Thursday, April 15, 2010

الفتنه الكبرى ... وجويهل


رسالة لولي امرناااااااا
سيدي ووالدي صاحب السمو الامير
الشيخ صباح الاحمد الصباح
النار من مستصغر الشررِ
أطفئ نـــــــــــــــــار الفتنه
نـــــــــــــار الفتنه قد استشرى
و جويهل والفضائيات
فتحوهاااااا من أوسع أبوابهاااااااا
ولن يقدر على اطفائها الا سموك اطال الله فى عمرك
الان الان ..... وليس غدا
بنتك بنت الشاميه
وسلااااااااامتكم
من كل نار وفتنه
الله يحفظ الكويت الله يحفظ الكويت

71 comments:

حنطفيس said...

عندنا جويهل واحد وعندهم الف جويهل

بنت الشاميه said...

حنطفيس

وهذه هي الفتنه

كلهم ما نبيهم

الله يحفظ الكويت منه و منهم

Anonymous said...

الله يحفظ سارون الجويهل.
ما تعرف بالسياسه شي
لكن مشاعر بنت تجاه ابوها و لا اروع .

scarce313 said...

الله يحفظ الكويت

قلبكم أبيض ... والبلاد

لا تقوم بأصحاب النوايا الطيبه


الزمن سيظهر لكم

أن قلبكم أبيض

حقوقي said...

والله ضيعت ساعتين من عمري
وقعدت اطالع سخافات المدعو الجويهيل

اتركوه ، ولا تلتفتون حق هالاشكال
وحفظ الله الكويت وشعبها

نبراس said...

الجويهل
من عطاه الحق يشكك بجنسية الكويتين
الاصليين اصحاب الجنسية االكويتية الاولى
و يصدحون بإسم الكويت وحدها ,


حقيقه سكوب استضافة الجويهل
كمكسب اعلامي فقط.؟


والجويهل كل ماخرج يظهر
بفتنة بين اهل الكويت
و تفريق بالوحدة الوطنيه

بالمختصر "ماعنده سالفه"

اشكرج اختي
صراحة مدونة حقانية :)
وصاحبتها تحب الحق واضح
استمتعت بتجوالي فيها

اختج نبراس

طموحة مملوحة said...

شمسوي هذا بعد ؟؟؟


فكونا منه متى يموت ياربي ؟؟ شكلنا كلنا بنموت واهو بيعيش لأن دايم الي يأذي الله يطول بعمره علشان يزيد من شره

فيلسوف said...

واحنا بعد ننظم لك بهذا الطلب
لابونا الشيخ صباح الاحمد
لعن الله موقضها
والمشكله قاعد تتوجه لفئات معينه
لخدمة اغراض سياسيه قذره
اسمحيلي على هالوصف بس هذا اقل ما توصف به
الخوف مو من جويهل الخوف من (( الجاهل )) الله يستر علينا

اللهم احفظ الكويت و اهلها من كل شر

عامر said...

هلا شاميه
الجويهل ذيل الأفعى بإمكانهم إسكاته و ثم تحريك غيره لإشعال الفتنه
آن أوان فضح رأس الأفعى قبل الندم

ناصر said...

تدرين وين يتغدا الجويهل اسبوعياً؟؟؟؟؟

ما اقدر اقول للأسف.. القانون يمنعني

ليتج تبحثين قبل لا تناشدين يا بنيتنا العزيزة

DiLLi O MiLLi said...

ويييييه يا بنت الشامية
لووو يبونه يسكت جان من زمــــــــــــــــــــــــاااان

لاااا أتعبييين حالج




مساج الله بالخـــــــــير



:)



.

Anonymous said...

تدرين شنو المشكلة و الي يقهر

مجموعة الناس الي للأسف مصدقينه
كثر ما تكلمين تحاولين تقنعين للأسف غسيل دماغ أصلي

الله الحافظ وربي يحفظ الكويت و اهلها من هل الفئة المدمرة للكويت الجميلة الي للأسف صارت عجوز و تعاني من هشاشة العظام اي هزة تكسرها

كويــتي لايــعه كبــده said...

