهم يتمنون الشكاوي على المدونات..
حتى وان كنت \ كنتي
صغار بالعمر
عيييب ولا تفكر تحتمي \ تحتمين
باحد
التربيه والاخلاق مهمه وتنعكس على
اسرتك وهم لايعلمون اسائاتك للغير

الله يهديك ويصلح ضعفك امام الشيطان

اجار الدين كشمش said...

بنت الشاميه

مبروك على البنر الصيفي خاااالص

وششيلي بطل الشربت
شكله شتوي و
اييب الحارج

فمالله

ARTFUL said...

ابيخ تسلل اللي اييي بعد فرحه


;D

AuThoress said...

لن أعلّق .. فيكفيني بأنك أضحكتني من القلب .. عبارة ممتلئة بالحزن والآه... ربنا يعدل وضعه

Anonymous said...

انا حتى لو ما توفقت في اني ادش خط ال 18

احاول العب لعب نظيف وبدون دفاشه

اممممممممم

هم اللعب الحلو مطلوب :)

aL-NooR . said...

عورت قلبي الصورة
:"""(



**********************

Unknown said...

والله ماتستاهليين

لكن لا تحبطين ترا يحطونك احتياط

كل قولي مو مني هذا حامل الرايه
اللاينمان قاعدلي قعده
يعني بالكويتي قصي على نفسك
حتى يخلونك تلعبين بالبيت
اسف اسف غلط بالساحه

كشتيل

حياتي هدف مو عبث said...

سبب عدم تحقيق الهدف انعدام الإرادة والرؤية الواضحة للمستقبل
:)

دعواتج لي الله يحقق أهدافي
:)

بنت الشاميه said...

عبدالرحمن :

كل هذول ضدك
حالتك صعبه
تحتاج تدخل سريع.... لانقاذك

هههههه
يلزمك تدريب طويل و مكثف
و بعدها افرض عليهم لعبك

والله المستعاااان

جميل تعليقك
(:

بنت الشاميه said...

فيلسوف :

الطموح الزائد عن حده
يحطم صاحبه ويحطم اللى حواليه
مثل ما دمر هتلر المانيا العظمي
وقسمها ... وظلم اهلهااا
لو هو ماشي بالطريق الصحيح
جان الى الحين الالمان يحكمون العالم
بيد من حديد
لوووول

الاصرار فى تحقيق الاهداف والاستمرار فى طلبها...... هو السبيل الوحيد
فى ان تكون اهدافنا صحيحه وسليمه
وعمرها ما تصير تسلل

كويت افضل
وان شاء الله يكون هدف لكل مواطن صالح

شكرا لمشاركتك
حياك الله

SHOOSH said...

هذا شنو اللي تشربينه

هذا هذا اللي فوق الطاوله

اللي بالبانر مال المدونه ؟؟

*angry face*

;p

بنت الشاميه said...

ولاّدة :

اهالينا يرون اهدفنا من منظورهم الخاص
وهم صافين النيه بان هذا هو الافضل لنا
ولكن فى بعض الاحيان يجانبهم الصواب

تصدقين انا الحين امر بنفس المرحلة
مع فلذات كبدي
ونعيش نفس الصراع
هههههههههه

وتظل حرية الاختيار لهم بالاخير
بس بتدخلات كبيره مناااا
نظل والدين
الله يعينا على حسن التدبر

جياج الله

بنت الشاميه said...

scarce313 :

بدون اهداف اكيد ما نقدر نعيش
المهم الاصرار و المواصله وتغيير خطط
الهجوم والتدريب المستمر
فى حالة عدم تحقيقها
المهم عدم الياس
ولا يأس مع الحياة

حيااااك الله

بنت الشاميه said...

أحمد الحيدر:

حرام عليك
ليش مو الاعب صج كان بحالة تسلل

الرحمه حلوه
لوووول

بنت الشاميه said...

اجار الدين كشمش :


جنه موضوع البوست ما نال استحسانك
وركزت على الطاوله.... وشربت النعناع
وراح فكرك بعييييييييد

انا ما احط ممنوعات فى مدونتي
والعياذ بالله

ركز على البوست احسن
ههههههههه

بنت الشاميه said...

ARTFUL :

المهم كانت هناك فرحه
؟؟؟؟؟؟
حياك الله

بنت الشاميه said...

AuThoress:

مسكين كاسر خاطري من شفت الصوره
قلت اقل شيئ انزلها بالبوست
تضامنا معه.... هذا اقل ما اقدر اسوي له
ههههههه

مساء الاهداف الاصليه
اللى ما تخرش الميه

بنت الشاميه said...

Anonymous :

المهم الاخلاص بالعمل
واللعب النظيف
والتوفيق بيد رب العالمين
الله لايخيب لك هدف
امين

بنت الشاميه said...

aL-NooR :

اشووووه اكو مثلي واااايد

فقير يكسر الخاطر
قلبي عنده
لوووول

مساء النجاح والاقووووال السنعه

بنت الشاميه said...

kaashteeel :

اهم شيئ ان ما يكون علي تجمع الكور
بعدييين
ولا تحتاتيني
هالايام صايره نقووووشيه
من مده يبت خووووش هدف
حتى احسن من اهداف كاكا المزيون





لبست نظارات
لووووووول

والله ولي التوفيق
حيااااك الله

بنت الشاميه said...

حياتي هدف مو عبث :

التخطيط هو اول الخطوات الصحيحه
لتحقيق الاهداف

وبعدين ياتي الاصرار والاستمرار والتفائل بتحقيق كل الاهداف

ربي يحقق لك كل اهدافك بالحياه
ويعطيج على قدر نيتج الصافيه
اللهم امين

بنت الشاميه said...

SHOOSH :

ههههه
جنج اجار كشمش

ركزوا على البحر... الزوارق .... الطيور..... الكراسي شلون مريحه

والبطل شششششراب النعناع
مثل شراااااب التوت
تلقونه فى الجمعيااااات والسوبر ماركت فى كل مكاااان.... وعليه تاق كبر البطل
بانه خااااالي من الكحووووووووووووول

هههههههههههههههههههه
مساء البحر والنسيم العليل

ترا انا منج

تحياتي