Monday, March 22, 2010

فضفضه ..... من نوع خاص جدا

عندي سالفه أبي أعرفها .....سالفه مهمه بس ناقصه
وقاعده أجمع خيوطها..... بس هم ماهي مكتمله
هالسالفه تهمني أناااااا بروحي بس
وكان من السهل إن أحصل عليها فى وقتها
بس ما سئلت .... الصج إني إستحيت أن أسئل
وضاااااااعت الفرصه
وهي إلى الحين تدور براسي من وقتها
ماني قادره أحلها بروحي و ما أقدرا أسأل أحد
أول شيئ ما بي أحد يدري إني أسئل
حتى لو بسأل لازم ألف وأدور علشان محد يفطن
و حتى يوم قررت أن أسئل
ما لقيت الشخص المناسب اللى يبرد جبدي ويفيدني
كل معلوماتهم ناقصه او ما يدرون أوما يعرفون
كل محاولاتي بـأت بالفشل وكل الطرق مسدوده
وأنا مصره أبي أعرفهاااا علشان يرتاح بالي
أو على الأقل يرتاح عقلي من التفكير المستمر
لإنه صج تعب "كسر خاطري" وأبيه يرتاح

صج مدوره الشقا حق روحي بس مووو بيدي
هل مريتواااا بهالحاله مثلي سالفه مهمه و ناقصه
وتبون تعرفونها وما قدرتوا تحصلون عليهااااا
وعقلكم متعبكم ومو راضى يوقف تفكير فيها
؟؟؟؟؟؟؟؟؟؟؟؟؟
والإ بس أنا ... والسبب موووو بلاغة الشف
وسلاااااا متكم

26 comments:

Anonymous said...

يه يه يه

شهاللووووك اليديد العجيب الغريب


جميل

والقالب غالب
:**


ايييي بالظبط وصفج شي مريت فيه...
وامر فيه وايد

مرات ادوره بقوقل إن اشتدت شدايد الفضول وبلاغة الشف:)


وتدرين شنو اكثر شي يقهر؟؟
لما تجرأين وتبطين اليربه

عند الشخص الغلط
الله ياندامتي حزتها...



مسى الخير

الزين said...

صبحج الله بالخير بعد قلبي

شوفي يالشيخه
انا مريت بسوالف وايده ابي اعرفها
وما حصل لي
وتركتها
ما حاولت ابحبش وانبر


تصدقين عاد
واللي دايما يحصل معاي
عشان جذي لوير مسميتني الساحره
واذا بغت شي تقول لي زيون قولي حق ينانوتج وولعي بخورج

السالفه تيي لين عندي
بتفاصيلها
:)

شرايج فيني؟

بو ذياب said...

صارت معاي عدد قليل من المرات ..
ويوم اتصير اهدها للزمن ومايتمر فترة الا اكون عارفها :)

ARTFUL said...

لا والله مافينا لقافه

;p

scarce313 said...

السؤال يكمل الناقص


جمال السالفه بينقصانها


و متعة تركيب القصه غايه في الجمال


شخصيا تعودت تأتيني الأجابه

مجانا


المهم تملك سلاح الصبر

و أنتظار سعاده راحة البال


حبيت أمسي على بنت الشاميه

bent el deera said...

الله يعينج راسي افتر معاج

مالج الا حلين يا تسالين واللي فيها فيها عشان ترتاحين

او تنسين وتنطشينها

:>

Unknown said...

شكرا لدعوة التدوين وووووومساعدتك
انا الشركه مش مخليتني اقعد بالكويت
لندن فينا هولندا وزيورخ وجنيف والمغرب كل هالدول اشخطهم كل شهر ترى ما اجيب شيئ لا احد يوصيني حتى الدواء ما اشيله هههههههه
اما اللي انتي فيه اعتقد الكل مر فيه
وانا في الطياره اندق ليش ما قلت وسالت وكتبت ووووو وممنوع احط مسجله
مثل الصحفيين وساعات الانسان يسوي نفسه عالم بالامور وقادر وهو بالحقيقه خايف يكشف جهله وخايف يخطأ وهالموضوع لاينقطع من النفس البشريه ايضا سوف
يندم لتراجعه عن سسسسؤال ما
ما كتبته الان هو حسن النيه اما اذا
عندك شيئ غير فهو خاص فيك
لا تقطينا علينا بذكاء الانثى هههههههه
كشتيل

Anonymous said...

انزين اخيتي

شالسالفة؟

قاعد أقرى البوست

احين بتقول السالفة

كاهي بالفقرة الياية

لآ اللي بعدها

وما لقيت السالفة

الحين أنا بدا فيني نفس الموال اللي شرحتيه

أبي أعرف السالفة

أحمد الحيدر said...

وايد تصير هالسالفة ..

مالج إلا تبطين الجربة يبا :)

may said...