صاحب عقلية "نبي ناكل وياكم" (شعار حملته الإنتخابية) والذي مدان بقضايا أمانة وشرف تستعين به السلطة اليوم بتقسيم شعبها... ليس بالغريب مع الأسف لما تعودنا عليه من السلطة

لكن أن يأتي بعض ضعفاء العقل وينصبوا هذا الساقط متكلما نيابة عنهم عن الوطنية هو الأمر الذي يصعب استيعابه

هل وصلت الوطنية بالكويت -بعد التقسيم المفتعل- الى أن يمثلها هذا؟



الجاهل لم يكن يوما يتحرك بذاته
والمشكلة أكبر منه بكثير

ebreeq said...

نظم صوتنا معاج يابنت الشاميه



حنطفيس انت جويهل ثاني

Cesc said...

من التعس ان يكون شخص مثل الجويهل بهزّ الوحده الوطنيه ,
المبكي هنا ان صدام بجيشه المليوني واسلحته لم يستطع خدش وحدتنا الوطنيه
والان الجويهل وبعض السفهاء خدشوها ..
برايي ان لازلنا اقوياء
لكن الكل ينضر للنصف الفارغ من الكوب ويترك الممتلىء

قواج الله يابنت الشاميه ..
ولد الجهراء

Anonymous said...

جزاج الله خير على هالبوست

الموضوع الاهم هو ان مجتمعنا غرقان في العنصريه لدرجه ان مثل حنطفيس يتكلم بعقليه نحن وهم

لا ويقول "عندنا جويهل واحد"
يعني اصبح الجويهل يمثل طرح حنطفيس وانا اقول كفو
خير من يمثلك

التخلف والعنصريه يجب ان ترفض من اي
شخص كان حضري او بدوي وهذه يجب ان تكون قيمه لدينا وليست رده فعل

المشكله مو بالجويهل فقط بل بالاشخاص الذين لا يرفضون الطرح الفئوي

كلامي ليس فقط لحنطفيس بل لاي شخص على هذه الشاكله لان المجتمع يجب ان يعنف ضد اي نظره عنصريه

حتى نبني هذا الوطن ونمشي الى الامام

Anonymous said...

خوش والله ... !! مو تبون حريه مو تبون ديمقراطيه مو اكو شي اسمه قانون فتح الجرايد والمحطات ووافق عليه مجلس الامه اللي انتي انتخبتي اعضائه .. خلاص قبضوا ..مو قلنا وصحنا ونشف ريجنا محد سمع ... والياي اعظم

عبدالرحمن said...

انا اقول نتوجه بالدعاء لله يستر على هل بلد انفع

mtfa2el said...

مسلم البراك يتفنن بضرب التجار و الحضر .. و لا ألفاظ مثل (الحيتان - طبقة التجار العفنة - الدماء الزرقاء - المتنفذين) منو يقصد فيها ؟؟
و هل هالألفاظ تخدم الوحدة الوطنية ولا تفرق البلد ؟؟
لما الطاحوس يقول عن العنجري أمين عام التجار .. هذي مو عنصرية ضد الحضر ؟

كلهم عنصريين و كلهم نرفضهم بس أشوف النواب صايرين شرفاء ضد الجويهل و اهم أكثر ناس يضربون بالوحدة الوطنية و يرسخون العنصرية بين فئات الشعب

Anonymous said...

مشروع الجويهل الهدف الاساسي هو تعديل الدستور

وزارة الداخلية هي المسؤله عن تطبيق القوانين وهي سلطة التنفيذية ليش ما تطبق قانون الازدواجية الجنسية

Blue said...

الأخت الفاضلة بنت الشامية

حبيت أشكرج على رسالتج
لكن إذا تسمحين لي
أسجل إعتراضي على عبارة
"ولي أمرنا"
كونه مفهوم سياسي ماله وجود على الساحة السياسية الكويتية

تقلبي تحياتي

Anonymous said...

