Thursday, December 31, 2009

تجاوزتوا حدودكم ...على الاسره الكويتيه

دعا النائب الطبطبائي وزارتي الداخلية والإعلام
الى رصد ومتابعة ما يسمى بحفلات ليلة رأس السنة
ومحاسبة المتجاوزين

النائب الموزيري ، أتمنى من الداخلية" ولإعلام
وجميع الجهات ذات الصلة
محاسبة من يخالف مبادئنا الدينيه
وأعرافنا الإجتماعية وتطبيق القانون بحزم
حذر النائب دليهي الهاجري من عدم احترام
الضوابط الإسلامية والاجتماعيه والاخلاقيه
في احتفالات رأس السنة
النائب ضيف الله بورمية حمل
وزارات الإعلام والداخلية والتجارة
كامل المسؤولية في حال التراخي بتطبيق القانون
النائب سعد زنيفرطلب من وزارتي الداخلية والإعلام
بتكثيف مراقبتهم ، تحسباً لأي حدث
يخرج عن الآداب العامة وعن عاداتنا الإسلامية
طلب النائب مبارك الوعلان بأن تقوم الأجهزة المعنية
في وزارتي الداخلية والأعلام في
ضبط الحفلات وكل ما يخالف القانون
ورسالتنا للوزيرين المعنيين وصلت

^^^^^^^^^
هدد هؤلاء النواب "الدوله "من خلال
وزارات الداخليه والاعلام والتجاره
بالويل والثبور إن خرج أهل الكويت والمقيمين فيها
عن الخلق الإسلامي و الأداب العامه
فى الثلاثة أيام "عطله رأس السنه الميلاديه "
باستعراض ممج لأخلاق النواب الحميده

فى وسائل الأعلام
الصراحة الشره على من انتخبكم
شنو شايفين الكويت ..؟؟؟؟
وماهي المؤشرات اللى شفتوها ومن خلالها
أطلقتم تحذيراتكم ..؟؟؟؟؟؟
من كثرة اعلانات الحفلات بوسائل الاعلام
والا ليتات النيون بالشوارع
والا الفرق الإستعراضيه بالمجمعات التجاريه
والإ بالزينه للإحتفالات بعيد السنه الميلاديه

صج انكم ما تستحون على ويوهكم
اللى يقرأ تصريحاااتكم من خارج الكويت
يعتقد اننا فى لاس فيغاس او باريس

وان لم تقم الحكومه بضبط الشارع بالليل
سوف يقع ما لا يحمد عقباه
من الفسق والفجور
.
.
ما تدرون حتى مسرحيات الاطفال دفنوتوهااااا
واختفت اعلاناتها من الشوااارع
اختفت الابتسامه من وجوهنا كلناااا بسببكم
يعني حتى لم تحترموا طلب سمو الأمير لكم
بألا تهيجوا الشارع وأقصروا عملكم على
التشريع ومراقبه القوانين فقط داخل قبة البرلمان

لكن ما تستحون ومنتوا وايدعلى الشعب الكويتي
أكثر من الازم وتعديتواااا حدودكم
بتجريح الإسره والبيت الكويتي
وتدخلتوا فى شؤون الأب والأم
وشوهتوا صورتها أمام العالم

الواحد ماهو قادر يردها عنكم
راجعوا أنفسكم شويه قبل أحكامك عن الناس
راجعوا ميانتكم على الكويت وأهل الكويت
من قال إن النيابه بالمجلس تعطيكم هذا الحق..؟؟

من قال انكم اوصياء علينااااااا
هذبوا ألسنتكم ووجهوا خلقكم أولا
قبل أن تطلبوا
من الحكومه العسعسه و التجسس على الأسره
الكويتيه والمقيمين فيها اللى رفضها الاسلام

من الصبح وأنتوا متولينا تصريحات وتهديدات
صج فقدتم الحياااااااء
********
سااااامحونى على حدتي اليوم صج حرووووني
كل سنه والجميع بالف خير
واتمنى ان يعم الخير والحب والتسامح
والصحه والعافيه للجميع
وتكون سنة امن واماااااان
وسلامتكم

70 comments:

Mok said...

