Sunday, February 28, 2010

اذا جذى الرماااان ..عيل المطبق شلووون..؟؟؟

فى تجمعنا العائلي الإسبوعي
واحناااااا نشرب الشاي
قعدت بين الصبايا وزوجات المستقبل
وكانوا يسوووولفون وأنا قاطه أذوني عندهم
بس ما أبي أشاركهم الحديث
جان تسئل وحده منهم أكو رمان..؟؟؟
ردوا عليها خلص ماكو الإ عدل
قالت بس أنا أبي رمان ...!!!!
طبعا
كل من رد عليها بضحك قومي قشريه
جان ترد ...ما ابي أدمر ايدي

والرمان يصبغ الايدي
ياويلى ويلااااااااه ... إيدمر إيدهاااااا
أصلا الرمان ما يتقشر يفتوووونه
هذا أنا بقلبي طبعااااا .. فزادت بلاغة شفي
وبديت أركز أكثر وأكثر على الحوار

جان تنط وحده وقالت ترا اكو طريقه لتقشير
الرمان وبدون لا يدمر ايديج ولا يتلف ملابسج
بس نسيتهااااا.....جان ترد الثانيه حسافه يقولون
اكو مكينه خاصه لتقشير الرمان
جان تفتي الثالثه مااااااايبلها شيئ
دوريهاااا بالبلاااااااك بري
وقامت العفسه بهالتلفوناااات
وصرخت وحده بفرحه ..... لقيتهاااااا
خنت حيلي جنها لاقي تخصيب اليورانيوم
سمعوااااااا قطعوا الرمانه أرباع
وحطوهااااا بماعون فيه ماء بارد
لمده دقائق ... ثم قشريها ااااا
ما طشر عليج.. والقشر الأبيض يصير فوق
والرمان تحت .....وبعدين شخليه من الماي
وما اكو أسهل منهااااااااا
تقامزوا كلهم ودخلوا المطبخ وقاموا بالعمليه الصعبه
وكل منهم كلمه وضحكهم اعلى من جحيهم
ابد مؤتمر قمه كله خلافاااات
طبعاااا انا تثاقلت وما قمت من مكاني
أبي أشوف النهايه
وأنا غاااااشيه عليهم من الضحك
ياااااحسرة قلبي كل هذا علشان يفتون رمانه
بالعون راحوااااا فيهاااا عيالنا
هذول شلون بيطبخووووون...؟؟؟؟؟
أنا عن نفسى بطبخ حق عيالي كل يوم اذا
تزوجوا وماني معتمده على زوجات المستقبل
أخاف يعورووووون فى عيالي
وكل شيئ ..... الا الجعده
وسلاااااااامتكم

36 comments:

بو ذياب said...

السؤال منو راح ياخذهم دام مايدشون مطبخ :)
بشوفهم شنو يسوون عيل اذا بينظفون السمج

الاوركيده said...

شلونج يالغالية

عادي انا كنت ما أعرف اسوي حتى الشاي والله ماراح تصدقين من كثر الدلع حتى البرتقاله يقصونها حقي لاني كنت اول حفيدة حق العايلة ويدي مايرضى اسوي شي
:)

الحين كل شي اسوي على قولت يدتي وين يدج الله يرحمه ويشوف

حبي لج

:*

عامر said...

أنتو وايد تدلعون الرياييل، اليوعان ياكل في مطعم أو يحط وجبه مثلجه بالمايكرو ويف

ولاّدة سابقاً ... رانيا السعد ...رانية المنيفي حسب الأوراق الرسمية said...

أنا ودي -والواحد كيفه بأحلامه- بزوجة النصري تكون معاها ماجستير تغذية وشاطرة بالطبخ العضوي

وخاطري تكون من إصول أسبانية أو من إميركا اللاتينية علشان العاطفة الغامرة والمشاعر الجياشة

المراد: الله يبلغك بالعيال وعيال العيال وتعيشين وتطبخين لهم
وأنا بدون شك بأطبخ للنصري لآخر يوم بعمري...أصلاً بنت أميركا اللاتينية إشعرفها بطبخنا!!! شفتي إشلون قلبت عليها من الحين

:))))

والرمااان عذّب مو بس الصبايا عذّب الشعراء على مر العصور

فهد عافت يمدح حبيبته فيقول

إن بغى يسلب الرمان لبّه
وإن بغي صابت النعناع خيبة

وإن حلا اللعب والميدان طبه
ما لك إلا تقول الله حسيبه

ساره النومس said...