الجويهل كلامه يعبر عما بقلوب الكويتيين الشرفاء

الكويتيين الاصليين

هالمزدوجين والطراثيث يبيلهم واحد مثل الجويهل يكشفهم ويعريهم

Anonymous said...

المشكلة هي منو وراء الجويهل يسعى إلى هدم البلد بالكامل يعني مو معقول حضر الكويت يدعمون الجويهل هذا شئ ما يدخل العقل /:

Q8-HANDICAP said...

على راسي يالجويهل

غرد يا بودعيي

انت الكبير

Anonymous said...

أحلى تعليق اللي يقول ان البراك لما يهاجم الحيتان فهو يهاجم الحضر

صباح الخير ؟؟

تسعين بالمية من الحضر ماعندهم الا معاشاتهم و بيوتهم .. الأغلبية
الساحقة من شعبنا طبقة متوسطة و مو تجار

و بعدين البراك ماعمره هاجم التاجر لأنه تاجر ... ماعمرنا سمعنا البراك يهاجم الشايع أو البابطين أو غيرهم من العائلات المحترمة واللي ما تخلط السياسة بالتجارة و لا تحاول تمص دم الناس

هجوم البراك على المتنفذين فقط و هو دفاع عن المواطن البسيط .. حضري و بدوي و سني و شيعي .. و ضد من يريدون نهب هذه الدولة فقط

في كل دول العالم فيه صراع بين المتنفذين و اصحاب المصالح غير المشروعة .. و بين الناس و نوابهم في البرلمانات

لكن صبيان مصاصي الدماء يحاولون خلط الأمور و تمزيق المجتمع من أجل الحفاظ على مصالحهم غير المشروعة و أرهاب الناس فكرياً

Anonymous said...

يرضيج كواولة مثل مهاوش و اخوانه علي و غيره يتحكمون بمصير الكويت؟؟؟؟؟؟؟؟؟

لكن البلا لا فيهم و لا في الجويهل.. البلا باللي جنسهم و زور لهم اوراقهم!!! و هذا ما لا يجرؤ على ذكره الجويهل.. لأن اللي زوروا و جنسوا و ما زالوا هم معازيب الجويهل.. و اعتقد الكلام واضح!!ء

mtfa2el said...

Anonymous اللي رد علي

مساء النور و السرور و قونايدين على قولة الاتراك

اخوي ييبلي وزير بدوي شب عليه مسلم البراك مثل ما شب على الوزرا الحضر و بعدين قولي مسلم البراك مو عنصري و مو انتقائي .. اصحوا يبا .. عنصرية الجويهل البغيضة اللي ارفضها تماما و يرفضونها أهل الكويت ما طلعت إلا من النواب العنصريين الآخرين اللي مصخوها و ما زالوا يمصخونها

شوف آخر جلسة حق الخصخصة و شوف الضرب تحت الحزام حق الحضر بكل شاردة وواردة
شوف ندوة بورمية اللي تكلم فيها لما طلع من أمن الدولة و قولي بالله العنصرية شلون صايرة لما يقول زنزانة خليفة الخرافي غير زنزانة بورمية و الطاحوس .. و كل أهبل يعرف انه يبي يثير أبناء القبائل على الحضر بهالاسلوب

مبارك الوعلان لما يطالب بحل مجلس ادارة غرفة التجارة و يشن الهجوم عليها و على مؤسسيسها هذي مو عنصرية يا بابا ؟؟ و لا لو انه مثالي زيادة عن اللزوم خل يطالب لو فيه خير بحل مجالس ادارات الجمعيات التعاوية البواقين بصباح الناصر و الفردوس و الجهرا و غيرها
الطاحوس لما يقول العنجري امين عام التجار ..هذي مو عنصرية و طبقية ؟؟
لما تقسم الناس الى طبقة فقيرة و طبقة تجار و تضرب التجار كلهم الأولي و التالي و بعمومهم هذي بالله وحدة وطنية مثلا ؟؟

اذا تبون تصيرون ضد العنصرية و مع الوحدة الوطنية الخرطي اللي تدعون لها صلحوا اغلاط هالنواب أول

و الله لو ان الجويهل طالع بالزمن الاولي الفضيل جان ما لقى الا النعال على راسه .. لكن لما الناس ما تشوف احد يرد عليهم الا الجويهل صارت تقول عدو عدوي صديقي

و من كان بيته من زجاج فلا يرمي الناس بحجر  

Anonymous said...