يمي الحين هيصه وصوت الموسيقى صاخبه

ابي الطبطبائي يقرب

يبدو ما افهموا معنى حريات الشخصية ويبدو لم يفقهموا مضامين حكم المحكمة الدستورية يوم حكمت في الحجاب

الظاهر مسئله نسيج لا اكقر

كل عام وانتي بخير

:))

daggero said...

أقترح مراقبة البلوقات الصاخبة كذلك

كل عام ,أنت والعائلة الكريمة بخير

Happy new year

ma6goog said...

كل عام و انتم بخير

شرهتج على الحكومة الدايخة

reemas said...

هذيلي رافعيه شعار
نبيها طالبانيه

هههههه

كل عام و انتي و اهل الشاميه و الكويت و العالم كله بالف خير

HAPPY NEW YEAR

:))

Nikon 8 said...

الله يلوم إاللي يلومج
كل عام وأنت بألف خير مع كل من تحبين
:))

Enter-Q8 said...

الصراحة ما عندج سالفه يا بنت الشامية

اصلا انا ماكنت ادري ان راس السنه هاليومين لأنك تعرفين دوامنا شفتات فما تفرق معانا الايام
و ما قمت اعرف المناسبات الا من تصريحات النواب
و الا من ثاني يوم من مانشيتات جريدة الوطن
يعني شيئ معتاد الله يهداج ليش مستعسرة

Flona said...

والله العظيم أذونا هذيل بسوالفهم
يعني مو عاجبك اقعد بالبيت
مادري لييش يحكرون العالم
هذا الي يبط جبدي

كشتيل said...

كل عام وانت بخير

هذي هي تجارتهم
لو اصدقائك المدونات يتبنون

الرد عليهم بقوه كلما تعدوا على

حقوق المجتمع المدنيه اكيد سوف يحسبون حساب السنتهم السليطه
التي يتاجرون بها
ويربحون من طيبة وسماحة الشعب الكويتي

شكرا

DiLLi O MiLLi said...

أنااااا بعععععد ميته حره من تصريحاتهم هالنواب الأكّســر

لااا واللي حارني تصريح وزارة الداخلية : 500 رجل من الداخلية لمراقبة أحتفالات رأس السنة"!!!ء
يعل ٥٠٠ داهيه تاخذكم


شوفي تصريح النائب حسين القلاف
من جهته بارك النائب حسين القلاف للجميع بالعام الجديد, سائلا المولى ان يجعله عام خير وبركة للكويتيين وعام خذلان وذلة وخسارة للتكفيريين

تلوموني ليه حبيته؟
:)

Anonymous said...

انا أأيد الاخت بنت الشاميه.. ليش قامتينا جذي يبه شيلو هالطالبانيين وخلونا نتطور شوي ليش نظحك على روحنا احنا نسافر نبي نستانس شنو المشكله لما يصير فيه ديسكو هني وليش مانعين المشروبات افتحوا للعالم مجال خل يشمون هوا واللي مايبي الديسكو يدل المسيد يروحله محد يمنعه وحطوا قوانين تنظم العمليه وانتهى الموضوع.. صج تخلف

أهل شرق said...

كل عام وانتي والاه والاحبة بخير بنت الخاله

مَـــــعْــــمَــــعَـــــه said...

زنيفر مسكين ترى ما يدري شنو قال ما عليه شرهه

كل عام وانتي بخير

Zaydoun said...

Happy New Year!

سؤال واحد محيرني..... عننا نائب اسمه سعد زنيفر؟

عورات المسلمين والامم الاخرى said...

اليوم في صلاة الجمعه كانت الخطبه عن بوستك
يقول امامنا اليوم ما معناه

من تتبع عورات المسلمين تتبع الله عوراته حتى وان كان في جوف بيته >>

انتهى الحديث

هذا هو الاسلام اللي نعرفه من ابائنا
وامهاتنا
هذي هي بيئتنا التي ربينا فيها

اصلحهم الله نوابنا ونبههم لعملهم
الحقيقي وابعدهم عن البحث عن الشهره
واستجداء الناخب من اجل مصلحه دنيويه
بارك الله فيكي لثورتك عليهم

ولكن لو كانت بدون شطه وحده لكانت
اكثر تاثيرا

احد المصلين من الجهره القديمه
والسلام عليكم

ابو عبدالملك said...