لوووول حلات تقشير الرمان واهو يدمر وويهج يصير كله رمان وتعفسين ملابسج يصير 6عمه الذ لووول

reemas said...

لووووووووووول
اهم شي طريقة تقشير الرمان بالبي بي

مت من الضحك
هههههههههههه
بس عاد المجبوس يبيله يوتيوب

صج جيل غريب
الله يعينا على اللي ياي

شكرا بنت الشاميه

Anonymous said...

ماعليج

حق الريل باجر بتشوفينهم يتناقزون

مو يفتون رمان

إلا يفتون جبودنا إن بغا:)

عيارة بنات حتؤليلي...




مسّاج الله بالخير والكرامة:**

Anonymous said...

يا بنات الشاميه

الرمانه ما تتقشر مثل الافنديه او البرتقاله
الرمانه تنفلخ بحيث تنحط عالقاع و تنطق بالايد
و تتبطل
او تتبطل بطريقه ثانيه و اللي اهي الفلاق
بحيث ينحط الصبع بالورده مالت الرمانه
و يبطلونها وتحتاج هالطريقه قوة صبع بسيطه
و الطريقه الثالثه هذي مالت اليهال يعضها بضروسه
و يبطلها بس تلقين ويهه يعتفس من مرورة
القشر طبعا مو مهم عنده بس اهم شي ياكلها
هذي الطرق اللي اعرفها و اللي متعودين عليها .
و شكرا

نون النساء said...

ياحلوهم عيال البي بي
تتقشر ؟؟
هههههههههههههههههههههه





رفيجتي اتزوجت قبل 3 اشهر
كنت رايحتلها قبل يومين


ريلها يبيها تطبخله
مسكين لاعت جبده من الوجبات

الله ماقدرها إلا على بيض محيوس
وخبز وجبن قلاصات


والشاي أمه اللي سوته
ههههههههههههههههههههههههههه





خنت حيلي إعييلج
عسى ربي يديمج فوق راسهم وتشوفين احفادهم وتطبخين لهم
( وتقشرين ) لهم الرمان
:P~

Sami said...

ما يلامون ...تروالي تخصيب اليورانيوم أسهل من تقشير الرمان

Anonymous said...

عدم الإلمام بالطبخ علاجه غير عويص ، الأهم أعتقد هو نضوج الزوجة و عقلانيتها ، والباجي كله له حل

بنت الشاميه said...

بو ذياب

اللى بياخذهم يجدم عليهم
اهو ماخذ زوجه والا طباخه
ههههههه
كل شيئ ايي مع الوقت
وسع صدرك عليهم

بنت الشاميه said...

دمعة المقهور :

هلا بالشيخه

يااابعد عمري انت
كله يقولون

اخذها مدلله ولا تاخذهاااا معلله

كلنا جذي
قبل الزواج
من اللى تطبخ فينا ببيت اهلها..؟؟
بس السنع سنع
يبين معدنها من اول الايام
يعطيج العافيه
الله يحفظح ويخليج ويسعدج

بنت الشاميه said...

عامر :

والوحده تسوي فى بيتها اللى ربت عليه فى بيت ابوهااااا

!!!!!!!!

ما نقدر نتغير

عاد ليش نخليه يوعاااان..؟؟؟
شدعوه ياحافظ هذا مو تدلع
هذا الواحب

بنت الشاميه said...

ولاّدة :

والله وانت صاجه
حتى انا بشاركج احلامج فى زوجات عيالي

بس من الحين لازم نسانع لهم
لاننا بالاول و الاخير نبي سعاده عيالناااااا

الله يخفظهم ويجعلهم من الذريه الصالحه

اما الرمان فهو يتمشى بالشعر تمشي
كله يتغزلون فيه الشعراء

ARTFUL said...