و اللى يقول حق احد ابناء الاسره جابل عزايز

ابرك لك هذا مو جويهل ثاني !!

و واحد يقول لا تردون عليه فهذا مواطن و ابن امير و رحل

هذا مو جويهل ثالث !!

يمكن اهل الكويت مو من عادتهم الفزعه بالحق

و الباطل و يطلعون الشارع .. يدرون ان في قانون

يحكمهم و يعرفون ان اذا الشيخ على عنده ما عنده

يتوجه برفع قضيه على من اساء له !!

و تره الفتنه مو فقط من واحد يطلع و يقول

هكره و طراثيث .. الفتنه من الطرف المقابل

لمن يتعرض على رموز البلد و الشخصيات المعروفه

و اللي لها الفضل بعد الله في بناء الدوله الحديثه ..

Anonymous said...

سؤالي موجه حق بنت الشاميه

لو طالعين ناس بالشارع و تجمهروا

مناصرة للشيخ على و دفاعا عنه بعد الكلام

المسيء من قبل ساري و قاموا يتلفظون بالفاظ

بذيئه بحق الكاتب .. هل تعتبرين ان فيه

فتنه كبرى من قبل ساري و يجب وقفها ؟؟؟؟

عاضـه said...

بنت الشاميه اشلونج اختي

الجويهل اللي خلاه يبرز اكثر و بشكل واضح
شغلتين الاولى خروجه بالاعلام و اسلوبه بالحجي
و الثاني تجمع العقيله و ما تبعه من تشنج
انا بالنسبه لي اشوف في

جـــويــهــل من طرف
و
لــهــيــوج من طرف
ثاني

تحياتي

عين بغزي said...

للاسف هناك ناس تحاول تطمس هذه الحقائق و هذه الاسامي و تحاول تفريق ابناء الوطن لمصالحهم الخاصه
تفضلي شوفي هذه الاسامي ومتى استشهدوا هذه حقائق يحاولون طمسها

http://www.lookq8.org/2010/04/blog-post_15.html

بنت الشاميه said...

عجيب امر بعض المعلقين
من خبرتنا بالتدوين
ان اذا كثرة تعليقات الاناونماس

Anonymous

نعرف ان المعلقين يخفوون
رايهم الحقيقي
يعلقون عند الاخرين غيييير
وفى مدوناتهم راي اخر مخالف
ليش هالزدواجيه
وليش تنقصهم الشجاعه ؟؟؟
واغلبهم يملك مدونه خاصه
او لهم اسمهم التدويني
شيئ محزن مع الاسف
اذا احنا الشباب ما نقول راينااااا بصراحه
نقول على الدنيا السلام
هذي هي الاشكاليه التي نعيشها
وهي سبب تاخر المجتمع الكويتي

كل من له وجهين
اتمنى من قلبي اني اكون غلطانه
من صج اتمنى ان اكون غلطااااانه
ششششكرا
مع كل الاحترام للجميع

kaashteeel said...

يا بنت الشاميه
يقول الامام الشافعي
"""""""""
الدهر يومان ذا امن وذا خطر

والعيش عيشان ذا صفو وذا كدر

اما ترى البحر تعلو فوقه الجيف

وتستقر باقصى قاعه الدرر

وفي السسماء نجوم لا عداد لها

وليس يكسسف إلا الشمسس والقمر

""""""""""""
هذا هو حااال الكويتين ان لم يغيروا ما بانفسهم وعنصريتهم لانتمائهم

كششتيل

مستوا المعلقين said...