سؤال واحد ماراح تقدرين تجاوبين عليه

النواب هذيل اللي صرحوا بالمراقبه هدف تصريحهم هو المحافظه على الفضيله ولا الرذيله؟؟

ونبي نشوف شلون تلفين وتدورين

ابو عبدالملك said...

لو ابي اجيك على كاتبة الموضوع وعلى اغلب اللي يردون

راح الاقي صاحبة الموضوع ليبراليه ماعليها شرها ماتفرق بين الفضيله والرذيله

وتلاقين اصحاب الردود
واحد تلاقي ابوه ديمقراطي وولده علماني وبنته ليبراليه وزوجته مسيحيه وبنته الثانيه يهوديه
خوش عايله حوار الاديان مو عايله

وتلاقين الثاني
مايعرفون بالاسلام الا لا اله الا الله
واذا سالته شنو معناها يقول يعني لا اله الا الله
ههههههههههههه

وتلاقين الثالث
العايله اربع انفار
الابو عند سياره والام عندها سياره والبنت عندها سياره والولد عنده سياره وطبعا الساعه اربع العصير الابو طلع بروحه والساعه خمسه الام طلعت بروحها والساعه سته البنت داقه على صاحبها ومرها البيت وطلعت وياها والولد نعوم
ليش اسمهم عايله

هذي انواع الاسره الكويتيه
عاد انتي يابنت الشاميه وين اسرتج؟؟

Enter-Q8 said...

بو عبدالملك
شفت فيلم مصري اليهال تركض ورى واحد اهبل و تقول العبيط اهو اهو
اشرايك تروح مصر

انت صج خبل رسمي
و تاليتها وياك
داش و تكفر الناس و تقول ليبرالي و علماني و دخلت بملة امهم و عيال عمهم
مو عاجبك لا تسوي نفسك طرزان من ورى الشاشه انا ما الومك لصغر سنك
بس امصخت كل ما جددت اشتراكك مسوي نفسك مفتي الديار
الموضوع بصوب و ردودك بصوب
يا قليل الحيا شكو داش على الناس و تقوله زوجني اختك
بل هذي اخلاق مسلم اقول اركد لا و ربك اخليك تلحق عامر خليف و حزتها و لا احد درى عنك
خل اخلاقك اخلاق مسلم ملتزم مثل ما تدعي احنا صحيح مو ملتزمين لكننا مو كفار يا جاهل
و من اللحين اقولك لا ترد عقبي لأنك مو قاعد تدعي قاعد تقذف و تدخل بالنوايا
و اذا تعد نفسك داعي فامسك قوله تعالى
و ادعوا الى ربك بالحكمة و الموعظةالحسنه
باختصار انت اسوء داعي الى الاسلام روح راجع مشايخك مثل عثمان الخميس و الطويل و قولهم هذي ردودي
ان ما شاتوك فناقر و على فكرة ترى نقلت لهم كلامك بموضوع عن اسمه دعاة الجهل الاسلامي

ابو عبدالملك said...

ليش معصب
حرية راي ياقلبي احبك

الزين said...

بنت الشامية

كل عام وانتي معانا بخير وصحه وعافية

وتنعمين برضا من الرحمن واعييلج واهلج وحبايبج حواليج

ولا يحرمنا من بوستاتج هالطيبه

وعندي تعقيب صغير على الأخ اللي ناصب نفسه امام للأمه الإسلامية وحكم على المجتمع الكويتي
وحارس على الأسرة الكويتيه

بو عبدالملك
شنو مشكلتك مع الكل
لا عاجبك الشيعي
ولا السني ولا المعتدل
من عطاك الحق تحكم على الناس بالطريقه اللي قاعد تتكلم فيها
من قال انك افضل من اي واحد منا

القرآن قال وجادلهم بالتي هي احسن
عندك كلام زين حياك الله
ما عندك لا اكفينا شرك
لا انت رسول للأمه عشان نسمع لك
ولا نبي عشان نصدق نبوءتك
ولا امام عشان نتبعك
ولا مرجع ديني عشان نتبني نهجك

انت حالك حالنا سوف تحاسب
ويمكن حسابك انت اعظم لأنك قاعد تسئ بطريقتك للإسلام والمسلمين

