Saturday, January 09, 2010

هل اصبح الكذب ...مقبول ...؟؟؟؟

أكدت دراسة أمريكية جديدة
أن الرجال يكذبون وبمعدل مرتين أكثر من النساء
على زملائهم ورؤسائهم في العمل وزوجاتهم
وذكرت الدراسة أن الرجال يكذبون

ست مرات في اليوم تقريباً
أي ما يعادل 42كذبة كل أسبوع
و2184 كذبة في العام
126.6720 كذبة خلال حياتهم

و النساء يكذبن ثلاث مرات في اليوم تقريباً
أي ما يعادل 21 كذبة في الأسبوع
1092 كذبة في العام
68.876 كذبة في حياتهن

وأشارت إلى أن 25% من المتزوجين اعترفوا
بأنهم تشاجروا بسبب الكذب
كما اعترف 7% منهم بأن الكذب....قادهم
للانفصال والطلاق وقضايا داخل المحاكم
وإن أكثر الكذبات انتشاراً بين الرجال

وينك ..؟؟؟؟ انا عند الربع
ما عندي فلوس
نعم انا بالدوانيه
عندي شغل

والكذبات الأكثر انتشاراً بين النساء هي
راسي يعورني

نعم نعرفهم ونعرف امهم بعد
ليش التليفون مشغول ..؟؟؟ أحاجي امي
لزّم علي يشتري لي بس انا عيت
******
كيف تتعرف على من يكذب عليك..؟؟؟؟
1-
إذا كان يتحدث وقدماه تتحركان وغيرمستقره
ويده فى جيبه طول الوقت فهو حتما يكذب
2-
خلا حديثه إسأله سؤال بسيطا
إذا توقف مطولا قبل الإجابة فانه يكذب حتما
3 -
إذا كان يروي لك قصة، سيجر المزيد من الكذب
ليقنعك اكثر واكثر وكلها غير مقنعه
4-
يقوم بحركات لا إرادية كثيره فيحرك كتفيه
اولسانه او يفرك عينيه او انفه او اذنه
واحيانا اخرى يغطي وجهه
5-
سيكرر كثيرا كلمة ولكن، وهو يعرف بأنك لن تصدقه
6-
أحيانا سيحاول النظر إلي عيونك مباشرة لفترة
ولكنك ستشعر بعدم الراحة في عيونه
7-
وسيشكك في قدرتك على الانتباه
وانك لم تكن مركزا او سمعته بالخطا
*******
الحين رأيكم
هل الشخص الكذاب تستحيل معه الحياة..؟؟؟؟
هل تعرف اشخاص يكذبون طوااال الوقت..؟؟؟
هل الكذب مرض يصيب صاحبه ....؟؟؟؟؟

أم اصبح الكذب أفه هدامه استشرت بالمجتمع
وصار له مسميات وصفات والوان مختلفه
لتظيف اليه شيئا من الشرعيه والحلال
واصبح الشخص الكذاب مقبولا اجتماعيا
ولكن.... يظل الكذب....كذب
******
سؤال محيرني من زمااااان
ليش كل الاساطير تصف الكذاب
بإنه يطوووووول خشمه كل ما جذب
فهل لها أصل هذه الحكايه

****
ترا الجذب حباااااله قصيره....فاحذرووووه
وخصله ذميمه ..... فامتنع عنه فورااااا

وسلااااامتكم

48 comments:

Mohammad Al-Yousifi said...

ما عندي فلوس
نعم انا بالدوانيه
عندي شغل

ما اعتبرها كذبات

بل حماية ضد المشاكل

khalid almuzaiqer said...

دراسة منطقية أختي العزيزة
والكذب من العادات السيئة والمنبوذة
وما أجمل الصدق ولو كان فيه الهلاك
سلمت الأنامل أختي العزيزة
مزيداً من التألق
لكي أرقُّ المُنى من عالم الحب
http://www.al7ob1.blogspot.com/

مَـــــعْــــمَــــعَـــــه said...

بالبداية كلام مطقوق صحيح جملةً وتفصيلا

والكذب صفه ابدا مو زينه والجذاب يبين من عيونه وياما بيوت انهدمت بسبب الكذب الله يبعدنه عنه

موضوع رائع

Catism القطويّة said...

