Wednesday, January 13, 2010

وبعدين .... شلون نتعامل وياااكم

شلون أقدر أتعامل معااااهم
اتفقـنـــــــــــا
قبلت شروطهم
قبلوا شروطي
عطوني الشمس بإيد والقمر بإيدي
ووعدوووووووني خيــــــــــــــر
ولما حان الوقت تنفيذ الإتفاق
بدأت المراااااوغه .. وتبرير التأخير
قدموا ألف عذر و عذر و عذر
وكلها أعذار واااهيه مرفوضه وغير مقبوله

بس بأتغاضى وباستمر بالإتفاق
مضطر صاحبك لا بطل
وبشوف إلى وين بنوصل

شلوووووون أقدر أتعامل وياااااااااهم...؟؟
أنا بسيطه واضحه بتعاملي مع الأخر

قبل الاتفاق هناك مساحه كبيره للتفكير

لإتخاذ القرار المناسب بالرفض او بالقبول
ولكن بعد أن يتــــــــــــــــــــــــم

تكون هناك علي مسؤليه يجب تحملها
وأحترم كلمتي وااايد..... للغيــــــــــــر
وأتحمل جميع النتائــــــــــــــــــــــــــج
بس الطرف الآخر يفهم..؟؟؟ يقدر..؟؟؟

هل أغير نفسي علشاااانهم ...؟؟؟؟؟
مااااااا أقدر وماااااااا أعرف أصلا
ماكو الا بنطر وأشووووف النتيجه للأخر
وأعلمكم شيصير.... بعدين
والله كريم
لحظه ....لحظه.....لحظه
لا يروح فكركم .... واااايد بعيد
هالإلتزام ممكن يصير لأي واحد فينا
وفى حياتنا اليوميه العاديه......
!!!!!!!ء
ممكن يصير مع صديق وأخو دنيا

مع مقاول.....مع نجار
مع مكتب دلاله .. ومع..ومع..الخ ..الخ

*******
ما مدي إحترامك لإلتزاماتك الماديه والإجتماعيه
والنسبة المئويه لهذا الالتزام....؟؟؟؟؟؟؟؟؟؟

وسلاااااامتكم

38 comments:

الزين said...

دشيت بلوقج وانا انشد التغيير لمزاجي المعفوس

ولقيت بوستج دايس على جرحي
او بالأحرى الشي اللي معصبني

انا والتزاماتي المادية الخربوطية
اسافر بيروت اسبوع
ارجع الاقي فاتورة تليفون قميتها بقدر ثلاثة اصفاااار

@@

مسئولية ماديه نهيييي
الزين على بالها تكلم الفريج اللي يمهم

معصبه حدي
ولا تقولين لي كلها فلوس وفداج
مو مسألة فلوس والله
مسألة احساس بالمسئولية والإلتزام

وانا نشرت غسيلي عندج
تحملي

استغفر الله

مسائج فل يا بنت الشامية

enter-q8 said...

الغالية بنت الشامية بنهاية البوست ابتعدتي عن ما صورتيه للقارئ عنالوضع الحالي الخاص بالاحداث التي تمت قبل يومين

ما مدي إحترامك لإلتزاماتك الماديه والإجتماعيه
والنسبة المئويه لهذا الالتزام....؟؟؟؟؟؟؟؟؟؟

ردا على سؤالك اقول كلها طـز

ابي ما مدى احترامك لألتزاماتك الوطنية و الوعود الانتخابية التي اطلقتها لكل الاعضاء وايضا الوزراء بالامس

عاجـل said...

نصير معارضة
ابرك واكرم
وكفاية تمردغ

بنت الشاميه said...

الزين :

زيوووون تعالى نحط همي على همج

ونفتح الجرووح ...بس بحديقة وهرااان
او ما تبقي منها....حتى هالحديقه ناشبونا عليها خذوا نصهاااا ..؟؟

زيون انا من امس وانا مغتثه يتني مكالمه بنص الليل
وعفستني عفيسه.....ما احب اللى يتهرب من المسؤليه....وانا صريحه احب المواجهه
بس مضطره ان ااسكت الى ان تنتهي المشكله....وبعدين اواريهم الشغل
ههههههه
زيون هذا حقج مو نشر غسيل
قوللى كل اللى تبينه
اذا ما سمعته انا منو اللى اسمع له
؟؟؟؟؟؟؟؟
يالله باجر روحي الحداق ووسعى صدرج
ترا بنطر الصيد

الغدا عندي يوم الجمعه
ههههههههه

عذريني يا اختي بالدنيا
زدت همج بهمي
تحياتي

f7ee7eely said...