بعدنا ما صرنا ديرة فساد بالصورة اللي انت وغيرك قاعدين ترسمونها
لازلنا مسلمين قبل لا نكون كويتيين

فلا تيي لا انت ولا غيرك تسوون روحكم افضل منا

مو عاجبك الحال
عندم افغانستان ترحب فيك وبامثالك
العراق
روح وفكنا من عقدك اللي تسميها دين والتزام

دينا دين يسر وسماحه واخلاق
وتعامل
الرسول عليه افضل الصلاة والسلام ما اخذ الرساله بالسيف
ولا امن الكثير برساله بللسان الطويل
وسوء الظن بالناس واهو ما يعرفهم مثل ما انت قاعد تسوي

رسولنا الكريم واللي المفروض تحتذي باخلاقه بما انك شايف نفسك مسلم اكثر منه ومني ومن بنت الشامية وكل الموجودين
كان سمح الخلق
طيب الكلمه
بعيدا عن سوء الظن والتأويل
ما يتهم ويمشي


كفوا شركم عنا
وانت بالذات ما اعتقد ان مرحب فيك لا هني ولا باي مدونه ثانية

ولا تيي لا انت ولا غيرك تعلمنا الأخلاق او الدين

اقول قولي هذا واستغفر الله لي ولكم
وانا لله وانا اليه راجعون

بنت الشامية
شاكرة لج سعة صدرك
ويسمحون لي القراء

بحفظ الرحمن

ابو عبدالملك said...

الزين
ليش معصب
هدي بالك
لاتعصب ترى امك تبيك
ههههههههههههههه

النعمان ابن منذر said...

ابو عبدالملك

انت سساكن في بانككوك

شارع بتاي بيتش

فيلا :مدام مكسسيم

"""""""""""؟؟؟؟؟
انا انصحك ان تقرأ القران
حتى تحسن لغتك وتعرف تكتب
كل كتاباتك فيها اخطاء لغويه
ليش الليبرالين افضل منك لغة

الزين said...

انت ما ينرد عليك
لأن ما عندك اصلا لا تمييز ولا اخلاق

نترفع عنك وطيك
ونطلب لك المغفرة والرحمه

واللي ما عنده حجه قوية يرد فيها
يسوي مثلك

الا قول لي شلون بو سفيان

:)

ابو عبدالملك said...

دام ماتبي ترد اجل مالها داعي تاخذ امور ابو سفيان

الزين said...

الرسول قال حق المشركين لما فتح مكه

اذهبوا وانتم الطلقاء

تعرفهم

!!

انا اقول لك

روح وربي يستر عليك

ابو عبدالملك said...

مااعرف ماحصلي الشرف

الزين said...

عيل على شنو مسوي روحك بو العريف وقاعد تفتي

انا اقول يا شاطر شوف لك اي مكتبه عامه وسع مداركك فيها

او تدري شلون

عندك النت
يا اخي عندك وقت فراغ بزياده

اشغل نفسك بعلم ينتفع به
شلك بطلايب المدونات

ولا احسن
دامك حريص على الدين
روح راجع حفظك للقرآن

هذا اذا كنت فعلا حافظ شي
او عندك وقت اصلا تحفظ
انت يالله تلحق على المداحر
وقذف الناس
وتوزيع التهم
وتكفير العالم

وين عندك وقت اصلا تحفظ القرآن وتدرس معانيه عشان يوصل لقلبك ويغسل الغل اللي فيه على خلق الله

الله يصلحك
ما ادعي لك الا بالهدايه
قول آمين

ابو عبدالملك said...

باين عليك بديت تحبني

شرايك نتزوج
لالا الشريعه ماتسمح

لكن الدستور اتوقع يسمح
نسوي لنا قانون ونتزوج

شفت ان الدستور مصخره

فما بما انك تحبني فحتى انا بديت احبك ف اتمنى انك ماتتعب نفسك ورا قضايه مجلس الامه والدستور لانها بكبرها مصخره

الزين said...