كما قال النبي صلى الله عليه وسلم:
"وإن الكذب يهدي إلى الفجور ، وإن الفجور يهدي إلى النار ، وإن الرجل ليكذب ، حتى يكتب عند الله كذابا"

لحظة، لحظة! أنا من ذوي الأنوف الطويلة :P

Shamla said...

نعم يستحيل العيش مع الكذّاب وإن عشنا معه بقرار خارج عن إرادتنا فالحياة معه متعبة متعبة متعبة ولا نصدّقه في كثير من الأحيان..

أعرف شخصًا مقربًا يكذب طوال الوقت وحين يتحدّث إلي أومئ له مجاراةً له لا تصديقًا لأني لا أصدقه إطلاقه وإنما أضطر لتصديقه أحيانًا لأني أشفق عليه
:(

قد نحتاج أحيانًا إلى المراوغة أو قول شيء وقصد شيء آخر وهو ما يسمى بالتورية ولكن من يتخذ الكذب وسيلة فسيسقط حتمًا وينكشف وتعلّمت أن أصدق حتى لو حصلت لي مشاكل وعقوبات ولكن يكفي أنني صدقت
;)

شكرًا لكلماتك وتقبلي مروري
;D

فريج سعود said...

شنو علاقة الدراسة الامريكية بالجذبات الكويتية الاصيلة الي حاطتها

عالم غريب said...

يقول الشاعر أوسكار وايلد : الرجل يكذب لينقذ نفسه أما المرأة تكذب لتعالج نفسها

بإعتقادي الشخصي أن عادة الكذب ترجع إلى مرض نفسي يعتمد على البيئة المحيطة في أصل تربية الإنسان منذ الصغر

وفي هذا الوقت من الزمن لا يوجد فرق كبير بين الرجال والنساء بالكذب

أعتقد أن الإنسان القنوع لايميل إلى الكذب

ولكن المشكلة أن العين لا تشبع

في تجربة شخصية مريت بها وجدت أن شخص يكذب ويكذب وأنا كنت أبين له أنه كذاب ولكن لاحياة لمن تنادي

إنها الطامة الكبرى وتناقض الشخصية والمرض النفسي المزمن

تقبلي مروري

ARTFUL said...

انا مع مطقوق

يا بنت الحلال مرات تحتاج تجذب جذبه بسيطه علشان تمنع المشاكل


ولا تدش بحاور وزاور وحنه ورنه وونه

وبوز هالطول ماله آخر


فتحروف بالسالفه مثلا ولا تقولها بكل تفاصيلها علشان كل هذا ما يقع

:)

ولاّدة سابقاً ... رانيا السعد ...رانية المنيفي حسب الأوراق الرسمية said...

أضم صوتي لصوت الشباب مطقوق وأرتفل

شخصياً أنا مع البيت الشهير لقباني الذي قاله على لسان إمرأة

قل لي ولو كذباً كلاماً ناعماً
لقد كاد يقتلني بك التمثالُ

ودي لو زوجي يتدردح ويتعلم شوية كذب وما يقطها بوجهي عدله/عوية

الكذاب الشاطر يجعل الدنيا تمر أكثر سلاسة

الصادق الدفش يملل ويخلي الإنسان يعرف أشياء هو في غنى عن معرفتها

شوية كذب ما يضر خاصة في الغزل

Q80BOY said...

The examples of 'lies' you posted are'nt really lies in my opinions.

I mean if these are lies, what do you call the people who lie about their identity? lie about their health? lie about their affairs?

And to answer your question, in my opinion, yeah it is accepted nowadays, as you said statistics say a man lies 6 times a day, lol i think that means its accepted :P

reemas said...

الكذب اصبح مقبولا عندما صار الصدق مذموما و مرفوضا
فالانسان الصادق اصبح يعاني من صدقه

حسافتج يا كويت said...

ثلاثة الكذب عليهم حلال


الزوجة عندما تقول لها انا وصلت نزلي السيارة وتكون انت ليلحين بالشارع



الام تقولها وصلت الشاليه علشان ما تحاتي وانت ليلحين ما وصلت



النفس لا قلت انا ليلحين صغير

Common_Sense said...

هذي شكلها دراسة بو ايميل

mob said...

ليس هناك فن او علم حديث

ينزع طبيعة او جينة الكذب

من البشر """الكذاب كذاب

كلنا نعرف من عشنا معهم

من هو الكذاب ومن هو الصادق

اما الكذب الابيض على الزوجه او الابناء والبنات خاصه
يعتبر زيت زيتون مسسسار الحياة
يحفظنا الله من النواب
امييين

بنت الشاميه said...

ma6goog :

اذا الحال جذي
بصير العدد اكثر من 6 باليوم
هههههههههه
مو جنه واااايد... ؟؟؟؟؟

اذن .... الدراسه صحيحه

(:

بنت الشاميه said...