احلى شي بافاكهه التبربس

لما تاكل مانجا وتمصمص فيها وايدك ترجخ

والبرتقال والرمان وغيره وغيره

:)

بنت الشاميه said...

طموحة مملوحة:

والله وانت صاجه

بس نزاكة هالبنات شنسوي فيهااا

خليهم يتدلعون الحين
الياي اكثر واصعب
هههههههههه
خنت حيلي حيلهم

بنت الشاميه said...

reemas :

حتى المجبوس يهون
الرك على السمج والربياااان
والكراعين ....ههههههههه

ياااا حلوهم
تصدق ضحكت ضحك هذاك اليوم
الله يحفظهم ويمتعهم بصفاء نياتهم
ويعينهم على اللى بيهم

بنت الشاميه said...

سلة ميوّه :

صباح الورد والياسمين

والله انت صاجه
عندنا عينه منهم
الماي ايبونه لهم
والحين ما يقعدون على حيلهم
كل علشان المسِعد

هذى سنة الحياة
الله يعينهم ويسعدهم

بنت الشاميه said...

Anonymous 1 :

ابييييه شهالعنف
ترا الرمان فاااكهه

عيل الناريله شتسوي فيهااااا تفلشهاااا تفلش...!!!ء

ادري ان الرمان نا يتقشر
بس ينقص وينفت
ما عندكم سجاجسن...؟؟؟؟؟
اللهم ياكافي

الرحمه حتى بالفاكهه حلوه
ههههه
شوف البوست نزلت طريقتهم
كيف تفتفت الرماااان
؟؟؟؟؟؟
ههههه

بنت الشاميه said...

نون النساء :

لو داخله المطبخ عقبهم
وشايفه العفسه والمواعين المدمرينهااااا
جان قلتي مسوين عزيمه
ههههههه
وهى اقصاه تفتفت رمااااان

بس ما عليج باجر كلهم يتسنعون
حق الريل...ويتعلمون كل شيئ
اذا مو طيب بتعلمون من اليووووع
غصب...... هههههههه

الله يحفظج ويخليج ويبلغج حتى انت
وتطبخين وطرشين حق عيال عيالج

تحياتي يالغاليه

aL-NooR . said...

مثل ما قالت سلة
نطري عليهم
بس خل يتزوجون
بتسوي الاولي و التالي
لا تخافنيين على ابني هالجيل

:p
يا حلو الرمــــــــان

***********************

كويــتي لايــعه كبــده said...

زين ما قزّوا لدين آند ديلوكا شروا مستورد وبعدها مروا نيلز سبا يسوون مانيكير


بعد ما كان هناك دورات للخدم (بسبب عجز "ربات" البيوت عن تدريبهم) الآن هناك دورات "لربات" البيوت


أنا خايف من زمن دورات الرجولة بعد عهد السبايكي وستار أكاديمي والرنج على شارع الحب

بنت الشاميه said...

Sami :


تهقا جذي..؟؟؟؟
الله يعينهم

بنت الشاميه said...

Anonymous 2 :

وانت صاج كل مشكله ولها حل
بس حبايب قلبي يبلهم وقت
واعتقد وقت الصح بيروح كل هذا

الزرع يطلع على بذره

بنت الشاميه said...

ARTFUL :


تخيلت شكلك وانت تاكل المنجا
بس لاتنسي تفرش الجريده
هههههههههههههههههههه

ذكرتني بايام الطفوله
((:

بنت الشاميه said...

aL-NooR :


والله انت وسلة الميوه صاجين

حق الريل كل شيئ بيسوونه
بس برغبتهم ...مو بالغصب
جيل هالوقت محد يقدر عليهم
هههههههه

بنت الشاميه said...

كويــتي لايــعه كبــده :


لا عاد حدهم وينجعموووون
ما عندنا بنات جذي
هههههههه
شوف اقول لك حقيقه
اكو حريم من صج ما يحبون الطبخ ولا يعرفون له....مو دلع فيهم بس من صجهم
عاد هذا يلعوز البيت كله
واكو حريم لا يحبون الطبخ ويتميزون فيه
وهذا من حظ اللى مرته جذي

بس والله فكره دوارت تدريبيه للرجاااال....محد احسن من احد

لووووووول
تحياتي
++++
ترا ابوعبدالملك ما يهد احد
قاعد لكم قعده
(((:

يا ليلة دانه said...