لا والله

مشفق على حالك

انت مسكين
تستاهل ان نتغاضى عن سفاهتك

وتدري
انا ابي الأجر من وراك
كل ما زدت بالغلط
كل ما ربي اجرني اكثر


استغفر الله
ربي يشافيك ويرفع عنك
مالنا الا سبحانه ندعيه
وان شاء يستجيب لنا

مع ان امثالك ما يحتاجون احد يدعي لهم
مو انتوا منزهين
وباقي لكم عن الرساله جبريل عليه السلام بس ينزلها لكم

ربي لا تعاقبنا بما فعل السفهاء منا

ولا تحشرنا بمحشرهم الاهي

بنت الشامية said...

ابو عبدالملك :

ابو عبد الملك وسع بالك
ما كو الا لعافيه
الله يهداك يا بو عبد الملك نقصت علي الغدا عند امي رديت البيت طايره علشان افك الاشتباكااات وارد عليك
الهون ابرك ما يكون
الحين ليش رديت على
Enter-Q8
بس بكلمتين....؟؟؟؟
حاوره ...وخل نسمع ردك على كلامه

نصيحتي لك
قول كل اللى تبي
بس لا ترمي المحصنات
اذكرك
لا ترمي المحصناااات

بنت الشامية said...

الزين :

حوارج ونسني وشال عني الهم

يعل ما افقدج

واذا تبين امسح اي تعليق انا بالخدمه

الزين said...

ولا تمسحين شي يا بعدهم كلهم

ما عندي شي استحي منه

لا تخطينا حدود الأدب
ولا تعدينا على الدين لا سمح الله

:**

صح

:)

بنت الشامية said...

Mok :

كل سنه وانت طيب
عليكم بالعافيه الله يونسكم

لا عندى احسن من الطبطبائي
يطلع عليه ترفولتا
بدز لك ابو عبد الملك...مبدع عندي بالمدونه
((((:

بنت الشامية said...

daggero :

كل عام وانت طيب

الرقابه شديده حتى علينااااا
هههههه

ابو عبدالملك said...

ماادري متى قذفت المحصنات


افا الزين طلع بنت
ههههههههههههههه

بنت الشامية said...

ma6goog :

كل سنه وانت بخير ونعمه وصخة دايمه يارب

بنت الشامية said...

reemas :

كل عام وانت يصحه وخير وعافيه
يارب
ينعاد عليكم
الله يهيديهم ويصلح حالهم
وياثرون عمل الاخره على مصالحهم الانتخابيه

الزين said...

تصدقين بنت الشامية

بغيت ارد

بعدين قلت ولا يسوى

ومن كل "...." نبح

حذفنا عليها صخره

اعتقد اني اترفع عن هالنماين ابرك

يمكن يتعلم من اخلاقنا شويه
يالله الهادي

ومره ثانية سامحيني على استباحه مساحتج

بنت الشامية said...

Nikon 8 :

انت والعائله الكريمه و على راسهم
دار عزيزه
هي راس المال
كل سنه وانت طيبه وسعيده وباحسن حال

بنت الشامية said...

Enter-Q8 :

كل سنه وانت طيب
وكل عام وانت بخير

لا هالسنه زايدين ومتزهبين
والى متى نسكت عنهم
ما خلوا احد
مستقوين علينا
وموقادر احد يردعهم
لا حيا ولا مستحي
والمصيبه انهم مصدقين انفسهم
حتى السياسه قاموا يلعبونها غلط
من الطغى اللى فيهم


اشوف رفيجك ما رد عليك
مستقوي بس علينااااا
ههههههههههههههههه

بنت الشامية said...

Flona :

كل سنه وانت طيب

حسبالهم هذا هو الدين الصحيح
الله يصلح حالهم

بنت الشامية said...

كشتيل :

كل سنه وانت طيب

الناس مجتهم و مااعتقد الناس
بتسكت عنهم مثل قبل
اللى يانا منهم كاااافى وطفحنا منهم

عن نفسي ما راح اسكت عنهم بعد اليوم
والله يقدرنا عليهم بالحق ولا غير الحق

صمت البوح said...

سوف اكتفي بالصمت


يسلمو ع الموضوع

الزين said...

لوووول

بنت الشامية

جني متربعة يمح ومشتطه حدي

:)))))



والله يالبدليااااات

يا معودة سترى على ما وايهتي

اقول

باجر مسافرة على بيروت

تامرين على شي بعد قلبي

:*

بنت الشامية said...