مثل مالكل شي وحدة قياس وزنية طولية وغيرها بالنسبة لي كرجل فإن الرجال ينقاس بكلمتةومدى غلتزامه فيها.....إهي اللي تحدد معيارة عند الناس

aL-NooR . said...

حلوج حتى فشة الخلأ عندج غير :*
عسى ربي يريح بالج و خاطرج
و اذا تبين شي احنا اهني
:*


******************

حنطفيس said...

الله يرحم زمان اول اللى كان عقد البيع والشراء عباره عن كلمه مو أكثر

لكل زمان رجال ياوخيتي

عالم غريب said...

أعتقد في فرق بخصوص نوع الإتفاق
ومدام ألزمتي نفسج بشي معين وعارفة شروط هذا الإتفاق ووافقتي عليها يجب أن تتحملين نتائجه

أحيانا نوصل لمرحله أن ما نقدر نكمل الإتفاق لظروف معينة .. يمكن نقدر ننسحب بكل هدوء وتفاهم

عاد إذا مافي تفاهم نطبق المثل
الباب إللي يدخل منه الريح نسده
ونستريح

أما بالنسبة لتغير نفسج وطبعج لأجل الغير
انا بإعتقادي وحسب تعبيرج إنج بسيطة وواضحة بتعاملج مع الآخر فلا أعتقد إنج محتاجة للتغير
يمكن المشكلة في الطرف الثاني

طبقي المثل إللي انا بديت أمشي عليه
وللأسف بهالوقت من الزمن أصبحت الثقة في أي إلتزام أو إتفاق شبه معدومة

عالم غريب said...

إضافة

الإتفاق المادي بإعتقادي من أكثر الإتفاقات الملزمة

أعتقد يتساهل الإنسان في أغلب الإتفاقات إلا الإتفاق المادي

لذا أنصحج بصندوق المعسرين
أتغشمر معاج زميلتي :)

Mohammad Al-Yousifi said...

صفة الالتزام مفقودة في مجتمعنا

لأن المحاسبة أيضا مفقودة

و لأن السمعة لم تعد مهمة

حسافتج يا كويت said...

بنت الشامية


بالنسبة لي خسرت الكثير في حياتي والسبة الإلتزام بالكلمة

وفي المقابل في ناس وايدة لحسوا كلمتهم


عموما

تعلمن ان لازم يكون لي خطة بديلة في حال عدم إلتزام اي طرف وتكون الخطة البديلة من صالحي


الحل انت في اي إتفاق مع اي احد قولي كالتالي



إنزين وإن ما صار هالشي لاي سبب شنو ضماني؟؟


وأخذي ضمانج منة

والله يعينج على هالاشكال

Gabriella said...

Great Great Great Blog

Your blog is so excellent. I am your regular reader of your blog.

I follow your blog. I like your way of posting.

Hey i am interesting in adding your http://www.bintalshamiya.blogspot.com/
in my blog
http://spacestation-shuttle.blogspot.com/


I am honored to add it to my blog in right side bar links.

Will you add my blog in your blog list

Thanks for visiting my blog as well!

Please reply dear.

Unknown said...

نقض الالتزام منذ الخليقه
!!!َء
والطيب اللذي يقبل التزام شفوي

فهو ساذج ومنذ الخليقه
سسسساذج او خلينا نقول متسامح !!!ََء
نبي الامه يقول في التزامات الاموال اكتبوه وبشهود وهو لا ينطق عن الهوى

والعهود !! اعطانا نبينا مثل حي وهو كتابة صلح الحديبيه

اذا الاصل!!َ ليس هناك كلمة شرف او حلف او اقسام ايمان
في الالتزامات
صدق رسسول الامه ونحن نشاهد
كلامه عينك عينك
الللهم اني قد اعدت تبليغه
للغافلين والطيبين مثلك
بوست حضاري تعليمي
شكرا

Nikon 8 said...

نحترم إلتزاماتنا للآخر
لدرجة صار يطلق علينا
أننا دقة قديمة
!!!
ولا يهمج يا بنت الشامية
ما يصح إلا الصحيح
ذكرتيني بموقف
:
قريبتي تزوجت من شخص قايل لها خلال الخطوبة لما تقدم لها إنه ناوي يكمل دراسته
ولي يومج عياله على وجه زواج وما وفي بوعده
مع إن هذا الوعد كان سبب رئيسي لقبولها الزواج منه
!!!

Common_Sense said...

التزام ماكو
مسؤولية ماكو
عقل ماكو

reemas said...