انا كنت مع صديقة اعزها جدا في كوفي شوب من يومين مع بعض بنات خالتها المتزوجين حديثا والى عندها طفلين الحوار الي دار بينهم دور راسي وما تخيلت اني قاعدة مع ناس يتشيحطون بعدم معرفتهم شنو غداهم اليوم ؟؟ لانهم ما يحبون الطبخ وما يبون يعرفون ولا يتعلمون ..اول ما يردون من الدوام تدبك بسرعة تخرق جدار الصوت عشان تنااااام لها ساعة قبل لا ايي المقرود الزوج وتنزل قبل لا ايي 5 او 10 دقايق المهم ان عيالها الموجودين بالبيت يسلمون على الام على الطاولة بس اهيا متسنعة ومتبدلة حق الزوج ؟؟لا وازيدك ينتقدون نفسهم ويضحكون انهم ما طلوا على الغدا الى بالسخان يكتشفونه وهوا ينصف على الطاولة آآآآآه يا قلبي طبخي بنت الشامية حق كل عيالك والى تحبين امه بعد طبخي واذا سويتوا يريش طرشيلى الله يعافيك ...

الزين said...

لوووول

جيل البلاك بري
يعين الله عليهم

وحشتيني وحشتيني وحشتيني

:**

وترى ما نسيتج بالدعاء
ومادري ليش بالذات دعيت حق جعدتج
يمكن كثر ما تطرينه
:)

الله يحفظهم لج كلهم

خالف تعرف said...

يعني نبطل من فكرة الزواج


او اتزوج واصير طباخه لعيونها

حسافتج يا كويت said...

ويقولون ليش العنوسة تزيد

ومن الرمان ما قتل

آه يا قلبي يا كتاكت
يامنت شايف وساكت

بنت الشاميه said...

يا ليلة دانه

حتى انا دار راسي

بالله هذى حاله....الشرهه مو عليهم
الشرهه على سباع البرمه
اللى ما خذينهم..... لو يطيرون عيونهم عليهم ...واذا ما تعدلوا ما كو الا بيت اهلهم

وطبعا الشرهه بعد على المسعده امهم
اللى مربيه هالدرر
ما تعدل بناتها وتسنعهم
والا الحال وااااحد..؟؟؟؟؟؟؟

يااااحسرتة قلبي عسي ما تينى جنه مثلهم
اموت وانا واقفه
هههههههه

بس على العموم هذول ما يمثلون الا من نسبه قليله جدا من الزوجات الشابه


والله بطبخ وبطبخ لهم وحتى حق بيت يرانهم
من اجل عين تكرم الف عين
وهى ماااا علي منها
شغل خالات من الحين
واليريش باجر يوصلج برسم الخدمه
تدللي

بنت الشاميه said...

الزين :


ياهلا ياهلا الزين عندنااااااا

والله انا اكثر
كله من العطل والاجااازات
هههههههه
لا خلا ولا عدم ياااحلوج وياحلو اليعده
مشكووووره ما قصرتي
هذا احسن دعاء
الله لا يفرقناااا يالغاليه


*******

زيووون شخبار فضه وشااااهين
الى الحين عقاله عوي...؟؟؟؟
اذا ما عدله بنفسه
بنيي كلناااا ونعدله ....ههههههههههه

بنت الشاميه said...

خااالف تعرف :

لا هذول يتدللون فى بيوت ابهاتهم
بس اذا صار الصج كل هذا يروح
كل حب يطلع على بذره
كله "ركز" على الام....هى الاصل

والله يوفقك

بنت الشاميه said...

حسافتج يا كويت :

والله كل هذا دلع بناااات
يتسنعون بعدين
كلنا فى الاول جذي
الايام تعلم اللى ما يتعلم



منووووره المدونه اليوووووم
لا تقاطعناااااا وايد