DiLLi O MiLLi :

كل سنه وانت طيبه انت والعائله الكريمه يعلهااا سنه سعيده علينا كلنا
يااااارب

مايدرون شيسووون بانفسهم
من تصير مناسبه بالكويت الا هااااضوا علينا...وكل من يزايد على الثاني
مثل برميه بيسال حتى وزير التجاره
زود على الداخليه والاعلام
هههه
ما يدرون ان الناس مجتهم ولاعت جبودهم منهم من سواااياهم
الله يكافينا شرهم
ويصلحهم ويهديهم

بنت الشامية said...

Anonymous :

كل عام وانت بخير

وبعدين الله يخليك لاتقولني كلام ما قلته
انا ركزت على احترامهم للاسره الكويتيه
ولا يتدخلون بدور الاب والام
فى تربية اولادهم
ولا هم اوصياء على الناس
كل من هو مسؤول عن تصرفه
امام القانون

خل هم يحترمون القانون اول وبعدين يعلمونا الاسلام

بنت الشامية said...

أهل شرق :

كل عام وانت بخير وسلامه وصحه

بنت الشامية said...

مَـــــعْــــمَــــعَـــــه :

كل عام وانت بخير

زاااااد اشوف بيدخلون بالقرعه

لاستجواب رئيس الوزراء

الحين فهمت

لكن راح فيها لفاز
هههههههههههههههههه

بنت الشامية said...

Zaydoun:

Happy New Year!

انت تعرف شعيبي المويزري ترا هو اللى قاعد يمه....واخر الصف هنااااااك من بعيد واحد ينقاله محمد المطير....ثلاث مجالس ما سمعنا حسه كله يمشى ورا خالد السلطان....الكل حسباله من سكرتاريه خالد السلطاان
؟
؟
؟
تعرفهم

بنت الشامية said...

عورات المسلمين والامم الاخرى :

كلامك ما عليه زود
بس هم واااااين .... وامام مسيدكم وين ..؟؟؟؟؟
يالله بس يراكضون ويراضون ناخبينهم.....ويملؤون الهوا فقاقيع
بس بالكلام
الله يصلحهم ويهديهم
وعلى راسى الجهره القديمه

بنت الشامية said...

ابو عبدالملك :

افا عليك يابو عبد الملك
انا ما افرق بين الفضيله والرذيله

الله يهديك ويصلح بالك
تراك دفاشه بتعليقاتك
ومو الكل يتحملها
بس بوسع صدري عليك
ولا هكذا تورد الابل يابو عبد الملك
شيل الحريم من مخك لا تستقوي عليهم
تراها هى امك واختك وزوجتك وبنتك
والمراة عوره واسهل طريقه: الطعن بعوراتها...علمووووكم تتبع
عورات المسلمات
باجر تكبر وتنضج وتشوف العالم غير
وتتحسف وتندم على اندفاعك الغير سوي
الحين بس عنفوان الشباب
شوف قيادااااتكم هى اكبر مثال لك
كل سنه وانت طيب

بنت الشامية said...

الزين :

كل سنه وانت والاهل بخير و سلام وحب وسعاده دائمه....يارب

الله لا يحرمنى منج ولا من ردودج
تدرين انت الداخله وانا اللى طالعه
وان ما شالتج الارض تشيلج عيوني
البيت بيتج
لاخلا ولا عدم
تسافرين وتردين لنا بالف سلامه
المهم استمتعي هناك وريحي بالج
والله لا يغير عليج

وبعدين فضه وشاااهين شخبارهم
تراج طولت علينااا وايد
ما عليه بعد السفره
رحلة سعيده

بنت الشامية said...

صمت البوح :

كل عام وانت بخير
الصمت احياناابلغ من اي كلام
دمتي بحب

ابو عبدالملك said...