عالم الحب :


هذا الكلام الصحيح

الصدق اجمل حتى لو كان فيه الهلاك

شاكره لك زيارتك

تحياتي

بنت الشاميه said...

مَـــــعْــــمَــــعَـــــه :


اكيد كلكم بتتعاااااونون عليناااا


ههههههه

بس الواحد يحاول المستحيل
ان يبتعد بقدر الامكان عن الجذب
لانه ساعات كثيره مهلك وقااااتل
الله يحمينا منه

شكرا لك

بنت الشاميه said...

Catism القطويّة :

لا كلام بعد كلام رسولنا الكريم
فهو قدوتنا بالحياة

&&&

ابيه ابيه الظاهر انا عكييييت
والله ما اقصد
قصد يطوووووووول من الجذب

مو الخشم الطويل
شوفى صلحت بالبوست
والله اغتذر مو قصدي

((:

بنت الشاميه said...

SheLLoO :

اي والله الله ياجر من يعيش
مع واحد او وحده جذابه
يجذبون طول الوقت
مع ان ساعات الجذب ما يودي ولا ايب
وما له سالفه....مع هذا يجذبووون
ليش يجذبون ......ما ادري
بس اللى اعرفه ان الجذب جينات بالدم
يصعب علاجه او التخلص منه

والمراوغه
هى عندى الافضل لاستمرار الحياة

الله يعيناااا كلنا على امفسنا
حياج الله
اسعدني مرورج

بنت الشاميه said...

فريج سعود :

هههه
مركز واااايد

لازم من الدبلجه الكويتيه
لان جذبهم مالق وغبي
حياك الله

بنت الشاميه said...

عالم غريب :

كلامك عجيب وتحليل منطقى للشخص الكذب

فالكذب اما فطري ينولد فيه الانسان

بسبب الجينات وهذا لا يفيد
فيه لا طب ولا علاج
او مكتسب من البيئه المحيطه به
وهذا اهون ....... ممكن علاجه

بالنسبه لى يكسروووون الخاطر
لانهم يقللون من مكانة انفسهم عند الغير
وما يقدرون عليها

يالله العافيه
حياك الله

بنت الشاميه said...

ARTFUL :


ما كو فكه
الجذب ... جذب

لا تهونون المساله

ماااا كو فكه
ضربة البوز والحنه والرنه اهون واسهل.......!!!!ء

(((:

تحيااااتي

Sami said...

عاد انتي طوفي اذا الجذبه ما تأثر :)

بنت الشاميه said...

ولاّدة :

ولاده انا مع نزار القباني
مو مع الشباب
ههههه
اذا بيتغزل فينى ويقول لى كلام حلو
لا ابيه يجذب من الحين الى الصبح
بس بالامور اليوميه ...لا ...لا اكيد لا
الصج هو المنجا
انا اختلف معاج
الله يحفظ لج ريلج و يسعدح وياه
امين

تحياتي

بنت الشاميه said...

Q80BOY :

رايك وانا احترمه
بس اخالفك فيه

اللى يجذب بصغائر الامور

بيجذب بكبائرها

والحياة ما تمشى بالجذب
حبااااله دائما قصيره
ونتائجه وخيمه

الله يبعده عنا كلنا ويحصنا منه

تحياتي

بنت الشاميه said...

reemas :

والله انك قلت المفيد

الصادق بدا يعاني هالايام
ويتحمل نتائج صدقه
بس الواحد مو بيده يتعلم الجذب
اخر عمره
اما اقول الا يالله العافيه
شاكره لك زيارتك

بنت الشاميه said...

حسافتج يا كويت :

شوف بشبها حرب
وابيك ترجع مثل اول ونتناجر

ولهة على النجره وياك

(((:
الحين الجذب ما يحلى الا على هالمقروده المراه....الام ....او.....الزوجه

ليش ..؟؟؟؟ ما تستقووون الا علينااااا

يالله عاد رد الحين وخلها حرب شعوااااء


بس الاخيره والله انت صاج فيهاااا الف بالميه...ههههههههه

بنت الشاميه said...