عن نفسي احب الالتزام
و التزم بكلمتي
و اعاني من اللي ما يلتزم
و هم كثر

المسقطيه said...

الالتزام المادي مو مشكله لان فيه عقود ومحاكم لكنالالتزام المعنوي صعب يتوثق

الزين said...

يا بعدهم انتي كلهم

اسم الله عليج من الهم وما عاش من يكدرج :**

اهو بس بالبدايه نحتر تالي ندري ان اخر العمر موت
نطنش ونحذف التعب ورانا ونكمل

واخيه على حديقه وهران
لي فيها ذكريات ترى
بس شويه تخرع
:))


شوفاي يا بنت الشاميه
انتي شكلج مثالية بكل شي وتحبين تعطين كل شي حقه
عشان جذيه الناس اللي ناقصين يقثونج
وهذا شي طبيعي

ابيج تتذكرين شي
منو فينا كامل
ومنو فينا ما يبي يصير كامل
بس تهقين نقدر؟؟

ما اعتقد
عشان جذي اقول لج
دوري لهم العذر
تغاضي
وطنشي عشان راحة قلبج

وبعدين ترفعي عن اي موقف ممكن يقلل من قدرج
واعتقد انتي شيخة الناس
ونتعلم منج
مو انا اللي اقول لج هالكلام يا قلبي اصلا انا اتعلم منج رقيج بالتعامل
وسعة بالج
وسنعج
ربي لا يغير عليج
ويحفظج

وتصدقين عاد
ما حسيت بالغربه وانا افضفض هني
بالعكس
حسيته مكاني
وهذا اكيد من زود غلاتج
:*

وحداق ماميش
الجو ما يساعد
وانا احب اطلع الحداق من اول اليوم
واخر مره طلعت مت من البرد
بس الصيد كان عجيييييييب
مو طبيعي

يا بعد قلبي انتي
ولا يهمج
عسل على قلبي
ناقصنا استكانه شاي
ونتجابل

:)

بحفظ الرحمن
وهونيها
تراها هينه وايد
بس احنا اللي مصعبينها

احبششش

Anonymous said...

اثر نسل ال.... مثل نسل ال.... عقل من غير غاريه ترا السكبات خربوطه ،،، يحببها ويلممها ويقول الله يلسمها شلون معبطه ب دمه وهي بال... معبوطه ؟ ( فهد بورسلي )

daggero said...

بنت الشامية

أعتقد أن الكثير يعلن عن نفسه بأنه ملتزم ولو يصير اللى يصير ولكن أبن أدم يظل ضعيف فتمر عليه أمور تجعله لايلتزم غصبا عنه أو يعتقد بأنه أوفى بالالتزامات اللى مطلوبه منه

وصيغه المذكر تنطبق هنا على المؤنث

سؤال أللى يشترى من سوق الجمعية عندكم هل يعتبر من أهل الشامية والا فى شروط

بنت الشاميه said...

Enter-Q8 :

ياااادي السياسه اللى ذبحتنا

اصلا السياسه هي فن الكذب والتملص والتقلب من الالتزامات
والشوااااهد كثيره ترس السما

اخوي العزيز الالتزام التزام بكل شيئ
من اصغر الامور الى اكبرهاااا
اخوي العزيز
كافى سياسه.... صحتكم بالدنيا
(:

بنت الشاميه said...

عاجــل :

مثل ما قال عبد اللطيف الدعيج
ماني مع المعارضه الجديده
"س""سعدون حماد ... والطاحوس
**
المعارضه اليديده عليهاااا علامات استفهام كبر البحر

نصيحتي لك
خليك مع المعارضه القديمه
((:

بنت الشاميه said...

f7ee7eely :


الله يكثر من امثالك
هذا اللى تعودنا وتربينا عليه
الالتزم كلمه
تحياتي

بنت الشاميه said...

aL-NooR :

والله بعيونج هى احلوه
لا خلا ولا عدم
ادري اهلي واااايد
وأخواتي اكثر
تحياتي يالغاليه

بنت الشاميه said...

حنطفيس :

اي والله ياخوي
لكل زمان رجاله

ولكن الخير باقى على الارض الى ان يشاء رب العباد

بنت الشاميه said...