ماني قادره اسوي الللي تبينه
يعني مااعلق ؟
تبين اطردينا ؟

بنت الشاميه said...

مستوا المعلقين :

الموضوع جاد .... وفتنه يجب دحرهااااا
وكلنا نبي الحقيقه
لنواجه انفسنا قبل غيرنا
حاول ان تقدر على نفسك
من اجل الكويت
وللكويت وبس

Anonymous said...

هناك قاعدة تقول : شاغلوهم وانشغلوا عنهم

اذا بدأت وسائل الأعلام الخاصة بأثارة المواضيع الطائفية مما تشغل المجتمع فأعلموا أن هناك تحركا لبعض اللصوص لهبش لقمة طرية بعيدا عن أعين الناس .

الجويهل مجرد أداة ليس الا .

رد على ناصر said...

يحلف الحفيتي انه مايتغدى

معاي
يا اخ ناصر ياحبكم للاشاعات

ناصر said...

بنيتنا.. انا متابع دائم و ما عندي حساب ادخل فيه..

قلت لك ان تسألين عن الجويهل، وين غداه اسبوعياً؟؟

نبشي شوي و تعرفين. بدال ما تستفيدين، تطبين فينا كأنا متخفين؟؟ انتي تبين المعلومة وله صاحبها؟ لا يكون بنت الشامية اسمك الصجي؟؟

بنت الشاميه said...

ناصر :

الظاهر هناك سوء فهم
انا ما قصدتك بتعليقي ابد
انا قصدت بس

Anonymous

وقصدت اللى عندهم مدونات
ويتخفون ورا اسم الانومايس
حتى هذول حياهم الله فى مدونتي
هذا للتوضيج فقط
ومدونتى تحترم وتقدر كل ممن يعلق فيها
حتى المخالفين لي بالراي

حياك الله باي وقت

Anonymous said...

لا يا اختي غلطانه ولا عندي مدونه ولا اعرف اسوي نك ورب الكعبه وهذا رايي ولا ني متخفي ولا شي

Anonymous said...

وليش ماتكلمين عن الفتنه اللي قاعد

يشبها فهد سالم العلي

ولا ابوي مايقدر الا على امي

يعني الجويهل علشان مو شيخ

الكل يتشاطر عليه

ساري مادري وزار

ومسلم البراك

وربع الخط الوطني

ليش مايتكلمون عن المؤزم الحقيقي

الكل عارفه بس قاعدين يتغيشمون

اذا انتي تطالبين المنخشين وراء

الغير المعرف انهم يكشفون عن هوايتهم

انا اطالبج وباجي الأسباع

انهم يتكلمون بكل وضوح

اذا تبون الناس تحترمكم وتسمع لكم

لا تصيرون مزدوجين بالرأي

واتمنى كلامي ما يكون ثقيل

سلام

بنت الشاميه said...

Anonymous :

كلامك لا هو ثجيل ولا شيئ
هذا رايك وانت حر فيه

وفهد سالم العلي الحقيقه ما شفته
طلع بالفضائيات
ولا سمعت انه صنف المجتمع الى فئات
الى a b c
ولا طعن بالناس
وهذى نار الفتنه اللى شبها جويهل واللى مثله

اما رايه فهد سالم العلي السياسي فهو حر فيه ومثله عشرات من ابناء الاسره.... الله يصلحهم
حالهم من حالناااا ا

واللى يبي يرده عليهم
حياك الله

بنت الشاميه said...

Anonymous 1:

الله يخليها لابوها
ويعينها على عنصريته

بنت الشاميه said...

scarce313 :

خوفى على الكويت مسبب لى التعب والارق

الله يحفظ الكويت
من كل من يريد بها الشر

بنت الشاميه said...

حقوقي :

الللهم امين
اللهم احفظ الكويت وشعبها
من كل الفتن

بنت الشاميه said...