Common_Sense :

لا والله من الجرايد والصحف

بنت الشاميه said...

mob :
المشكله يدرون انهم يجذبون
والاعظم يدرون انا احنا ندري انهم يجذبون...ويستمرون بجذبهم
مساكين هذا مرض العصر
الله يكافينا شر الجذب واهله

*
*
الحين انا بقلب الادوار
هل الجذب الابيض اقصد زيت الزيتون مسموح للرجل فقط فى محيط الاسره
وغير مسموح للزوجه اوالبنات او الابناء
فهل نعتبره ايضا زيت زيتون
والا زيت خروع
ههههههههههههه

وهقتك......مااااااا عليه
يا الله العافيه
تحياتي

بنت الشاميه said...

Sami :

انااا ما علي

الحساب يوم الحساااااب
وكل من ذنبه على جنبه

((:

Mok said...

بالواقع نساء اكثر كذبا

ودراسة تحدث عن البيئة الامريكية والاوربية

عالم غريب said...

بإعتقادي أن أي علاقة تبنى على كذب فهي علاقة غير سوية

البعض من النساء يجدون متعة كبرى فى الكذب على الرجال

ان الكذب عندهم انتصار على
الرجل واستغفاله وتحايل على قيوده

الكذب عندهم تضليل
وارضاء كاذب لكبرياء الرجال
فهم يفعلون ماتريدون ويجعلون الرجال يصدقون مايشاؤون

وإذا كان الرجل طيب القلب و(على ويهه) اووووه فيقع فريسة سهله لهذا الأمر

تحياتي مرة أخرى

الاوركيده said...

ما تتصورين شكثر اكثره الكذب

اذا الناس خذتها عادة هذي مشكله بس ترى الكذاب بسرعة ينكشف خاصة اللي ينسى شنو قايل

:)

شلون يالغالية بشريني عنج

:)

f7ee7eely said...

في واحد كان قاعد ياكل بمطعم وفجأة دش واحد منحاش من ناس يبون يذبحونه وترجى رواد المطعم يخشونة قا قام الريال اللي كان يتغدى بروحه وخشه تحت الطاولة ، مانقضت خمس دقايق وللا داشين اللي يلحقون المطرود فسألوا الريال اللي يتغدى عنه إذا شافة أو يدري وينه......قاللهم بلى أهوا موجود تحت الطاولة.....ضحكوا علية ومشوا قالوا هذا أكيد خبل.....فلما طلع المنحاش من تحت الطاولة قال حق اللي خشة إنت شسويت بغيت تخليهم يذبحوني.....قاله ياغبي مانجاك من الموت إللا الصج.......قصة سمعتها وآنا عمري 8 سنين ومن يومها ماعرف الجذ له طريج عندي

بنت الشاميه said...

Mok :

يعني البيئه العربيه...اللهم صلي على النبي.....ما جنهم اساتذه بفن الكذب
ا
انت ما شفت الكويتي بعد الغزو
صار اللبناني والمصري يطلعون عليه
سيزر سلط

خلى قلبك ابيض
(:

daggero said...

بنت الشامية

الكذب على المرأة ملح الرجال

والشباب حتى لويقولون الصج ماراح يصدقونهم الحريم وخاصة أذا قال الصدق وهو يبتسم من الوضع اللى أهوه فيه فلايمكن أن يتم تصديقه أبدا
فشلخ وأرتاح يكتب لك النجاح

بنت الشاميه said...

عالم غريب :

العياذ بالله من كل امراة او رجل على هذه الشاكله
دائما اتسال بيني وبين نفسي
هل هذه النوعيه سعيده من الداخل...؟؟
هل تعرف الراحه النفسيه..؟؟
اللهم ابعدهم عنا ومن شرهم
والله سبحانه وتعالى يمهل ولا يهمل
وان ربك لبمرصاد
شكرا للمشاركه

بنت الشاميه said...

دمعة المقهور :

ولله وانت صاجه من يحب الجذاب

وبعد يصير عاده .لاحول الله

المهم شلوووون عيالي وام عيالي
هههه
انا بفضل من الكريم باحسن حال
تحياتي يالشيخه

بنت الشاميه said...

f7ee7eely :

شفت شلون الصاج....محد يصدقه
هذه هى المشكله بهذا الوقت
الصاج محد يصدقه والجذاب هو امن يصدقونه.....!!!!ء

خوش قصه مشكور وتسلم ايدك

اي والله الجذب صفه مذمومه
الله يبعدها عنا
تحياتي

بنت الشاميه said...

daggero :

لا والله الجذب على المراة لا ملح ولا سكر
الجذب ...جذب


اما هالحكمه العجيبه فصج عجييييبه
ههههههههههه

فشلخ وأرتاح يكتب لك النجاح
هذى عصارة تجاربك بالحيااااااة

((((:

سؤال من زمان عندي
ليش ما عندك مدونه...؟؟؟؟
تحياتي

حسافتج يا كويت said...