يااخي الكويت حكومتا ونوابا وشعبا ضايعين يعني مع احترامي للكل طبعا الا البعض

يعني عيدية الشعب باول يوم بالسنه الجديده كما تدعون هو تعليق العضويه الالومبيه الكويتيه

ونتمنى من الاخت بنت حفر الباطن

ان تتكلم عن العضو صالح الملا ومرزوق الغانم

لانهم تجاوزوا احدودهم

يعني اللي تتكلمين عليهم توصيات
لكن صالح الملا ومرزوق افعال تخريبيه

ف اتمنى من بنت الحفر تسوي موضوع

ونتمنى ان تبينين لنا ماهي الفضيله والرذيله اذا ممكن يعني

أحمد الحيدر said...

والله ما أقول إلا صح لسانج يا بنت أبوج ..

لجونا الله يلجهم عالفاضي ..

تحياتي ..

Anonymous said...

أختى بالصراحة احنا ماعندنا كويت

الكويت صارت كويتين

كويت الجويهل و فجر السعيد و الناس
و اللي كل همهم يحتفلون براس السنة

و كويت الناس الطيبين المحافظين و اللي مالهم شغل براس السنة و أهم شي تبقى بلدهم طاهرة و محافظة

الفئة الأولى .. لما يطلع واحد صاحب سوابق من حزبهم ( الجويهل ) و يتلفظ بكلام قذر على شاشات التلفزيون عادي عندهم و يمكن مستانسين بعد .. و لا يعتبرون هالشي خارج عاداتهم و تقاليدهم

لكن لما يطلع نائب منتخب من الشعب و يطلب من الدولة أنها تقوم بدورها و تمنع المخالفات اللي هي بعيدة عن أخلاق
أهل الكويت و أخلاق العرب و المسلمين كلهم .. يعصبون

ياليتهم عصبوا على شيء يشرف و
يرفع الراس


الله يهدي الجميع

ابو عبدالملك said...

Anonymous said
هذا الكلام الطيب اللي يبرد الجبد
مو اللي يدافع عن الرذيله

abo3li said...

كل عام والجميع بصحة وعافية وخير ...

فعلا تصريحات تنم عن قصر نظر صارلي زمان ماضحكت يزاهم الله الف خير ...

سود الله ويهه العدو ... بلوه وبتلينا فيها ...

للجميع تحياتي ...

بنت الشامية said...

أحمد الحيدر :

ويسلمن من قرا
كل سنه وانت طيب

بنت الشامية said...

Anonymous said... 2
ليش اختزلت الكويت بفئتين
حسب رايك فقط ..لا يا اخي المجتمع
مئات من الفئات في الكويت والعالم
فيها يعجبك وفيها من تكره تصرفاته
والحكم هو القانون واحترام النفس
والدوله يجب ان تكون سسهرانه 366يوما
على تطبيق القانون
يعني عطلات الفطر والاضحى وراس السنه الهجريه ...الاخوان يصمتون وكان
السهر ومخالفات القانون لا تكون الا في هذه العطله .....سسبحان الله على تفكيرهم

العطله عطله ....ياخي والناس احرار

إلا من خالف القانون واعتدى على حرية الاخرين
اما فلان وعلان هم النموذج الاوحد اللذي وضعت انت اغلبية الشعب في مستواه ...فقط لانه خالف القانون وخرج عن الادب العالم
تقوووول انه يشكل نصف فئة المجتمع ؟؟
حرام عليك ياراجل
انت غاطان ؟

بالنهايه ...هؤلاء عملهم داخل قبة البرلمان فقط وميانتهم داخل سسور بيتهم على اهلهم فقط

اما من يملك حق التوجيه للمجتمع هو
اولي الامر سمو الامير وسمو ولي العهد
هؤلاء فقط لهم الحق
اما زعيط ومعيط ...محرد انه نائب
بدأء يعطي نفسه... حقا لا يملكه
هذا غبر مقبول للاسره الكويتيه
التي يديرها الاب والام

شكر لمشاركتك وحياك الله

بنت الشامية said...

abo3li :

وانت بصحه وسلامه
كل سنه وانت طيب
ما خلوا شيئ ...سووا الاسره الكويتيه
لا دين ولا مذهب لها
كله تهديدات وضوابط على الاخرين
ماراح نسكت لهم بعد اليوم

ابو عبدالملك said...

بنت حفر الباطن
لاتسكتين واذا تبين كلاش ترى عندي اثنين لكن بدون طلق

بنت الشاميه said...