نبراس :

شكرا لك اختي العزيزه
الله يحفظنا ويحفظ الكويت من كل من يرد زرع الفتنه بينا
ويرد كيدهم بنحرهم
حياج الله

بنت الشاميه said...

طموحة مملوحة :

مقابلته بسكوب
بث فيها كل سمومه
الله يحفظ الكويت منه ومن امثاله





فيلسوف :

شكرا لدعمك
اهم شيئ عندنا ان نحافظ على الكويت
ودفن كل قتنه تمزق مجتمعنااااا
والله الحافظ






عامر :

متنا واحنا ننظر قطع راس الافعي
يبون يدمرونا قبلهم
فلازم نكون يقظين ولا نعطيعهم هذه الفرصه بطبق من الذهب

الله الحافظ





ناصر

اكيد غداه دسم
ووراه ناس متنفذين
والا جان ما طلع اليوم اصلا
ما تشوفه امزغدد

ملاحظه

ترا "" رد على ناصر ""ء
مو انا اللى كاتبته هذا معلق محهول
هو اللى رد عليك
انا دائما ارد باسمي التدويني
بنت الشاميه
حياك الله

بنت الشاميه said...

DiLLi O MiLLi :

هلا باشيخه اللى ماخذه
اجازه مفتوجه منا....لوووول
تراني بلحقج ...جني بصك
خليتوني بروحي
والله اني فاقدتكم كلكم
كنتوا دعم لي.....احس الحين اني بروحي

=====
هم ما يبونه يسكت
ومستانسين عليه
بس خيرة الدمل ينبط
هذا بس الخراج

الله يحفظ الكويت من عبثهم








Anonymous 2 :

الله يحفظ الكويت منه زمن امثاله
لازم كلنا نحارب فتنته







كويــتي لايــعه كبــده :


شفت شلون صار جويهل الحين بطل
والله هذى من سخريات الزمن
الحجه خلوه يقول رايه

اللي معجبني اختيار الوقت ..؟؟؟
لازم وراه ما وراه
هذا مربط الفرس
؟؟؟؟؟؟؟؟؟؟؟؟؟؟؟؟








ebreeq :

شكرا لك

بنت الشاميه said...

Cesc :

العقلاء اصلا ما يقدر يخدش وطنيتهم
جويهل زوبعه بفنجان
وان شاء الله كلنا اقوياء بحب هذه الارض
ولا يقدر يفرقنا جويهل ولا غيره
حياك الله




Anonymous 3:


الله يبعد عنا افة العنصريه
ويؤدها بمهدها

الله يحفظ الكويت





Anonymous 4 :


اخالفك الراي









عبد الرحمن :

الدعاء والنيه الصادقه بحب هذا الواطن الغالي

الله يحفظ الكويت

بنت الشاميه said...

mtfa2el :

نرفض كل عنصري يزرع الفتن بينا
ويعرض امن وسلامه الكويت للخطر وللتقسيمات والفرقه
كلهم عمله لوجه واحد

الله يحفظ الكويت من كل عنصري وطائفي
ويرد كيده بنحره






Anonymous 5:

الله اعلم








Blue :

اخالفك الراي
طالما الاسره تحكمنا فهم اولياءالامر
وارتضينا فيهم حكام علينا برغبتنا وليس بحد السيف

حياك الله







Anonymous 6:

الكويتين الشرفاء لا يقبلون
ولا يرتضون الفتنه







Anonymous 7:

هذا اكيد محد يدعمه منا

Anonymous said...

http://www.alaan.cc/pagedetails.asp?nid=48332&cid=47

وهالكلام اللي كاتبه
ويتعمد ان ينشره بجريدة الآن الإلكترونية

اللي ماعندها شغل
غير انها تشعل فتيل الفتنه

نحطه تحت اي مسمى

لم الشمل مثلا
؟

حدثي العاقل بما يعقل
ياسيدتي

بنت الشاميه said...