عالم غريب :

المشكله مو فيني
انا لازلت قابله هذا الالتزام
ولكن الطرف الاخر قاعد يراوق ويدور اي حجه...لكى يتنصل من هذا الالتزام
ولكن لن اامنحه هذه الفرصه

لان اولا الحاجه لي
وثانيا ملتزمه بالوقث


اما اغير نفسي علشااانهم
هذا من رابع المستحيلات
اصلا اصير مو انا
بس لاتخاف علي انا صج طيبه بس ما اتنازل عن حقي ابدا

مشكور لمشاركتك حياك الله

بنت الشاميه said...

ma6goog :

لا..... ليش مطقوق جذي
لازال هناك تاس جميله..... لازالت محافظه على التزاماتها الماليه والاجتماعيه والاقتصاديه حتى السياسه منها....وما تغيرها المواقف

تفائلوا تجدوه

بنت الشاميه said...

حسافتج يا كويت :

انت خسرت الكثير من الامور
ولكن كسبت نفسك
وراسك ظل عالي مرتفع
ومحد قدر يكسرك

وان شاء الله الله يقدرني عليهم
ويعطيني سعة الصدر عليهم

تحياتي

بنت الشاميه said...

Vijay Chakravarthy :

thank you so much 4 visiting
my blog you are welcome anytime, I appreciate it

بنت الشاميه said...

kaashteeel :

صدق رسولنا الكريم
ولا كلام بعد كلام سيد البشر


والعقد شريعة المتعاقدين

لا تخاف علي انا صج طيبه
بسسسسسس
اعرف اللى لي واللى علي عدل
و ايضا اعرف شلون احمي حقوقى
وطالما لى حق اخذه اخذه
وما اتنازل عنه الا بطيب النفس والخاطر

بس لاني ما احب المشاكل والحنه والرنه
والعطال...وهذ هوالمهم و اللى احاتيه

شكرا لك وحياك الله

بنت الشاميه said...

Nikon 8 :

المفاهيم عندي هى المفاهيم ما تتغير ولا تتبدل ...تتقلص احيانا وتتمدد احيانا اخري...بس ما تتغير
هذا اللى اتعبوا فيه علينا اهلينا
ووفاءا لهم بنكمل ونستمر بالحياة فيه

خل يقولون اللى يقولونه قديمه قديمه

والله يكون بالعون

مشكوره اختي على الدعم المعنوي
الله لا يحرمني منكم

بنت الشاميه said...

Common_Sense :

ان شاء الله كله يصير اكو

بنت الشاميه said...

reemas :

لا تحاتي انت الصح
لا تخليهم يكسرونك
وما يصح الا الصحيح

الله يكون بالعون

بنت الشاميه said...

المسقطيه :

لكن الالتزام المعنوي صعب يتوثق
افحمتيني تصدقيني ما عندي رد
هذا اصعب الالتزمااااااااات
ولكن
يمكن يمكن بالحب والموده
والمعامله الحسنى والاحترام

نقدر نوثقه




والله منتي هيييييينه
تحياتي
(((:

بنت الشاميه said...

الزين :

يازينة البنات ماااا اقدر على كلماتج

اثلجت صدري.....لا خلا ولا عدم
لا ولله انا اللى اتعلم منكم
وانا بشر اخطئ واصيب
مو الى هالدرجه مثاليه
ولكن الحق حق
خل تقول ما اقدر اكمل الالتزام
بصراحه ومباشرة
ما راح ازعل على الاقل اعرف اللى لى واللى علي
ونلقى الالتزام
ماكو شيئ مستحيل بالحياة
الصراحه والوضوح هو اللى ناقص
الناس هالايام
اللى ما احبه المراوغه والكذب
وتمييع المواقف

بس جنه فى بوادر ان ينتهي الموقف
كما احب وبالشكل اللى يرضيني
الله سبحانه ما ينسى عباده

مااااا عليناااااا
الحين انا ابى اعرف

واخيه على حديقه وهران
لي فيها ذكريات ترى
بس شويه تخرع
:))

بخلي البوست بصوب
وهالاعتراف بصوب

يالله لو سمحتي ساسريني واعترفي شنو صاااار
هههههههههه

وانا بعد احبششششششششششش
(:

بنت الشاميه said...

Anonymous :


مع كل هالخرابيط اللى تحبونها

يظل الشاعر فهد بورسلي
تاج الشعر الشعبيي بالكويت

بنت الشاميه said...

daggero :

والله كلامك صحيح
هذا انسان ملتزم و نيته صافيه بس الظروف احيانا تكون اقوي منه
ما يتنصل من التزامه الا وهو مضطر
هذا الناس تعذره
جان زين كل الناس جذي


ترا سؤالك الاخير جنه ملغوووووم

بس اذا تبي رقم صندوقي بالجمعيه حاضرين
ههههههههههه

عالم غريب said...

الحين أول ويك إند من كتابة هالبوست

إن شاء الله الأمور تتحسن
والإلتزام إللي بينكم تمشي أموره

إن شاء الله