استمر أسأل وأحاول ..
واسحب مني مناك .. ولازم أعرف
اليوم/ باجر / اللي عقبه
المهم أعرف

طبعا هذا إذا الشي مهم ويخصني

(حلـم) said...

اول مرور


للشامية

مدونة رائعة


مودتي

alala said...

مبروك الطلة الجديدة :)

عادي ... الكل معلوماته ناقصة بس انتي عندج اكبر كم من المعلومات و فكري شوي راح تلاقين السالفة صارت كاملة !!!
مثل الـ puzzle

واذا الناقص اكثر من الزايد و السالفة وايــــد مهمة عندج سألي و اذا لأ طنشي و جنه العيد

AuThoress said...

دع الايام تبين كل شيء.. وحدها الايام عالمو بالسر وببواطن الامور .. رويدا رويدا تمتلئ البئر ، وخطوة خطوة تفتح الطريق ... ياعزيزة :)

بنت الشاميه said...

اعتذر بالتاخير على الرد على تعليقاتكم
فقد كنت جدا حزينه للخبر المشؤم و الاشاعه اللى انتشرت امس
فارجو المعذره من الجميع

بنت الشاميه said...

سلة ميوّه :


مشكوره يالغاليه هذا كله من عيونج الحلوه وقلبج الابيض


استخدمت لك الطرق بس بروحي ولم استعن بصديق
الا يوم نسدت الطرق كلهاااا
والصديق مو قريب.....وعليج تتخيلين الموقف...وانت مستحيه وميته من الداخل وماااا ودج تسالين

وبالاخر يكون الرد نااااقص ,,,, وعير صحيح....وهم ما تقدرين تصححين المعلومه
ههههههههه
فتقررين عدم السؤاااال موليه

وتركهااا للزمن هو كفيل بحلهااااا

حياج الله يالطيبه

بنت الشاميه said...

الزين :

لا لا لا هذى قويه
تصدقين زيووون هذى اول مره ادري

عيل بسميج الحاجه الزين
بس ما تركب ....يحتاج اغير الاسم
الحاجه زينات....او زينب
لا الحاجه زينات احلى واجمل

بركاتك ياحاجه زيناااات

الحين شسووووي شنو المطلوب
ارمي بياضي
ههههههه
شوفي اقول لج الصج السالفه ماخذ حيز كبير من تفكيري.....بس ماني مستعجله عليها....هى لازم تكمل ....بس مع الايام... وانا تاركتها للايام

والله كريم
بس لاتنسينااااا ببركاتج ياحاااااجه

واي تهبلين زيوووون

بنت الشاميه said...

بو ذياب :

هو ما باليد حيله

بتركهااا للزمن
والله كريم

بنت الشاميه said...

ARTFUL :

الله انت ملقوف

ما اااعتقد
هههههه

بنت الشاميه said...

scarce313 :

هو صح جمال السالفه بنقصانها
بس ساعات تبي السالفه كامله
وتبي الحقيقه
النفس البشريه ومطالبهاااا

ما عندي الا الصبر وانتظار الفرج

اول مره ما تجمع
ههههههه
الحين انا بمسي عليكم
تحياتي

بنت الشاميه said...

kaashteeel :

بسميك السندباد الجوي
شنو تشتغل طيار...؟؟؟؟
لووول
الله شهالنحااااسه حتى الدوا ما تشيله
محنا موصينك ... يالله العافيه
الحين كل هالكلام الزين العدل بحسن النيه
وبعدين يبدا سوء النيه
اااااخ من "واو الجماعه" لازم يدسون السم بالعسل.... الحين البوست مسميته فضفضه ....من نوع خاص جدا
اكيد السالفه تهمني بروحي وما تهم احد الا اللى تشملهم السالفه
واكيد باستخدم ذكائي
بس "بحسن نيه "ولاني قاطته على احد
مو مثل واو الجماعه
الله الهادي
):

بنت الشاميه said...

دروازة :

ههههه
الحين انا ما اقدر اسال عنهااحد
هالمره تبيني اقولها او اكتبهاااا
قلبك ابيض

عيل انا شقوووول لهااكثر من سنه
وانا افكر فيهااااا
الله كريم

بنت الشاميه said...

أحمد الحيدر :

جان زين اقدر

بنت الشاميه said...

مـي :

طبعا السالفه مهمه لى وتخصني

بس ما راح اخليهااا واحاول فيها من حين الى اخر
والله كريم

حياج الله

بنت الشاميه said...

(حلـم)،، :

شكرا لك ولمرورك


تحياتي

بنت الشاميه said...

alala :

تصدقين ساعات استانس وانا افكر فيها
جمال السالفه وهى ناقصه
اخاف اذا عرفتها كلهااا تتغير امور وامور.....انا ماني مستعجله بخليها
مع الايام
والله كريم

بنت الشاميه said...

AuThoress :

راح ابتدا من جديد وابدا خطوه خطوه مره اخري
لعل وعسى تكتمل الصوره

كلامج جميل يرد الروح

شكرا عزيزتي