Anonymous :


مقالات ابناء الاسره السياسيه كثيره
على الخليفه
علي جابر العلي
علي جابر الاحمد
راشد الحمود
صباح المحمد عنده جريده
ابناء فهد الاحمد
كلهم يعملون بالسياسه

واتمنى من كل قلبي ان يمتنعوا عن العمل السياسي و الاحتكاك بالشعب

ولكن مقارنتهم بهذا الجاهل
حرام عليك
لا يمكن مقارنتهم معه
شكرا لك

Anonymous said...

انزين ماسألتي نفسج هالجاهل

من وينله هالقوة

مجرد تساؤل بريء

وكلنا عيال قريه وكلن يعرف اخيه

شاكرلج على سعة صدرج

وسامحيني على الإزعاج

بس من كثر حبي لتراب هالديره

ما احب اني ادفن راسي بالرمل

لأن السلبية هي آفت المجتمعات

والسلام ختام

engineera said...

اولا احب اهنئج على مدونتج الراقيه جداً..واللي عرفتها بالصدفه :)
ثانيا:
الله يكفينا شر الفتنه وبلاويها..ويستر علينا وعلى ديرتنا الحبيبه الكويت
كلام الجويهل فيه شي من الصحه..اننا ككويتين نرفض الازدواجيه

لكن انا ضده في اسلوبه واثارته للفتنه وتصنيف اهل الكويت ونسف التاريخ..وانه يقول انه يمثل كل كويتي اصيل

نحن ككويتين نترفع عنه وعن اسلوبه وزرعه للالغام بيننا

ناصر said...

لوووووول!! بنت الشامية.. ترا هذا اللي اسمه (رد علـى ناصر).. عارف شغله عدل!! لا تعتذرين بالنيابة عنه.. توني الاحظه بعد قراءة ردج.. و ما قال الا الحق.. كانه يقرا افكاري

الحفيتي و نبيل الفضل بعد

و اللي مو عاجبه.. يسحب صوته من إجماع ٢٠٠٦

لووووول

فكي اللغز

بنت الشاميه said...

ناصر

مسحت التعليق
لانه اسم ناصر غير مسجل بقوقل
وضد قانون النشر
على قولة عادل امام
ما تودناش بدااااهيه
خلني على عتبة بيتنا
حياك الله

أهل شرق said...

بنت الخاله مساج الله بالخير

اختي اذا تبين تعريفين الحقيقة

سألي سلوى عن الجويهل ؟؟

ناصر said...

تمونين و زين سويتي.. بس ذبحتيني.. انغز و انتي بوادي ثاني

المهم المعلومة وصلت لج.. و الاكل مسموح قانوناً.. و (نبي ناكل معاكم) لوووووووووووووول

بنت الشاميه said...

Q8-HANDICAP :

هذي هي الفتنه







Anonymous 8:


mtfa2el
رد عليك








Anonymous 9 :

لانبي جويهل ولا نبي طريقته
كل اللى نبيه تطبيق
القانون على الجميع




Anonymous 10 :


نعم معاك اسلوب التخاطب يجب
ان يكون ارقى من ذلك
ولكن طالبين الشهره وااايد
لاتنسى هذا






Anonymous 11 :

موضوع ساري يختلف عن جويهل
هذا خلط بالاوراق

بنت الشاميه said...

عاضـه :

هم لو يحقرونه وما يردون عليه
يحترق بمكانه

حياك الله

بنت الشاميه said...

عين بغزي :

التاريخ ابد ما ينسى الشهداء
اللى ضحوا من اجل تراب الكويت
الله يرحمهم برحمته الواسعه
ولا ينسى بعد
اللى غزوا تراب الكويت
ولاحنا بعد بننساه
وشكرا لك على الرابط

حياك الله

بنت الشاميه said...

Anonymous 12 :

هذى نظرية حكانم العسكر

بس ليش لا يمكن صحيح..؟؟؟





Anonymous 13 :


مصدقتج

بنت الشاميه said...

engineera :

شكرا لج ويسعدني زيارتج
لمدونتي البسيطه
هذا من حسن ذوقج


كلامج والله صحيح احنا نرفض كلامه
ونترفع عنه
مو هو اللى الحين ايي ويعلمنا شلون نحب الكويت
وشلون نحميها
بناء المجتمعات و نموها و تطورها
ما يقوم الا بتكاتف ابناءها
واخلاصهم لوطنهم
الله يحفظ الكويت من جويهل وانثاله
الا بدفن كل الفتن
حياج الله

بنت الشاميه said...