ابو عبدالملك :

لا تاخذها غشمره
ترا باجر يطبون عليك ويسحبونك
وانت على نيتك
قلبك ابيض بس لسانك يلوط اذانك

التوقيع

بنت حفر الباطن
ابيع يقط ودهن عداني
وعلى الربيع ابيع فقع
والسلام عليك ورحمة الله وبركاته

ابو عبدالملك said...

انتي قلتيها لي متى نسكت

فلسطين راحت وسكتنا
وافغانستان وراحت وسكتنا
والعراق راحت وسكتنا
والحين الدور جاي على اليمن
صرح رئيس الوزراء البريطاني ان اليمن تهدد الامن العالمي

السبب:لان اليمن اصبحت ملاذ امن للقاعده انتهى.

شرايج يعني بداية حرب صليبيه جديده باسم القضاء على الارهاب

ويبونه نسكت
انا مو خايف منهم اقولها لج بكل صراحه وادخلي بلوقي وشوفي شنو اكتب
لكن ماودي انسحب بسبب واحد
اللي اهو علشان الوالدين بس

Anonymous said...

وشنوا فادونا نواب الحريات !

اخرتها باعوا الديره برخيص وقت التصويت على البوقات ماشفنا لا الملا ولا اسيل ولا ربعهم وقفوا مثل وقفه الاسلاميين

ابو عبدالملك said...

لله درك يا Anonymous

Anonymous said...

لديهم خلط بين الكريسماس والسنه الجديدة....لم يعرفوا الفرق بأن الأول عيد مسيحي خاص والثاني مناسبة عامة لا ترتبط بالأديان.
الغرب ربط المناسبتين مع بعضهم البعض...ولكن هذا لا يعني أن نربطهم نحن.

كل عام والشعب الكويتي بخير... كل عام وكويتنا الحبيبة بخير...والله يهدي نوابنا ويركزون عالأهم

تحياتي

بنت الشامية said...

Anonymous 4 :

كل سنه وانت طيب

هم خلطوا علينا كل الاوراق
بتشددهم .....وعدم تسامحهم مع الديانات السماويه الاخرى

الله يصلحهم

طموحة مملوحة said...

يعني ماكو دق ورقص :(

حتى لو بحوش البيت ؟؟؟ :(

بنت الشامية said...

طموحة مملوحة

بحوشكم ميخالف
بس عند باب السكه لا ما يصير
الله يهديهم ويصلح حالهم

ابو عبدالملك said...

بنت الشاميه

قريت لج رد صراحه استغربت منه
يعني ردج ياانج جاهله بالدين او انج تتعمدين

يعني متشددين لانهم ماعندهم تسامح مع الديانات الاخرى

ياسلام على الاسلام اللي تعرفينه
انا ماابي اقول لج قال الله وقال الرسول لاني لو ذكرت ايه او حديث راح اقطع الحوار

لكن ابي اذكرج شغلات من واقعنا وبعدها اتمنى تقولين لي تبين نتسامح او لا

اولا على الديانه المسيحيه المحرفه
1 البابا بنديكت السادس عشر اهان الرسول والاسلام
2 اهانوا الرسول برسوم كركتيريه
3 احتلوا افغانستان
4 احتلوا العراق
5 تقديم الدعم المادي والمعنوي والعسكري لاسرائيل
6 لايعترفون بان الدين الاسلامي دين سماوي
ثانيا على الديانه اليهوديه المحرفه:
1 وصفوا الكويت بانها دوله ارهابيه
2 قتلوا اطفال المسلمين بفلسطين
3 اهانوا الرسل والانبياء
4 حرقوا المسجد الاقصى
5 لايعترفون ان الدين الاسلامي دين سماوي

والاخت الفاظله المحترمه الطيبه العقلانيه وحطي تحتها الف خط تبي نتسااااااااااااااامح معهم
هههههههههههههههههه
شوفي هذا اللي يبتعد عن الدين وياخذ فكر منحرف غير اسلامي
سبحان الله يصير ماعنده غيره
يعني جيرانهم يقتلون من قبل الكفار
واهي تقول نتسامح مع الكفار
سبحان الله

شغلي عقلج عدل تكفين لو مره وحده وفكري منو عدوج هل هم المطاوعه او الكفار؟؟