Sunday, January 17, 2010

دفعة مردي .... والهوا شرجي

دفعة مردي والهوا شرجي
هالمثل... يقال
للشخص الثقيل الظل
والإ

للشخص اللى يراد التخلص منه
بس اللى ما كنت أعرفه ....شنو" المردي" ؟؟؟
أمس بس عرفته وشفته..مو تضحكون علي
والله ما أدري أصلا شنو المردي
حسبالى أول المردي شيئ جبير
مشتق من كلمة "" ينمرد"" او
الشيئ اللى يراد ردمه

وكل أتسال المردي شعليه من الهوا الشرجي..؟؟؟
وما كان يهمني أن أفهم أو أسئل
رجاءا عن الغمز واللمز فيني
والله العظيم ما أدري شنو المردي
بس أمس عرفت المردي وشفته بعين المجرده
الحين السؤال
شنووووو المردي...؟؟؟؟؟؟
تعرفونه والإ بس .......أنا اللي ما أعرفه
ومن حقه تبي تدز له هالمثل وتفتك منه على طول
بس خارج السياسه
؟؟؟؟؟؟؟؟؟؟
تعرفووووونه..؟؟؟
وسلااااامتكم

39 comments:

SHOOSH said...

المردي هو القارب الخشبي الصغير

مواااهاااهااا

أكيد إجابتي صح

ولا شكو حاطه صورة قارب ؟؟؟

SHOOSH said...

لووول شوفي

المردي اذا مو القارب عيل اللي واقف فوق القارب

اللي يسوق القارب يعني

SHOOSH said...

واذا اجابتي صح ابي هديه


و مادري ليش ما كتبت كل اللي عندي بتعليق واحد

:/

بنت الشاميه said...

SHOOSH :

ههههههههههههه

ياااحياتي انت

حولى الاتصال بصديق

بسكاااات راح ادز لج ايميل اغششج
((((:

Eng_Q8 said...

المردي هو الي ماسكه الاخ بالصوره :)

خُـنْـزُبْ said...

المردي هي الحطبه اللي قاضبها الاخ اللي بالهوري
و عادة يستخدمونها اهل البحر بالطراريد الصغار
لي قرب الطراد عند السيف ،يطفي المكينه و يرفعها عشان لا تحك بالقوع
وتالي يدز اللنج بهالقلمه لين يوصل اليال .وهم يستخدمونها
بصناعة العريش .

خُـنْـزُبْ said...

و هم بالطراريد الصغار يستخدمونها حق الذلال
ينصبون مرديتين ورى و وحده جدام و يرفعون
الذلال فوقها و عاده ما يكون طربال ابيض مصنوع من الكتان.

Anonymous said...

المردي هو :عود تدفع به السفينة في المناطق الضحلة.
وشكرا

خُـنْـزُبْ said...

و الله ما ودي اغزر بالمعلومات بس للافاده..

عادة اذا طلع الولد ويا ابوه البحر
و قاله ابوه طاولني شي
والولد ما سمع الحجي
الابو ما يتعنى و يقوم من مكانه
يعطي ولده لسبه على راسه بالمردي.
لوووول

Anonymous said...

للعلم معظم حجينا وأمثالنا من الدول المجاورة ومن الانجليز والهنود بجكم تعاملنا معهم لقرون.

عالم غريب said...

(المردي هو عصا او عمود خشبي طويل وجمعه (مرادي) او (مراريد) مايزال يستعمل في العراق في دفع السفن او المراكب النهرية.
والله العالم

Sami said...

من زمان ودي اعرف معنى كلمة (هفه تلايمج) او ( هفه تلايمك )!!

الاوركيده said...

مساء الخير

ما أدري شنو معناه تصدقين اقولة وما أدري شنو السالفة
:)

حاطتلج مفاجأة عندي شوفيها

:*

Anonymous said...

تعرفووووونه..؟؟؟

العارف لا يعرف يا وخيتي

العريفي

وسلامتج

DiLLi O MiLLi said...

لووووووووول
صج ما تعرفين المردي ؟؟؟
:)
عيل تضربين المثل وأنتي ما تعرفين معناه؟
لووووول
:)

المردي مثل ما قال
أعوذ بالله
خُـنْـزُبْ
بالضبط
:)

Rami said...

دفعة مردي والهوا شرجي
المدري : مثل ما ذكر الاخوان والخوات اهي العصا الي يستخدمها البحار في دفع القارب الصغير من اليال الى عمق البحر
الهوا شرجي : اي الهوا القادم من جهة الشرق .. وعندما يكون الهوا شرجي يكون دفع القارب الي البحر صعب لكون اتجاه الريح معاكس لقوة دفع المردي .. وبالتالي يتم تشبيه الضيف الثقيل بدفعة المردي اثناء هبوب الهوا الشرجي

الزين said...

المردي اهو العصايه اللي ماسكها الشيخ اللي بالصوره

:$

وحتى رواقات الخيمه كلها مرادي

وعادة المردي يصنع من خشب البامبو او الخيزران

من اقولها به؟؟؟


همممم

ماميش احد في بالي ناااو


وقبل لا امشي

مساج الله بالخير

enter-q8 said...

تدرين ببوستك هذا رجعتيني لسنة 87 لما كنا نطفر واحد من الربع و نقوله يالمردي

daggero said...

بنت الشامية

لاتطلعون لنا بعد بمادة 12 من قانون الجنسية يفقد فيها الكويتى
الجنسية الكويتية أذا لم يعرف معنى كلمة المردي

ترا كأنه فيه يوم من الأسبوع بالفرنسى أسمه مردي وهذا يمكن دليل الأزدواجية

بنت الشاميه said...

Eng_Q8 :

جوابك صح

شكرا لك

بنت الشاميه said...