أهل شرق :

انت غلطان يقولون بنته
اسمها ساره

مو سلوى

((:

بنت الشاميه said...

رد على ناصر :


لا تبلشوني....ما علي منكم





ناصر :

اخيييييرا
ما بقيت تفهم البوست صح ...؟؟؟
صباح الخير

ترا ردك اللى قبل هذا
اكبر من اللى مسحته

مااا علي منكم
وانا اذا عطيت كلمه ما اسحبهااااااا
لوووول
انا اقرا وبس
واللغز ماكو اسهل منه

وعلى الغدا اخاف ما تلحق على الليدام
يلطونه الشلايتيه

حياك الله

Anonymous said...

شهدت الادارة العامة للمعلومات المدنية حالة من الفوضى بعد مشاجرة مراجع مع موظف اتهمه الأخير بانه مزدوج،* ‬فقد تفاجأ المراجعون والموظفون باحتدام المشادة الكلامية بين موظف مزح مع مراجع وقال له*: ‬انت شكلك مزدوج*! ‬هذا ما جعل المراجع الكبير في* ‬السن* ‬يستشيط* ‬غضباً،* ‬وقام بشتم الموظف ودخل من الخلف على الموظفين وتشابك مع الموظف الذي* ‬ترك مكانه وتوارى عن الانظار بعد احساسه انه مذنب،* ‬وتلقى من المسن صفعة،* ‬وقام الموظفون بتهدئة المسن داخل* ‬غرفة أحد المسؤولين واستطاعوا احتواء الموقف بعد تطوره وانجزوا على الفور معاملة المسن الذي* ‬أخذ* ‬يتهدد الموظف وسجل المسؤول اثبات حالة واحالة الموظف إلى التحقيق داخل الادارة ومحاسبته*.‬




______



لوين رايحين؟

بنت الشاميه said...

Anonymous 14 :

هذا اول الغيث
والياي اعظم
الله يستر

ARTFUL said...

الله يستر

Anonymous said...

غير معرف (قصة المعلومات المدنيه )

اعتقد المراجع اخطأ يوم طق الموظف ..المفروض يقدم شكوى .. و يرد على

الموظف يقوله آنا مو مزدوج اذا فعلا كان مو مزدوج .. و اذا كان مزدوج يقوله

اي انا مزدوج .. و تنتهي المشكله .. لكن اي واحد يفكر ان المزدوج عباره

عن كلمة عار فنقوله عيب التفكير الغلط .. المزدوج مخالف لقانون

الجنسيه بس .

Anonymous said...

صدقونى ها الجويهل مدعووم من ناس يحرجهم وضعهم الاجتماعى عن الكلام بها الشى وخلوووه يطلع اللى بقلوبهم ...والبدوو متضايقين مو لانه يتكلم عن الازدواجيه... وانا ما انكر انه البدو بعضهم مزدوجين حالهم حال الحضر و الشيعه كلنا عيال قريه وكلن يعرف اخيه ..بس اللى مضايقهم انه يجى واحد ما يسوى يشكك بأنتمائهم و ولاءهم ويبينهم انهم مجرد ناس دخلاء على الكويت وهم اللى حملووو بيارق جيش مبارك الكبير ( أيام ما كانوو اجداد جويهل وربعه قاعدين عند حريمهم ) ويكفيكم البحث عن التاريخ عن شهداء معركه الصريف إلى اول شهيد با الكويت ايام حرب الاخوان ...بس مقيوله البدو لحاف شتاء ــ العتيبى

أهل شرق said...

بنت الخاله احنا فاهمين بعض

واكيد عارفه منو اقصد بسلوى