الغاليه بنت الشاميه

ركبي جي بي اس بسيارات عيالج ولا قالولج وصلنا الشاليه
شوفي ال جي بي اس
بتلاقينهم ليلحين في مينا عبدالله

وعموما انا اجذب على امي علشان ترتاح وماتحاتي لين اوصل الشاليه

daggero said...

بنت الشامية

المدونة يبيلها مجابل

جربت مرة التدوين كضيف بدعوة كريمة من الأخ صاحب المدونة
Hilaliya
وهذا الرابط للأطلاع

http://www.hilaliya.com/guest-contributors/daggero/


وشكرا على أهتمامكم

الوتيــــــــــن said...

صباح الخير عزيزتي بنت الشامية

ياختي من كثر الناس اللي اتجذب صار عادي التعايش معاهم

بس تدرين أكثر شي يغث؟ إنه يجذب بشكل اوفر جن اللي جدامه مو فاهم ولا خدايو !!! غريبة هالفصيلة من الاوادم ومسميتهم ( الفطريات) لأنها على قولتج جذبتهم تتكاثر ليمن تنبط الراس من حجيهم وودج تسكرين حلجه وتقولين بس حرام علييييييييك

عن سؤالج : هل يمكن التعايش معاهم؟ نعم يمكن لأنهم كثار بس تتعبين لمن تعرفين انهم قاعدين يشلخون عليج

تصدقين وايد أشوف هالعلامات خصوصا عالبنات بالصف عندي تلاقين البنية تقولين لها وين كنتي؟ تقعد تقلب عيونها ( كنت بالحمام) ولا تطالع عيونج ليمن تحسينها بتدمع .. قوليلها (بو) وراح تبجي ههه .. سالفة هالمشكلة


بوست مشوق لم اتمالك عدم التعليق :)

حبي واكثر

إمـرأة لا تُنسـى said...

الزملاء والزميلات كفوا و وفوا

تعليق عالسريع.. في ناس اجازوا الكذب لتفادي المشاكل، انزين هل تقبل بأن ينجذب عليك عشان ما تعصب؟


اتوقع بـ تفـوّر وتطلع لك قرون
:D

بنت الشاميه said...

حسافتج يا كويت :

عسى الله يحفظ الوالده ويخليها لك

اما عن عيالي فلى طرقى الخااااااصه

واعرف شلون اصيدهم.....لووووول
بس لا تعلمهم
((((:

بنت الشاميه said...

daggero :


تصدق خوش فكره ان تستظيف صديق فى المدونه...وايد اعجبتني الفكره

بس والله بوستاتك ممتازه
لك مستقبل
هههههههه
تحياتي

بنت الشاميه said...

الوتيــــــــــن :


مساء الخير يالشيخه
والله كلامج صحيح

من كثر الناس اللي اتجذب صار عادي التعايش معاهم

بس هل تحترمنيهم...؟؟؟؟؟
هل تقدرين ان تحبينهم ..؟؟؟؟
الكل يقدر يعيش ...بس شهالحياة البارده الفاهيه اللى يعيشونها

اللهم ابعدهم عنا وابعد عنا جذبهم

اما البنات الطالباااات
حطي بالج عليهم
ترا جذبهم ما له اول ما له تالي

الله يعينج عليهم
تبارك البوست بتعليقج الكريم

تحياتي

بنت الشاميه said...

إمـرأة لا تُنسـى :

شاكره لج تعليقج
انت سبقتيني فيه
كنت بسئل بالاخير جميع المعلقين نفس
هذا السؤال

هل تقبل ان يكذب عليك الاخرين...؟؟؟؟
والا تكتفى انت بالجذب الابيض على الاخريين...؟؟؟؟؟؟

تهقين شنو راح تكون الاجاباتهم

اتوقع نفس توقعج

بـ يفـوّرون وتطلع لهم قرون

هههههه
مشكوره وحياج الله