خُـنْـزُبْ :

شكرا للمعلومات الغزيره ولاستخدمات المردي العديده....اثاري المردي مفيد
وانااااا ما ادري
((:
بس احلى استخدام الاخير......تراه صج مفيد..... لتلسب العياااال
بس مو على الراااااس

تحياتي

بنت الشاميه said...

Anonymous 1:

الشكر لك

بنت الشاميه said...

Anonymous 2 :

شكرا للمعلومه

بنت الشاميه said...

عالم غريب :

اجابتك صحيحه
شكرا لك

بنت الشاميه said...

Sami :

تسال عنها غنيمه الفهد
لووووول

بنت الشاميه said...

Anonymous 3 :

قلنا ما نبي سياسه

بنت الشاميه said...

DiLLi O MiLLi :

دللى .ابيه اقشل والله بس من صجي ما
اعرف المثل .....بس المردي ....لا
وبعدين تعالي ليش تضحكيييين
ماقالنا ماكو ابتساااامااات
هههههه

تمونين يالغاليه

بنت الشاميه said...

Rami :

شكرا للمعلومه
اجابتك كامله ووافيه

الجائزه تستحقها بجداره
بس للاسف مااااا كو
(:

شكرا لك
تحياتي

بنت الشاميه said...

الزين :

مساء الخير

شكرا للمعلومه الصحيحه

بس جنه ضايق خلقى ومتكدره شويه

عسى مااااشر...؟؟؟؟

مااااكو الا العافيه
*:

Mok said...

افااا بنت الشامية ما تعرف دفعة مردي

عموما سويت بوست اهداء لج
:)

انا طلقت الحديث في السياسة في وقت الراهن الى ان تاتي قضايا جادة

او
ابتعد
لمدة
شهرين
ايهما اقرب

:)

اجار الدين كشمش said...

جا بويا جا

هس احنا بالاهوار

عيني ولا براس البيشششه ؟

ذكرتينا بالصنم صداموووووا
ماني منهم لا مرادي ولا جولان ولا خريط

دفعة الف مردي واذا هواهم شرجي

احنا نبيه غربي ينسنس
حتى الكوس لو انه مغيث هم نبيييه
عسس المرادي تلسبهم

فمالله

aL-NooR . said...

اقولها ما ادري شنو المعنى
تصدقين
مرة طرت على بالي
بس ما بحثت بالموضوع
خوووووووووش معلومة يا احلى بنت بالشامية :*

صباااااح النوير

**********************

بنت الشاميه said...

Enter-Q8 :

حراااام عليكم

الحين وينه..؟؟؟
((:

بنت الشاميه said...

daggero :


ابيه ....تهقا ويسحبونهاااا منا
لا زم ارد وارجاع كل الكلمات الكويتيه القديمه
هم خلوا لنا شيئ قديم نحتفظ فيه
كل من يعوي حلجه ولسااانه هلايام

كاوالله شاطر و تعرف فرنسي
بدامك تعرف فرنسي اكو لك واااسطه جبيره...لا تحاتي

حسافتج يا كويت said...

يوم كنت صغير يعني بو 14 سنة طحت بالبحر وانا ادز الطراد بالمردي

تشلبت بالمردي والطراد بعّد وتمصعت وطحت بالبحر


وللمردي أستخدامات أخرى مثل قياس عمق البحر علشان ما يلحم اللنج بالرمل


فنحط المردي بالماي لين يوصل للارض ونطلعة ونشوف الجزء المبتل شطولة ونعرف العمق تقريبا


في نظري الناس اللي ما نحبهم غلط نقول لهم دفعة مردي لان دفعتة بطيئه
لازم نقول لهم دفعة مكينة ياماها 220

بنت الشاميه said...

Mok :

ابيه فشله ...؟؟؟؟
بس والله ما اعرفه
الحين لازم ارد وارااااجع كل كلماتنا القديمه...وانت ما قصرت بديت تذكرني فيهااااا...بس نبي كلمااات اصعب
وصارت غير دارجه موليه
الحين ياخلاف من يستخدمهاااا
الا القله القليله

مشكور وما قصرت


شفيك حاط دوبك ودوب مدونتك
؟؟؟؟؟؟
خلهاااا مفتوحه.. وماكو الا العاافيه

(((:

بنت الشاميه said...

اجار الدين كشمش :

حتى حجيهم كرهته وصرت مااا اتحمله
بس اليقت الصوره الا عندهم
هم للى يستخدمونه اكثر
لووووول

والله وانت صاج حتى الهوا ما نبيه منهم
الكوس يهبل ونستحمله

الله يهداك قلبت البوست سياسه
وجريتني ويااااك


زرت الاهوار...؟؟؟؟
شكلك ايي.......لووووول

فى امان الكريم

بنت الشاميه said...

aL-NooR :

الحين صرنااا ثلاث اللى ما نعرف المردي

اشوه مو بس انااااا

الحمدلله صرنا ثلاث بعين العدو

حياج الله يا الغاليه

بنت الشاميه said...

حسافتج يا كويت :

الهوا الشرجي صج بطي وما يبرد الجبد
جنه مكاين 220 خصان
بالهوقت ما تبرد بعد جبووودنا
لان اللى بندرفعهم وااايد
وشكرا للمعلومات الاضافيه
لاستخدام المردي


بس احنا يالشاليه كنا نستخدم المجاديف

مو المردي....لازم تكون المجدايف فى الطراد الى جانب سبحاااات الانقاذ
وطافيه الحريق.....لوووول
والا مااا كو طراد ولا يحزنون
هذه من لاوامر العليا
لسلامه استخدام الطراد
علشان جذي ما اعرف المردي
هههههههههه

حيالك الله يالشيخ